祺森冰室

營業中

休息中

蝦多士唔係蝦多士，紅豆奶茶啲紅豆硬嘅，奶茶還奶茶，紅豆還紅豆，不過價錢又唔馬虎喎……真係覺得俾出面啲食評呃左！我諗如果唔係其他店冇開，都唔會有咁多人幫襯。我嘅意見係，要排隊食嘅話真係可以慳番……

早上行完手指山，中午就梗系坪州第二美食祺森，去到只有一張檯，話明要搭檯，你吾坐後面未停過有人等，記得今日系星期二吾系任何假期啊。裝修同好多年前來已經吾同曬，新好多，無曬D老坪州味道啦。可能客人太多，所有夥計都好急同好勞氣，可能紅左餐廳都系咁蝦多士（1分）$42- 如果同傳統蝦多士比較，佢只系蝦餃子或者蝦角，因為已經吾系麵包上面放蝦炸，而是好似餃子皮包一兩隻蝦毛系裡面，加D 吾知道系乜函，蝦又無味，你切開兩邊都睇唔到隻蝦系邊你就知道有幾大隻。滑蛋照燒雞趴飯（4分）$61- 系餐牌特別介紹- 滑蛋真系幾滑- 雞趴好厚同滑咖-照燒指吾系日本過隻咁鹹，幾好。即磨咖啡（4分）- 好香好有咖啡味奶茶紅豆冰（5分）- 哩個又系另一個驚喜- 奶茶好香滑- 紅豆吾硬亦吾爛，吸管吸入口都好舒服，吾使咬

今日同🐻仔一齊去咗坪洲，講到坪洲佢嘅名物一定係蝦多士🦐，作為為食嘅也米😍，當然一定要去試一試啦🤤！去到嘅時候大約一點幾，店內亦都唔算多人，所以我哋係即入🤭。但係我哋坐咗一陣間已經需要排隊，所以都需要運氣。我哋兩個人，一人叫咗一個餐。-🍴蝦多士🦐(4件)($49) - 話咁快就黎到，新鮮熱辣出爐🤭，四件脹卜卜嘅蝦多士，隔離有少少沙律醬。依度嘅蝦多士唔同坊間一樣用蝦膠🙅🏻‍♀️，而係由薯蓉混合蝦仁放上方包拎去炸🙆🏻‍♀️，每一件有2️⃣隻蝦仁，都好真材實料！見到同場都有唔少食客叫咗蝦多士🙈，就可以知道佢有幾受歡迎啦！-🍴香煎豬扒出前一丁🍜($49) - 出前一丁正正常常，係一般茶記嘅水準🤔，豬扒相對比較柴，質感唔易咬，建議都係食返蝦多士🫢。-🍴凍奶茶、熱奶茶(跟餐、凍飲加$3)

祺森冰室蝦多士XO醬豬扒炒烏冬西多士奶茶紅豆冰價錢💲: $42/ $61/ $30/ +$13好味程度😋: 3.5/5服務🍴: 3.5/5環境🗾: 3/5性價比🥢: 3/5回頭率😚: 2.5/5-今日的天氣簡直係入冬了😵‍💫 之前天氣仲熱的時候去左坪洲玩，點知發現無咩玩，去左幾個鐘食下野就出返來🥲 放假的坪洲真係人頭湧湧，基本上每間餐廳都要等位，無啲耐性都唔得！見呢條隊比較短就排下，點知一排都排左成半個鐘… 仲要出名的蝦多士基本上係無特別又麻麻地…-🆗蝦多士。一份4舊又真係幾靚，脹卜卜咁！外皮炸到好脆，有小小係吉列的炸法😎 但咬開入面好一patpat的口感，同想像的彈牙蝦膠好有出入😫佢就好似係薯蓉餡，收埋左小小蝦🦐咁。食完粒蝦之後，就變左食空殼多士，好唔好食真係見仁見智🥺-✅XO醬豬扒炒烏冬。呢個反而有d驚喜，烏冬條條分明，炒得好有鍋氣😋 食落好夠XO醬味，仲會見到XO醬入面個啲配料！豬扒夠腍，但唔會食到鬆肉粉的味道，而份量都幾多。但炒野油就一定架啦🤣-✅西多士。正常的西多士，不過當日太想食就叫左😝 炸到啱啱好，色澤金黃，唔會好大陣油膉味😌 入面的花生醬份量都夠，不過呢個係比較薄同軟的

坪洲雖小，感覺卻很舒服，有份渡假🏖心情。𠵱間冰室憑蝦多士吸引唔少遊客捧場，我都即管試試。-嗌咗蝦多士（$42/4件）、咖啡紅豆🫘冰、XO醬豬扒炒烏冬，凍檸茶🍋，埋單全部$126。價錢合理，食物不過不失，普通茶餐廳🍴但未至於有評語講到一文不值。主角蝦多士飽滿大件，入口算熱，有啲薯蓉口感嘅餡料，每件有大約1-2隻蝦仁，唔需要顯微鏡🔬都見到，肉質爽彈唔霉，合格👌🏻炒烏冬略油，豬扒醃過龍好柔軟，長者👵🏻友善。但杯咖啡☕️紅豆冰又救返少少，啡味幾濃，入口幼滑，紅豆份量多，煲得剛好，有粒粒口感，唔會過硬亦唔會淋似泥沙，nice 👍

超優惠下午茶餐🤩香煎雞扒太陽蛋飯優惠價 😱🤤‼️咁着數嘅優惠快啲嚟試吓啦😍肉丁通粉 奶茶雙蛋腸仔多士#點解我覺得隻蛋望住我🤣🤣食好啲系列！慢煮封門柳牛扒餐🥩，加多個全港首創嘅招牌鐵板佛跳牆車仔麵🍴，咁至對得住個胃🤭。

呢個weekend終於好天氣啦☀️ 當然就要出去曬吓太陽啦😊 今日就嚟到坪洲一日遊，佢個面積比起長洲比較細啲，不過當然就冇咁多人啦，所以冇咁迫🤣 喺中環碼頭搭完船過嚟一定要食返啲嘢先，揀咗呢間好出名嘅冰室試吓👍 佢最出名就係蝦多士🍤 一份有四件，新鮮炸出嚟熱辣辣👏 超好食😋 天氣咁熱當然都要配埋一杯冰凍嘅奶茶紅豆冰啦🧋 另外都叫咗佢嘅豬扒炒意粉，呢啲招牌冰室意粉一定食極唔厭，食完好滿足🍽 就準備去環島遊啦🙌

今次同朋友來share一碟薑黃肉鬆炒飯，有驚喜，飯粒粒分明，蝶面還放了不少肉鬆，薑黃好香。凍O茶也不錯，茶香颜色靓，可惜今次唔記得了相机食先，下次再試一下隔離枱那碟炒乌冬，好似都唔錯。另外再share一份吉列豬扒三文治，那塊豬扒好大塊，都好食嘅。朋友點了一杯紅豆冰，紅豆是大粒的，豆份量不少，唔太甜，好飲。最後當然叫了一份他們的招牌蝦多士，外脆內軟，炸得都夠乾身 ，唔同其他地方的蝦多士在面包上面放蝦膠， 一試無妨

有個姊妹升職，於是一定要食一餐好嘅，咁就比比大家聚會傾吓計😎就揀咗呢間餐廳食嘢，就咁望落去成間餐廳嘅感覺都好啱feel，十分舒服可以好好咁休息吓真係好開心😊❤️咖喱牛腩飯上到黎已經覺得好吸引，質地相當鮮嫩，吃起來有肉汁，入味好香，成件事啱啱好❤️

上星期好友提議就去咗喺銅鑼灣嘅餐廳食飯❤️睇到Instagram都有好多人話呢一間餐廳好正，就即刻去左獎勵一下自己！加上，呢一度成個感覺都好舒適！👍🏻鐵板肉眼扒必叫之選，非常的淋滑，香嫩多汁，非常惹味，絕對要嗌呢一個👍🏻

平日ㄧ行10人入平洲行吓輕鬆吓。行完景點諗住去試吓很多人提及嘅蝦多士啦,去到都要等咗大約5分鐘,分2枱坐。原來真係有最低消費,我哋一枱6人叫咗2客蝦多士和其它套餐,飲品轉奶茶紅豆冰要加$13, 都幾貴！蝦多士唔使3分鐘就到,心諗有冇咁快?果然係整定嘅,唔係即叫即炸！唔熱嘅,亦都唔係心目中搽蝦膠上麵包炸嗰款,係啲餡有啲蝦粒有啲好似沙律醬咁嘅嘢,應該改名叫沙律蝦粒角而不是蝦多士！其他食物一般！不會再幫襯！

得閒行下坪洲，見啲人話呢間蝦多士出名，雖然見其他人post出嚟個樣唔多似以前見過個啲，不過都去試吓，總之好食就得。主角出場，原來係將蝦蓉沙律放係二塊麵包中間，然後兩面沾麵包鏮炸。呢個食法我未試過，食落有啲洒家似海鮮沙律卷。食落有啲失望，無香蝦味不特止，仲有少少亨腥味，估計打蝦蓉時無先將蝦肉整乾身，經過一日時間就出事。而且同我認知既蝦多士差甚遠，所以有啲失望。朋友叫個吉列豬扒配咖喱飯，又係正正常常一般野，不過價錢就唔值。另外叫咗個豬扒三文治，好在豬扒夠大，而且有啲配料係中間，好過其他一般茶仔嘅做法，呢度加返少少分啦如果呢間野係以呢個蝦多士做招牌，我就未必山長水遠過嚟食，建議佢整返隻蝦係面做下裝飾，如果唔係你話海鮮沙律三文治都有人信。

之前去咁啱撞正佢例休，第2次終於都食到佢嘅名物”蝦多士”!!今次都係平日入去，完全唔洗等，就可以直入。如果假日的話，聽聞都要等半個鐘或以上。口感炸粉剛剛好，不多不少，唔會食完覺得好油膩。少失望位，啲蝦嘅份量有啲少，同埋蝦唔太彈牙，冇咩口感，可能係就咁原粒蝦，唔係打成蝦膠去炸，所以導致口感有啲欠奉。份量$42黎講，份量比起出面嘅餐廳偏向少。不過一場入到坪洲又唔洗點排隊的話，都不妨一試。我同朋友除左食蝦多士，都另外叫左其他普通茶記食物 eg 茶走，茶走就真係超水準，好少有分開2層嘅茶走，可惜我唔記得左影仲係兩層嘅茶走，不過茶走真係值得一試。

落咗船🛳 本想去牛皮廠打個卡，但有人話要食嘢先，好啦😉去到祺森冰室🎊，約中午12:20，唔使排隊呀，還有卡位😉嚟之前做定功課，一定要試下呢度嘅💥蝦多士 套餐$49 +$3凍飲唔係平時咁蝦膠喺多士上面，呢度係包住喺裏面，仲見到無攪碎嘅蝦🦐 熱騰騰，外面好脆，好食😋💥吉列豬扒飯配咖哩汁$56 +$3凍飲吉列豬扒脆口，咖哩汁少少偏咸。💥公司三文治 $42蛋煎得厚身，正常發揮😉驚住唔夠飽，但係其實一人兩件蝦多士嗰度都唔少嘢凍檸茶冲得唔錯，叫咗少甜真係少甜，最怕一啲叫咗等於冇叫，而且茶身好濁嘅檸茶。一場入到嚟，都值得試下🤪 跟住去牛皮廠打卡喇。

難得去到坪洲小島，梗係要去朝聖一下啦！坪洲「名物」蝦多士在我心目中是必試的。於是一落船就即刻走到祺森冰室，可能嗰日大約11:30平日，只有2人等緊，我哋排緊隊等候期間陸陸續續都已經排多六至七人，等了大概15分鐘就入得去。餐廳裏面細細的，座位不太多，有點兒逼夾。而我哋食完走的時候，已經有十多人等緊了🫣🍤蝦多士套餐 $49即叫即整，保證新鮮熱辣，一開四呈金黃色，外層沾滿麵包糠，裏有蝦蓉、薯蓉及千島醬，唔同一般蝦多士做法。入口香脆可口，炸粉唔厚，裏面creamy，可沾沙律醬，令味道提升，多士都唔會令人失望嘅😆🥪吉列豬扒三文治套餐 $45一食落去，嘩…好好味，食到是靚豬扒，脆脆地，冇乜脂肪，一d都唔油，再加埋啲蕃茄同包好夾，這個比蝦多士更好味😋🥣鮮茄肉碎通粉套餐 $43撈勻蕃茄蓉後又幾好食啵！茄醬真係有新鮮茄肉，肉碎都很新鮮～🧋紅豆冰 套餐+$13感覺是一般，只能說比大家樂好飲😅