神虎麺商店

營業中

休息中

疫情之下，許久沒有出國旅行，偶爾想念日本旅行的味道。見到這間好評不斷，就一嚐它的味道！神虎 (7/10)：湯底配拉麵比想像中普通，味道尚可但未算是全港最出色之一😂肉片薄片順滑，原片食不會太膩。另有兩粒手造肉丸有咬口，配搭加分；而糖心蛋入味香甜，喜歡它原隻上而不是得一半。海老虎 (6.8/10)：湯底味道不錯，味濃但不會過咸。麵質較爽口，掛湯能力不錯。但要留意，海老虎的拉麵沒有配上溏心蛋，若你是溏心蛋愛好者，需額外加配。 唐揚炸雞 (8.5/10): 一份有四件大大舊的炸雞，炸皮薄而雞肉仍能保留肉汁。可惜雞肉調味略微不足，雖有附上沙律醬/檸檬汁讓食客自行配撘，若能為雞肉稍作調味，會有畫龍點睛之效。 欣賞！誠意之作！環境設施 (6.5/10)：小店鋪打橫坐著一行人，比較適合單人或二人來食。服務質素 (7/10)：落單和上菜速度合宜，有凍檸檬水可喝。回頭率 (7/10)：抱著期望來試，尚算好吃但沒有很驚嘆。偶爾經過也會來吃的，但未到一定要試的程度。

📍神虎麺商店 --今日路經灣仔突然沾麵癮起🍜 咁啱記起之前有朋友介紹過呢間神虎麵商店 講到好好食咁 咁就梗係要去試下‼️-🔸神虎沾麵($122)呢個神虎沾麵簡單啲黎講就係魚介沾麵～ 湯底睇落唔係話好濃好漿個隻 但食落我覺得係我食過其中一個最好食既魚介湯底 唔會話好鹹 但又有香濃既魚介味道🤤食完亦都冇口渴另外店家都有提供沙甸魚醋for湯既調味 個醋食落的確係有沙甸魚味 加落魚介湯之後多左一份酸酸地既醋味 好開胃😆 提升咗成個湯既層次 但唔鐘意酸既朋友可能就未必啱了🥶麵身係有得揀凍麵或者熱麵(如果大家想食正宗就記住叫凍麵‼️) 麵既質地唔錯 粗身有咬口 而掛湯能力亦都足夠🤤至於麵既配菜就有生洋蔥、生日本豆苗 同埋筍 個人覺得生豆苗真係好大陣草青味🧐完全唔好食 亦都唔夾成碗麵 建議可以去除😖筍既調味略嫌唔夠 唔係好食到醃過既味道～成碗麵有兩種肉 一款就係平時既叉燒 另一款就係係湯入面既肉粒 叉燒正正常常 肥瘦適中 但略嫌太薄切 如果係呢個厚度既叉燒 可能加火炙會更有誠意 而湯入面個啲肉粒就唔駛講 同老火湯啲瘦肉差唔多 不食也罷🤢🤢另外仲有隻溏心蛋 呢間既蛋做得好出色 蛋黃真係好流心🤤同時有味淋醃

🍪【#灣仔】神虎麺商店 Kamitora Tonkotsu🦐豪華海老虎拉麵🦐.🍪灣仔拉麵店林立🍜今次就嚟試試備受好評嘅神虎麺商店！原來佢喺正Bakehouse隔離，行過好多次都冇留意門口個大紅燈籠~✧If you’re on the hunt for ramen in Hong Kong, Wan Chai is the right place. Located right next to 🥐Bakehouse, Kamitora Tonkotsu’s unassuming storefront has not caught my attention until now, even when there is a giant red lantern🏮..🍪發現有幾個都係熟客，店員都認得佢地，有講有笑，睇嚟回頭率幾高！ ✧You’ll see how a reputable raman shop can build a loyal fan base, when regular customers keep coming in. ~~~~~🍽 海老虎 Shrimp Miso Ramen $

睇左日本Youtuber話呢間拉麵店係正宗又好味，見網上評價都好評為主，每日都見有人龍排隊食，咁就比佢呃左。我一行2人排左35分鐘入到去，叫左個期間限定炸豬柳，煎餃子，2碗神虎精選拉麵，同一支烏龍茶。首先，第一樣野到係個炸豬柳，有4小舊，每舊細過粒麻雀（因為太肚餓冇影到相）。一咬落去d炸粉硬到懷疑人生，入面舊豬肉同外面有好大對比，係淋得好緊要，唔知佢落左幾多梳打粉，仲要冇味...跟住再黎係個餃子，普普通通啦，但略嫌太多油，食完會成口油，好彩叫左支烏龍茶（全餐最冇伏）。再黎就係碗麵，真心我食過最難食既拉麵：湯似鹽水，肉勁鞋，蛋冇味，麵勁淋...最後我學食左2啖就賣單走人，唔好浪費quota。

神虎麺商店 (灣仔) 超級無敵推介 好好食拉麵店😍幾乎每一次經過都見到佢哋要排隊 店舖就喺灣仔bakehouse隔離 兩間店都要排隊打晒蛇餅！無論佢嘅湯底或者麵質 同配料我都覺得超級無敵好味！有別於之前推介過嘅拉麵店 感覺有啲似喺日本隨便入都食到一間好味嘅拉麵店！▫️神虎拉麵 HKD98配料有豬肩肉叉燒，手打丸，雲耳，溏心蛋，紫洋蔥叉燒超級好味！連埋佢嘅豬骨湯底都非常之入味！面質超彈口 而且份量十足 食極都仲有！特別想讚下佢個紫洋蔥 配喺拉麵入面 完全感覺昇華！▫️海老虎拉麵 HKD98 香港區限定同枱點的 湯底係蝦味噌 再加上櫻花蝦 味道幾特別！▫️炸雞塊外脆内嫩 一共有四件 每件都大大嚿！食完真係好飽好滿足😍⚠️店內只收現金！cash only📍 神虎麺商店 (灣仔)灣仔大王東街6-16號安東大廈地舖

𓏸𓐍 是討論區上拉麵post必見的神虎拉麵！𓎩𓌉𓇋來自大阪的拉麵 質素之高真的有到了日本吃拉麵的感覺麵質爽彈 神虎的沾汁有好香的魚介味𓆜每一口麵都掛滿了沾汁加上紫洋葱和溏心蛋吃到一半再加點昆布醋又更開胃海老虎的湯底是非常濃郁的蝦味 用了蝦味噌熬製 第一口湯底真的非常驚艷.ᐟ.ᐟ厚切伊比利豬叉燒肥瘦平均 炙燒過後更帶焦香每一口肉都會在口裡化開來𓂃 𓈒𓏸𑁍在表面再加上大量的櫻花蝦整碗麵都令人非常滿足建議真的餓了再吃 好大一碗另外他們在不同時節和分店 都會推出不同的限定口味要好好關注呢ദ്ദി^._.^)𓇢 神虎沾麵𓇢 sʜʀɪᴍᴘ ᴍɪsᴏ ʀᴀᴍᴇɴ 海老虎 ⑨⑧

⭐️⭐️⭐️⭐️⭐️📍神虎麵商店 (灣仔)~ 神虎 ($98)~ 海老虎 ($98)🍴食拉麵最重要個湯底，未食麵之前梗係即刻試一試個湯先，哇😍 係超級濃郁嘅豬骨湯頭，師傅仲加入左背脂熬湯，飲完甚至會黏嘴，真係好真材實料，差不多飲哂成碗都唔會好口渴，超正👍🏻 麵條咬落相當彈牙又掛湯，豚肩肉叉燒亦都非常岀色，我同朋友仔食左一啖叉燒都哇左岀聲，叉燒超軟腍，入口即化😋，豚肉丸加左少少豬肉筋有咬口，唔係岀面街買機器整嗰啲咁，唯一要挑剔嘅係隻溏心蛋熟咗少少唔夠流心，但係整體呢碗拉麵係超好食令我好滿足😋😋朋友仔試嘅海老虎，配料方面差唔多，唔同嘅係湯頭係櫻花蝦加上蝦油嘅醬油湯頭，為食妹試咗一啖湯，好香好濃嘅櫻花蝦味，一樣好值得一試👍🏻—————————⭐️⭐️⭐️⭐️⭐💲💲

灣仔大王東西街都有好多特色小店，尤其係好多拉麵店🍜🍜🍜 呢晚我哋去了神虎麺商店，明明附近D舖頭都無乜人，但呢度就排緊隊😃👍🏻今晚想食小食多過食麵，所以點晒呢度D小食😆😋 最重要係價錢唔算貴，味道仲有驚喜呢🤩🤩🤩- 辛辣大豆芽菜對於我呢個食唔到好辣的寶，都真係辣辣地🥵 但芽菜好爽口，食得好過癮，當下酒菜一流👍🏻- 神虎餃子🥟🥟🥟望落去好似無咩特別咁？但咬落就有驚喜了😍 皮唔厚，咬落去有D油濺出嚟，又有肉汁，好好味🤤 係我食過咁多間拉麵店頭一二位！- 炸雞塊🐔本身怕熱氣唔打算食，好彩被利誘下食咗件，唔係就錯過了！！！件雞好正好juicy 呀😍😍 炸粉鬆脆唔厚，仲食到件雞好滑！本身最掛住係周月的，但都被比下去了，呢度炸雞係我的No.1 🥳拉麵我哋點了：海老虎 (櫻花🦐麵豉湯) 有叉燒和豚肉丸來到聞到蝦香味的，但飲口湯就覺得太咸，可能有麵豉的關係吧，飲幾口已經覺得好油膩同埋咸了。都係掛住台風多D😛赤虎精選 (辣味) 精選係所有配料齊晒：豚腩肉、叉燒、豚肉丸、溏心蛋、荀及紫菜肉方而係做得不錯的，不過湯底就麻麻，拉麵小王子話我個湯好D😉要讚的是個湯夠熱，食到尾都仲出緊煙😀下次來淨食小食得唔得🙈

每次食拉麵如果有蝦湯嘅話都應該會係首選 呢間拉麵嘅軟硬度算係幾合我心意 個湯底嘅蝦味都好濃 但係最後都係逃唔過越食越鹹嘅命運 😂要大大讚既反而係side dish既sweet potatoe fries超好食😂 有sour cream cheese &柑桔醬(?!) 食落啲番薯甜甜地 又唔會有好熱氣嘅感覺 👍🏻👍🏻👍🏻👍🏻如果lunch去食嘅話建議早少少排隊 三個人由一點開始排到排到1:30左右 好彩上菜都算快最後趕得切一個鐘內食完😅

放工後走到灣仔試呢間人氣拉麵店🍜即使去到9點，店外仍有唔少人排隊等位🙌🏻🍜神虎精選 Kamitora Ramen Special ($128)選擇困難症人士必選！精選配料包括：豚腩肉、叉燒、豚肉丸、溏心蛋等，好豐富🤩豚腩肉入味腍身，口感層次豐富！麵底有咬口，湯底味道亦剛剛好，唔會過於濃郁～份量好多，一個人完全食唔哂🙈🍗炸雞塊 Deep Fried Chicken ($48)呢個小食超驚喜！一般餐廳嘅炸雞都係細細粒，但呢個係超大舊！炸煮後肉汁仍然鎖在雞肉中，咬落啖啖juicy🤤

尋日經過灣仔神虎，見冇乜人就第一次入去食灣仔分店。叫左神虎精選，貪佢乜都有，唔使諗配料。仲叫咗份炸雞自己食。可能太多配料關係，或者因為我係第一個客，都要等一陣先有嘢食。差唔多等咗15分鐘。個湯濃度足夠但係我自己就覺得背脂多得滯。服務員叫我下次唔鍾意就預先叫師傅唔好落。服務員話用西班牙豬肉嘅關係，啲脂肪係比較爽，冇咁有肥膩感。呢點我認同，但係見到成個匙羹都係脂肪就唔太舒服。味道方便我就覺得偏甜但可接受。個豬腩肉好淋好食但係我認為都係太甜。個麵好易淋，所以要快啲食晒佢。其他配料冇特別地好食。炸雞超好食好Juicy👍🏼

如果喺香港食拉麵喺我心目中第一位應該都係佢，神虎麵商店！由第一次食過嘅海虎拉麵之後每次嚟都冇變過，次次都淨係食海虎拉麵，不過就一定要食精選，因為精選會有一條豬腩肉，就係因為呢條豬腩肉，我愛上左呢間拉麵店，所以其實係我心目中第一位嘅應該係呢間店嘅豬腩肉，哈哈！如果講到個湯底海虎其實就係蝦湯，蝦味非常濃郁，好夠味，不過我就冇辦法飲晒佢，因為飲晒你會覺得好鹹，伴拉麵一齊食就啱啱好。至於拉麵嘅質地，我一直都覺得麻麻哋，唔知點解佢嘅拉麵嘅質地係冇一種滑嘅感覺，不過條豬藍玉真係無敵！完全可以蓋過任何缺點，哈哈！呢度嘅餃子係用西班牙嘅豬肉做，每次食親佢哋嘅餃子，都一定噴汁！

依間拉麵店午飯時間，經常被隔離Bakehouse既人龍遮蓋左佢既真身😂好容易被忽略，實際隱藏左日本師傅為大家烹調出日本味道既拉麵店🤣（因為我偷聽到師傅係講日文🤭😂）當日我就試左海老虎拉麵$98～未食已經聞到好香櫻花蝦味。有洋蔥同木耳做襯托，都係第一次見依個配搭。肉丸出色，質地唔太淋唔太硬，調味剛好。另外湯底濃厚，不過飲哂成個湯底後，就有少少口渴🤭🤭🤭整體尼講，環境同服務都唔錯，乾淨企理，lunch time 自己尼依度歎都唔錯😬但價錢上我就覺得有少貴啦～

來自日本大阪的［🍜神虎拉麵Kamitora Tonkotsu Ramen🍜］ ，他們大阪總公司委派了大廚木村守KIMURA MAMURA師傅常駐香港店坐鎮，點可以唔試下！店面雖然不算大，走簡約木系風加上和風佈置，環境光猛整潔，座位亦不會迫夾。🍤自己試咗香港區限定［海老虎拉麵］（$98），湯底橙紅色，味道濃郁，再加上櫻花蝦，與蝦味噌很夾配，鮮味亦更濃更突出。他們的主要原材料大都是由日本本店提供，豬肩肉义燒用上選用西班牙空運到港的 iberico pork，個人味覺算靈敏，覺得肥肉部分略嫌有點微豬騷味，手打豬肉丸味道很不錯，肉丸加入了蓮藕粒算得上特別，溏心蛋亦不錯。🍖同枱點選了［神虎拉麵 ］（$98），配料同樣是豬肩肉叉燒、手打丸和溏心蛋，試了口豬骨湯，白色的湯底也香濃，不過當然海老虎的蝦味噌湯，更勝一籌。

行完灣仔玩具街， 1行4人就去揾食。 行左幾條街之後， 見到有間神虎麵商店。 裡面已經座無虛席。 我地就排2個， 見時間都重早，就等一等啦。 等左15分鐘，終於到我地。是日晚餐赤虎精選神虎餃子炸雞赤虎精選， 有肥同豚腩肉，义燒，溫泉蛋，豚肉丸，紫菜， 木耳。 豚腩肉， 好似東坡肉咁， 超滑，超林，豚肉丸同义燒都係上乘之作， 好耐無食過咁高質拉麵。神虎， 基本上選料同精選一樣，但係豬骨湯味超濃， 好好味。餃子， 大大隻， 豚肉料滿足， 咬落去重有肉汁流出。炸雞， 外脆內軟， 雞肉嫩滑， 肉汁豐富。神虎麵商店， 高質。