神虎麺商店

營業中

休息中

神虎麵商店來自大阪，由日籍主廚坐鎮，一直都未有機會過海一試，今日剛好到灣仔附近辦事，當然要去會一會。午飯時段到達神虎，開業多時依然人龍不絕，排隊差不多大半小時才入內，真係人氣旺盛。神虎每個月都會推出限定拉麵，今個月係醬油昆布水沾麵，今天心情還是想食湯麵，所以點了個神虎精選 。神虎精選係原味豚骨湯底外加伊比利亞豬腩肉，湯底入口濃厚豚骨味，加上背脂，鮮甜而不膩口，無腥臭味。拉麵選用傳統拉麵，味道無甚特色，口感偏淋，掛湯能力不夠。配料有自製魚丸，少彈牙魚味重，叉燒肉相當大份，不過偏柴肉味淡，溏心蛋蛋味同醬油味不足。值得推薦既係伊比利亞豬腩肉，入口有一股脆香味，肥瘦相隔油香肉味濃，係咁多配料中最好食。另外點了份炸雞，外表炸得金黃漂亮，惜炸皮偏厚，肉有微嫩亦有柴口的地方，算中規中矩。食後感係神虎的確係一碗湯底傳統既豚骨拉麵，不過改用傳統拉麵而非九州幼麵，係一碗質素中上的拉麵，下次來應該會嘗試每月限定。

好耐冇去過嘅神虎拉麵，今日見冇乜人入去食返碗。今次食嘅係辣味，味道香濃調味一切都恰到好處，麵條係比較有嘅，好掛汁。唯一缺點就係面嘅份量比較細識煮都係唔飽。餐廳做緊活動， follow餐廳嘅社交平台仲會送一隻炸蝦，炸蝦新鮮熱辣，炸粉亦都唔會特別厚。

來自日本大阪的神虎麵商店，由大阪總店調配（Kimura Mamoru）木村守師傅監製。麵店除了不定時推出限定口味，平日只有五款拉麵和神虎沾麵選擇；而且一定要選擇加量裝「精選拉麵」‼️▪️神虎精選拉麵 HKD140這家拉麵店主打豚骨湯拉麵 🍜 湯底濃郁而不膩；豚腩肉選購自西班牙伊比利亞豬腩肉，肥膏佔7成，滿滿油脂感 🤤 口感肥美嫩滑，肉味濃！溏心蛋亦入味，配搭味付筍、紫菜、木耳、青葱、紫洋葱等十分豐富。▫️ 赤虎精選HKD147喜歡吃辣可以一試，頭湯辣勁湧現，配上紫洋蔥，口感新鮮刺激。拉麵屬於中等粗度，口感彈牙，麵身掛汁。薄叉燒味道中規中矩，偏瘦勝在夠大塊；兩粒豬肉丸亦很Juicy。▪️神虎餃子 HKD45這家出品的餃子比其他店大隻得多，味道不錯，內有薑絲再蘸些少黑醋十分惹味，略嫌皮不夠薄。店內地方乾淨整齊，但日式氣氛感覺不多。店員十分友善，見到 👦🏻 背囊放地雨即刻安排籃子擺放！💛 拉麵店只接受現金付款！

神虎麺商店灣仔長期排隊拉麵店，傳統的豚骨湯拉麵是長期供應，除此之外每月都會推出幾款限定拉麵，環境比一般日式拉麵店寬敞，每一款都是點單後現做，麵條同飯份量適中。黑虎拉麵豚腩肉入味腍身，口感層次豐富！麵底超滑，湯底味道亦剛剛好，唔會過於濃郁份量一個人好足夠。义燒蛋飯义燒好似東坡肉咁，超滑同超林，豚肉丸同义燒都係上乘之作，好耐無食過咁高質飯。炸雞塊 炸雞我覺得有驚喜，對我嚟說一般餐廳嘅炸雞都係細塊 ，但呢間係超大塊 ！炸煮後肉汁仍然鎖在雞肉中，咬落啖啖好味

話說上個禮拜五帶男朋友去食過之後，男朋友念念不忘，覺得好食，呢個星期我地又再去過。因男朋友對雞蛋過敏，又大食，所以就問職員可否將雞蛋換成+一面底，因價錢一樣，係上個禮拜五，個職員就換左俾我地。但到第二次去吃，我地照樣咁樣提出，個戴眼鏡鼻高高的女職員態度惡劣，話從來沒有這樣規矩，仲問我地係邊個同事肯俾我地換⋯口黑面黑，雖然最後都比我地換左，但食個拉麵背脊骨落，態度不友善，但佢行入去廚房又對D拉麵師傅有講有笑，服務性行業黎講真係好差😦雖然碗拉麵好食，但因應咁樣嘅態度都食得唔開心都唔會再去，瞬间覺得扣分不少，氣氛唔好，食得都唔開心😢😢😢

餐廳嘅主打係食拉麵，湯底我哋都覺得非常濃郁，而且味道我哋都覺得唔好做得太肥膩，非常適合香港人食，而且佢嘅雞蛋做得非常好食，食得出係餐廳自家製，面質方面，亦都做得啱啱好，食得出日本嘅味道，成個拉麵嘅食材，無論喺配搭上同埋擺盤都做得非常靚，價錢嚟講，我哋都覺得比起呢一個質素嘅拉麵都唔會做得太貴，鍾意食拉麵嘅朋友絕對唔可以錯過呢一間餐廳，我同朋友都非常鍾意食，值得一題，店員嘅態度亦都非常友善，非常值得加分！

今晚去咗灣仔食四小龍搵麵，心血來潮擇一間啦，神虎，i chose you！入到去間鋪都算闊落，仲竟然唔使等位，正。2個人叫咗一個神虎拉麵，一個黑虎拉麵，一碟餃子。神虎拉麵嘅豬骨湯十分正！同佢隻拉麵又夾，放耐咗都唔會脹。飲晒個湯。叉燒又夠大塊。一碗啱啱好。黑虎都好，黑蒜味重啲咁，喜歡的人會很喜歡。知餃子夠大隻，但味道一般，冇突出色。整體係香港嘅拉麵之中算好的一層。最特別係佢啲濕巾，有紅色同藍色，未見晒，made in japan㗎。

湾仔长期排队拉面店之一，大角咀亦有分店。传统的豚骨汤拉面是长期供应，除此之外每月都会推出几款限定拉面，而且两家店的款式还不同。这频率这创意，是懂得吊胃口的，为了期间限定我愿意反复来吃。·环境比一般日式拉面店要宽敞，每一款都是点单后现做，面条份量适中，不过好像不能选择软硬。尝试的两款都是牛肉拉面，捞面的口感要比汤面更爽弹和有嚼劲一些，调味则是各有各的精彩。·10月限定【煎牛肉捞面】大片牛肉煎熟后散发出浓厚的肉香，些许牛油融化进面条，不在于食材种类繁多，而在于对味型的把控，成就出这碗每一口都咸香过瘾的碳水。调味中加入了柠檬汁，但吃完我还是被腻到。·11月限定【仙台牛脷汤拉面】牛舌熬的汤加上两款牛舌的不同部位，这一碗有让我全方位感受到牛舌的美好。厚墩墩的牛舌尖带几分脆弹，牛舌尾切得薄而大片，柔软滑溜得让我难以相信这是牛舌，入口瞬间仿佛还在轻轻颤抖！·盐味牛舌清汤比清汤腩的汤头更加柔雅，但它的鲜味却能在舌尖上一层层推进、并在口腔里回旋很久。丝毫不像其他拉面汤底那样多喝几口就感到咸腻，一个人可以轻松喝光。

因為掛住日本之旅, 所以想去食拉麵回味吓😛朋友介紹呢間神虎拉麵神虎精選 $135呢款係人氣首選, 湯底係原味嘅白雞湯, 好香濃, 😋用咗伊比利亞豬腩肉, 超級肥美, 份量好大, 成碗麵整體偏濃味, 麵質ok, 似日本拉麵店嘅味道赤柱精選 $142配料其實都係一樣, 只係湯底係辣嘅, 辣度啱啱好, 鍾意食辣嘅朋友仔揀呢個就啱啦餐廳嘅裝修都好有日本感覺, 乾淨簡潔, 碗麵好足料, 應該係會想食到嘅拉麵味道, 值得去試吓~

灣仔咁多間拉麵店之中，神虎麺商店算係我食得最多次既一間，因為難得每個月都keep住有新限定，每次黎都有新鮮感，而且即叫即煮，湯頭煮得夠熱，所以都唔介意會等得比出面既拉麵店會耐少少，今個月新限定係即煎牛肉撈麵$128，擺盤吸引，配料有主角牛肉、火箭菜同溏心蛋，牛肉大概煮到七成熟，肉質軟嫩有肉香，溏心蛋有半熟晶瑩的流心蛋黃，由於唔係湯麵，所以麵質煮得更加有咬口唔會過軟，今次醬汁用左檸汁牛油，開頭食會覺得幾香濃，但食到尾會覺得比較膩，相比起來，如果都係牛肉類限定款，我自己就比較鐘意幾個月前限定款既日本和牛骨湯沾麵，希望舖頭黎緊都可以出多d限定沾麵款，畢竟係香港搵有質素既沾麵仲難過拉麵呢......

聽人講呢間拉麵唔錯入嚟試試佢！神虎餃子🥟正常煎餃子味道香脆但唔算特別神虎拉麵🍜好鍾意呢個湯底入口好舒服肉好淋加埋木耳同洋蔥絲不錯不錯流心蛋好味豚肉丸麻麻但拉麵唔掛汁有啲扣分赤虎拉麵🍤🍜濃濃嘅蝦味 唔算太辣呢個湯底同拉麵相對掛汁幾惹味整體嚟講呢間嘢味道OK唔算好驚艷下次想試佢哋嘅沾麵💁🏻‍♀️

星期五工作日午餐，一行3人排隊等位差不多半小時。排隊時預先點餐。（部分店員可以友善一些。）餐目專注拉麵，配搭預先制定，沒有甚麼額外選項，堂食不收加一。飯類兩款供選擇但只有一樣供應：叉燒蛋飯，盛惠$68，，是最實惠的主食（拉麵最平$89）。限定供應牛筋拉麵$128，看照片肉多筋少，就不考慮了。即使預先點餐，入座後仍要等送餐。同事各自選了的拉麵一齊到，最後是我點的飯。同事讚溏心蛋到位。一碗手掌大的叉燒蛋飯滿上。香煎太陽蛋上有醬油點綴，太陽蛋不是烘脆邊，油潤覆蓋到下層的叉燒。8-10件切割成燒腩仔的日式叉燒滿滿一層，件件腍軟，肉與脂肪/筋膜比例約9:1，啖啖肉甘香不膩。由於碗具太細，空間有限難以將醬油、蛋黃漿、叉燒、飯和聚底的油拌勻，用筷子夾一口蛋、一口肉、一口飯勉強放在匙羹，張大嘴巴一口吃掉方知滿足。一件兩件三件……叉燒，眼看飯都要吃完，淨吃叉燒口味稍濃重，但不味精。$68肉夠銷魂，量不變，換隻稍大的碗，太陽蛋的蛋黃漿會發揮更好，豈不完美。

喺灣仔食中午真係好多時都要排隊呢間拉麵我見好多人排隊，所以就入去試吓滿心歡喜，叫個神虎精選拉麵、炸雞塊、日式餃子嚟到個湯都夠熱，但係味道好一般，湯底唔夠濃郁有啲淡，可能個人口味啦但係炸雞最容易控制最容易煮嘅嘢都炸得油冧冧，好明顯火唔夠大油溫唔夠熱，所以一咬落去件炸雞爆晒啲油出嚟😮‍💨日式神虎餃子正常，所以碗拉麵我都想食晒，但係冇食到放棄了，希望佢有改善啦，其實炸雞個味道係好味，但奈何真係好多油😭😭

首先，前菜係叫左芽菜，小食叫左炸雞，炸雞好食！炸粉唔厚，啲雞肉依然好多汁！仲另外叫多左個煎餃，香口得嚟入邊鎖到d汁 ，係好味嘅！拉麵，分別叫左兩碗，紅色叫赤虎，白色叫神虎。湯好濃，但又唔會太鹹！好出色！好好食！赤虎都唔算太辣，味道岩岩好👍🏻👍🏻

拉麵水準未見驚艷，要回頭就要看服務，但答案是🙅🏻‍♂️和友人兩點幾入座，點一個拉麵和一個叉燒飯，飯很快到，麵則等了廿分鐘。許多客都在等，不知廚房有什麼問題。入店前已check過店家落場收三點半，但15:10才上拉麵，大家都倒落去。店員已陸續清潔和落場，友人吃得慢成了最後一枱客，香港人其實都好識做，已經盡快食，阿姐此時印單催走！其實也不過快一兩分鐘，真係咁阻你..我地又唔係要嘆啡咁坐..雖然明，但附近咁多選擇，無下次。