祥仔 (K11購物藝術館)

營業中

休息中

今天剛好放假約了朋友去尖沙咀行街，剛經過一間叫祥仔既餐廳，看到環境幾好所以就試下，一到門口已經有人問你幾位並有人帶位態度十分友善，我叫了一份爵肉牛柳，我朋友叫了一碟長通粉配溫泉蛋，我們等了1分鐘也不用已經有兩個湯，湯溫度尚可以算暖，味道一般，長通粉硬了一些，到牛柳一出我發覺我好似食緊牛肉片，又韌又難口，配菜味道比牛柳味道好，我最後叫了一份 tiramisu味道ok 試得出係叫貨的，雖然味道一般，但勝在員工態度良好

早前同朋友去k11搵間平平地嘅地方食晚飯，見到呢間好似唔貴，於是坐低，我朋友叫咗個兩百幾元嘅晚餐，我諗住叫碟平平地嘅粉面，點知個餐一叫要叫兩位，仲要唔包嘢飲，為咗唔想令朋友尷尬，唯有叫兩份餐，點知個餐啲嘢求其到不堪，極度難食，最攞命嘅係等咗好耐個甜品都未上，最後同我講話賣哂，可以下次再嚟補番畀我。點補番畀我呀？係唔係特登嚟多一次乜都唔叫淨食個甜品呀？最後埋單5百幾元，冇甜品，冇嘢飲，同單叫兩個百零元嘅冇分別（其實仲衰過，因為真係好難食），服務又差，永不再幫襯！

點咗個「廚師推介」下午茶迷你豬扒配通粉+熱啡1. 價錢貴！$58下午茶 算，當商場貴租，由佢2. 豬扒鞋到呢，又乾！廚師推介啲乜？推介夠鞋？3. 碗通粉先一絕！一到枱，笑咗！通粉呢？既然間餐廳賣包裝賣有賣相既，唔該換個可以見到啲通粉既容器！4. 用QR code落單，但選擇極不人性化，咖啡起碼比返「有/冇奶」揀呀，嚟到！Sor，有奶，要換！本身QR code想慳人手，而家又要人去搞，嘥氣！5. 由入座到上餐，啲侍應同塊豬扒一樣，鞋口鞋面。原嚟張錦祥先生就係賣啲咁既食物同服務。P.S. 比好味嗰200位人兄，真係想問吓平時食開咩？真心冇下次！

冒祥仔師傅之名而來，可惜一入去未食已經扣分。餐廳其中一道招牌菜係吉列豬扒，而咁啱大部分凳都有吉列碎，證明呢道菜真係好多人嗌。我地叫咗三個午餐，粟米汁真星斑飯、焗牛脷意粉、青醬海鮮長通粉。跟餐嘅湯係粟米湯，基本上係日式粟米湯，粟米足料，但略嫌鹹咗啲啲。+3 蚊轉咗碗羅宋湯，湯料有菜有番茄好似冇肉，番茄味濃郁。兩款湯有一個共通點係唔夠熱。粟米汁真星斑飯：正正常常，有塊魚啲鱗起唔清。牛脷意粉：牛脷質地唔錯，亦唔太肥。青醬海鮮長通粉：海鮮足料，有魚、蝦、鮮魷、帶子。鮮魷好食，帶子都嫩口，蝦都爽，魚正常。通粉質地恰到好處。撇開完全冇青醬嘅色同味之外，個汁都唔錯。飲品叫咗熱奶茶、熱即磨咖啡、熱祥仔茶走。熱奶茶：茶味偏淡，唔香，不過滑嘅。熱即磨咖啡：同樣偏淡，不過有香味，飲得舒服嘅。熱祥仔茶走：甜咗啲。值得一提嘅係員工待客態度幾好。總結：失望。

首先，我是Ricky fans睇Ricky嘅YouTube Channel就想試吓佢間餐廳我哋嗌咗一個焗豬扒飯，同埋所謂嘅真.粟米肉粒飯 熱奶茶同紅豆冰一開始黎左兩個湯唔係熱既焗豬扒飯 個飯底竟然係白飯仲要係未煲熟嘅 然之後豬扒係醃得唔夠味粟米肉粒飯 飯一樣係未煮熟嘅 當中仲有生米係到 所謂嘅黑豚豬肉粒 無肉味 雪味亦都好重 汁水淡口 熱奶茶直頭冇茶味 感覺係一杯好希嘅奶茶溝水 全餐飯最正常，應該係紅豆冰但都係難飲我明白，如果食呢啲嘢的確係唔需要有咩期望 但呢單野仲差過劣質茶記 成為$3xx多多指教

經典重量級花生醬西多士：睇落就大大塊，係落左好多花生醬係入邊，但切開因為厚，入邊都炸得唔夠熱，入邊有d 位置花生醬都是硬硬地！脆炸雞髀，新鮮田園沙律：細細隻，應該煮熟左再番炸，皮是脆，但味唔夠，入邊又唔夠熱！最正常都是杯餐茶！奶茶可以！

黎到K11 Art Mall食下啲親民小小既餐廳😆祥仔根本就係貴價版既茶餐廳🤷🏻‍♀️我地叫左兩個餐,個餐跟埋一杯野飲同個湯,個湯係普通忌廉湯,有啲似金寶忌廉湯,呢個價錢大家都係唔好期望太多啦😂《真·星斑·鮮粟米汁 $148》呢碟將粟米斑塊變做星斑係真係好食好多既,魚肉彈牙,肉質較滑,不過粟米汁就同平時個啲冇分別啦,係舊魚唔同左姐😂魚肉嘅份量都算多,唔錯!《祥仔脆脆豬扒 $138》炸豬扒係厚切,都真係幾厚肉,份量一啲都唔少,炸得好脆,肉質肥瘦適中,都算彈牙唔鞋口,配左一碗蕃茄薯菜俾你點黎食,幾好食😋整體而言呢間就係貴價版茶餐廳,野食質素都算中上,唔差既🙈祥仔尖沙咀河內道18號K11購物藝術館B2樓B233A號舖[⭐️5分為滿分]味道⭐️⭐️⭐️環境⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️

食物味道: 湯及飯嘅味道做得10分有誠意，可惜湯及脆脆豬扒飯上枱唔夠熱，印象大打折扣，希望餐廳多加留意，不過侍應服務態度都好好，即刻幫我哋更換。祥仔嘅飯及意粉食材簡單，但睇得出煮功花咗一啲心思，味道做得唔錯。食物份量: 份量十足十，夠晒食啦價錢: 大眾化嘅價錢，喺尖沙咀K-11算抵食環境: 感覺寬敞，周圍都用上植物做裝飾，睇落十分舒服，增加食慾。服務: 服務員態度親切有禮，充滿笑容。回頭指數(10分滿分): 8分

見到係Ricky開都特登搵日出去尖沙咀試吓。話晒成日上電視嘅名廚。兩個人叫咗兩個午餐加錢飲咗兩日兩夜羅宋湯同埋各人一杯飲品。1. 飲品正正常常一般。奶茶飲得出佢個茶葉同茶餐廳有啲唔同嘅2. 兩日兩夜羅宋湯係濃味啲嘅不過唔見得好特別，同埋唔夠熱3. 焗豬扒飯個汁就幾好味。價錢比一般貴4. 朋友點過粟米汁星斑飯。好大期望㗎 ！嚟到佢有啲失望，一來星斑又唔算特別新鮮，粟米汁又變咗好似白汁咁佢最憎白汁。白飯就連炒底都冇又唔夠熱兩個人食咗差不多$400唔係咁抵下次諗諗

成日聽我朋友話祥仔有幾好味，好啦！經過K11見到，咪試吓囉。。。點知。。。見茄汁豬扒飯係推介，就試吓啦，加多杯凍奶茶同羅宋湯。羅宋湯係OK嘅👌跟著嚟個茄汁豬扒飯。。。我第一眼，以為三塊午餐肉，少如果好食，還可以，可惜係冇乜味嘅肉一塊。。。飯就真係好多，好在茄汁尚可，。。。$138。。。其實可以去大家樂叫兩個一哥焗豬扒飯😂跟著嗰杯凍奶茶，係更經典係一杯有少少奶茶味嘅水，相中呢杯，唔係未開始飲而係我飲凈嘅。呢度絕對冇下次

之前經過好多次，望落類似茶餐廳，但又系商場入面，所以從來都冇諗過要入去食🤣 有1日朋友話呢間d野幾有heart，就入去試試。祥仔小食拼盤又估唔到佢擺盤都幾有心思🤭 瑞士雞全翼x2, 蝦多士x2, 煙三文魚酥皮盒, 薯仔多沙律味道唔錯，但全部都2人份黎講，個酥皮盒得1個就唔知點分🤣祥仔脆脆豬扒飯，兩日兩夜羅宋湯豬扒有d位嫩有d位一般，唔系想像中咁好食。而個羅宋就就更加冇乜特別，講兩日兩夜就有d誇張😅以為會特別濃郁定點…酥皮海鮮濃湯呢個我最鐘意，酥皮厚薄剛剛好，浸到落湯唔會話太厚一pat野👍🏻

星期日晚同老婆去食飯，見到呢間舖頭唔使排隊就入去食啦！環境非常寬躺，坐得好舒服湯係幾好飲，有驚喜到我嘅！嗌咗個招牌炸豬扒飯，超級大舊，厚肉切開都見到啲肥豬肉嘅分布，我覺得幾好！男人就應該要食炸豬扒飯😆老婆就嗌咗呢個帶子西班牙飯佢話超好食，佢話啲帶子好新鮮而且上面有芝士脆片，係有心機嘅餸菜！呢個瑞士雞翼果然係招牌嘢，佢有少少麻香，識落真係有驚喜！都唔錯👍🏻👍🏻👍🏻👍🏻👍🏻👍🏻

喺電視睇Ricky煮嘢食就睇得多，佢開餐廳呢啲gimmick嘢都要試試嘅好怕喺街食魚，因為多數都係 la 過，有啲化學感又軟腍腍，完全唔係食緊魚咁既然祥仔話係真星斑，就信佢真係平時喺屋企食嘅魚咁嘩！個炸豬扒！外脆內嫩！係酥脆戈隻脆！仲有肉汁！好驚嘆！個長通粉正路，反而spotlight落咗喺片好脆嘅芝士度，好芝味超濃味！冇特別講個羅宋湯係因為真係冇乜特別，係多料嘅，不過兩日兩夜泥講呢，我就唔曉啦祥仔真。星斑。鮮粟米汁 $148祥仔脆脆豬扒 $138經典芝士煙肉長通粉。温泉蛋 $128+$3 升級至兩日兩夜羅宋湯📍尖沙咀

本去K11另一餐廳食，去度沒有開店。朋友便選這店說之前電視節目祥哥(講完先知乜水廚師)，可惜他節目不吸引我連食物也不吸引我，本心試試4星價格1星食品質素，服務1星已比多了，首先拿飛位置和服務員距離遠不是在服務員前面，服務員用鬼食泥聲音叫你佢隔離拿飛自己用手機影低用來等位，幾個號也等了10分鐘，跟著帶位只叫跟著嚟🙄跟咩呢？坐下沒有水，兩個人只有一個餐牌，看到價錢本念算叫lunch，點一個鰻魚飯+白汁海鮮意粉+雞翼， 另跟餐湯不到五分鐘快速上鰻魚飯，份量少飯少鰻魚三小件飯是乾爭爭，我們要求更換，不出幾分鐘又上一個(估計已經整定)，不好食乾哽鰻魚飯。餐湯酸...衰過開罐頭煮再來白汁海鮮意粉衰過大X樂，看到那些海鮮白汁粟米衰過自己整，飯和意粉差到一個點，打算等雞翼點知等好耐，等到我們取消， 千祈唔好因為呢啲咁嘅名氣去試食，咁就會中伏😩火到嚟不要吹噓有多好食

【祥仔】星期日夜晚出尖沙咀食飯，係唔知食咩嘅情況下，就隨便入咗一間唔使排隊嘅餐廳😂環境寬敞，衛生唔錯。🌟帶子椰菜花Risotto $148坦白講係有驚喜，帶子好入味同埋新鮮，Risotto上有啲芝士脆片，好夾成個飯，唔會太滯，可Encore🌟招牌脆脆豬扒飯 $138賣相有驚喜，食落冇乜驚喜😂豬扒真心厚切，質素都唔差，個飯同個汁感覺Hea左少少。老公表示ok嘅，不過我呢啲女人未必岩口味姐😂🌟瑞士雞翼2隻 +$28 跟餐食落口原來唔係淨係瑞士汁，佢用咗啲麻去煮，所以係有麻味，無辣。食落去幾有層次，值得一試！個人建議佢應該要係餐牌寫明佢有麻味，如果唔係家長點左比小朋友，可能未必啱食。🌟粟米忌廉湯足料，好飲，唔想打咁大篇字，反正你哋都唔想睇咁多字😂同埋反正都係跟餐送，又唔洗額外點，自己到時試啦！記得上OpenRice買Coupon食，平咗個加一！