祥仔 (K11購物藝術館)

營業中

休息中

出面落雨貪方便地鐵唔駛淋雨就黎祥仔食見餐牌都係啲大路茶記野，有啲邪惡芝士撈公仔麵咁，就試試 。2人均價$98，我叫左個午餐爆蒽油雞扒煎蛋飯，連好似好出名嘅兩日兩夜羅宋湯，加多$4 試下佢杯茶走 。朋友叫左個秘製花椒瑞士雞翼滑蛋芝士撈丁，加$15餐湯+飲品另再加$4 轉凍飲 。1347落單，我大約等15分鐘，朋友個份等左半個鐘先到 。都唔算好繁忙，但以茶餐廳黎講都算等得耐 。先講餐湯「兩日兩夜羅宋湯」，味道偏酸、口感好浠，一啲都唔好飲 。爆蒽油雞扒煎蛋飯就不過不失，但雞扒好多油，又無乜味，同埋偏硬同鞋 。所以唔會再叫 。茶走同平時茶記個啲都係咁上下，唔值得加$4 ，平時啲茶記茶走係熱飲，都唔駛特登加錢🙄至於朋友個餐我就無試到，所以就不予置評 。唯一好嘅係地點真係好方便，同埋份量都算大，我最後都食唔哂塊雞扒（可能因為太硬） 。

1. 兩日兩夜羅宋湯：難飲至極，洗碗水咁2. 黑椒牛柳粒意粉：無感覺，啲牛比梳打粉乸過的。3. 焗豬扒飯：豬扒係香茅豬扒，因為想用香茅浸味蓋過浸雪藏味，啲飯乾到一粒粒好硬，啲蕃茄汁得個甜字，好明顯係加工製品4. 宇宙神級難飲奶茶5. 世界第一難飲咖啡男朋友表示啲嘢食居然可以難食過大學canteen❌ 餐廳仲要好多遊客喺度食緊，真係對香港嘅食物文化產生負面影響❌ 雖然食物都係冇味精嘅，但係整體嚟講真係好垃圾！！！

開咗咁耐都冇試過，見到人都算多，所以俾次機會佢。入場侍應服務好好，但係入咗場之後等咗20分鐘先至上到杯凍檸茶。叫咗個川椒雞翼通粉茶餐，足足等咗30分鐘先上到。唔知道煮呢個餐都懶到喺邊度，要等咁耐。個餐嚟到先令到我驚訝，個炒滑蛋出晒水，件多士好似餅乾，咁通粉又細碗，個湯直頭好似清水咁樣，佢話係豬骨湯底，個雞翼冇川椒味，我要另外侍應講，佢先俾啲川椒油我。加埋一要70幾蚊，真心對唔住多次，出邊求其一間茶餐廳都好佢好多倍。到底Ricky 有冇做QC?

八點左右與家人在商場附近找位置吃飯，要留意他9:30左右就是最後下單時間，需要預時間吃飯和下單。因為出名嘅脆脆豬扒已經賣晒，所以就叫咗焗豬扒飯食，如果夜晚比較趕同肚餓嘅話要預時間等。豬扒都係厚切版本，汁醬好多。但係食落相比就會覺得飯底比較少。炒飯底係好食嘅，但係味道就會相對偏鹹同偏濃。叫咗雜扒餐，佢可以配飯意粉薯菜，建議薯條可以配茄汁食，甚至撈埋落個焗豬扒飯度食都OK鐵板上面有太陽蛋火腿煙肉牛柳雞扒司華力腸蕃茄蘑菇椰菜花都係幾豐富嘅，爸爸表示食得好滿足個牛柳會收咗喺下面大家記得如果唔想食咁熟快啲攞上嚟。平平無奇嘅樣子性價比唔算好高，招牌嘅瑞士汁雞翼係幾好食嘅好大隻同埋整得啱啱好。但係個瑞士汁撈埋個公仔麵相對嚟講，味道就冇乜，得顏色味道較淡，炒滑蛋攞到嚟嘅時候都係凍嘅，芝士味道亦唔算偏濃，混落公仔麵度食嘅時候冇乜特別。葡撻相對嚟講比較有驚喜，攞到嚟都係亂嘅，周圍嘅脆皮食落都幾脆，中間嘅葡撻唔會好甜，亦係正常葡撻嘅Size ，適合做飯後甜品，又特登擺個盤，建議大家加錢叫咗餐配甜品食會更划算。

Family gathering 節目係睇戲，諗住一齊食個 lunch 先睇，家姐揀咗呢間打住電視煮食節目嘅廚師（我實在唔會形容為名廚）開嘅港式茶餐廳。其實之前有諗過想試佢嘅四川菜，但一直都未有機會，跟住原來已經摺晒～本身想叫招牌 No.1 鴛鴦叉燒煎蛋飯，點知下晝1點已經賣晒，莫非要11點嚟先有得食？😂🍴脆脆豬扒飯（$138）其實唔係好想食炸嘢，不過叫唔到個叉燒飯，跟住已經唔知叫咩好，就叫呢個。個豬扒幾大塊又真係有1吋厚嘅，炸得好脆，唔夠 juicy 但未算好乾，有一片燒過嘅菠蘿，個醬汁都 okay 不過份量比較少，令到食成個飯嘅時候都乾乾哋～🍴牛柳粒意粉 • 黑椒汁（$158）呢個係用咗美國安格斯牛柳粒，幾入味，個黑椒汁okay 未感受到太特別，整體上正常。🍴重量級全日套餐（$148）呢個 all day breakfast 可以揀豬扒、雞扒或吉列魚柳，因為唔想再吉列又唔想揀雞扒，唯有又係揀豬扒。嚟到 presentation 係靚嘅，不過塊豬扒比茶餐廳更流，少少硬又少少嚡😅炒蛋唔太滑，水耕沙律菜都幾新鮮，司華力腸、大啡菇、牛油果、多士都唔會錯得去邊，整體上係一般。🍴兩日兩夜羅宋湯

祥仔旗下的餐廳全都食過了，全部都是誠意之作，沒有馬虎了事，這間餐廳前後都食左4次，每次都沒有令人失望，合理價錢之內，港式茶餐廳的菜單款式，但食物品質是高水準的，紅湯是必點的，千萬別小看它，不是一般例湯. 註=圖中套餐本身只配飯或薯菜，但我查問職員後可轉配意粉。

成日經過，想試好耐，又話咩招牌排行鎊No.1，HK$108一碗叉燒煎蛋飯，即管試吓你。叉燒偏甜偏韌，飯微溫唔熱，蔥油是凍的，似係喺雪櫃𢳂出嚟咁，太陽蛋又係煎定的，完全對唔住$108呢個價錢囉。

本來想去食Slow Cow，但係今晚有private gathering，所以冇開放俾公眾，唯有搵其他餐廳，最後去咗食祥仔。南瓜湯好滑好香濃，非常好飲。巨型吉列魚柳滑蛋飯配青咖喱汁，名副其實塊吉列魚柳真係超級無敵大，炸粉唔算厚，外層炸得好脆口，而裏面嘅魚仲好滑，一啲都冇炸過龍，青咖喱汁香得來唔太辣，配埋啲白飯啱啱好。泰式大蝦煎蛋辣肉碎飯，辣椒都幾多，適合鍾意食辣嘅人，最抵死係可以揀免費加多一隻煎蛋，非常食客友善！

K11依個商場，我都行咗好多次。不過都係買吓嘢好少喺度搵嘢食。晚餐嘅時間見到依間餐廳嘅鐵板餐好吸引，門口仲有大廚張錦祥嘅宣傳，睇返個餐牌都好多嘢食選擇。我同朋友就決定喺度一人一個餐解決個晚餐。我就要咗澳洲西冷牛扒，黑椒汁係店員幫手淋，咁就唔怕會彈到自己。黑椒汁同埋西冷牛扒真係好夾，西冷牛扒好嫩，餐湯就升級咗做兩日兩夜羅宋湯，加$3就有咁足料嘅羅宋湯真係唔錯👍🏻餐飲我就揀咗雪糕紅豆冰，經典嘅感覺。朋友嗰個係芝士煙肉長通粉與溫泉蛋，呢個長通心粉真係好有驚喜，佢有啲卡邦尼嘅感覺，芝士奶油嘅香味，再加上煙肉鹹鹹香香真係好惹味，將溫泉蛋篤開，流心嘅蛋黃液，再配埋通心粉一齊食，好吸引。如果唔轉餐湯就係是日餐湯，當日嘅餐湯係蘑菇湯，其實都好高質素。朋友嘅餐飲就係菠蘿冰，佢話夏天就需要一杯菠蘿冰消暑。😂

經過K11見到有間Ricky San開的餐廳常常看電視飲食節目都會見到他出現 即管試試名廚開的餐廳味道如何晚餐點了主餐都會附送是日餐湯黑松露蘑菇湯味道頗為濃郁 可惜來得有點晚 羅宋湯已經賣完了看圖片好多材料好豐富 下次要試試鴛鴦叉燒煎蛋飯是店內招牌排行榜第一名 鴛鴦叉燒有梅頭和豬腩兩個部位一款肉質比較嫩滑 豬腩部分就比較油香加上半熟流心蛋和甜醬油 確實不錯鐵板澳洲西冷牛扒在滾燙的鐵板上淋上黑椒醬汁 好香好誘人呀西冷扒好厚 吃起來肉質蠻嫩的配了大量薯菜還有一大碗飯 份量大到吃不完自家製葡撻可以優惠價加配 這個真的好好吃酥皮好鬆脆 蛋的部分好嫩不太甜 必吃推介菠蘿冰和檸檬茶都好好喝 鴛鴦檸檬令香味更有層次

🐟巨型吉列魚柳滑蛋飯配青咖喱汁六款招牌排行榜推介，食咗巨型吉列魚柳滑蛋飯配青咖喱汁！原條魚柳份量大，外層麵包糠及脆漿糊香脆可口，魚柳厚肉滑口，無腥味。主要配味要沾上青咖喱汁，BB辣，非常椰香，惹味之餘同炸魚好夾。另外仲配有4.3牛乳滑蛋，份量可以升級增量，滑蛋顏色金黃，蛋香又嫩滑。🥩 澳洲西冷牛扒黑椒汁鐵板系列都有五款，點了澳洲西冷牛扒黑椒汁，自助點餐無得選擇牛扒幾成熟，不過應該預設了五成熟，容易切開，肉質及色澤粉嫩，配菜都相當足料，放滿了鐵板，另外可以選擇配薯菜或飯。🥣套餐都有餐湯及餐飲，份量足所以提升性價比，而且環境，服務都非常好，食物係要等待，由大㕑張錦祥Ricky打理做生招牌。

其實👧🏻一直都好鐘意睇張錦祥Ricky師傅既教煮餸片，今次終於搵到機會去佢開既餐廳試下！位於K11既祥仔定位算係Fusion西菜，比起出面食既鼓油法蘭西西餐更精緻。雖然以港底西餐嚟講定價唔算低，但一分錢一分貨，咁岩經過附近值得一試。🌟重量級雜扒配燒汁雜扒餐有齊澳洲牛柳、蒜香雞扒、太陽蛋同芝士煙豬肉腸。雖然冇得揀生熟程度，但牛柳煮得剛剛好大概五成熟，夠晒厚身（估計有一吋厚），富有肉香又淋，絕對有驚喜。煎雞扒既雞肉厚度平均，一切開肉汁湧出嚟就知有幾Juicy！配埋燒汁好匹配！而配菜就可以揀薯菜/飯，👧🏻揀嘅薯角外脆內綿滑。🌟巨型吉列魚柳滑蛋飯配青咖喱汁話明巨型吉列魚柳，魚柳果然長過👧🏻既手掌🤣，唔太油膩，魚質幼滑冇腥味。而青咖喱汁就比預期中惹味同辣，撈飯一流！🌟蘑菇湯//兩日兩夜羅宋湯是日餐湯係蘑菇湯，入口有細細粒磨菇碎🍄，加上少量黑椒調味。而令👧🏻印象深刻嘅就係Ricky師傅喺YouTube都有介紹過點煮嘅羅宋湯（睇完都係覺得出去餐廳飲好過🤣）！蕃茄味相當濃郁，同時亦都食飲到各種蔬果嘅果香，最特別係配檸檬葉牛油，令到羅宋湯層次非常豐富，更清新！絕對值得加$3轉飲羅宋湯！🌟檸檬兄弟之茶館冒

有時想食吓港式茶餐廳野食，但又想啲環境好少少嘅，好推介可以去K11間祥仔，本身喺餐廳門口見到有大電視機影住大廚張錦祥Ricky Sir介紹，先知道原來係佢主理嘅餐廳，食物水準一定有保證，晚飯時間超多客人，到我哋臨走先唔使等位，入面坐得舒服之餘，套餐亦都包埋餐湯同飲品，性價比高。我同朋友喺招牌排行榜同埋鐵板系列入邊各選一款。〈澳洲西冷牛扒配燒汁〉🥩牛扒預設嘅熟度煎得啱啱好，唔會過熟或者過生，保持到肉質嫩滑嘅同時亦都有好濃嘅牛味。薯菜份量亦都好有誠意，有洋蔥、薯條、西蘭花、椰菜花、蕃茄仔同粟米。〈鴛鴦叉燒煎蛋飯〉🐷🍳🍚果然係餐廳招牌，叉燒分咗兩款，包括有肉質嫩滑梅頭同油脂豐富五花腩，一次過食晒兩款嘅唔同叉燒品種，而且仲要係燶邊叉燒，再配埋蔥油同煎蛋，係超高水準嘅叉燒煎蛋飯。〈鹹檸七梳打〉 🍸〈黑牛〉🍫🍨杯梳打唔會落糖水，啱晒健康人士。而想邪惡嘅梗係要嗌黑牛，朱古力雪糕再配上可樂，好多餐廳而家都冇得飲㗎啦。

平時lunch有時都會去祥仔辣辣食lunch覺得質素都幾好，知道同一個集團有西餐，今日經過K11見到大廚張錦祥張相就諗住試一試佢🤪入面簡單裝修夠光猛寬敞❤️-套餐包括有埋餐湯同飲品餐湯蘑菇湯好多蘑菇🍄‍🟫💗-澳洲西冷牛扒🥩黑椒汁 $198冇諗過佢哋嘅西冷牛扒質素都幾唔錯大概五六成熟左右熟度真係啱啱好仲好多好多肉汁肉質有少少咬口又唔會起渣👍🏻切到細細嚿咁食好滋味非常之香肉味😝黑椒汁味道調得啱啱好食得出質素薯條大大條無論配合蕃茄醬或者黑椒汁都唔錯配埋蕃茄粟米仲有少少菜整體好滿意👍🏻-牛油果柚子藜麥鮮果沙律 $128另外一個餐就健康少少特別要求咗想牛油果轉其他生果店員好好幫我轉左除咗有啲沙律菜之外仲有菠蘿、柚子、紅菜頭、哈密瓜、蕃茄仔酸酸地好開胃🤤-咸青檸梳打 $14鹹青檸大大粒☺️-新鮮菠蘿冰 $28超多菠蘿好解渴😉

祥仔Ricky’s Kitchen 今日放假經過K11見到門口廣告先知原來由經驗名廚Ricky 主理即刻入咗去試吓。坐低睇吓menu 招牌排行榜同鐵板系列都好吸引。兩款系列都配是日餐湯及咖啡/茶。我哋叫咗兩款餐各一個仲加$3升級左兩日兩夜羅宋湯個湯好好味加$3絕對值得升級。美國安格斯牛柳粒配秘製黑椒汁 意粉牛柳粒肉嫩稔口，牛味香濃，意粉配上秘製黑椒汁好惹味。澳洲西冷牛扒•黑椒汁西冷牛扒厚身牛味濃肉質鮮嫩多汁。餐飲叫咗凍檸茶同雪糕紅豆冰