秋拾米線

營業中

休息中

前排經過新蒲崗見到有間米線新開叫秋拾米線，小店餅位置唔算好多，星期五晚上要排隊先可食到，好好生意。叫左2 碟小食，自家製手作蝦多士同埋八味豆腐。蝦多士係有原隻鮮蝦，炸得好香卜卜脆，入口唔會油淋淋；豆腐係一口細細粒椒鹽豆腐，豆腐好滑，即炸熱辣辣，要小心吃。招牌魚腐米線配招牌豬骨湯 bb辣，湯底配左豆腐卜、菜苗、芽菜，當然唔少得魚腐，有魚肉但又無腥味，另外仲有加左豬軟骨同埋通菜。炭燒豬頸肉米線配秘製酸辣湯，bb辣好輕微，湯底清清地，唔要既配料可以走，即走芫茜！炭燒豬頸肉份量好多，燒到個皮好脆，加埋個泰式汁好好食，推介！見到每枱都有人食！應該都係signature！另外點既墨魚春卷同千層豆腐就不過不失。加配飲品有優惠價，檸檬益力多，好濃郁唔稀，檸檬好清新；凍檸茶就正正常常，茶味香。

午飯時間見到呢間位於新蒲崗嘅米線鋪, 人氣超旺, 所以今日特登去試下。12:00左右去到, 鋪頭出面都企滿哂人等位同外賣嘅人, 舖內環境比較擠逼, 見到咁多人食梗係唔執輸照等啦, 排咗大概幾分鐘左右, 都算幾快。原來佢哋好多餸都係自家製, 有啲仲好似車仔麵咁可以加餸, 用QR code掃下落單, 都好方便, 服務態度都唔錯。炭燒豬頸肉酸辣湯米線 - $55要讚下個apps, 選擇多, 又清晰, 又容易明白; 我揀咗秘製酸辣湯底, BB辣, 我都覺得少少辣但好惹味, 但無咩酸辣味, 米線算係比較腍身; 炭燒豬頸肉真係好正, 醃得夠入味, 而且仲燒到有少少焦脆嘅感覺, 份量仲好多, 豬頸肉微辣好香口, 配埋泰式醉辣汁解膩, 個醬真係好有風味。招牌魚腐米線 - $49個豬骨湯味道唔錯, 夠味但係唔會有味精感, 都幾清甜, 仲要咗小辣; 呢個魚腐係自家製, 魚肉比例幾多, 實心有魚肉味, 好似琵琶豆腐, 食落軟腍, 清清地幾好食! 另外加咗魚肉春卷, 魚肉春卷都幾彈牙, 春卷入面仲有d 墨魚肉膠, 唔錯呀!自家製手作蝦多士 - $22賣相好掂嘅自家製手作多士, 超鬆脆, 蝦肉好爽口彈牙, 仲有

屋企附近開咗呢間米線舖，超級高質，已經成為咗我嘅飯堂。佢用QR code落單，好方便。我哋點咗兩碗米線同埋一啲小食。首先係慢煮豬軟骨米線，豬軟骨經過長時間的悶煮，肉質鮮嫩多汁，與米線的口感完美結合。湯頭濃郁，帶著豬骨的香氣，令人回味無窮。另外仲點左炭燒豬頸肉米線，豬頸肉經過炭火燒烤，外層炭燒香氣四溢，內部肉質嫩滑多汁，配搭酸辣湯底，非常惹味。小食方面，紅油拌皮蛋開胃又好味。上湯翡翠苗清淡而鮮美，翡翠苗的嫩葉在上湯的滋潤下保持著鮮綠的色澤，口感脆嫩。百味豆腐外脆內軟，正。

前排新蒲崗開咗間米線鋪，喺假期嘅下午鋪頭出面都企滿哂人等位同外賣，見到咁多人食梗係唔執輸去試下，排咗大概十分鐘左右就輪到我，都算幾快。🍜招牌魚腐酸辣湯（小辣）通心米線+豬軟骨+麻辣雞球第一次見到米線鋪有通心米線，就加一蚊叫黎試下，個人覺得通心米線更加索湯同入味，比普通米線更加好味；米線嘅配料都好豐富，有炸醬、花生、木耳等。👍招牌魚腐：同喺普通米線鋪食嘅魚腐唔同，佢係實心同用新鮮魚肉製作嘅，有好濃嘅魚味。👍👍豬軟骨：無論肉定軟骨嘅部份都燜得好稔，仲要都好入味。👍麻辣雞球：雞球係無骨雞脾肉，所以肉質嫩滑，食落都唔算好辣。🍜 豆花撈米線+鹵水腩肉+翡翠苗+鹵水鷄翼豆花軟滑，豆味都算突出。米線偏幼煙靭滑溜，分量頗多，撈埋豆花炸醬味紅油道剛剛好，鹹辣分明，花生米炸得乾身，撈炸醬同米線很搭。👍👍鹵水腩肉：肥膏入口即融，入味且軟身，不會膩👍翡翠苗：少見的配料，嫩葉及嫩莖爽脆無渣，食落去口感清新👍鹵水鷄翼：size都幾大隻，頗重鹵水味🍖 炭燒豬頸肉豬頸肉嘅份量超多，自己一個人食應該唔會食得哂；豬頸肉燒得岩岩好，每件都充滿肉汁，唔會好乾身，附送嘅泰色醬汁味道酸酸辣辣，好開胃，好岩配豬頸肉一齊食。🍤 蝦多

今日係新蒲崗收工無意中發現呢間米線舖好多人食，就入去試吓啦同一般米線鋪唔同係秋拾米線好多小食揀,同出面坊間不套一樣，唔知係咪太肚餓樣樣都想試。麻椒鮮魚皮（$28）爽口又過癮，抵食。招牌原塊燒豬頸肉（$45）非常香口好食，唔乾身有炭燒味,令到你食唔停口。紅油伴皮蛋（$13） 皮蛋靚溶溶地,如果紅油轉埋麻椒仲正。煎釀三寶（$21）四件係用自家製鯪魚肉加冬菇，健康又美味。講返米線，我叫左慢煮豬軟骨bb辣（$58）湯底清清地唔係味精湯飲完唔口渴,好耐未試過食完米線仲有豬軟骨，證明佢份量夠。配菜唔係生菜係荳芽苗就足以證明佢嘅誠意。另一碗係自選兩餸魚腐同墨魚春卷轉埋淮山麵（$65）魚腐夠厚身有魚味，墨魚春卷足料彈牙，淮山麵清爽有益。整體來講，呢間小店值得回頭，價錢唔貴款式又多，難怪門口常排隊等位。

新蒲崗呢到有好多食市，最近新開左間米線勁想試.ᐟ‪.ᐟ‪.ᐟ‪呢日收工同朋友去到都7點幾，好彩有位唔洗等，但逼左少少🤏🏻我哋好餓，叫左好多小食😋· - - · - - · - - · - - ·🔸 炭燒豬頸肉米線🔹 自選酸辣米線（少辣）🔸 招牌手作蝦多士🔹 越南炸春卷🔸 紅油拌皮蛋🔹 檸益🔸 檸檬蜂蜜柚子茶· - - · - - · - - · - - ·炭燒豬頸肉米線，份量唔細，豬頸肉超級好食，湯名清甜，個米線好食🍜😋朋友話佢個酸辣米線唔夠辣，下次要叫辣啲🥘🌶️至於小食，真係令我心心念念😋由其係招牌手作蝦多士！ 即炸出泥，脫卜卜同埋好大隻蝦🦐 好彈牙！越南炸春卷都好正，佢真係用越南炸皮出泥個春卷外層係一絲一絲個種，呢個係正宗既越式春卷既脆皮，好正🥹🫶🏻紅油拌皮蛋都好好食，而且好抵食$13 炸抵食小食之選🤤檸益｜檸檬蜂蜜柚子茶🍋🍊🍯檸檬加益力多呢個組合出面都無乜見過，幾得意。而檸檬蜂蜜柚子茶好味，養生的感覺( ˶'ᵕ'˶) 整體呢間新米線都好好食，就係逼左少少🤏🏻

最鍾意周圍去食米線 今日嚟到新蒲崗康強街唔係好多地方有啲食新鮮魚皮 即刻叫返個仲要係口水涼拌汁 開胃同埋魚皮新鮮一定要用啲濃啲嘅汁 仲買咗越南春卷 新鮮炸熱辣辣 小食份量都唔錯我要咗麻辣雞球，滷水雞翼，蠔油冬菇 ，米線，麻辣湯麻辣雞球幾特別，煎炸香左雞扒粒，然後再用麻辣汁煮，湯底麻辣唔係好麻 辣味居多 感覺上應該配清湯比較好好食 呢度似車仔麵多過食米線 所以我下次會食其他麵底！女朋友食咗豬頸肉米線 豬頸肉泰式嗰種亦都有泰式酸辣汁 豬頸肉勁大塊，而且切得厚薄均勻 厚度亦都係易入口，又不失口感嘅厚度！正！

平日夜晚7點到已經見到鋪頭坐滿人，好彩咁岩有兩個位。佢呢度d小食幾好，細細份，兩個人食可以每樣都試少少。皮蛋味道正正常常，不過不失。佢既越南炸春卷同蝦多士都好好食，即刻炸熱辣辣，蝦多士真係有成隻蝦，非常出色，推薦！見佢有檸檬益力多咁特別，叫左黎試下，飲落就係益力多大杯版，都ok!叫左一個豬頸肉米線同自選酸辣米線，豬頸肉又係好好食，同埋份量都幾多。酸辣米線就普普通通，唔算太特別🙂整體黎講呢間小店d小食比米線出色！

慢煮豬軟骨酸辣湯通心米線通心米線第一次食，幾過癮豬軟骨肉嘅部位都幾腍炭燒豬頸肉酸辣湯米線米線煮得剛好，要讚👍🏻好怕食淋米豬頸肉外層焦脆，肥美軟熟點泰式醉辣汁解膩自家製手作蝦多士脆炸香口，點芥末食幾夾喎😌八味豆腐冇諗過 $24份量咁多😳仲要好好食，豆腐好滑

好耐無落黎新蒲崗食嘢，原來開咗間新嘅米線 , 見到佢小食居然有蝦多士，好吸引。✨招牌魚腐米線：個豬骨湯味道唔錯，夠味但係唔會有好重味精感幾清甜。 呢個魚腐係自家製, 魚肉比例幾多，食落軟腍，入面仲有豆卜同埋腐皮.另外加左其他餸，墨丸同魚肉春卷幾彈牙，春卷入面仲有d 墨魚肉。✨滷水雞翼就好腍好入味✨上湯娃娃菜：個湯加埋個娃娃菜同杞子仲甜，清清地唔錯.✨慢煮豬軟骨米線：呢個係我鍾意既豬軟骨，d 骨炆到好似jelly 果種。另外加咗個千層豆腐，幾滑幾索湯。✨蝦多士：賣相唔錯自家製手作，個多士好鬆脆,蝦肉好爽口彈牙，點埋個芥末沙律醬好好味。另外我見隔籬枱好多人都點嗰個百味豆腐都好吸引，下次要再試下。

______________________________ 新蒲崗新開的米線店 食米線又多間選擇🤌🏻店面唔大 週末經過見佢哋長期坐滿客人我當日星期五晚去到都等咗一陣位 開業冇耐已經好受街坊們歡迎🫡______________________________ / 招牌魚腐•秘制酸辣湯•通心米線 /另外加咗 麻辣雞球 • 豬軟骨 兩款配料兩大舊豬軟骨 真係比佢個份量嚇親足料之餘 肉質鬆化入味 軟骨口感Q彈🔥麻辣雞球好入味 雞肉好嫩 辣得好惹味🫡另外仲加錢轉左通心米線 更加吸湯😎______________________________ / 八味豆腐 / ʜᴋᴅ21好可愛嘅粒粒炸豆腐 外皮薄脆 中間豆腐超嫩滑 高 質 ！/ 細煎釀三寳 / ʜᴋᴅ24有細/大 兩個份量選擇 揀咗細份但都絕對唔細兩件冬菇 大大件嘅茄子 同有件尖椒佢哋嘅鯪魚肉調味好重好特別唯一係整體炸得油左少少 但食得出有用心調配過!/ 炭燒原塊豬頸肉 / ʜᴋᴅ45必叫嘅一款小食 !!份量超多 食落爽脆油脂分布平均外層脆卜卜帶焦香 加埋佢個醬汁一流 絕對會想為咗呢個豬頸肉encore🔥🙏🏻

👦🏻上網見到呢間米線鋪有好靚嘅豬頸肉，所以特別約我去食🤣。原來佢哋好多餸都係自家製，夠晒誠意。✨炭燒豬頸肉米線 $55紫菜 +$6木耳 +$6揀咗秘製酸辣湯底（小辣）。👦🏻覺得少少辣但好惹味。👩🏻連十小辣都食唔到，所以覺得呢個湯都幾辣🤣。炭燒豬頸肉真係好正！醃得夠入味，而且仲燒到有少少焦脆嘅感覺。份量仲好多！✨德勝玲姐豆花撈米線 $38蘿蔔 +$6魚腐 +$10冬菇 +$10炸醬份量好多，仲有少少辣醬，食落幾惹味。豆腐好滑溜，撈埋會覺得冇咁辣。魚腐係佢自家製，魚肉比例特別多同鮮甜。估唔到竟然係用蠔油冬菇，爽彈入味，甜甜地幾好食。✨百味豆腐 $24炸粉好薄，外面脆卜卜，裏面係百福豆腐嗰種水嫩。✨蝦多士 $22新鮮炸起香脆唔油膩，蝦肉特別大隻而且彈牙鮮甜。

特意光顧，支持試業中的良心小店。用餐環境：-傍晚時段二人入座，環境比較擠逼-冷氣不足，店家需正視-檯面和筷子等餐具需更潔淨-掃QR code落單，流程清晰-服務態度良好，後生侍應禮貌待客點了慢煮豬軟骨米線和豆花撈紅薯粉，坦白說兩者味道皆有進步空間，個人認為尚未達到坊間其他米線小店的水準，總感覺缺少了米線的色、香和辣的精髓，期待店家再好好精進食物出品。另外點了凍檸檬茶，雖叫少冰，但送來的時候卻是看不了冰塊。

用心小店新蒲崗食肆林立，難得有間新開的米線店，立刻同 fd來試試～煎釀三寶是鮮冬菇，茄子及青椒，食落幾香口，釀魚肉夠實淨。酸辣魚腐米線，酸辣湯（小辣），湯底小辣比想像中辣，好好味，食得出並非味精，食完唔會口渴。米線幼滑，魚腐實心有魚肉味，好似琵琶豆腐，清清地幾好食！酸辣麻辣雞拼豬頸肉，2款餸都大推，豬頸肉微辣好香口，配埋泰色醬更有風味，雖然單餸都$55，但餸的份量好足，貴少少都值👍🏻麻辣雞煎過好香辣，是無骨雞髀肉，推介。豆花撈米線配滷水雞翼+麻辣雞，呢碗選了通心米線，比較粗同淋。米線配料炸醬都煮得夠入味，豆腐花香滑，撈米線有另一番口感。滷水雞翼香料味重。飲品點了凍鴛鴦及凍奶茶款走飲管，2款都夠香濃。要讚一讚呢度樓面妹妹，就算忙到踢晒腳，服務態度仍然好好👍🏻隔離枱有位老人家嚟食，好有耐心幫老人家落單。仲記得幫我哋走飲管❤️🌎唯一需要改善的地方是環境的確比較逼，坐近門口的枱比較熱。另外如果改用紙飲管/可分解飲管就更好了❤️🌎🌈

新蒲崗開咗間米線，店面細細但米線非常高質我哋叫咗兩碗米線湯底係秘製酸辣，辣🔥度有大，中，小辣揀，我哋就揀咗個小辣，惹味香口，有肉碎花生等，調味相當唔錯，入面啲湯差唔多比我飲哂😂先黎個豬軟骨，應該係秘製醬汁調製過，好好味😋煮得又剛剛好，軟骨一咬就斷，正！加配左墨魚春卷，都幾有咬口！然後再黎個炭燒豬頸肉加魚腐，呢兩個配搭係呢度餐廳嘅招牌，炭燒好香，豬頸肉油脂分布又豐富，肉係爽脆😏而魚腐係自家製，大塊又彈牙，好食！叫左個越南炸春卷埋尾，食到好飽啊😋估唔到鋪仔細細，但係食物都咁好食，下次再嚟幫襯先❤️