神燈海鮮酒家 (V Point)

營業中

休息中

今晚去咗銅鑼灣嘅神燈海鮮酒家 ，一直都想嚟試吓佢個招牌菜黑松露玻璃燒鵝。佢位於登龍街18號V Point地庫，落咗樓底入門口已經人山人海，安排咗二人卡位坐低。店舖裝修有種古色古香嘅中國風。雖然人多，但係安排有序，上菜速度快。黑松露玻璃燒鵝燒鵝嘅皮薄而脆，肉質嫩滑，而且完全無肥膩感，黑松露獨特香氣更為這道菜增添了奢華感，再加埋酸酸甜甜嘅醬汁唔油膩 好開胃。糯米炒膏蟹蟹膏勁多，成個蟹蓋幾乎填滿晒！糯米吸收咗蟹的鮮味，口感軟糯，味道濃郁。每一口都係滿滿的蟹肉和蟹膏，令我忍不住多食咗幾碗😍。新肉欖菜四季豆四季豆新鮮脆口，配上肉欖菜的香濃味道，簡單卻好味。金獎塔塔骨肉質嫩滑，軟骨連肉一齊吃，口感豐富，旁邊的醬汁更增添了風味。可口可樂 焦糖合桃晚市茗茶

收工後，有咩chill得過飲啖茶食個包！？🥴每日返工咁攰，當然食下好西獎勵自己😌 餐廳以中式木系設計為主，因為座位寬闊舒適，客服主動有禮，下午茶時段都幾多人好似係非洲返工既我地order左七款點心，食完大滿足☺️🍄‍🟫🪿黑松露燒鵝腸粉 $52未食已經聞到好香黑松露味，食落口感軟滑，燒鵝既油脂肉香𣊬間湧出，肥而不膩。同職員傾開先知道，黑松露燒鵝製作需時，先將黑松露醬查勻全隻鵝，再風乾兩日，入爐烤至皮脆肉嫩，難怪咁香口好食😯🦐富貴瀨尿蝦餃 $38/兩件賣相飽滿吸引，外皮薄到見到入面既瀨尿蝦肉，咬落啖啖肉，爽彈鮮甜又清新😋，餡料豐富，除左瀨尿蝦，仲有紫蘇葉、蟹籽、大蝦、西芹粒，食材配搭新穎，水準之作🦑香煎墨魚蝦餅 $68/六件墨魚蝦餅煎至金黃，食落好香口，墨魚同蝦既鮮味非常突出，食材比例控制得宜，口感爽彈，點埋甜辣醬，增加味道層次，友人同我食到停唔到口🥕蘿蔔絲酥餅 $38大大個酥餅舖滿芝麻，炸至外脆內軟，包裹住條條蘿蔔絲，清甜蘿蔔絲有助中和油膩感，第一次食呢款點心😋好食得來又有新鮮感🥚奶皇流沙飽 $38/三件造型可愛，包皮鬆軟棉密，一撕開麵包，奶黃餡就傾瀉而出😍熱辣辣好香奶黃味，流沙餡無一般奶

同朋友行街，肚餓又攰攰地，真係神燈一樣有求必應，俾我哋見到神燈🤩，無理由唔入去嘆下茶啫😂。🥢蜜汁脆燒鱔$278鱔件非常厚肉，燒得好靚仔，鱔皮香脆肉質爽彈鮮甜，油脂豐盈甘香。🥢黑松露燒鵝腸粉$52一上枱已經聞到好香黑松露味，粉皮薄身晶瑩滑溜，餡料十足，鵝味濃郁，鵝皮仲有少少香脆並滲出甘甜脂香。🥢富貴瀨尿蝦餃 2件$38蝦餃食得多，瀨尿蝦餃真係第一次食，用上原隻瀨尿蝦，夠哂爽彈鮮甜，下層係鮮爽蝦滑，整體創新好味。🥢春風得意腸$49滑溜粉皮包裹着脆脆米網卷，裏面卷住好多蝦膠餡料，口感豐富。🥢神燈蝦餃皇4件$52餃皮晶瑩，蝦肉爽彈juicy。🥢百花蒸釀魚肚$46大大件蝦膠嘅下層隱藏咗厚厚嘅魚肚，口感超正，軟糯Q彈，食落重膠質，滋補又養顏。🥢帶子鳳眼餃4粒$50份量十足嘅蟹籽加上帶子及蝦膠，同時亦充滿麻油香。🥢蠔皇金錢肚$42金錢肚非常入味沾滿蠔皇汁，口感軟腍，另外仲有燜得超粉腍甜香嘅芋頭。茶錢每位$12📍神燈海鮮酒家 (V Point)登龍街18號V Point地庫

👧🏻😋👅🍽✨銅鑼灣特色中菜-🥢 由佐敦開到銅鑼灣, 繼續以黑松露玻璃燒鵝作招徠, 店內掛起一隻隻肥美黑色燒鵝, 亦有生猛海鮮▪️黑松露玻璃燒鵝 1/4隻 $238🪿 塗滿黑松露醬再風乾, 有鵝油香亦有松露風味, 配上黑松露梅醬同豉油更顯鮮味▫️即燒乳豬 1/4隻 $258🐖 個脆皮到不得了, 夾起見到乳豬肉每一件都灸燒過, 去油膩之餘仲帶微微焦香▪️濃雞湯脆米海皇粒粒泡飯 $198🍲 一大鍋熱辣辣濃雞湯入面有蝦仁, 魚塊, 瓜粒, 泡飯浸滿濃濃雞湯好鮮甜又唔會太軟爛, 配上脆米粒一齊食口感更有層次!▫️招牌焗魚腸 $118🥘 都預左魚腸魚潤會好肥, 但呢度落左果皮絲減低油膩感, 令口味回甘幾出色! 焗蛋質地軟滑, 酒味重唔會太鹹, 就算唔送飯都很可以!

依家神燈海鮮酒家做緊全日點心7折，真係好抵。位於銅鑼灣登龍街，環境舒服，唔會太嘈，適合同朋友一齊聚餐。黑松露燒鵝腸粉，一啖咬落去，燒鵝皮又脆又香，腸粉滑溜，黑松露嘅味道唔會太搶，整體感覺幾好。富貴瀨尿蝦餃，餃皮薄，蝦肉鮮甜，加埋蟹子，口感丰富！蜜汁脆燒鱔，外脆內嫩，鱔魚皮燒到有點焦香，蜜汁嘅味道唔會太甜，正好。乾炒牛河，牛肉炒得剛好，河粉沾滿醬油，味道好入味。蛋黃千層糕，層次分明，蛋黃味濃，內層有啲好似糖冬瓜嘅咬口，幾特別。香煎墨魚蝦餅新鮮彈牙，墨魚味濃，真係唔錯。店員好友善，叫餐速度快，服務好。神燈嘅個午茶體驗真係好滿意，值得推介！

神燈海鮮酒家係佐敦中菜既老字號而家係銅鑼灣都有分店☺️午市點心 夜市懷舊中菜裝修好有特色 食物又高質個人好喜愛同朋友黎食😋銅鑼灣店裝修充滿中國特色仲有傳統吊燈 好有情懷既有卡位 亦有貴賓房寬敞用餐空間 可以好舒服係到聚餐😍坐低就有前菜琥珀合桃 可以食住等主菜食完仲有紅豆沙添呀🥰💥糯米炒膏蟹王牌菜式 以整個砂鍋上保留最佳溫度同濕度😌膏蟹鮮香 蟹膏份量驚人 味道濃郁 生炒糯米飯微微焦香底部仲有香脆既飯焦 真係必食🥳💥燒汁芥末大尾魷選用新鮮大尾魷 嫩滑爽口 口感極佳搭配特製芥末燒汁 帶出魷魚鮮甜味仲有好多洋蔥一齊炒吸哂精華 正☺️💥金湯海皇豆腐上枱仲熱辣辣湯汁由南瓜同鹹蛋黃醬製成豆腐滑溜 帶濃郁豆香搭配新鮮魚肉 帶子同蝦肉充滿海鮮既鮮味🥰💥金銀蛋浸時蔬金銀蛋浸新鮮菜心配上金黃既鹹蛋同皮蛋鹹蛋皮蛋更帶出蔬菜清新😆

為慶祝朋友生日，今次來到銅鑼灣嘅《神燈海鮮洒家》，呢度裝潢古色古雅，座位濶敞。✨️即燒乳豬 乳豬皮超脆，肉質鹹香四溢。再加附上糖 和 甜醬，大愛!✨️星洲麥皮蝦 麥皮薄而脆，黏滿蝦的外殼上，一咬落蝦度就感到陣陣麥皮嘅香味。蝦有手指公咁大隻，肉質Q彈。✨️即燒伊比利亞叉燒皇 西班牙伊比利亞黑毛豬，因多是吃橡果，使其肉質帶了獨得芳香嘅味道。今次食呢舊义燒半肥瘦，肉質鬆軟腍，外富有濃厚醃製醬料。✨️醬皇翡翠鴛鴦蚌 鴛鴦蚌是由珊瑚蚌 和 桂花蚌組成，兩者皆爽嫩。✨️是日甜品~紅豆沙粒粒爆沙，冇苦瀝味。

今日同同事嚟到神燈飲茶點心小食都幾多選擇蜜汁脆燒鱔 $278omgggggggg 依個絕對係今餐嘅MVP每舊鱔肉都好厚身外皮脆卜卜 肉質就好鮮嫩蜜汁係神來之筆 食落去係滿滿嘅幸福🦦黑松露燒鵝腸粉 $52第一次食燒鵝嘅腸粉燒鵝啖啖肉 味道幾重 配腸粉又幾得意香濃雞湯蟹肉灌湯餃 $58好大隻嘅灌湯餃入面有好多隻蝦蝦蝦 湯底都好鮮甜胡椒鹹菜豬肚 $62好足料好濃郁嘅湯帶點胡椒香氣 又幾好飲豬肚好入味 唔錯唔錯芥未一口牛 $70一口牛肉質好嫩 加埋芥末 嚟個味覺嘅小衝擊蟹籽蝦仁燒賣 $38蠔皇金錢肚 $34椒鹽魷魚 $62依幾款都唔錯好滿足嘅一餐茶

今日去咗銅鑼灣登龍街嘅神燈海鮮酒家食點心，多款點心都充滿創意同心思。神燈嘅室內設計充滿古色古香嘅韻味，以深木色為主調，搭配傳統中式雕花同古典燈籠，營造出濃厚嘅懷舊氛圍。空間佈局講究對稱，細節精緻，彷彿穿越時空，帶人回到舊時光。🦢 **黑松露燒鵝腸粉** 腸粉皮薄滑溜，黑松露醬香氣撲鼻，燒鵝肉嫩多汁，配搭好有創意。🦐 **拆肉瀨尿蝦蝦餃**坊間少見嘅瀨尿蝦肉作為餡料，肉質鮮甜彈牙，蝦餃皮晶瑩剔透，賣相吸引。🐟 **蜜汁脆燒鱔** 鱔皮燒得香脆，蜜汁甜度恰到好處，肉質鮮嫩多汁，每一啖都充滿驚喜！加上少許檸檬汁🍋瞬間鮮味提升。🐮 **蠔皇金錢肚** 金錢肚燜得軟腍入味，醬汁濃郁帶微辣，下面仲有芋頭條墊底。🐟 **市橋白賣** 鯪魚球鮮味十足，燒賣皮薄餡多，蒸得剛剛好，口感彈牙，仲有一片臘腸喺面，好有傳統風味！ 🍤 **鮮蝦炸春卷** 春卷炸得金黃酥脆，唔會油淋淋，內餡鮮蝦爽口彈牙。🥯 **雪山叉燒包** 外皮鬆軟帶甜，內餡叉燒肥瘦均勻，蜜汁香濃，食完仲想encore！ 最後不得不讚一讚神燈嘅服務質素，侍應們個個都笑容滿面，態度親切有禮貌，而且非常細心，會主動幫忙收碟同整理碗碟

係銅鑼灣分店幫襯左幾次，覺得同佐敦味道差不多，保持特色而且空間闊落好多。上次食飯見隔離檯有長腳蟹二食好吸引同好香，特登搵日lunch約埋，預留左長腳蟹黎食。最後揀左甲羅燒蟹蓋，花雕雞油蒸蟹身，加麥皮蟹腳三味蟹蓋係侍應係隔離set壇即場燒，一路燒聞到香味，見到佢好細心慢慢攪，而且份量好足。再配埋蝦多士，超級邪惡D汁多到食極食唔哂二食嘅花雕雞油味好香濃，好有水準。啖啖蟹肉食完已經飽哂。最後麥皮蟹腳，麥皮包到成座山，好誇張。麥皮做法已經少見，可以炒咁多炒到咁香足見師傅功架。雖然好飽，都肯唔住食左幾啖麥皮。

Happy Friday 我同事去公司附近飲茶，同事推介咗呢間位於銅鑼灣嘅神燈海鮮酒家，聽聞之前喺九龍區已經好出名🤩✨黑松露燒鵝腸粉黑松露味好香，腸粉軟滑，燒鵝肉質軟腍腍，非常唔錯✨香濃雞湯蟹肉灌湯餃雞湯好好飲，蟹肉灌湯餃都好足料，外皮軟滑✨蜜汁脆燒鱔第一次試燒鱔，外層脆口，魚肉都好香軟✨鮑魚燒賣皇綠色嘅外皮好吸睛，加上鮑魚，賣相超正✨神燈蝦餃皇果然係蝦餃王，蝦肉好彈牙，好食！✨蛋黃千層糕蛋黃千層糕好有特色，真係食到鹹蛋碎，鹹香味充足✨奶皇流沙包流沙包最型好可愛，食落熱辣辣，都非常之唔錯✨XO醬煎腸粉竟然係用石鍋裝住，焦香味好正，慢慢食都唔會怕凍咗✨香煎墨魚蝦餅墨魚蝦餅爽滑彈牙，加上酸辣汁，好惹味～總括而言，呢間酒家都真係幾高質！值得推介俾大家👍🏻

移民咗嘅親戚回來香港五日，只能約到佢食lunch，我就約咗佢去神燈海鮮酒家，好多款式都好吸引。蛋黄千層糕 $30依個係懷舊菜式，親戚話起碼10年冇食過，嚮依度見到好驚喜。嚟到嘅時候感覺10分飽滿，饅頭質地嘅包與豐富嘅蛋黃奶黃一層一層互相交疊。蜜汁脆燒鱔 $278 這道菜色澤誘人，外皮金黃酥脆，入口瞬間能感受到鱔肉的鮮甜與蜂蜜的濃郁香氣完美結合。脆外層與內部的嫩滑肉質形成強烈對比，每一口都帶來層次分明的口感，令人回味。香濃雞湯蟹肉灌湯餃$46這道菜在口感與風味上堪稱一絕。灌湯餃外皮晶瑩剔透，薄中帶韌，入口滑溜，恰到好處地包裹著濃郁的雞湯與鮮甜的蟹肉和蝦肉餡料。輕輕咬開時，飽滿的湯汁瞬間流出，濃郁的雞湯香味與蟹肉的鮮味交融。搭配著細膩而溫暖的湯底，每一口都洋溢著奢華與家常的完美結合，令人回味無窮。鮑魚燒賣皇 $42   每顆燒賣都飽滿而且口感紮實，鮑魚的鮮味提升了整體層次，帶來一種奢華感。蒸煮得剛好，能保持食材的原汁原味。鮮蝦炸春卷 $34  外皮炸得酥脆卻不油膩，一口咬下去，內餡的新鮮蝦肉立刻帶來彈牙的口感，搭配調味的蔬菜絲，增加清爽感。是餐桌上不可錯過的炸物。蠔皇金錢肚 $34 金錢肚

神燈海鮮酒家最近在銅鑼灣登龍街開咗間分店！🌟🎉今個假日特登同朋友去飲茶先！☕🌟裝修設計古色古香，旁邊的卡位用艇仔的設計，相當特別！🫰🌼🍀富貴瀨尿蝦餃入面真係有一隻瀨尿蝦！瀨尿蝦爽口彈牙，味道鮮美。🌈黑松露燒鵝腸粉選用香嫩燒鵝肉，配搭新穎，味道好吃!🍀雞湯蟹肉灌湯餃個雞湯濃郁鮮甜，入面有蟹肉，食完令人好回味！🌈香煎蘿白糕香口入味，入口有蘿白肉，口感一流!🍀蛋黃千層糕賣相吸引！入面有蛋黃碎和冬瓜蓉，口感鬆軟，好味既甜品呀！🌈帶子鳳眼餃帶子外，入面也是滿滿的蝦肉餡，令人回味！🍀蟹籽蝦仁燒賣又黃又綠既餡皮，入面又大大隻鮮蝦，上面是滿滿蟹籽，好滿足！

很多朋友都推介，今次終於訂到位可以一試! 星期六晚訂枱，竟然訂到今晚 (星期日)，為免夜啲多人，所以我 book 6pm。 準時到達，發現已經有幾枱人食緊。坐低有碟前菜 (蜜糖合桃)，好食 👍🏻👍🏻，打開菜牌發覺都唔算平，而我哋一家三口就叫咗個二人餐，再加 1/4 隻黑松露燒鵝同海皇豆腐煲，埋單 $1,2xx。上菜：竟然係燒鵝最快 (額外叫嘅)，呢個有少少失望，唔熱，叫做暖，我覺得太肥，冇乜肉，同埋好細碟。 套餐:-濃湯浸菜加花膠，呢個唔錯，夠熱 👍🏻👍🏻 椒鹽豬手，佢話係招牌菜其中之一，但本人覺得麻麻炸蟹鉗，呢個正，又大隻，又脆 👍🏻👍🏻👍🏻粉絲蒸蟶子，過火咗，有沙菌、蓮藕炒四季豆，一般，冇特別炒飯，正常發揮奶黃包 及 桂花糕，正常發揮額外叫嘅:-海皇豆腐煲，唔太差大致覺得：枱與枱之間都有少少空位，唔算太迫，招呼都幾好，但偏貴，食過一次就算

尋日晏晝，約埋三五知己去咗銅鑼灣嘅神燈海鮮酒家，嘆返個精緻嗆早午市點心。聽聞佢哋嘅海鮮菜式做得出色，今次就專登嚟試嚇佢哋嘅點心水準，睇嚇係咪名副其實。🥢 黑松露燒鵝腸粉：香氣撲鼻 🥢第一道上嘅係黑松露燒鵝腸粉，一上枱就聞到陣陣黑松露嘅香氣，真是令人食指大動！燒鵝嗆鹹香同黑松露嘅獨特香味完美融合，腸粉皮薄而滑，入口即化，真係令人回味無窮！ 😋🍤 富貴瀨尿蝦餃：鮮味十足 🍤跟住就到富貴瀨尿蝦餃，晶瑩剔透嘅餃皮包裹住飽滿嗆蝦肉餡料，睇落就已經好吸引！一啖咬落去，蝦肉爽口彈牙，鮮味十足！ 🤤🐟 蜜汁脆燒鱔：外脆內嫩 🐟蜜汁脆燒鱔亦都值得一讚，鱔肉炸得金黃酥脆，外脆內嫩，配上香甜嘅蜜汁，真是令人停不到口！ 👍 雖然有人覺得蜜汁可以再濃鬱啲，但我覺得呢個甜度啱啱好，不會太膩。🍚 櫻花蝦叉燒粒炒飯：粒粒分明 🍚最後我唙仲叫咗個櫻花蝦叉燒粒炒飯，炒飯粒粒分明，乾身不油膩，櫻花蝦嗆香味同叉燒嘅鹹香互相輝映，真係好惹味！每一個都充滿驚喜，絕對是必點之選！ 💯🥟 其他點心：各有千秋 🥟除咗以上幾款之外，我前仲叫咗市橋白賣同紅油抄手。市橋白賣皮薄餡靚，肉汁豐富；紅油抄手辣度適中，麻香四溢，都算係不錯嗆選擇。💰