禮 (打鼓嶺道)

營業中

休息中

今日友人話想去九龍城食下野又唔想次次食泰國野wor 所以亂入左呢間串燒店 細細間咁幾 日本居酒屋既風味個menu 有好多選擇呀亦都我最愛既帶子😍 好快咁叫左啲野食！佢地上菜速度都好快 好怕有啲串燒店要等成半個幾鐘先上到菜 食左個金菇肥牛卷 牛舌 都幾有牛味既 不過牛舌稍為唔夠入味 跟住好快上埋雞翼呀雞軟骨同鯖魚 好香呀最鐘意食雞翼架喇！另外個免治雞肉棒都醃得好入味 有驚喜！最後食埋個牛肉烏冬就岩岩好喇～好鐘同友人吹下水咁呢食小店既串燒呢！

是甘的， 今日約咗朋友去九龍城嗰度按摩， 按完摩之後梗係搵嘢醫肚喇。我哋亂打亂撞，發現九龍城原來都有間幾高質素嘅居酒屋。傍晚六點幾入到去都唔使等位， 鋪頭裝修得幾有日本風格， 坐低之後枱面有啲自助落單紙。我哋叫咗一個 牛肉烏冬， 芝士玉子燒， 鹹蛋肉餅串， 同埋嗌咗厚燒牛舌。 等待嘅食物過程都幾漫長， 我都等咗差唔多二十五分鐘先至有第一樣食物送上， 不過我都明白嘅， 因為佢係即煮即煮， 途中佢都有送上兩個前菜， 係兩碟細碟嘅響螺肉。 不過後來發現原來前菜每位要加十蚊，大家可以得個知字。 整體嚟講啲食物都唔錯， 即叫即煮適合有耐性嘅客人。

大約8.幾到都見到好多人，應該都會幾好食嘅。主要嚟食串燒同熟食，所以叫咗唔少款式。首先係每次食串燒都必點嘅厚切牛舌，牛舌1串有3件，真係幾厚下，一啲都唔韌，仲好juicy tim，正！午餐肉角十棒，以為係咩特別串燒，原來只係普通嘅午餐肉串。仲有蘋果煙肉，甜甜地唔會好似平時車里茄咁酸微微。熟食就有清酒煮大蜆，雖然一碗唔係好多隻，但蜆肉真係大大件，夠鮮甜！牛肉稻庭烏冬，烏冬相對上有啲腍同碎身，少少失望。甜品有朱古力伴香蕉，呢個又估佢唔到，香蕉炸過，可買朱古力醬好邪惡呀！

近期，疫情肆虐，冇乜點出街食飯。難得約到朋友出嚟，決定食好啲。經過見到呢間居酒屋，環境唔錯，而且座位唔算擠迫，所以決定入去食晚餐。首先必須講嘅係，環境好乾淨，而且服務態度唔錯，食物選擇亦都好多。大家都揀到自己想食嘅！食物方面，必須一讚嘅係辛辣沖繩豬手定食，味道相當特別，而且豬手好林，又入味，配埋日本飯，確實一流，定食仲包麵豉湯添！仲有，我特別欣賞佢嘅煙肉蘋果卷，喺其他地方都冇見過。呢個組合果然令人有驚喜，蘋果嘅酸甜，減低左煙肉嘅油膩感。其他食物都相當唔錯，值得一試！

都話過家陣來九龍城唔係一定要吃泰國嘢喇，今日再一次證明畀你哋睇。两個人，望住窗外來來往往的車輛，真係可以放空自己，任思緒飄遠……今日的前菜漬物小吃係牛脷，好爽口，感覺應該送酒食，但偏偏今日唔飲得酒。『媽媽鹹蛋豬肉棒』及『富士蘋果煙肉卷』寫明『必吃』，又豈能錯過。鹹蛋豬肉棒真心好吃，豬肉够入味軟腍，出邊的蛋黄够香又少少流質；煙肉卷香香脆脆，富士蘋果爽脆，很好的配搭。金菇牛肉卷就好少衰嘅，够新鮮就掂，呢度做到喇。汁燒紫菜飯團亦唔差，定食- 辛口沖繩豬手，亦意想不到的够腍够入味，仲有辛辣味，好開胃，最尾仲有驚喜，就係like fb或ig有雪糕送，超正，今日送嘅係芝蔴味雪糕。

朋友食過話依間唔錯，今晚放工約唔到人決定自己去食。地點九龍城搭巴士落車，行入打鼓嶺道五分鐘就到。店內環境唔錯好有日式風格，串燒有好多選擇。前菜先來一碟冷盤兩片牛舌，厚薄適中，作為開胃前菜唔錯。日本波子汽水叫左一支波子汽水，用來伴串燒一流。串燒即叫即燒，要等十分鐘左右。先來燒冬菇 和燒日本青椒仔，兩者都好juicy，青椒仔鹹左少少。鹽燒系列叫左牛舌、雞心和雞腎，三樣都好爽口，唔會好鹹，值得推介。黑松露鵝肝多士size 有手掌大，鵝肝煎得好香口內裡juicy，但對於我黎講黑松露醬略少。最後黎埋汁燒系列，呢兩樣比較濃味，有金菇牛肉卷同雞肝，金菇牛肉卷有兩件，雞肝亦有3粒，雞肝好粉加埋醬汁味道好夾。金菇牛肉卷略嫌重手左，有少少咸，但都可接受。總括黎講呢度環境清靜，食物質素唔錯，係三五知己聚會好地方。

禮朋友介紹九龍城試間日式居酒屋，聽佢講裝修都幾精緻野食又唔錯。餐廳走和式和，雖然店鋪唔算大，坐低，店員便奉上一小碟八爪魚小食$10 碟牛舌的確厚切，牛味好香爽口，份量都大件。燒到岩岩好，食落一啲都唔靭日式飯團份量都好大件，朋友話個飯團好夠味食完都話飽肚。飯團用咗珍珠米，加埋紫菜令層次更勝一籌。麵豉湯味道都不錯，湯料十足。#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #igers #hkig

可能我真係太少食串燒 無諗過原來d 價錢同食物質量可以咁大出入。普通食物既份量係好細份 就算我當九龍城係旅遊區 有一兩樣串燒既份量真係少得都唔太合理吧 魷魚一串$48蚊得4舊仔 一口和牛$68又係得4舊 唔係一口咁簡單 有兩舊仲要得半舊囉。價錢同份量唔成正比都算 味道仲要唔係特別好味衰到我叫個清酒煮蜆有兩隻係唔熟既。等左咁耐 竟然等左道咁既野出黎。另外， 個侍應呀姐又神奇地勁趕客 我杯野未飲完 問都唔問想收左佢 我地等緊野食 又問我地食飽味 都唔知乜料。總之 真係不了。無下次！

朋友介紹我去九龍城食日本菜，雖然有啲奇怪但既然介紹得即管去試一試。喺九龍城食泰國嘢就食得多，食日本菜都係第一次。門面雖然不起眼，但從外望入去好有日本feel😍。雞泡魚乾是必要的，好喜歡食魚乾嘅質感，這間也可以燒得好好味😋燒粟米🌽都燒得好香口，食落好似有sake嘅味道，好特別👏🏻仲有燒鷄翼，燒得肉質仍好嫩滑😝最特別的北海道南瓜，第一次食係連皮食的👏🏻👏🏻係甜同埋脆口！一定要試👍🏻另不得不推介：芝士玉子燒😍😍真係好好味⋯⋯⋯⋯旦香滑溜，再加埋芝士簡直無得頂呀🤗好正呀！如果唔係叫左汁燒飯團，一定會再encore個玉子燒🤪下次、下次⋯⋯😍😍

平時唔會專登走去九龍城的，不過因為之前lunch同事揸車車我地來，所以今日就走來九龍城揾下有咩好野食公司來呢度唔算好遠，搭的士過來都唔跳錶雖然肺炎病菌會令大家減少出街，但一到禮後見到客人都坐了大半唔阻檔到專誠來幫襯的人我比店內的串燒吸引住覺得食日本料理一定要食串燒先有feel全部都係師傅即叫即燒。食完一串第二串就來，上菜時間岩岩好又唔會怕凍左叫左牛油蒜蓉燒帶子，好香好正如果想三五知己來傾下計摸下酒杯底岩晒

喺openrice見到食評呢家嘢唔錯 即管上來一試 該間居酒屋分兩層 夜晚我們坐在樓上榻榻米的地方 颇有日本特色 是晚兩個人叫了一支1.8ml清酒 酒價比其他居酒屋平 雖然食物質素 不算太超卓但十分欣賞期服務員態度 後生仔summer細心親切 上菜速度比較慢 適合有心唱飲歡聚嘅人 最後仲有靚靚甜品送 可以說不俗的一餐 如果大家朋友歡聚 絕對可以考慮上上層 因他們有房間可以包房 應該可以坐到15至20人 相信在九龍城區的居酒屋是一個不錯的選擇

今日同男朋友去九龍城買完泰國食材, 食食下見到裝修風格非常日式既 , 吸引左我地入去食晚餐餐廳內環境好舒服, 💡燈光好柔和, 岩哂幾個朋友食住串燒飲住酒係到傾計🍻前菜-每位計 ($10)今日既前菜係紫薯天婦羅, 平時食既天婦羅都係熱熱的, 呢個雖然外脆內軟, 但凍的, 有D美中不足🐮👅厚切牛舌 ($48)名副其實既厚切, 厚實得黎但口感都依然爽口彈牙, 以鹽同黑椒調味, 味道岩岩好🦀🥚蟹膏玉子燒 ($78)必點必點! 玉子燒包住滿滿香濃既蟹膏, 真係好好食🤤🧈蒜蓉牛油燒扇貝 ($58)大大粒扇貝非常鮮甜, 配上蒜蓉牛油簡直絕配👍🏾🐮🥚🍚溫泉蛋牛丼 ($108)*包括麵豉湯&前菜小食牛肉份量好多, 而且好厚好大舊, 唔係平時食個d又薄又得肥膏既肥牛🤮重點精粹就係佢既醬汁, 甜甜燒汁好惹味🍙汁燒紫菜飯團 ($28)雖然等得有點耐, 但絕對值得等, 飯團燒得面層香脆飯焦, 外脆內軟, 好食😋

今晚同好姊妹👭🏻去左九龍城食好西, 一入門口地方雖然唔算大但燈光柔和感覺舒適, 餐牌上有好多唔同嘅小食, 串燒🍢, 天婦羅🍤, 定食🍱等……樣樣都想試下🙈, 最後我地就叫左幾款串燒, 小食同一個定食一齊開心share😋 落左order，店員會先送上一個小前菜比你食住先, 而今日嘅前菜就係味付螺肉!前菜梅飯團🍙E個梅飯團同平時出面食嘅唔同, 除左有酸酸地嘅梅子仲有木魚片一齊壓製而成嘅, 所以每粒飯都食到有味, 味道咸咸酸酸非常開胃, 推介!😋清酒煮蜆食清酒煮蜆小妹第一啖一定係品嚐左個清酒湯🍶先, 出面凍冰冰呷一啖湯完全係人生樂事😆, 湯底嘅清酒味唔算十分濃但帶點清新嘅甜味, 而E種甜味就係嚟自柚子, 非常特別! 柚子嘅清新加埋蜆肉嘅鮮甜令整體味道昇華, 必試之選!👍🏻燒雞皮（上）雞皮外脆內軟, 一咬落去d油脂爆哂出嚟!😆燒銀杏（下）用左少少鹽🧂去調味嘅銀杏煙煙韌韌!燒厚切牛舌🐂👅燒牛舌質感偏爽口, 食落幾juicy!亞波美手羽先🐔燒雞翼油脂旺盛, 一咬落去除左啖啖好嫩嘅雞肉, d汁仲不停滴出嚟, 兩隻完全唔夠喉~☺️安格斯肉眼牛扒定食🐂🍱牛扒嘅醬汁甜甜地, 有d似蔣軍漢堡嘅醬汁, 撈飯之選

九龍城多野食係人都知，特別係泰式串燒，不過今次呢間唔係泰式串燒，而係日式。餐廳屬於小店形式，越夜越多人！牆上掛有不少日本裝飾，又幾別緻。食物以點餐紙下單，款式一應俱全，前菜、串燒、熟食、甜品都有。漬物小吃，牛蒡，咸咸地，送酒一流。芝士玉子燒，即叫即整，入面有芝士溶出黎，雖然味道唔係好咸好濃，不過都食到蛋香味。串燒方面有燒雞腎、蘋果煙肉卷、極上黑豚腩、厚切牛舌等， 特別嘅係以蘋果代替車厘茄同樣都可以減低油膩感，配搭仲幾好添！串燒都有好多選擇，所有串燒即叫即燒，熱辣辣！

趁新年同男朋友都放假，夜晚去搵下新野食～次次去親九龍城都係食泰國野，揸車經過見到呢間居酒屋就入去試下。坐左見到餐牌好多野都想食😋 每次食串燒必點厚切牛舌，燒到岩岩好，食落一啲都唔靭👍🏻清酒煮大蜆，2個人食份量剛好，清酒味超重，夠哂香，大蜆夠厚肉同juicy😍去到居酒屋，我最中意試下飯團，今次叫左個汁燒紫菜飯團，個飯團好夠味，外皮燒到脆脆地，食落好香口❤️鹽燒鯖魚，好大條仲好貼心咁開邊燒，唔係好識食魚既男朋友都表示開左邊易夾好多😂蟹膏玉子燒，玉子夠甜，蟹膏份量一啲都唔孤寒，啖啖都食到好濃既蟹膏味🦀最後都係食返個主食，叫左個溫泉蛋牛丼，份量都唔少，滿滿既牛肉同洋蔥，男朋友即刻心心眼，牛肉唔會鞋，配埋個汁同蛋，好滿足🤤下次再去九龍城又多個選擇🤩