禮賓閣餐廳

早餐叫左雞扒煎蛋外賣，一打開雞扒不是一整塊！而是餸頭餸尾既雞扒碎！這感覺令食客覺得好差，我相信無一間餐廳雞扒係雞扒碎比客人！打去投訴，結果覆我＂以為我要切碎＂，我都莫名其妙，我從沒要求過，禮賓閣出名員工態度又差，價錢又貴，食物質素又差！無樣好！想不到我今次終於體驗到！你附近的餐廳不斷改進，禮賓閣一成不變，而且質素明顯變差，簡直趕客。如果老闆或員工睇到呢個食評，唔該你地檢討下，我就不會再幫襯，而且叫隔離左右不要再幫襯！…查看更多

係依到返工，得2間餐廳，2間都唔平今日食個午餐牌但下午茶價錢$52，未計凍飲落單時，已經問個姐姐可唔可以多米粉，佢實牙實齒話佢地份量已經好多我都信下佢先點知🤨仲有一間，7-11熱食都仲好d,依間真心又貴又唔飽如果你話我知，收正價先會有多份量，甘我未俾錢囉但真心無奈相反，另一間都肯做多飯，雖然一般但係到食，真係禁住搶，不如落大坑搵野食…查看更多

嬲到我真係唔係講笑真係垃圾，千祈唔好去無嘢食落直接落銅鑼灣大坑。真係要俾佢受下教訓呢啲咁嘅餐廳，去黎都冇用。兩間都唔好去勵德邨，真係好垃圾！真係唔係講笑，我從來未見過咁冇禮貌。掃安心出行，企喺們外邊掃。入到去嗰個老嘅服務員超級冇禮貌抵佢地冇生意附近如果唔係多工程日日拍烏蠅啦！嘢食唔算難食嘅但係服務真係差到不得了佢哋冇辦法做得好做得差都係有生意有咩辦法會改進啦？唯有睇到嘅大家用腳去幫吓手！制裁一下唔該晒！…查看更多

今晚和父母👨👩、哥哥🧍‍♂️食晚飯，近近地係父母屋企附近食，但因為附近選擇唔多，最後去了大坑「禮賓閣餐廳」食晚餐我們叫了一個「四人套餐 $358」，套餐包括 精選任選一款、小菜任選三款、白飯🍚、明火例湯🥣 << 精選任選一款 >>1️⃣ 霸王雞 (半隻)🐥 霸王雞，肥膏唔會太多，味道還可以<< 小菜任選三款 >>2️⃣ 滑蛋炒蝦仁🍤 滑蛋炒蝦仁，一個簡簡單單的菜式，伴飯一流3️⃣ 菠蘿咕嚕班腩 🐟 菠蘿咕嚕班腩，啖啖肉，送飯一流4️⃣ 海鮮什菜煲🥬 海鮮什菜煲，份量足夠，不過不失…查看更多

今日又喺度食晚飯，由於已經唔煮飯（其實係煮唔到飯）😂😂😂，基本上肯定每天都出去食飯。今日食蝦醬菜心炒牛肉，環球還未來講都係合格㗎！最主要湯好味，好過隔離嗰間水嚟㗎！隔離間雖然我已經冇去過幾兩個月，我就係最憎佢好似新冠肺炎死咗幾百人每日咁，緊張到嚇死人。今日嚟到枱冇擺工具，我就諗住自己攞，阿姐就好唔好意思馬上幫我準備，我就講我哋係熟客冇所謂啦，阿姐講嗰句「熟客都有招呼！」呢句我Like!呢間好生意，隔離開始差。其實係有原因！各有前因莫羨人！行過經過試吓冇錯！…查看更多

我樓下果兩間食店我決定咗寫埋今次食評唔再寫，除非佢有獨特菜式。今次想講佢個咖喱真係跌咗Watt。我好認真嗰個師傅可能真係走咗，定話係掉去新鋪嗰邊，依家個師傅味道好一般，呢個咖喱唔係話唔係咖喱，係好唔好食嘅問題。佢以前咖喱係差左少少花生膽落去，依家好明顯冇咗，唔係話好唔好食係直情條form改咗。冇話好唔好，我只想導出改變左。而這種改變，我覺得係冇以前咁好囉，唔緊要啦都改下口味，冇乜特別都係講加油啦，以後會少啲寫你的食評！…查看更多

講真呢間野，咖喱算幾好，但不能多食因為用油打。食得多隨時三高。近來我都係屋企樓下食比較多，所以都介紹下啦。今次影嗰張相，這一次未跌Watt，下一次嗰個食評就跌咗Watt。我覺得佢直情係轉左廚房師傅，有啲水平保持唔到。講真呢間野以前好食啲。都係我要求高，唔好意思。佢筋腩都幾足料，我真係唔鍾意佢太多薯仔。可能係我要求高，如果薯仔係炸香嘅會好食啲。不過咁樣整，進一步又唔健康。加油啦！評論就係咁多，努力！…查看更多

我樓下就係呢兩間所以我成日寫呢兩間嘅食評。通常搵到食我都會出去食好啲。成日喺度食你明啦。我哋都好啲有公司有鋪唔係講少都想走路依家咁嘅情況。係呀我寫食評通常都一大段廢話先希望大家體諒我。今日食椒鹽豬扒飯，其實呢間野嘅椒鹽豬扒飯幾好食，係事實嚟㗎。不過站在我日日出街食嘅角度，希望佢哋兩間都有啲清淡D嘅嘢食。我哋希望食到身體健康，唔好三高就咁。其實佢有好多野都好好食，不過近來廚房好似跌咗Watt。冇以前咁好食，禮貌唔好求啦，冇出錯咪算囉，我就係咁諗法…查看更多

難得早起，當然要好好食個早餐，便會感覺一日都元氣滿滿。早餐照舊係雪菜肉絲米跟煎蛋餐肉厚多士。再配反個加左鍊奶既絲襪奶茶提神。紅茶與花奶與鍊奶個完美搭配更加突出奶既味道。本人喜歡更加重奶味。個湯應該都加左花奶，令到骨頭湯更加濃郁。最後當然連湯都飲埋啦。煎得岩好既蛋以及餐肉都好香，只可惜餐肉太過油。唔夠飽仲有烘過既厚多士墊底。多士趁熱係最好食，呢個時候個多士外脆里嫩再將其切邊搽上牛油，這才是最完美個食法。…查看更多

星期日就更係岀去搵好嘢食啦，今日嚟呢間開係港島區半山屋村嘅茶餐廳，佢哋係度已經開咗好幾年喇⋯⋯ 嚟到已經係下午茶時間了，咁就揀咗2個茶餐嚟試吓先，“熱狗”嘅賣相好精美，腸仔界滿花放係一個鬆軟麵包上面，配埋蕃茄片、青瓜片同沙律醬真係好味👍🏼。另外，“雞肶配沙律”⋯⋯ 除雞肶炸得外皮脆脆又唔會過熟外，傳統茶餐廳嘅沙律材料都好豐富㗎👍🏼👍🏼，分別有青瓜、紅蘿蔔、薯仔、椰果、罐頭雜果等等👍🏼👍🏼～ 再飲番杯“熱菜蜜”，呢個組合真係唔錯！…查看更多

返緊屋企路上，渣渣下車口痕痕想搵啲野食。近近地又有得泊低架車，結果就去左勵德邨禮賓閣餐廳。環境其實正常，唔污糟，起碼我洗完啲餐具，個檯面有茶，個姐姐一見到檯面有茶，即刻主動去抹乾淨。算唔話得。今日叫左2個餸。一個菜心炒牛肉，一個就菜甫白飯魚煎蛋。菜心炒牛肉：菜心唔老易咬，牛肉唔肥，炒得幾好。菜甫白飲魚煎蛋：菜甫個人黎講，切得幾大粒，細粒啲會好好多。人其實算多，不過上菜堅快，又有鑊氣。平平地抵食之選。…查看更多

縱使隔離開咗一間新嘅茶餐廳， 禮賓閣都係冇更新一下餐牌或者改善一下以往差嘅服務態度， 當你下單嘅時候想問多一句， 你得到嘅回應將會去黑面同不耐煩。禮賓閣嘅嘢食唔算特別， 其實最出名都係杯熱奶茶。 熱奶茶嘅茶底確實係非常之好， 唔單止香而且口感好滑。如果想食早餐嘅話， 配搭亦都唔算話好flexible。 如果想外賣嘅話， 而家唔係普遍嘅加一蚊，而喺加兩蚊。如果食午餐， 中式飯嚟講係唔錯嘅， 常餐嘅選擇唔多，但係魚柳餐好抵食。…查看更多

呢日行過勵德邨，中午時間就想係度食埋野先走，原來成條邨都冇得揀，得一間餐廳唔知係咪獨市，所以門口連餐牌都冇，不過要食野都唔可以望完餐牌揀第二間啦😂始終係住宅區，一點半入去都唔係太滿入黎之前已經有心理準備，一坐底睇個餐牌都嚇左一嚇😨，獨市者唔使咁貴呀，於是叫左個米線，睇下值唔值香煎雞扒泡米線 ($45連飲品)好彩，份量黎講都算係大碗，同譚仔差唔多，而塊雞扒係一大塊咁而配料就用左菜、金針菇、雲耳，總算有小小清淡野食雞扒就咁浸落湯度，淋淋地咁咬落去其實都幾好(就個人而言啦，淋定硬係個人喜好者)，而且夠熟同軟身成碗米線作為午餐黎講算係飽肚，加上有埋杯野飲，滿足感係高左，因為自己會覺得湯麵類+飲品係飽過飯+飲品😀只係$47蚊落樓就見仁見智啦，平時食開$30水平就覺得價錢要扣分…查看更多

屢次，從大坑望去山上矗立的勵德邨，總有這麼近，卻那麼遠之嘆。早前，閱罷食友到訪勵德邨的文章，不免加強了小妹到此一遊的決心。是日，一個人踏上勵德邨趴趴走，繞邨逛了一周。看著數座全港碩果僅存的圓形屋邨建築物，心想:“他日，它又會被無情拆掉，成為歷史吧!"是的，時代不斷向前走，多少歷史名勝建築物，早已湮沒在歷史洪流中，如附近的虎豹別墅。舊址已是一幢幢摩天大樓，只剩下，一道陳舊的雕花石門。多少人，仍記得它的前塵往事呢?傷春悲秋，還是留待詩人雅士吧!肚餓了，搵食要緊，附近，只有一家名為"禮賓閣餐廳"。店名響噹噹，不過是貴價版茶記，定價頗高，然，別無他選了。要了懷舊飯餐，揀了香煎豬扒餐肉飯配凍檸茶，索價$53，感覺挺貴的。凍檸茶茶色頗深沉，入口極為苦澀，顯然不是小妹杯茶也!香煎豬扒餐肉飯的豬扒即叫即煎，上枱時仍燙口的，豬扒香腍且入味，但頗油膩的。薄切餐肉一般貨色，無甚亮點可言，生菜和白飯則沾有豬扒油香，普通茶記之作。…查看更多

從盧押道乘26號巴士到勵德邨總站…話說早前看過《女人俱樂部》（現在也不常看無線的電視劇，就算看也是「揀嚟睇」，陣容或故事吸引的才會看），其中有幕是憶述八十年代，兩位女主角於家門外的公眾走廊談心事（仿實景的廠景）。我跟男友說「咿～條走廊咁得意，係圓形嘅？！？！」，他說「呢度係勵德邨呀！！！」，自此對之萌生興趣。有見這天是拍照（景物）之旅，男友於是帶我到來嚕。（事前也沒有計劃要去哪，都是臨時想去哪便去哪…）勵德邨共有八座，其中四座是圓柱形，另外的為長方形。圓柱形設計的公共屋邨，可謂勵德邨特色。依山而建、環境清幽，聽說某些高層單位更看到維多利亞港景色，比現時大部份新建的高密度豪宅更優。這個角度看，好像大煙囪啊！兩口子只於外圍拍照，沒有如網上其他人般闖進去拍圓形走廊。始終是民居，也不能為一己私利，而做出打擾別人的事。於是去逛逛勵德邨地面的商舖群（名為勵德坊），期待會是如深水埗南山邨的感覺、以為會有滿滿的舊式情懷。可惜因翻新過，所以跟一般公屋商場大同小異。此時，男友說肚餓，才驚覺原來我們還未吃午餐（而且已快5pm了）。於是隨意走進這間《禮賓閣餐廳》去，禮賓閣！！？很高貴，但只是普通港式茶餐廳而已，店名已夠有趣，再加上「潮爆下午茶餐」，「估唔到佢又幾過癮喎～」。兩口子見下午茶大概廿多元左右，以港島來區也挺便宜，及後才發現原來配飲品是要加錢的，凍熱奶茶分別加$7及$5（不過加了錢的總額也比外頭便宜一點點）。男友的沙爹牛肉煎蛋公仔麵（$24）…我的炸雞脾配沙律（$24），不知是否因為「久旱逢甘霖」？？！我覺得挺好吃啊，沙律除基本的罐頭雜果外，還混有青瓜及粟米，而雞脾更是現炸的。以$60買來一頓「續命」下午茶，沒啥期望之下也不錯的說。補充體力、歇了歇後，兩口子又繼續走…依樓梯而下，往大坑（浣紗街那邊）去嚕……查看更多