秋香 (康景花園)

營業中

休息中

食過午餐多次，今次係首次響秋香食晚餐，平時同兩老去食晏唔會「擒」上吧枱坐，今次同哥哥坐窗邊吧枱，夜晚有另一番景象。前菜雙拼咗明太子沙律跟黃金魷魚，明太子沙律食落嗦嗦聲，唔鹹嘅明太子，好驚喜，黃金魷魚都係嗰種味道，無乜特別。免治雞肉棒內有雞軟骨，好有層次，醮蛋加醬油食，其實有少少膩，不過整體嚟講係好味嘅。大圓茄子啖啖茄肉，醬油味剛好，唔會好鹹，唔錯。椒鹽雞軟骨夠脆，熱辣辣好好味。泡菜豚肉煲仔飯份量不能看少，足有兩碗飯，餸料相對好足，泡菜好多，肉亦唔少，味道頗濃，撈咗蛋漿都係有點膩，無飯焦嘅煲仔飯，都好味嘅。

我哋過了午市繁忙時間才入席，但都要等了約25分鐘，才上食物。$148再加一的午市串燒：串燒唔好食。豬腩肉肉靭、牛肋肉有𡁻口😓、雞翼勁大浸雪味、蕃茄菠蘿正常（其實都好難唔好食😂）。已經主打串燒都可以咁既質素，真係…最過分係嗰「飯」。上碟時一望已覺得怪怪，因為每粒米的顏色有半粒都是白色，似是未熟透。吃了一啖，硬到不能入口。立即向侍應小姐反映，他說因為是日本米，所以比較硬。我真的忍不住說：我在日本也未曾吃過這樣質感的米。然後他把飯退回廚房。隔了2分鐘後，換上另一碗飯，這碗是熟透的飯，質感是偏硬，但可以入口的，一定不是剛才那款生米的硬。$208 再加一的午市牛舌芯煲仔飯。質素ok , 但唔係每舊都係最冧嗰part，同埋唔值呢個價錢。試一次就夠。隨餐附送可樂，以為係一罐罐（全間鋪頭放滿一罐罐汽水），點知係低成本半杯冰可樂（飲到尾好淡、好多水）。呢個價位的午餐（人均$200），offer 呢款可樂，真係…..總結：環境適合打卡。食物質素👎🏻見到其他人評語預左未必好好，而今次個人經驗都覺得性價比好低、串燒質素欠佳、一定唔會再有下次。

想搵一間特色既餐廳同朋友食飯，於是我地就入屯門點「秋香」，聽個名已經好特別。秋香個名好中式，但入面既感覺係日式復古居酒屋～多左一種反差萌，店內有星爺日明句「別人笑我太瘋癲，我笑他人看不穿」絕對係打卡位😎🤟🏻但店內播既係日文歌🤣個感覺好得意～我地叫左4個set⭐️真.牛舌心煲仔飯（$208）佢地既煲仔飯係必點之一，牛舌切到細細粒有口感但唔韌，加埋雞蛋洋蔥蔥花等配料加埋佢煲仔飯既醬汁撈埋一齊真係好好食而且仲有飯焦無得頂😋我地食完再將另一個set既飯倒落去撈都仲好夠味😋⭐️冬陰功大蝦蟹肉手工意粉（$88）冬陰功意粉出面唔多有，一於試試佢，手功意粉好彈牙，意粉好足料,好多隻大蝦，冬陰功醬唔會太辣，怕辣人士都食得🫶🏻成個意粉味道都好夾好出色😋⭐️秋香串燒盛（$148）串燒盛入面有「牛肋骨，日本豬腩肉，雞翼，菠車厘茄」豬腩肉真係好好食！肥而不膩，調味岩岩好～好食！牛肋骨都唔會太靭，好香牛味同有咬口🥰雞翼都燒到好香脆🤩菠蘿同車厘茄好Juice 好甜😋全部都好夠味，唔洗額外點調味。我地就係將呢個set既飯放埋落真.牛舌芯煲仔飯到撈，都仲係好夠味！正⭐️太陽蛋煙肉薯餅牛角包窩夫配薯條（$98）牛角包窩夫本身都好

這家煲仔飯有不少好評，想試了很久，終於趁老公生日來慶祝。 燒牛舌芯‘正’；紫菜尤魚天婦羅不錯吃，但硬了一點；甲羅燒“超正”，空口吃較夾著多士吃更美味；招牌白鱔煲仔飯，白膳肥美，飯都不錯，其實$2xx都幾貴，但重點是好吃。

朋友生日搵左依間在附近的餐廳食飯門面的位置已經非常吸睛極上二人前 鹽燒白鱔煲仔飯套餐包括了：➡️前菜➡️火炙の物(蟹肉+三文魚+鯛魚+威士忌蠔)➡️炸物(炸蝦🍤+炸雞🍗+炸芝士波)➡️串燒(和牛粒+雞全翼+黑豚+雞脾菇+秋葵+菠蘿🍍)➡️煲仔飯 ➡️甜品· 白鱔煲仔飯 真的！超級好吃😋白饍肉質厚實🤤煲仔飯的重點當然是飯焦 勁香勁好食 ·整體全部都好吃😋雖然是少貴 但都值得再去🤗飲品方面 比較普通 不喝酒的我 真的不懂得欣賞酒的味道 真的非常抱歉

專登入左屯門試下隱世煲仔飯，餐廳環境氣氛良好，有特色。二人餐首先有前菜有味噌湯，威士忌燒蠔好正，帶酒香之餘仲保留緊蠔嘅海鮮味，食落都好Creamy。串燒拼盤，日本厚切豚肉串及牛肉串，肉質非常鮮嫩，啖啖肉汁，肉味亦都非常香濃。除咗肉類仲有燒車厘茄同埋菠蘿。炸物拼盤，有炸多春魚、海苔魷魚、炸雞塊，特別推介炸多春魚，炸粉好薄，而且好香脆。嚟到一定要食煲仔飯，我哋揀咗玉子蟹肉蟹柳蟹膏大混戰煲仔飯，蟹棒同埋玉子，勁大嚿勁厚身，中間仲有勁多蟹膏同埋蛋黃，撈埋一齊食，真係好邪惡，嚟到一定要試吓。食完飯點少得甜品，有脆脆乳酪配綠茶蕨餅。之後仲叫咗啤酒同埋黎明來到，黎明來到有啲似雜果賓治酸酸甜甜十分開胃。

隱世屯門嘅煲仔飯，我哋終於入嚟食。叫咗個二人餐，有前菜有餐湯有串燒拼盤有炸物拼盤仲有一個煲仔飯，我哋揀咗玉子蟹肉蟹柳蟹膏大混戰煲仔飯。個威士忌燒蠔好正，唔會太熟仲保留緊蠔嘅海鮮味，脹卜卜好易入口，好Creamy！炸物方面有炸魷魚圈多春魚同埋雞件，勁鍾意食魷魚，因為入邊有成條魷魚嘅感覺好新鮮炸粉又唔會太多。串燒拼盤超抵食，有和牛，有燒車厘茄燒豬腩肉仲有燒菠蘿。終於到個煮食係玉子蟹肉蟹柳蟹膏大混戰煲仔飯！超大條玉子蟹柳，然後勁多蟹膏+1個生蛋撈埋一齊口感，好豐富，每一啖都食到有蟹肉，啲飯啱啱好有少少飯焦好香口！估唔到呢度嘅煲仔飯就係咁隱世。飲咗杯米酌，同黎明來到。食吓串燒，再望吓四周圍寫住唐伯虎點秋香，原來呢間舖頭嘅名就係甘黎。

聽聞呢間餐廳嘅煲仔飯好出名，呢日行開置樂，終於有得食啦。搭K51過嚟置樂呢度好近架咋，記得唔好傻豬豬由輕鐵站行過嚟🤣。👉🏼韓式泡菜豚腩肉煲仔飯 $158我哋今日叫咗兩個lunch Set，隨set附送一碗麵豉湯、一碟沙律菜以及一杯嘢飲。煲仔飯食到最後略嫌濕咗少少同有點兒鹹，不過飯焦真係做得好出色，成個底都有卜卜脆嘅飯焦，食得好過癮😆。👉🏼香辣雞肉雞腎雞肝煲仔飯 $168幾搞笑嘅一個煲仔飯🤪，平時食開嘅煲仔飯只係得雞肉，從來未試過三樣撈埋一齊食。3樣餸都係啡色，所以要咬到落口先知道係食緊雞肉定係內臟，幾有驚喜😆。👉🏼海苔魷魚天婦羅 $58即炸熱辣辣，咬落唔會好韌，份量都多，要share黎食先食得曬～

秋香環境裝潢最先吸引我訂位的理由，地方是偏差一點，如果有更仔細地圖說明，一開始就不會巡了一圈才看到貴店。不過食物都很精緻，色香味齊，飲品選擇也很多，員工亦很照顧我們。而今日最好的點子是，我們想吃個餐後甜點來結束這晚上的聚會，當服務員呈上這個寫著生日快樂又美美擺盤的甜品，我們都很是驚喜；因為沒有特別要求，而店家會為我們貼心寫字。所以很滿足這個尾聲!!!

之前同班朋友放工黎食過，今次係第二次黎食。呢間日式餐廳環境好唔錯，上次係黎食串燒，呢度D串燒好好味。呢度唔單只有燒物🍠，炸物🍤，還有多款暖笠笠嘅煲仔飯，仲有我們鍾意嘅Cocktail🍸同酒 。今日order左自家製免治雞肉棒$58，配上鲜雞蛋+照燒汁，好惹味，一點也不膩。秋葵釀蝦肉(醬燒)$38，醬汁甜甜地，好開胃。跟住威士忌燒蠔(兩隻)$108，唔係全熟，只係輕輕燒過，有好濃嘅海水味。👍👍👍辣脆炸一字骨手羽$68，十分香脆。配埋一口space rock$68🥃,冰凍夠氣，十分暢快。最後再叫一杯招牌貨唐伯虎(混合梅酒，sake，绿茶，柚子酒)🍸$78清新，爽🧊放工黎同朋友食吓野，暢敘吓，nice👍

秋香位於屯門青善街康景花園地下，位置有點隱世。環境🌿餐廳門前散發出泰國渡假🌴feel，裏面裝修卻古色古香，店內亮起柔和橙光的飾燈，牆上掛着一首用毛筆字寫的對聯，富有格調。服務🌿:店員笑容滿面😃，好客主動，真的很窩心💕;QR code下單點餐🍽📍白鱔煲仔飯🥣$238💯有五大塊鱔魚，不是薄薄的。每塊鱔魚皮燒得香脆，白鳝厚身肥美，啖啖肉。白鳝肉肉質細嫩，經過鹽燒，味道鮮甜。白鱔的鮮汁和香氣渗入米飯，使米飯更香糯更香口。最後細味焦香的飯焦，很滿足。📍五色海藻沙律$38帶有淡淡的咸味，口感清爽📍日本味噌釀蟹蓋🦀$68💯绝對抵食🤩金黃香濃嘅蟹膏，一絲絲鲜甜嘅蟹肉，配上暖烘香脆嘅麵包🥖，好味😋📍黎明來到🍹$48📍Premium(Malts)黑啤🥃$78香濃麥味，酒質幼滑下次會再回來💕

香辣雞肉雞腎雞肝煲仔飯嚟到秋香一定要試好出名嘅煲仔飯，今次試吓特別啲嘅「內臟」煲仔飯!🤣 雞肉雞腎雞肝切到細細粒，每一啖都會識到唔同嘅配料!本身都擔心會好些，不過完全冇!個辣味醬汁非常惹味香口同啲配料好夾，令到你想繼續食落去，停唔到口!😋😋😋串燒點咗牛同日本黑豚分享! 啲串燒喺即叫即燒，燒得好香，肉質仍然好嫩滑好Juicy! 如果想試多啲唔同嘅串燒可以嗌套餐!😋自家蜜餞檸檬西柚伯爵茶蜜餞香甜連同檸檬同西柚嘅清香帶畀人一種飲落好舒服嘅感覺，覺得好適合配串燒嘅飲品!香橙乳酸青檸梳打梳打入面喺由橙汁、青檸、乳酸調配而成，味道酸酸甜甜，好夏口，清爽去油膩!小總結🦁秋香雖然喺小店，但喺裝修完全唔馬虎，感覺好Chill，同朋友小酌傾計嘅好去處! 不過假日會多人，記得要make a reservation!😇

上網見到好多人推介秋香煲仔飯，即刻訂位試試，不過地點不太方便，搭輕鐵仲要行一段路先到。入座時已經好多人，好彩有訂到位，舖仔細細但餐牌都有好多選擇，見到隔離枱叫咗人氣推介辣三文魚他他爆脆大混醬，我地都叫一份；仲有馳名煲仔飯係必點，我揀咗玉子蟹肉蟹柳蟹膏大混戰煲仔飯，試下有幾混戰；另外叫一串澳洲和牛牛舌芯同埋兩杯飲品。辣三文魚他他爆脆大混醬混有辣味的三文魚配上卜卜脆餅，沾埋醬汁，脆餅和辣三文魚一硬一軟，口感豐富。玉子蟹肉蟹柳蟹膏大混戰煲仔飯主角煲仔飯有玉子、蟹肉、蟹柳、蟹膏，混和一起再加有飯焦的煲仔飯，超級惹味，見到隔離枱的白鱔煲仔飯都不錯，下次可以試下澳洲和牛牛舌芯和牛牛舌外皮燒得好香脆，內裡軟軟的，調味剛剛好黎明來到見到個名好想試下，味道似雜果賓治，好好味柚子青檸梳打青檸配柚子清新怡人，消暑解膩一流

秋香難得去屯門幫朋友就去搵一間特色既日式串燒料理店🔸 芥末八爪魚呢樣係我既飛佛因為覺得黎食呢類舖頭，一定要點d佐酒小食。呢類就啱啱好呢！咸咸地，有wasabi 味，又 come 𡁻好啱我胃口🔸日本爆春多卵魚燒多春魚就食得多但係炸，就比較少呢炸漿好薄身，唔會有好肥膩既感覺魚就正常發揮，多春魚既春仍舊咸香好味🤤🔸日本味噌釀蟹蓋可能真係新鮮食呢隻甲羅燒同自己買雪藏果d真係完全冇得比呢！鮮雞蛋攪拌，然後搭配旁邊既呢個價錢我覺得好抵食！🔸串燒- 雞肝-日本岩手雞皮-日本厚切黑豚肉-阿波雞肉自從燒肉燒過雞肝後見倒一定係必點另外食串燒係一定要食肥仔之選雞皮嫁。因為我由細到大都好鍾意食雞皮，所以無得唔叫！黑豚肉仲要厚切！係食每一啖都有小小油咇岀黎！完全估唔倒豚肉可以肥美到咁呢阿波雞肉因為未試過，友人又強烈推薦，就叫黎試下丫！又幾滑幾有雞味！日本雞真係有分別！🔸 鹽燒虎蝦兩隻大大隻既鹽燒虎蝦！因為佢開左小小邊，所以佢既鹽好入味！成隻蝦都好鮮甜彈牙。正！🔸 鹽燒白鱔煲仔飯終於到左我最期待最想食既菜啦！每一塊白鱔都勁厚勁實勁彈牙仲有雞蛋攪拌，煲仔飯仲要有飯焦呢道菜接近100分咁好味呢🤤🤤🤤特色又local

( ͡° ͜ʖ ͡°) 秋香❝ 日系復古風居酒屋秋香名物—白鱔煲仔飯 ❞荃灣友都幾鍾意去屯門搵食 秋香 淨係個名已好特別而隱世小店就更加吸引到我黎到一定試佢名物鹽燒白鱔煲仔飯白鱔厚肉肥美 好有口感 再配埋小小飯焦非常惹味 一定會清哂！另外有多款串燒同佐酒小食串燒用心即燒 重有我最愛嘅雞肝 正！星期一至四重有ladies night送杯cocktail當日係花香味gin 好飲～環境好適合邊飲酒傾下計邊食嘢✿ 鹽燒虎蝦(兩隻）$68✿ 牛舌芯 $68✿ 芥末八爪魚 $48🌟✿ 日本爆春多卵魚 $68✿ 雞肝 $32🌟✿ 日本岩手雞皮 $ 28✿ 鹽燒白鱔煲仔飯$238🌟✿ 日本味噌釀蟹蓋 $68✿ 日本厚切黑豚肉 $48✿ 阿波雞肉 $42✿ 啤酒 $78╰☆* 推介指數：🌕🌕🌕🌖🌑‘𖤘◦″ 𖤣 秋香 (康景花園) (屯門)屯門青善街38號康景花園地下26-27號舖🤤跟我搵食～請follow: @when_she_bites✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿