神石燒牛扒水產專門店 (新達廣場) (已結業)

與家人一同進餐，之前到過荃灣分店，印象不錯，心想大埔開一間實在不錯，然而也許是我想得太多在沒有人在我後面等候的情況下，我和家人站在售賣機前看菜單，侍應看似嫌棄，態度頗差，我查詢關於二人餐的內容，她態度差劣地說了句：「個邊有得睇」，心中略有不快，侍應不應是盡心向顧客介紹食物的嗎？還是她認為自己餐廳已經很好生意，不需要介紹客人自然就會來？她還說：「唔好自己禁部機」，我想跟貴店提議一下，其實如果你的自動售賣機不是設計來想客人自己按的，你不妨可以收起它，因為設這部機沒有甚麼意義。食物味道和質素還好，只是石板好像有點不夠熱，牛肉大概只能煎至五成熟。不過有另一個問題要注意一下，就是很多供客人用的碗上都黏著飯粒，觀感不太好。最後是關於身高和年紀方面，聞悉餐廳要求身高100釐米或6歲以上就要買一份主餐，我的小孩差兩個月才3歲，或許是基因緣故他已經105釐米，被要求買主餐，我的小孩食量不大，你的要求我認為對家庭顧客來說不太友善，或許貴店可考慮加設小孩份量主餐。（或許你們是真心不歡迎家庭顧客，那不要緊）儘管我在上文給了不少建議，但我沒有興趣知道貴店有否改善，因為在當天經歷過後本人短時間內都不會考慮來臨貴店

兩個字垃圾！$1100蚊食垃圾，d肉全部都係醃同那過，好難食！永無下次，完全唔值，大家樂分分鐘好食過佢！職員態度差，面無表情，無禮貌！落order 又落漏，唔睇番張簽帳單都唔知落漏

點咗一份帶子+m8和牛, 一份雞豬羊兩份都唔好食, D肉又鞋又瘦又細份+$10要兩隻生蠔如是自助區沙律唔錯, 湯非常好飲, 白飯亦好食.餐具都幾污糟.  所有碗有水跡事小, 筷子有乾咗飯粒刀又有條菜喂呀, 唔好同我加餸啦間鋪油煙好勁, 抽風明顯唔得, 我坐最出都還可以, 入面就幾難頂講完環境同嘢食, 要講返一開始部自助點餐,呢個偉大發明係只接受現金! 係喎, 自助點餐只接受現金!即係你要點完餐搵職員收錢 嘩,  太陽能電筒? 我笑咗咁最後職員好有禮貌問我想用八達通定現金, 唔該佢嘅~總結未食過午餐都仲可以食吓, 不過我就唔會返頭再食晚市$200+/位就免了

最近生活非常忙碌、辛苦，於是放工後就決定要去食好啲，選擇咗我一直想食但次次都冇去食嘅餐廳，試下我期待已久嘅石燒牛。🐄美國黑安格斯牛頸脊 $145我覺得幾好，份量比我想像中多，牛肉味道好重，因為冇燒得特別熟，所以好嫩，而且充滿油脂感及肉味。上面嘅蒜片好好味，尤其係配飯。醬料方面都ok，我最鍾意燒肉汁，配飯都好正！而飯、沙律、湯係自助式，ok的！我另外加咗$15叫咗蘋果汁，有解膩作用，不錯！我見幾多食評話呢間餐廳staff服務唔好，但我當日冇咁嘅情況，staff好細心指示我，幫我叫餐、自助區位置及選擇位置。整體服務體驗還好！☺️

作為一個食肉獸，當天亦很肚餓，所以見到牛扒專門店就二話不說，衝！以前也吃過類似的專門店，不過這間的種類多很多，而且不只有牛，還有魚及豬等，有平有貴，豐儉由人。神石美國天然牛扒200g $85既然第一次來，就平平地叫了這塊牛扒。點餐的過程很有趣，明明有一部點餐機，店員卻會在旁邊協助收錢，不一定要現金，還可以刷卡🤣。不過我也很明白，因為菜單很多其實有點亂，不知道要按哪一個才好，所以有店員在旁邊幫助會比較方便。點餐後可以入座，然後到自助沙律吧，拿取沙律、湯或白飯，味道不過不失吧。等了5～10分鐘左右，主角的牛扒終於出場！這塊牛扒很好切，味道還好，牛味不是太出，但總算是一分錢一分貨吧。神石的熱力很好控制，基本上很容易就可以燒出自己希望的熟度，不錯不錯。神石燒日本頂級水產組合 $95由於不想只吃牛扒，所以我們還另外點了這個水產組合。當中包括日本池魚、日本廣島蠔、北海道珍寶帶子。蠔比較小隻、和帶子一樣未能留下深刻印象。不過池魚則燒得很香很脆，雖然如此，但總覺得有點怪怪的（不是指味道，是指感覺）和不太飽，果然神石還是用來燒牛扒好了。【精靈球和大木博士一起的搵食圖鑑，比卡】

The waiters were not helpful at all. Not only not nice about repeating the instructions to those whose a first timer but also forgetful on requests. Ventilation is also very bad and the seatings are not comfortable. Not recommend for families.

想試神石燒好耐見屋企附近開咗 終於的起心肝去試！本身以為價位唔會平 但佢啲lunch set都幾抵！最近仲有新年追加優惠😍 用優惠價試到靚牛🤤佢都主打自助式入到去可以自己㩒機落單 或者職員幫你😝日式沙律 麵豉湯 白飯都係自取任食沙律嘅醬汁都有幾種 我自己中意柚子醋然後下面講嘅會係分別食咗兩次嘅體驗😝第一次去係平日嘅下午大推M6！牛味同口感都岩岩好神石牛扒個款都好食嘅 但相對口感無咁鬆軟所以失色咗少少🙈當時睇唔到個限定牌唔知叫兩個餐可以追加兩份同埋職員又無提到$10個choice所以淨係叫左一份韓牛😝嚟到只有三片 對比起150g好似又唔夠三份一🧐不過味道真係唔錯👍🏻不過牛味都係M6重啲第二次去係假日嘅下午今次塊板熱好多 所以好快就welldone咗🥲所以兩塊扒都比上次韌咗😭 不過都一樣食到豐富嘅牛味同埋個牌唔知係插錯 定真係嚟錯本身叫M8個牌變咗M6 不過個人都係中意上次嘅M6多啲今次嘅M8相對比較多筋 口感無咁好今次知道可以追加兩份啦haha再叫左兩份$10嘅M8感覺同另外叫嘅M8餐有啲唔同可能熟嘅程度岩岩好 覺得$10嗰份好食啲今次最有驚喜反而係鴨肝入口即溶 油香充滿口腔 配埋蒜蓉包

由開張到而家食左超過10次，每次質素都差太遠，時好時壞，忍唔住要好好留review 想個老闆好好正視間餐廳質素。第一次食嘅時候係11月12日，堂食我同老公一人叫一份牛，兩份都正常，但我食到一半塊石唔夠熱，好勉強咁燒埋剩低嘅牛。當時仲可以堂食，客人可以隨意去添加湯, 飯 salad等等，有d人拎自己食完用過嘅碗去添湯/飯，湯殼仲掂到佢自己嘅碗，雖然咁講好似好誇張，但疫情下大家一齊分享口水，我見到真係嚇親，唔敢再出去拎任何食物之後幾個月禁堂食，我諗買外賣應該都安全，就開始幫襯外賣，呢個亦都係我想講：廚師嘅training 應該放多少少時間落去。同一個餐，次次都會有唔同嘅煮法，好彩就食到個正常嘅，唔好彩時連汁都冇，有時有蒜片放係面，有時又冇，salad又好多水係底溝埋salad sauce, 真係可以令人冇哂胃口。至於收錢嘅staff, 唯一個要講就係頭髮好長好直扎馬尾著黑衫黑褲嘅一個女staff態度差，一開始遇著佢態度唔好，諗住佢可能今日遇到唔開心嘅事心情唔好，唔好怪佢，人地都係打份工，點知次次去都係咁嘅態度😧 我都係買個外賣就走人，冇欠左你，你一副唔想撈咁嘅樣真係幫手趕客。希望老闆睇到呢

終於完咗二人限聚，立即搵間餐廳四個人食下飯，朋友住大埔，所以揀咗呢一間。點餐要出去部機器度選擇，好彩有職員幫手，首先叫一個A5和牛二人餐，五百幾蚊，再嗌左一個海蝦餐， $400左右。兩個餐啲肉好快送上，再加埋兩發熱辣辣嘅石板，視覺上非常吸引，餐廳最入邊有自助沙律、白飯、麵豉湯和醬汁。雖然知道啲和牛係一般貨色，但咁嘅價錢已經非常超值，黑毛豬啲肉都幾林，兩隻海蝦就普通咗少少，但最好味嘅竟然係自助沙律，尤其是係薯仔沙律，我食咗三碗。值得再試一次嘅餐廳，我會推介。

話說今晚返工又唔知食乜好咁新達廣場最近又開咗呢一間新袍，所以同同事一齊諗住試吓佢之前同事有講過佢中午嘅時候食過一次，佢覺得好好食，同埋價錢都好便宜今次晚市我哋見到錯價錢好平只係$28就有兩信今次再揀咗以下嘅兩餸但係最後就好失望雖然個價錢真係好平$28，但係味道一啲都唔好食好似食緊醫院嘅兩送飯另外我哋仲加咗$10要咗塊細牛扒真係大家樂都大塊過佢同埋好食過佢不過講真呢個價錢真係好平只係下次如果要$28 一個的話，我會情願加少少錢食其他

自己試過太和那邊的熱石牛扒店，覺得幾好食～～～今次就近近地帶爸媽一起來試試家樓下開業不久的神石燒，順便比較一下兩店的質素！星期日約中午12點來到，店內沒什麼客人，不用等位，只需在門外的點餐機購票後就能入座，入座就會派取餐的提示震動機給食客。較為不便的是，點餐機只接受現金支付啊！神石燒的牛肉款式選擇多好多，但同時因我們對牛的部位或特性不太認識，而難以作決定。雖然沒什麼客人，但店員的主動性不太高，沒有粗略講解一下或推介一下哪一款較濃牛味﹑較有嚼勁或較軟稔。爸很快就選了價錢第二貴的1++頂級韓牛後腰腹150g ($260)，媽和妹分別是200g的美國極級黑安格斯牛頸脊 ($145) 及美國黑安格斯牛隔肌 ($110)，我就點澳洲M6黑毛和牛肩胛里肌200g  ($140)。牛扒的售價包含自助沙律吧，白飯及味增湯同樣是任裝。座位是吧枱長桌式，所以也沒幫家人的牛扒拍照，只拍了自己的那份～～～牛扒未上桌前，先去沙律吧取食物，是最普通的椰菜絲，醬汁是最常見的胡麻醬﹑意大利黑醋﹑千島醬及柚子醋。有提供白飯任裝，但沒有供應飯素來配飯。味增湯的濃淡度恰好，但配料則不多。桌上提供牛扒的調味料，有燒肉汁﹑生薑

服務差。上枱石已經唔夠熱。前後要換三次石先燒得完。無指示燒的時間和方法。無指示購票和自助方法。環境極窄，好唔舒服。二人set, 佢俾左薩摩A5和牛，但餐牌寫住左賀A5和牛，購票及上餐時無講過。食完要走時對一對返餐牌上肉類先知。另外，餐內包括的極黑豚肉上錯了雞扒，無職員通知，食完走的時間我睇返餐牌對照下先發現。同服務員講返，佢地先話可能係上錯左，最後俾返個豬扒飯盒我帶走了。結果"極黑豚肉" 回到家吃時硬過紙板，食了兩小塊就掉了。價錢略貴，套餐和散叫價錢分別不大整體性價比極低伏到一個點，只此一試，無回頭了。

路過見到幾吸引就walkin試吓。第一次試唔知係自助形式，量完體溫諗住門口位無着制服嘅侍應小姐(? 會帶位安排入座，見佢無反應咪行入少少諗住有其他人帶位。跟住門口位侍應小姐就叫住我話要買飛先，我先發現原來係自助。嗰位無着制服嘅侍應小姐態度極差，可能我哋盲舂舂貢去幫襯，又乜都唔知啦，無任何關於購票流程或者餐單嘅說明。我哋要走返出門口睇佢門口個餐牌點餐，而侍應小姐就企喺一邊撳電話。入座後不久，門口就換咗其他有着制服嘅侍應做接待。以我所見，其他有着制服嘅侍應係有說明整個點餐流程、有主動提供餐牌畀客人查閱。我有懷疑過到底嗰位無着制服嘅小姐係咪餐廳嘅職員。自助式其實完全無問題，不過直至我買飛入座前，整個過程都極唔愉快。

今日去咗大埔食神石燒呢間新店，OpenRice訂座，驚要等位所以早啲去食，首先環境真係坐得特別舒服，坐咗張沙發位, 我買咗佢好抵食嘅牛格機肌，M8和牛，見佢而家做緊優惠有加$10優惠,加咗匈牙利鴨肝同埋珍寶虎蝦.首先啲牛好有肉味，我燒到七成熟先至食，再加啲岩鹽同埋加佢附送嘅牛肉汁，超級好味，M8和牛就燒一兩下就食得，最好食就係佢個鴨肝，飯湯沙律任裝，同行屋企人各食咗兩碗 ，食到超飽10分抵食! 另外都要讚一讚現場嘅員工，門口嗰位哥哥仔好有禮貌，另外燒到一半舊石唔夠熱員工即刻換過塊俾我，抵讚！

好耐無去過大埔，竟然新開左間石燒牛扒呢間神石我之前都食過荃灣如心嗰一間，作為一間石燒牛扒（？）店，我覺得已經係又平又抵食。。。😂我叫左個神石牛扒，我記得上次去都係食呢個，$60幾蚊就有牛扒，又有飯、湯、沙律任食，其實係超抵🥺間舖頭整體都幾乾淨，好企理。而家仲可以叫店員幫你拎埋餐去個位度，將部攞餐機痴係幅牆度，佢響左就會有人拎埋牛扒俾你。因為我上次去荃灣嗰間無呢個服務，睇得出有改善過，真係細心左好多😆😆總括而言，超好味超抵食，下次黎要試埋其他😋