福龍門海鮮火鍋酒家

天氣開始少少涼，想食下雞煲，立即就諗起深水埗的福龍門一間CP值高嘅任食雞煲，火鍋…雞煲配料及雞肉的比例相當好，辣度唔夠又可以加辣🥘🌶⋯⋯火鍋食物又大碟海鮮鮑魚，龍𧄌肉，貝殼類都新鮮， 肥牛質素高及大片🥩，響鈴即叫即炸夠新鮮，攞嚟吸晒雞煲啲湯食一流水餃類皮薄，多餡🥟，炸魚皮夠脆飯後甜品啲雪糕好好味上菜，換碟速度快，服務員有親切傾得最緊要係冇限時間任食任飲都係$280呢個價錢有呢種食物質素算高⋯⋯值得推薦…查看更多

而家好難搵到一間無限時間任飲任食雞煲既火鍋店（除啤酒外），食完雞煲可以即轉火鍋打邊爐，每枱有新鮮海鮮（人頭份量）同埋有好多火鍋配料無限供應，響鈴即叫即炸，魚皮脆口，肥牛質素高，餃子皮薄餡靚，值得一試，講到價錢合理之餘，雞煲味道唔使講，真係冇得頂，辣度任君選擇，最緊要係有服務，服務員會主動招呼客人，態度友善，落單後食物好快已送到枱上，啱晒我地一班朋友可以無限時食又可以無限時吹水既好地方，值得推介既一間火鍋店👍 …查看更多

之前訂過一個雞煲盆菜覺得佢真材實料又夠味所以今次上舖頭再食佢嘅雞煲雞煲可添食 真係食唔停 🤤雞煲食完落啲肥牛落去撈下 味道超讚👍👍真係想放棄個火鍋🤣🤣火鍋料新鮮 真材實料自家製響鈴冇得輸🤤良心小店值得推介 🥰…查看更多

近半年無出去邊爐, 任飲任食任坐唔錯的好地方👍👍雞煲試中辣, 好夠味肉又滑, 食不停😍海鮮各樣都好新鮮, 鮑魚貝殼類蝦就得每人一份, 但龍躉肉和鱔片可以任食響鈴即叫即炸, 自制的韮菜餃和龍躉肉餃必食, 其他食物都正。仲有雪糕好好味, 在外面未見過😍😍…查看更多

朋友極力推介深水埗雞煲打邊爐，盛情難卻下今晚終於黎左福龍門食雞一黎就上左個雞煲(太肚餓，食完都唔記得影相)，個雞煲幾有四川味，叫小辣對我黎講都已經好夠味喇！我最鍾意佢就係食完雞煲唔係原煲加水打邊爐，而係另外上一個自選鍋食完雞煲好快就黎左個海鮮套餐，仲有碟安格斯肥牛。嘩！碟肥牛真係不得了，靚到呢！仲要係任食！正！正！正！我地叫左花膠濃湯打邊爐，一黎緊係飲啖湯先啦！入口都幾濃。跟住再食即炸脆響鈴，白鱔片，龍躉水餃同黑豚肉。…查看更多

鋪頭環境衛生整潔位置近 「西九龍中心」方便入枱後服務員已主動問食乜態度有禮，落單後食物好快到同主動每過一陣，過嚟收走枱面食物骨頭飲品空罐雞煲 + 打邊爐 $288 加1可以refill 雞煲 同埋refill打邊爐食物雞煲- -雞肉🐔好滑，入味打邊爐- -海鮮新鮮，我地特別鍾情蝦🦐，以及響鈴（感覺同一般市面食既唔同，好似自己炸. 正正正正正）而家餐廳想平，食物質數都唔會要求高但依間真心講句值得推介價格合理 食物質數好 …查看更多

好耐無嚟深水埗區食嘢喇，朋友推薦一間不限時任食雞煲火鍋嘅酒家，啱晒我哋聚餐。雖然叫酒家，但舖面唔算大，廳面應該唔多十枱，有卡座及圓枱，裏面有房供應，最少要有八人。食店樓底高，老闆話開業已有四年，冷氣機清潔得唔錯，環境乾淨企理:)。食物方面選擇唔算好多，都有唔少係回本嘅選擇，由其白鱔片，龍躉肉，牛小排，豚肉，響鈴質素幾好。以二百幾不限時嚟講性格比唔錯，我哋一行四人除咗食嘢當然唔少得飲返兩杯，都飲咗二十支左右藍妹。藍妹大支裝$33，另外有一款係雪花牌$12，仲有款已經唔記得咗。其實雞煲要辣先好食，感謝各位朋友嘅遷就，點咗bb辣嘅雞煲，雞煲味道可以，不過雞肉真係幾鞋。另外火鍋揀嘅2號嘅花膠濃雞鍋，湯底幾香，有一隻雞肶，但就見唔到花膠。花膠環球海鮮盤人頭每位一份，每款一隻，鮑魚，蝦，蟶子唔係活鮮，但肉質可以。白鱔片，龍躉肉係任點嘅回本位，大大片都幾厚身。安格斯牛小排，第一次上嘅牛小排比較鮮紅，之後顏色暗少少，口感唔差得遠，都唔錯，幾嫩，牛味唔算重:)。朋友話西斑牙白豚肉好味，唔肥又唔會鞋係唔錯嘅。即炸脆響鈴，圖中係第一碟，之後嘅更脆更好味。丸類餃類都大大粒。除咗蔬菜類，仲有點水魷魚，雞子，不過掛住飲酒就冇影相啦。除咗罐裝飲品，仲有一渣渣嘅清熱飲品。…查看更多

一個字 掂會再去一行十多人 一次群聚 順便賭馬 開開心心一個晚上食物冇得彈雞煲夠入味 新鮮海鮮 不是cheap 牛 有VIP房 汽水任飲 係可口可樂 道地 要加分無限時 老闆健談228 再加一 員工服務態度良好 周時入來換骨碟 …查看更多

“係深水埗食雞煲，緊係去褔龍門啦。”其實呢句說話我係某次同朋友傾計時，朋友咁對住我說，初初我係深水埗來來去去都淨係知一間任食雞煲好食，不過果間就結左業，而褔龍門真係就無乜點過。不過都默默咁記住左呢個名。一個月後朋友就話想食雞煲，於是我就話去褔龍門啦，就係甘就同四個朋友一齊黎到褔龍門食野喇，果陣時六點半到，其實都full左大半，剛剛好，職員講，你地真好彩最後一張枱，如果唔係就唔知等幾耐先有。比張餐牌內容大家睇睇先：咁大家會見到1（雞煲），2（湯底），3-10（火鍋食材）。因為我地都無黎過，於是就揀左個雞煲先，然後職員就問我地想要咩湯底，呢個真係好喜出望外，因為以為佢係直接加湯底落雞煲到，但原佢係另外比個煲你打邊爐。（勁開心，因為我地個張係大枱，有兩個爐一個爐雞煲，一個爐湯底）同一時間滿足兩個願望，哈哈。雞煲同湯底好快就送上喇，於是我地就拎起張紙，開始係到揀火鍋材料，然後職員就走黎同我地講“你地可以唔洗揀住，因為你見到餐牌上寫既3-10都會因人頭手比你享用，唔夠食先再點，仲有仲有雞煲食完，想再加就即管開聲” <----職員好貼心亦都好有耐性講介比我地聽，令到我覺得受尊重。時次惠顧過程好開心，最緊係佢唔閒時（唔怪得職員會話我地好好彩），然後我地一直打，打下打下都打左三個幾鐘（重伸一次職員係無任何行動想趕我地走）味道方面：味道都算唔錯，可惜我朋友唔係咁食得辣，無得試佢辣度，但d雞其實徵辣都好入味，令到我好期待環境方面：乾淨整潔，坐得好舒服價錢：$228一位，好平宜好扺（晚上2130後入座$188一位綜合黎講，作為一間任食既雞煲+海鮮火鍋，雞煲已比你無限食，仲要加上唔限時 228蚊真係扺到爛，如果9點半後去仲平多40蚊，真係去邊到搵，味道仲要唔係話差，係好食，尤其係佢碟安格斯小牛排都好好食，我個fd仲叫左四碟都食得晒，大家真係值得一試，食過一次之後，如果再去雞煲，我都一定會以褔龍門為我首選溫馨提示：餐廳最早1700點開門，但因為佢到1800咁上下真係會隨時full場，所以大家有心想去試，真係打電話去訂定好d…查看更多

放工和朋友吃飯，今天他們揀了深水埗任食火鍋，重點：冇限時間任食，由於火鍋店座位不多，一定要預早訂位。店舖裝修雖然，但勝在火鍋食物配料新鮮。我們除了花膠火鍋湯底，還點了雞煲，首先送上海鮮拼盤（只有一碟，海鮮數量以人頭計算，包括有鮑魚、刀背硯、大蝦、大硯等），新鮮，有超過30款火鍋配料任點任食，還有汽水飲料任飲，超抵食，其他推介火鍋配料包括牛小排、手切肥牛、黑豚肉、鱔片、龍躉片、手打蝦丸⋯⋯。價錢非常抵食，每位$250連加一。…查看更多

每次想同朋友無限時傾計食飯, 總會諗起嚟呢度食雞煲及海鮮火鍋 ,因為個辣雞煲 真係會一食再食。 今晚就連續嗌咗兩round雞煲 先開始食海鮮火鍋 。海鮮材料夠新鮮, 個個朋友見到 隻鮑魚仲識喐 大家都好詫異, 證明海鮮一定係冇得輸,其次大家都搶食嘅 就係龍躉片及肥牛!仲有可以介紹大家食即炸響鈴 新鮮熱辣出爐 可以點雞煲啲汁 食或者就咁食都非常之正, 仲有 依家食一個雞煲店員就會奉送一碟炸魚皮 ,配埋啤酒 一絕👍…查看更多

褔龍門位置喺深水埗，好方便旺中帶靜。十個人去食火煱，又想坐耐少少，都會揀呢度食。十個人已經可以訂到房，仲要無限時。300蚊又雞煲又火煱，無限食無限時，仲想點:)個雞煲可選辣唔辣，仲可以潻食，成班大胃王食到好滿足。重頭戲再嚟一大盆海鮮，係跟人頭數目上的，之後再嚟一輪牛肉，餃子，一堆火煱食物，真係飽到上喉嚨。我最鍾意佢唔限時，有時成班人唔係成日出嚟都想吹下水，慢慢食慢慢傾，非常好。我諗褔龍門都可以做我地既聯誼會喇…查看更多

黎呢度打邊爐都有兩年，食物水準都仲keep到，真心要推薦比大家星期一至四$228 加一星期五至日$238 加一雞煲任食，可選不同辣度，最少都要BB辣食完唔夠可以再加多半隻雞 or 一隻雞都得。是日精選海鮮 - 二人份量每一次都有少少唔同，聖子唔一定有，但鮑魚就會次必定有，仲要好新鮮，篤落去隻鮑魚嘅時候仲郁㗎👍🏻安格斯牛小排比起出面任食火鍋的肥牛，呢度的牛簡直超班，仲要後加的牛都係一樣咁靚。之前去過d有分級數有唔同收費的火箭店，第一轉一定靚，之後開始就勁硬勁梅。呢度真係良心食店👍🏻西班牙白豚肉正正常常囉⋯⋯因爲我主要係食牛😆手打蝦丸 - 又大粒又彈牙雲吞 + 韭菜餃 - 皮薄餡靚即炸響鈴唔打邊爐就咁食都脆卜卜、放入鍋底索一索d湯汁亦都好味😋提提大家：只收現手…查看更多

今年度同事聚會由我負責，講真好少攪咁多人嘅飯局，經同事介紹呢度（呢度已成為同事飯堂）早一個月訂位，口頭承諾比到房我（不設最低消費額，不過），又不設時限，啱晒食完仲想傾下偈，當天下午6點去到，大堂無乜客，店員帶我去三間房其中有廁所嘅一間，入面有兩張拼枱可以坐16人，後來有同事因工作OT缺席，改為13人，店員好好的主動提出改為一張大圓枱，同事陸續出現，先叫一個雞煲（大辣）店員上咗雞煲，定時出現撈勻！飲品醬料可以任斟！每個人$228（要再加一）雞煲：叫了一個大辣，一個小辣，醬汁好香，食落唔會太辣，好惹味，雞肉幾滑！湯底：花膠濃雞鍋：香濃滑溜芫茜皮蛋鍋：清爽牛肉、豚肉、海鮮、牛柏葉，肉類水準不錯魚皮、韮菜餃、芋絲、蜂巢豆腐響鈴、龍躉肉、蔬菜🥬、菇🍄雪榚：雪榚係獨立包裝雪榚球，有幾款味道，食咗芒果🥭、綠茶🍵、士多啤梨🍓火鍋🍲配料多，除第一次按人頭上晒肉類海鮮，之後加單都好快手！出入收碟勤快！ 環境雖然唔係光鮮，都算乾淨企理（廁所ok)店員有禮有笑容！我哋食得好盡興！一班人飯聚好地方！…查看更多

朋友介紹之下到呢間任食火鍋及任食雞煲。 通常一般鋪頭都會食完雞煲就用返原煲做湯底,但係呢度雞煲同火鍋湯底分開上 ,可以一邊食住雞煲又可以食海鮮火鍋 , 而雞煲仲可以無限添食。海鮮火鍋材料新鮮及多元化,有鮑魚、海蝦 、蕃薯蜆等等 ,食完火鍋仲有飯後甜品,有不同口味雪糕球任君選擇!…查看更多