祥興居

營業中

休息中

食lunch到祥興居一試風味，值得推薦。我們叫咗陳醋排骨麵、醉雞飯、雞扒擔擔麵及回鍋肉飯。充滿著春夏秋冬的風味，有辣味而入味的醉雞、有淡味但都正宗的擔擔麵配脆口嫩滑的雞扒。而回鍋肉飯辣味不夠、陳醋排骨值得一嘗。另外，非常建議帶外國遊客前去品嘗一下。等位需要，可能入座時間會耐d。有房間可坐2人檯，但空間比較侷促。（可自行考慮）餐廳收費方面，是收現金或八達通。牆上也有餐牌，方便等位時看一看，節省時間。

今次嗌咗兩個外賣返屋企食，一個係醉雞擔擔麵一個係豬扒擔擔麵一定要叫佢搵多個盒分開上，咁就唔會焗到冧晒，因為佢本身係會跟埋個面一齊上，豬扒入味鬆脆，同埋份量都好多，湯底有啲花生醬嘅味道少少辣啱啱好，不過個面略嫌浸得唔夠入味醉雞份量都好多，我諗有一個例牌，酒味好濃郁，不過雞胸位有少少過熟鞋左少少，不過小店黎講算ok👍🏼仲叫咗蒜泥白肉，同我預期之中好大分別，可以唔😅😅因為柴灣真係冇乜好嘅餐廳好食🙃🙃繼續值得支持

這間店位置偏遠，所以叫Foodpanda外送。叫了一客窩貼和一盒葱爆牛肉炒拉麵。窩貼外皮不厚，煎到個底碎，咬落肉汁夠又肉調得味道好，正！葱爆牛肉炒拉麵，拉麵麵質很好，汁調得很好味道，令人食不停，牛肉稍嫌落了點鬆肉粉，但可接受，味道亦唔錯。

小店，但係食物水準真係飛一般小店，尤其係個「豬扒酸辣米線」，豬扒一定會另上，大大塊，唔會厚粉，個皮好脆，食落Juicy，真係冇誇大。佢個酸辣湯味係偏酸嘅，好開胃👍🏻通常我都會加一客鍋貼，鍋貼皮唔會好厚粉，咬落去有好好味嘅肉汁流出來，要小心食，如果唔係都會啲肉汁焫親個咀。「豆沙鍋餅」真係比拼到大飯店，個皮脆卜卜，個豆沙餡又好味，好香口，好容易就會食晒成份😂價錢好平民化，服務亦都好好，雖然舖頭細細，但係職員好有禮貌👍🏻

應承爸爸寫食評，食過中午和晚飯，外賣和堂食。1）手拍青瓜：份量大，一啖有齊所有調味料，祘，油，醋，糖等。2）小籠包：皮薄，外賣到家沒有穿，重有微暖的湯。3）雲吞清湯麵：皮薄，餵麵少少彈牙。5）炸豬排，炸雞排，大大件，有店主獨特調味的脆漿。4）糖醋豬軟骨湯麵：建議比多1蚊外賣盒要求湯另上。陳醋濃香，稍甜，豬肉和軟骨比例一半，4至5件，其中1／2件少少（鞋）。5）梅菜扣肉：梅菜是我食咁多間，很好，不油不咸的。梅菜切得好細，沒有浸過扣肉。6）擔擔麵：可能我叫少辣，所以湯不太濃。7）回鍋肉：不太辣，豬腩肉很爽口。8）酸辣湯：不過不失我不食辣，不是重口味，覺得這小店所有湯底不是很濃，肉不咸，少味精，很好的住家飯。小店有2厨2職員，都好斯文。坐位可接受，雖然位於商場側門出入口處。星期六傍晚6點外賣等10分鐘，但平日中午太多人，堂食外賣都要等15至20分鐘。見過大叔發痺氣走了，職員都禮貌道歉。

在中菜之中，🌶📝對京川滬菜最感興趣，是次光顧的店性價比高，在同一個月內分別光顧了兩次，所以這遍食評會混合兩次光顧的食物質素及餐廳狀況一起評論。-___________🏖餐廳狀況🏖___________ 餐廳坐位不多，主要位於商場走廊內，大約有20個座位。環境很開揚，一邊用餐一邊會有商場的行人在旁走來走去，但幸好每次光顧時間都在晚上，附近的店鋪都關得七七八八，人流算少，並沒有不舒適的感覺。-_____________🍽食物🍽_____________香炸雞扒 轉菜飯 $48推介指數 ■■■□□雞扒可說是驚喜之作，雞扒肉厚身，外脆口但內裏爆汁，上枱時熱辣辣，輕輕咬一口，一陣陣白煙蜂擁而出，數量約有五件，調味得宜。可惜是菜飯比較遜色，味道淡又不香，像是在吃帶爽口的白飯。😰-香炸雞扒擔擔麵 $45推介指數 ■■■■□這是另一天光顧的雞扒，味道跟肉汁依然豐富，而且是新鮮製作，所以一樣外脆內軟，質素穩定。今次則試了擔擔麵，掛上濃郁的湯頭，份外滋味，擔擔麵除了有花生醬的甜味外，竟然還帶有少少麻辣的感覺？）🌶📝很喜歡這種帶有少許微麻辣的湯。-糖醋魚 轉菜飯 $55推介指數 ■■■□□魚肉厚身滑溜，數量

今日等老公剪頭髮 周圍行見到呢間祥興居滿哂座 又好多人等外賣睇落食物都唔錯 就係度食個lunch餐廳唔算大 但勝在乾淨企理本身想叫炸雞翼擔擔麵 但係咁岩冇哂雞翼唯有試下炸雞扒 另外再叫左炸豬扒擔擔麵麵可以自選清湯、酸辣同擔擔口味上菜時候聞到好香炸雞扒香味即叫即炸 外表脆又夠juicy 味道偏甜炸豬扒皮都幾薄 口感都軟淋值得一讚係麵底 用左扁身白麵口感帶點彈牙 煮得剛剛好食到最後都唔覺得淋哂👍🏻擔擔麵湯底濃郁 麵條又掛湯 夠哂味!

以前住呢頭舊舖既川滬菜係好好味 所以搬走咗之後間唔中都會專登揸車返嚟食 點知早幾日再去就轉咗手 但專程過到去唯有新野都試一試 佢既菜式大至同以前一樣 都有以前好鍾意食既辣擔擔麵豬扒擔擔麵豬扒就不及以前既味道 但勝在係即叫即炸 所以上枱都好脆同Juice 擔擔麵味都同以前類似辣中帶點麻 湯底好濃好味陳醋豬軟骨擔擔麵豬軟骨完全唔軟唔淋 因為係陳醋所以湯底都變得有陳醋味 令辣味都中和咗少少 小籠包皮都算薄 湯汁好夠 上枱熱辣辣一啖放入口 多湯到好刺激😂

今日收工見到有新餐廳開張，好奇心驅使加埋個肚發出肚餓嘅訊號之下，入咗去呢間餐廳食。餐廳環境企理，雖然舖位唔大，但係有好多人堂食同埋叫外賣。想食熱氣嘢所以嗌咗炸雞同炒麵，兩個都好好食。尤其是係個炸雞，好味又脆口，啱晒我口味。個個炒麵就油咗少少，但係都好夠味同足鑊氣。埋單嘅時候淨係百零蚊，食到好飽，真係大滿足！估唔到呢到附近開咗間高質又平又抵食嘅平民餐廳，以後經過可以再過嚟食！下次想試下佢地個宮保雞丁飯。