神戶屋日韓放題

營業中

休息中

呢間放題標榜下午時段可以食足6個鐘(12：15-6:00)，好少有可以坐咁耐嘅舖，於是同幾個朋友一齊去試下。其實 book完之後睇返 openrice嘅評論，深知可能中伏，但抱住試下同可以坐得耐，就去一探究竟。當日我地 book左2:00，落單係用手機掃 QR code，叫左1-2轉之後發現．網頁顯示 3:45 為最後落單時間，見到即刻嚇一嚇，唔係食到6點嘅咩，好彩店員都好好禮貌同服務，佢話因爲師傅需要落場食飯，要截單先，可以係4點幾開返系統再俾我地落單。到4點幾嘅時候，我地再掃QR code 發現顯示失效，再問另一個店員，但佢竟然回答 「我出過張俾你地，落埋最後一次啦」。我地聽到一頭霧水，不過之後都可以繼續落就算啦。食物質素整體而言不過不失，反而4點幾之後落嘅個轉食物質素開始下降，大部分食物都唔熱，例如：炸物、燒物。值得一提，餐廳內嘅甜品較多選擇，有多種款式嘅雪條雪糕，質素偏高。整體而言，可以坐咁耐，唔會被趕走都唔錯㗎啦。

同朋友去慶祝生日梗係要食放題啦，呢一間放題店食物選擇多，而且價錢亦都適宜，另外呢度嘅防疫措施亦都做得好足，消毒措施都做足，我哋都食得更加放心。食物方面我覺得呢度嘅串燒都好正，特別係呢度招牌嘅蒜蓉燒扇貝串燒，蒜蓉味夠晒香，配埋扇貝一齊食就完美。壽司當然都要試吓啦，佢哋都有好多種唔同嘅軍艦壽司同埋卷物，我覺得佢個神戶炸蝦佢好正，炸蝦啱啱炸起，捲落壽司度食都好吸引另外呢度亦都有黑松露壽司，之前都未試過好特別，黑松露配上夠晒肥美嘅油甘魚好搭配

一入坐，比左張稱為「特快」刺身紙黎，我填左20張有頭甜蝦，佢黎到比左幾隻有頭赤蝦我…首先20變左幾隻，然後甜蝦變左赤蝦？發生咩事？我唔鐘意食赤蝦！一句有頭甜蝦無貨..同埋個兜唔夠大就走左…個兜唔夠大？？？點解唔夠大？首先隻兜夠大，同埋出去食放題我未見過有邊間20隻甜蝦會放唔落去！之後我寫左20隻無頭甜蝦！依舊黎幾隻….到底發生咩事？炸物又難食.榴彈炸彈唔係叫貨既咩？點解其他放題都差唔多水準…你呢粒又林同埋榴連蓉勁小……天婦羅炸到硬崩崩…..個開邊蝦仲爆….細過蝦米🤣沙律醬又酸…到底點解甘難食？？？不過值得一提，侍應其實唔差.有禮貌的。係間野規矩同廚房或老細問題。真心…300幾蚊…好痴線…

Openrice 買咗兩張晚市$179三小時任食優惠卷諗住星期六同朋友去食 食既時候每人要比多$79事情是咁的早個幾星期打去book位 已經話晚上full晒 得4:30- 7:30的時間 我冇問題既 咪早啲食 照book去到 枱面地下痴笠笠都算 食物質素參差 叫咗的食物冇貨 都唔會講聲 要主動問離場時間早1小時便截單 6:30last order 都算6:35左右有個職員態度好差行過嚟叫我哋即刻走話出邊有客等緊我哋張枱我哋同返佢講 我哋係晚市優惠券 食到7:30佢就死口話係午市 食到6:30即刻收晒我地桌上的餐具食物質素差，員工態度差，環境衛生差

近期終於開翻晚市堂食🤩，就即刻同朋友去食翻個日式放題啦🥳。今日黎到呢間位於旺角嘅神戶屋日韓放題😗，呢度衛生環境都好好，每一張枱中間都有隔板，食得更加安心😆。首先刺身拼盤超級吸引❤️，有各種新鮮魚生，我自己就覺得三文魚特別肥美😝，帶子都超級大隻，識落好滿足。另外我都好鍾意佢個蝦天婦羅🍤，炸得好夠脆，又夠晒大隻😎。亦都試咗佢個期間限定嘅四川香辣雞煲😛，麻辣味超級惹味，而且每一件雞肉都好滑😁。呢度嘅壽司亦都好多種類有黑松露火炙壽司等等，我自己幾鍾意佢個火炙芝士燒三文魚腩，芝士配上肥美嘅三文魚腩簡直冇得輸

近期終於可以出街食飯，梗係要食啲好嘢喇～今次嚟到呢間喺旺角嘅放題，地點就腳，大家各自放工去都好方便！嘢食分類都幾多，除咗好飽肚嘅飯麵無咩點叫之外，其他都有叫到，重點講下我覺得必點嘅嘢食！刺身利申：有希靈魚嘅放題，我都覺得唔會太差，因為佢識揀，哈哈！除此之外，我覺得有頭甜蝦都係唔可以唔叫嘅，好大隻好甜～另外驚嘉嘅係泰式生蝦，即係平時叫都唔平，所以今次真係狂叫！！回本！燒物牛舌易入口，雞軟骨送汽水超正derr~而蒜香一口牛都俾到驚嘉我，牛味好濃好肉質幾好～～當然唔少得我至愛燒菠蘿，佢燒到有啲焦香，好甜好好味！炸物都係日本常見嘅天婦羅，幾香口。值得一提係有炸榴連，我就唔食嘅，但朋友食得好開心...... 🙈所以愛吃榴連嘅朋友要留意！總括而言，又有魚生、串燒、炸物、邊爐，連韓國嘢都有，CP值好高！

前排同朋友去開旺角行街諗住晚餐就食放題，見佢地做緊3小時任飲任食都係$179! 衛生情況幾好仲有間板! 2位起仲送海膽刺身同清酒/梅酒一枝，要讚下海膽份量幾充足，食落好鮮甜添刺身同壽司款式都幾多，自己最愛三文魚同珍寶帶子，大大塊都好厚身! 帶子感覺到好新鮮加州反卷超足料，自己都好鍾意鰻魚壽司個醬汁嚟到一定要試吓個牛肉壽喜燒，湯底甜甜地，配上牛肉同蛋汁一齊食好開胃有冇人同我一樣都好鍾意食韓國野呢? 估唔到放題都有多款韓國野食，自己大愛人參雞湯，熱辣辣好暖胃，雞肉估唔到都好嫩滑另外仲有蜂蜜芥末炸雞、泡菜辣豬手、部隊火鍋、辣炒魷魚等等，蜜糖芥末醬唔食辣嘅朋友仔都接受度，豬手肥瘦均勻，配上泡菜都幾夾食到最後仲有甜品同雪糕，甜品仲有豆腐花，食落去好滑！為整餐畫上完美句號

叫刺身 想食個d寫10件 黎1，2件 都算啦 唔想食個d 佢又比10幾件我地 吹脹 d侍應又成班傻下傻下禁 叫又唔應 應左又feedback 唔知想點 飲野方面，本身想拎檸檬茶，冇都算，想飲解茶都冇，作為一個收300+1的日式放題點黎D好基本的飲品種類都冇，真係說不過去最後係d野食 每樣都好似好”每”好唔新鮮禁 連熱野都唔熱 想食隻芝麻雞翼都縮水縮到仲慘過去食脆香雞翼 完全唔掂囉 都唔知d評分點黎！以後唔會再去 亦都會叫人唔好去！另外已經奇怪點解咁難食都咁多好評，原來發現係黃店咁D人食咗屎都話好食架啦，睇路啦各位同路人

終於放寬晚市堂食，已經迫不及待同朋友仔一齊出去食大餐，決定咗食放題。喺疫情期間，餐廳嘅衛生控制都做得幾好，食野嘅時候都會放心啲。見到員工喺人客走嘅時候，都會用消毒劑去消毒枱面。另外，枱同枱之間都有放間板，距離都唔會話好近。食物方面，上菜嘅速度都幾快，都冇漏單。幾欣賞佢嘅燒牛舌、燒大蝦等燒物，因為夠新鮮同埋幾入味，大蝦都幾爽口彈牙、仲有陣陣嘅鹹香味。羊架都好好味，上面啲黑椒味好突出，燒到啱啱好，唔會太散或太熟。刺身會同埋乾冰一齊上，三文魚係厚切㗎 ！油脂味都幾新鮮。其他刺身壽司都不錯，用料鮮甜。甜品嘅選擇都幾多，有雪糕、雪條。整體今次嘅放題都不錯，價錢、食物質素環境嚟講，性價比都幾好，有機會下次會再嚟。

一黎到間餐廳已經知中伏😵因為之前黎過一次覺得野食麻麻，可能前一晚凌晨眼蒙蒙BOOK, 陰差陽錯又BOOK 番呢間! 都算喇，照入去~~環境：間野黑媽媽，好似無錢交電費咁，感覺唔舒服~~我BOOK 左二人位，張檯細到呢，基本上擺左醬油碟，已經無咩地方放食物，莫講奢侈地想放個手機係檯面😪，可以話同旁邊果檯食客面貼面😒我個FRID早到仲MESSAGE 我「呢度坐得好舒服WOR」！項佢，以為係真~~食物：垃圾級別！刺物又細舊又唔新鮮，最令人難忘係佢舊吞拿魚壽司🍣！又梅又硬，唔知點形容佢，一擺落口已經想喊😭😤熱食都不相百仲，一口牛竟然係一口油，舊肉唔知係牛定豬定其他，總之無肉咪，又成口膏🙄，個汁多到一碗湯咁又喊又濃🤮🤮OH MY GOD!!芝麻雞翼可以整到得一邊係炸，一隻雞翼兩種煮法！妙極妙極~~你以為炸物無死喇掛，你錯喇! 閣下有冇唸過炸多春魚條魚係臭架呢! 真係~我即時忍唔住即場同我FRID講，陰公我最鐘意食多春魚~依家唸起都有陰影😌😌其他既......就唔講喇......難食都算！鬼叫自己BOOK錯咩~~最最最慘係我同個FRID今朝仲肚痾LOR☠️真係真心忍唔任又激氣先打生平第一次既食評😤😤

好少打食評嘅經驗，但今次真係要分享下，因為第一次咁差ge體驗，真係貼錢買難受😣見到12-6放題，就試下啦，2:30食，估唔食左一個鐘就有職員話4點last order要落場，雖然冇諗過，但食得飽就冇所謂啦但估唔到D食物咁，叫10塊三文魚刺身，黎3-4塊，我明放題野食通常唔黎足正常嘅，但我叫1 ，2ge野 佢比10我係咩玩法？（唔食又好浪費，雖然係刺身姐）之後我淨係叫三文魚刺身，直接唔黎，再落都唔黎，反而壽司、炸物就比雙倍以上😣例如叫2件炸雞，黎2串，每串4-5塊🙄🙄我同朋友都有盡量食嫁，但有D真係搞唔掂，炸物好似油浸出黎咁，夾起係軟身嘅🤢之後食左件鰻魚壽司，嘩！臭嫁！前所未試過嘅味，真係即刻嘔出黎，情況緊急到我用抹完枱ge紙巾包住，朋友試左都話係有怪味，真係好痴線！仲有叫左幾次三文魚刺身，都真係唔黎，4點D師傅真係落曬場，其實全場得8-10枱客，3:40到落場都冇比我地，最後要出聲叫職員先有，今次數質比足，但size細一半同薄左👍🏻👍🏻👍🏻埋單95折後261一個人，其實咁嘅價錢，食其他放題性價比高好多，或者比多少少錢食酒店buffet會好D但要讚嘅係職員態度好好，D飲品同雪糕款式都幾多

復活節假期第一天，就打算放肆去食放題，在Open rice好方便可以訂座，就出發喇。餐廳位於兆萬8樓，去到已經好多人，我都有啲期待，我哋都唔需要等就入座了。首先要讚下喺刺身，呢度有好多款蝦，好新鮮，帶子亦質素亦都非常好！佢係厚切嗰種！另外，服務亦值得一讚，店內全是後生仔女，做野好主要快手。清碟清得快，亦會主動幫手跟單！我哋一坐低仲有特別提我哋因為今日多客所以一次過點多啲，出菜時間會耐少少。呢個係貼心嘅。但係，熟食方面就真心麻麻。無邊一款係特別出色，最無奈係芝麻雞翼。呢啲應該係簡單菜色，一上嘅時候我都面色一沉。點解會成塊炸皮係無咗架呢？味道亦好一般。最後以雪糕作結，呢款係我比較小喺放題見到嘅雪糕，都幾得意！總括來講，我未必會encore。

又食放題的日子，最近只可以晏就食放題，就簡左一間可以由12點到6點既任食放題。刺生盤一黎就比左一大盤刺生，所有款式都有幾個，三文魚大大件啖啖肉，大蝦刺生好爽口，甜蝦好鮮甜，北寄貝都好爽口，樣樣都唔錯。 燒物燒物款式都有好多種，燒牛舌，芝麻雞翼，雞軟骨等等，日式放題一定需要有既食物，食物質素都不過不失，燒牛舌都好易入口，芝麻雞翼都好香口，雞軟骨都好爽口。 炸物有各款既天婦羅，炸蝦炸番薯等等，仲有炸榴連炸紫芋丸，全部都好香脆。 火鍋一黎就會有三款既火鍋簡，今次試左韓式部隊鍋，配料係比較簡單既午餐肉，廚師腸等等，但湯料加埋芝士都好香濃，放題當然仲可以叫其他配料，仲可以加肥牛同其他配菜，配埋個芝士部隊鍋湯底，好滿足好開胃。 最後因為時間好充足，比起平時要食2個鐘既放題，可以食燒物炸物，之後仲可以慢慢食火鍋，係一個不錯既體驗，值得去試。

趁住中午得閒同老婆去食放題，最後揀左神戶屋，因為佢疫情期間放題可以食足6小時，由12:00pm食到6:00pm，價錢都只係$229，真係抵到爛，可以食到夠本首先當然係去拎嘢飲，有唔同飲品任君選擇老婆為左我既健康，叫左呢個胡麻醬番茄俾我，估唔到又幾好味唔少得當然要叫返個刺身拼盤，擺盤賣相非常吸引三文魚夠晒肥美，之後都有不斷追加！帶子、鮑片好鮮甜生蠔亦都好新鮮，有少少海水味其他嘅都屬於中上水準清酒煮蜆，淡淡的酒香加上鮮甜嘅蜆肉，唔錯～麻辣帆立貝，又辣又濃味又大粒，啱晒重口味既我蒜香一口牛，牛肉味都幾濃，加埋上面嘅炸蒜好夾，好香口燒鯖魚，外皮焦脆，魚肉嫩滑多汁，配搭檸檬嘅清香，正！燒菠蘿，香甜多汁嘅菠蘿，連埋上邊有一層薄薄嘅焦糖，口感同味道都一流，極度推介！芝士帆立貝，濃濃嘅芝士味，加上大大粒帆立貝，超好味炸雞軟骨，薄薄嘅脆漿包裹住每一粒雞軟骨，非常酥脆可口神戶屋嘅炸物真係非常出色，全部都炸到好脆又唔會油榴槤炸彈，勁香榴槤味炸鮮奶，食到牛奶嘅香味芝士年糕，又可以食到濃濃嘅芝士味南瓜香芋丸，鍾意佢南瓜同香芋嗰種淡淡的幽香心太軟，雖然唔係流心，但係佢嘅味道非常好，一口一件，好貼心食到超飽超滿足，

已經不知多久沒吃過放題這種放飛自我的餐點😂老公說之後可能只能吃外賣的，而且神戶屋居然吃6小時放題才$229 ，那我們豈不是可以一頓頂兩餐（笑）那我還不吃爆！（決心！）而且長者更有優惠$179 ，下次絕對可以帶奶奶來吃。首先點了一堆魚生😆三文魚肥美爆！希靈魚也好新鮮🤤🤤🤤老公說上次跟朋友來慶生，點了鮑片，覺得非常鮮甜，我還不小心額外追加了帶子、象拔蚌、生蠔、北寄貝（超愛）、蛋和蟹棒，天呀然後就來了這艘船...神戶屋的炸物真的是一流好吃！榴連炸彈很甜很香脆，必點！另外芝士年糕和南瓜香芋丸也甜甜的好滋味。最喜歡他們的炸物不太油，炸粉夠脆，裡面的餡料又熱熱的軟軟的🤤炸雞軟骨也是必點的吧～～～超喜歡雞軟骨的口感～很有咬口！清酒煮蜆的酒味不太濃，很適合我這種對酒一般的人，蜆肉大大粒而且沒有沙，連湯一起吃有種暖胃的感覺。蒜香一口牛的肉味濃郁，牛肉不會太淋身，加上蒜粒一口一粒，很快就清掉了整盤😆燒鯖魚很健康，真的是必點😂😂可以減低丁點罪惡感之餘，加上檸檬汁吃真的超正！魚皮還帶有少少脆口！汁燒帆立貝和芝士焗蠔也很入味，雖然醬料很多，但卻不會掩蓋了海鮮本身的甜味，而是提鮮了！另外一定一定要點的是燒菠蘿！超