祺記

營業中

休息中

呢排腸胃麻麻地，諗住早餐食清淡D整返碗粥。平時都會間唔中黎深水埗街市熟食中心呢度食野，講真果度以前已經好難去，而家D電梯仲要修理極都未修理好。朝早7點幾要穿過拆貨落貨嘅街市菜販同雞販攤檔喺濕滑嘅地面前進……但當你穿過重重困難，就會見到幾隻貓（X） 錯，係到左有好多好嘢食嘅熟食中心。祺記同維記應該係同一個事頭婆（戴眼鏡個靚女），以前都係去食維記嘅豬潤通粉早餐。豬潤係出名菜式。今次食齋豬潤粥，特別要求加薑，事頭婆好大方咁應承仲幾次大聲提醒廚房，成件事好似食左薑嘅感覺一樣，好warm。個粥底好棉，聞到米香同粥特有嘅鹹香。食落口又鮮又甜，有D薑絲嘅汁溝埋特別醒胃。今次碗粥豬潤份量都多，平時食豬潤通比較少呢XD 喺粥嘅熱度入面熟得啱啱好，鮮嫩彈牙又冇血水，亦有豬潤特有嘅沙嘅口感。加左薑又可以劈咁D腥味同吊到個鮮味出黎。平民嘅地方總係搵到瑰寶。呢碗粥擺喺D 高級地方一定貴好幾倍。其他食品價錢都係平民，不過今次主要係養胃為主，怕食得太飽或油膩就冇試了。

今次嚟到深水埗熟食店祺記餐廳，今次我叫左一個黑椒豬扒飯食加杯凍檸茶，我看見黑椒豬扒飯很有驚喜因為佢將啲豬扒切開很細心😍豬扒唔厚很容易食很好味...但重點黑椒汁好似我細個屋村快餐店食嗰啲黑椒汁有懷舊味道很難找到所以今次我很滿意😋👍🏻

今晚屋企打邊爐，所以去咗北河街街市買餸😀買餸之前食個午餐就去咗不河街嘅熟食市場食🤤因為有啲感冒就想食粥，叫咗個炸倆加個皮蛋牛肉🤧阿姐寫完個價錢之後😧左，兩樣加埋都係$29平時食個lunch真係好貴😭因為物價上漲得好犀利😭炸兩只係$10，我諗出邊都唔係咁易食到啦🤯不過雖然平但係味道依然不錯

食不到光榮結業的信興茶樓，結果來了對面的街市，一嚐地道之味。街市，有人歡喜，也有人感到討厭。無他的，濕濕的又污穢，不過幾時都話食好嘢係要有代價的。冬天時，點上一碗熱辣辣的豬潤魚片粥，魚片剛熟，也沒有草腥味，適量地加入薑葱吊味，香香之外又恰到好處。豬潤薄切，不失咬感，不硬，粥底又綿滑，熱度夠，收十九蚊真心抵食！後加的炒米粉，獲氣十足，十分有驚喜的小店！希望這類小店能繼續在小社區，提供更多平民美食比大眾市民。

星期六遲左少少起身......又要去黃金買新電話的accessories.....搞到大約成點鐘先可以食野........由於星期五晚餐食得太多....所以想食D粥水清下腸胃~響openrice 揾左一陣, 想試下D未試既地方~ 結果我地兩個揀左北河街熟食市場的祺記~兩個人叫左:1) 炸兩: 唉上檯時已經係微凍的.....而且D炸鬼淋哂......2) 蘿蔔糕: 呢個超唔掂.....超重沾米粉味.....又唔太夠料......都係自家製既好好多 3)豬紅碎牛粥: 女友的豬紅碎牛粥: 佢話冇乜特別~4)炒米粉: 呢個係最掂的~~!!!!! D米粉炒得唔會變碎哂~ 而且又多牙菜~~~讚~~!!!!5)粉腸豬紅粥: 我的粥~ OK 啦~!正當有D飽既時候, 本來想飲我每日一杯的咖啡~ 但外表豪邁，但傾落異常親切的姐姐知道我有些少感冒後,，推介我飲呢杯: 6)檸樂煲薑: 呢個真係超得~~! 薑片應該"拍"過之後先放落入面一齊煲, 所以超重薑味~ 誇張D講，我冇乜機會飲到水準咁高既檸樂煲薑~~! 超讚~~!!!!

十二月上旬是生活太累太煩人吧？偶一覺醒來，趕忙買了個麵包或燒賣充飢，早餐的味道，跟大部分人一樣，已忘得七七八八了，這天相約了「大班」到附近買頭手的腐竹，不想再吃煎雙蛋、常餐的味道，轉入了北河街熟食中心街市，感受另一番清晨的民風與味道。這裡有賣魚片粥，鯇魚該新鮮的，就來碟魚片腸粉吧，即蒸即辣的，米漿掛得薄透，阿姐招呼很好，是間人情味店。更多祺記的粥品麵點照片＠http://foodxfile.blogspot.com/2009/12/blog-post_15.html

有其他好選擇, 粥 : 魚片, 豬肝&魚片蘿蔔糕賣相白雪雪, 無顏色, 其徥貌不揚, 但相當好味, 完全睇佢唔出, 我時常幫趁的.

五月廿二‧炎熱 長跑練習之前，要先吃個big breakfast作儲備，在轉乘西鐵前，來到深水步，才七時未夠，街上是水盡鵝飛的。走上來這個熟食中心，想必有些點心店又或是粥店在營業，果然沒錯。只見這檔油條剛炸起，腸粉也是即叫即拉的，當然不要錯過，就要了炸兩及碎牛粥各一。 粥先來，夠熱，幾綿，最好的是味精不算多。碎牛肉還下了薑絲的，適當調味，不錯；炸兩真的是熱辣辣的，腸粉熱又滑，拉得夠薄，有水準。油條是最新鮮炸起的，但吃起來內裡太結實，像是吃麵包的口感，有點奇怪，但夠飽肚。 阿姐服務也不錯的，不要看這裡只是間熟食中心的小粥店，禮貌不錯的。 埋單16蚊，經濟抵食。