祥興記上海生煎包 (已結業)

有一段時間冇黎啦 但水準依舊話 一咬開 熱到差d 整損個咀 好多湯 又大舊肉個底脆脆地 大家食既時候要小心 因為堅多湯 漏左就好可惜 一係就會飛出黎 我老公第一次買黎食時 就中左招 一咬 d 湯飛左去隔離枱 隔離既兩公婆都好驚訝😂😂😂😂雖然我覺得佢個底有可以改善既地方 但我相信佢有可能因為係要咁既包底先support 到佢咁多湯

生煎包本來是一種平價及飽肚的食物。黑松露生煎包比較乾，黑松露亦不夠香，4隻包收＄60真的非常之貴。反而招牌生煎包，肉汁丰富。可惜两种包个底都非常之硬，不算好食。

今日行將軍澳所以就黎搵野食，上次食左米芝連點心，今次要食米芝連生煎包，見咁多人排隊，一定要試！今次食左排骨撈麵，好油但好香，食剩1:3咋，證明真係好好食，呢個係乾蔥撈麵，有醬油，乾蔥同麵，唯一敗筆係排骨炸得太乾，而且又擺左一段時間加左2粒黑松露生煎包比男人食，雖然已經好細粒但都好多肉，我食皮，男人幫我食晒啲肉，好正！外皮真係好脆，裡面啲肉好多肉汁，好香黑松露。下次再黎

今天行山下來，到將軍澳PopCorn吃午飯。在本網搜尋一下，見此店有賣上海生煎，香港少見，抱不妨一試心態。但見排隊人也不少，廚房也非常忙碌，應該受歡迎的。食評在相中，下次有機會再來，再翻尋味。

咁啱工作需要經過見倒呢間專門賣生煎飽食店，門口貼住米之蓮推介，叫咗個下午茶餐試下，其實應該係叫餃子適合d, 同我食開嘅生煎飽完全唔同，開始食嘅時候，驚住好熱，點知只係微暖，細細啖咬落去，塊皮封口部份硬到好似石頭咁，斯文d根本就咬唔開, 唯有大啖d咬落去，點知d汁就濺到周圍都係，冇錯，餡料非常多汁，但我覺得如果要做到咁多汁，唔該就保持新鮮熱辣，而且就係因為係用嘅係餃子皮，所以凍咗已經硬哂，硬哂就要大力咬，大力咬d汁就濺哂出嚟，最後我嘅食法係要用筷子整穿哂d飽，倒哂d汁出嚟先放入口，而且餡料冇乜特別，非常普通!!

生煎包 識食一定喺食祥興記-你話喺咪皮薄餡靚 皮就真喺唔算太薄 有一定厚度但餡靚就真嘅 你一咬落去 啲湯汁就爆出嚟如果食得唔小心真喺好易就辣親咀湯汁又夠濃 入面嘅肉又肥瘦適中雖然個皮有返咁上下厚度 但個底真喺煎得好香脆 食落又有陣陣焦香味又唔會食到成口油生煎包面嘅芝麻有錦上添花之效 令生煎包嘅香氣進一步昇華仲有 佢嘅辣椒醬溝醋喺無得輸 不過就重口味咗啲 但唔辣嘅朋友都可以淺嚐一下 只喺bb辣程度 唔會太辣

呢間生煎包店應該好多人都識 今日經過都忍唔住買左盒外賣返屋企食 好多地方都食到生煎包 但重點係裡面有冇湯汁 皮會唔會太厚 呢間既生煎包絕對講得上色香味有齊 而且d湯汁係多到爆出黎雖然拎到返屋企已經唔熱 不過一啖食落去果下d汁依舊爆晒出黎 對上一次食係堂食 熱辣辣加埋d湯汁真係冇得彈 今次外賣一樣好食 不過建議大家都係堂食趁熱辣辣時食 食既時候睇住唔好辣親啦 唔好睇小佢得4粒 其實食完都好飽肚

身為荃灣友，之前成日幫襯，但自從佢攞完米芝蓮被加租迫遷後就無食過了，間中也會懷念一下。於是今日來到TKO就選擇了她。位於citysuper food count之中。十點剛剛開店，生煎包已煎定。蔥香比荃灣優勝，但比較油。包只有一半是薄皮，包底封口位好厚，似酒樓生煎包，而且煎得有點硬，同整個生煎包口感不太配合。之前荃灣是整個都是薄皮的，食完四隻六隻都唔夠喉，呢度就因為皮太厚，食完一隻兩隻已經好膩。

第一次接觸'祥興記'其實係荃灣...當時對佢嘅生煎包已留下好印象...估唔到店舖喺將軍澳有分店少食多滋味...所以每次只叫四粒...過吓口癮...又滿足心癮...由於激愛食醋...所以成碟都係...其實一般人用左上角框放醋就可以喇點食生煎包就唔多講....總之小心熱啦最愛食包底...因為師傅煎得好脆口...頂部嘅芝麻又夠香口…湯汁又唔太肥膩...中間嘅肉丸亦好juicy...好食呢！呢間'祥興記'係商場嘅food court入面...座位多...冷氣夠...唔駛食到身水身汗...最近food court內好多其他食店都執咗...希望下次再去...生煎包仲在生吧！

＄50食到米之蓮？係真架，我冇呃你架，仲要食到好飽添。祥興記整上海生煎包整到拎米之蓮，到底正宗嘅上海生煎包係咩味㗎呢？淨係買四隻生煎包都要$28，相對地套餐平好多，＄50有齊生煎包、粉絲湯、飲品。再驚唔夠飽嘅就可以學我加多＄10要多兩隻生煎包。生煎包雖然唔係即叫即煎，上碟時仍然暖暖地。食落又幾得意，包皮口感有啲似小籠包皮，幾有𡁻口。接口位唔會過厚之餘，仲煎到好脆，咬落幾似餅乾。每一隻包都有唔少肉汁，原來都幾飽肚。至於牛肉粉絲湯就差左啲啦，啲牛肉好鞋，又冇乜味，成碗野得個湯底既少少辣味支持住。酸梅湯味道正常，冇乜特別。淨計生煎包既味道算幾好，會再嚟食。其他就有待進步啦。祥興記上海生煎包生煎包粉絲湯套餐 $50加配兩隻生煎包 +$10味道:★★★吸引度:★★★性價比:★★★★(五分滿分)

來到呢個foodcourt識食毫無疑問一定食呢間！它們荃灣被逼摺了的那間入選了米芝連街頭小食的榮銜，今日終於有機會試了！大大個透明玻璃見到裡面的廚師，一目了然透明度高！相對其他廚房感覺上會衛生乾淨些！拿手的生煎包是必食的！生煎包用一個印有生煎包的盒子盛著，盒子挺精美又乾淨，感覺不錯！一盒四個生煎包，表面灑滿黑白芝麻，底煎至金黃色少少焦非常脆口，咬落一不小心裡面的汁是會爆到件衫都是，汁滿滿的肉味，鮮甜肉饀，味道調得一流，難得的香口不油膩！皮不厚，滿滿的肉饀，名言其實的皮簿饀靚，非常滿足！呢幾個生煎包實在非常推薦！套餐($50)還有一個蘿卜湯的粉絲湯和烏梅汁，粉絲湯裡有蘿卜還有幾塊豆腐，清清的，普通還可以。還點了一個鮮肉雲吞($32)，畢竟雲吞不是它們的主打菜，不過不失不是太特別啦。一定一定要試這裡的生煎包，質素非常高又抵食，吃過後一直念念不忘，好在將軍澳算方便，想吃的時候過來吃十分方便！

將軍澳地鐵站附近欠缺小食檔，開滿大集團既食店，祥興位於地鐵站A出口對面馬路，係citysuper集團既foodcourt內，一入去左邊第一間就是了！必食：生煎飽！$28有4個，真係超好味，睇住即場做，熱辣辣，每次食都辣親咀，但一定要襯熱食，佢皮薄，輕輕咬一小口，鮮甜既湯汁湧入口，飽底香脆，乾身唔油利，肉餡鮮嫩，連埋脆底一切咬落去，點埋豆瓣醬加醋，連埋湯汁一齊放入口，真係好美味！強烈推介！！

今天需要在將軍澳popcorn工作, 本身是很少去將軍澳的, 對這商場很陌生. 所以選擇找找這商場的food court, 最後去了citisuper的food court. 食物選擇是頗多的, 咖喱, 生煎包, 水煮菜式, 日本拉面等. 但因為今天難得穿整套的西裝, 由於怕日本拉面或咖喱滴上衣服, 最後挑了生煎包. 點了排骨蔥油拌面+兩隻生煎包 (加$10)另送飲品金桔汁. 排骨吃起來是熱熱的, 也有一點肉汁, 沾上辣椒醬很惹味. 拌面則較普通, 但味道絕不是差. 最驚喜是生煎包, 一口吃下來肉汁立即溢出, 包亦煎得頗香. 埋單只是$50, 真希望尖沙咀有同一店在food court. 

去開將軍澳！唔熟識！當然要搵下食啦！見到有呢間祥興！記得荃灣開過！但行過都未食過！呢到有當然試下啦！一搵之下原來佢係city super food court入面！我就揀左一個套餐，有四個生煎包，一碗粉，一杯豆漿，50大元！價錢合理！出名既生煎包 ，岩岩煎好，熱辣辣！睇落已經好吸引！食落更加不得了，一口咬落去！啲肉汁噴哂出黎！自己食都嘩一聲！啲肉汁唔可以浪費，一定要飲埋佢，佢真係一個重點！個底封口位雖然比較厚皮，但佢煎到好脆！食落唔會好似食緊粉皮咁！好彩叫左四個，真係好好味！咖哩牛肉粉絲！雖然無生煎包咁吸引！但都唔輸掉！個牛肉煮得好淋！好似台灣牛肉麵個啲咁！肥瘦好平均！豆卜吸哂啲湯好好味！咖哩味都好夠，粉絲比較粗身！咁樣口感更好！豆漿都好好味！飲埋簡直大滿足呀！

這小店座立於FOODCOURT，雖食物種類不多，但單以這一款的上海生煎包，足以取得不少顧客的歡心。來這裏必然要吃上海生煎包+粟米汁。 生煎包: 內餡是碎絞肉，湯汁很多，只要在包面咬一小口, 湯汁便洶洶流出, 最好吮下小量的湯汁, 才分幾口慢慢品嘗。面是撒滿了白芝麻，底煎得金黃， 超脆口，真的又香又好吃。整塊包皮不可說是超薄的，不過我郤喜歡這一種口感。 粟米汁: 很鮮甜, 有很香粟米味, 更有粒粒粟米口感, 真是由粒粒粟米搾出來的。 可惜的是, 沒有熱飲, 只有凍飲, 凍都不錯吧。