神戶屋日韓放題

營業中

休息中

有朋友從國內來港旅遊兼探訪我，今晚我帶佢行旺角買嘢，行到兆萬中心，有人向我們派傳單，係神戶屋日韓料理，剛好我哋都想搵地方食飯，朋友話想試吓！那麼就上樓入座吧！火鍋係三選一，因為朋友比較喜歡食刺身和串燒，所以冇食火鍋。鹽燒活海蝦鮮甜彈牙。紐西蘭羊架肉質鮮嫩。鹽燒鯖魚表面焦香，魚肉嫩滑。黃金芝士燒廣蠔焗到金黃色，非常惹味。避風塘一口豆腐外脆內嫩。韓國炸鮮奶外脆內香滑。海老天婦羅外層脆口，蝦肉彈牙。川辣三文魚骨腩香口惹味。三文魚刺身肉質細嫩鮮美，泰式生蝦刺身再配上辣椒醬汁，層次更豐富。赤蝦刺身口感充滿彈性，鮮甜爽口。鮑片刺身鮮甜。赤貝刺身好爽口。黑松露珍寶帶子壽司、黑松露油甘魚壽司、海膽赤蝦壽司，壽司即叫即做，黑松露嘅香味令壽司更美味，鮮甜嘅海膽和赤蝦真係好夾。火炙芝士燒三文魚腩壽司，火炙芝士惹味，加上燒過嘅三文魚腩，魚油特別甘香，兩者合二為一，真的美味極了。韓國人蔘雞湯就比較普通，似中式湯多一點。甜品都係任食，記得留肚！啤酒汽水都係任飲。

刺身：刺身拼盤幾多種類，除了常見嘅三文魚、希靈頓魚、甜蝦，還有泰式生蝦、帶子、海膽。三文魚幾厚切，赤蝦都唔細隻。生蠔唔腥，加上酸辣醬汁，味道唔錯。佢啲wasabi 幾濃，加少少都好勁。炸物：幾鍾意食日本芝士年糕、韓國炸鮮奶、日本香芋丸，口感QQ，軟糯香甜。另外，吉列廣島蠔、蜂蜜芥末炸雞、海老天婦羅、蟹棒天婦羅都唔錯，大件抵食。壽司：壽司款式多，叫咗火炙岩鹽三文魚腩壽司、牛油果軟殼蟹卷、鰻魚壽司、藍鰭魚蓉軍艦、蟹籽軍艦。質素唔錯。串燒：牛舌都算肉厚唔韌。菠蘿大件多汁；蒜蓉粉絲元貝十分惹味。和食料理：雖然清酒煮蜆嘅清酒湯比想像中少，但每隻蜆都有肉，唔會唔見晒，又冇乜沙。飲品選擇都唔少還有啤酒，最後甜品有各款韓國雪糕雪條。入座即送火鍋，可惜我同朋友已經好飽就冇叫到，眼見其他檯都有叫到一鍋。雖然係兆萬，但食物質素都唔錯。三百蚊食放題+火鍋嘅話都ok抵。

今日係老闆生日，一大班同事同佢慶祝，訂咗兆萬中心神戶屋日韓放題，過百款日、韓美食刺身壽司、和食料理、串燒鐵板燒、火鍋、各式飲品及甜品，任飲任食，大家可以盡情享受到自己嘅口味！餐廳見到我哋人多，又有人生日，砌一大盆刺身給我們打咭兼享用，集合左多款刺身，擺設得精緻又美麗。影完相梗係立即開餐，刺身好新鮮，其中生蠔海水味淡，非常嫩滑。三文魚肥美。大大隻赤蝦蝦味濃，肉質軟滑。帶子大粒，味道鮮甜。赤貝超爽口。海膽口感creamy,入口即化。芝麻雞翼：雞翼外皮加左香味濃郁嘅芝麻，炸至金黃色，入口香脆，內裡雪白嫩滑的雞肉，香口非常。海老天婦羅：新鮮的海老外層香脆不油膩，肉質入口彈牙也帶鮮味。芝士蝦春卷，香脆可口，加入芝士作內餡，味道會更突出。日式香芋丸：香芋味濃 ，薄而酥脆。清酒煮蜆：蜆肉鮮甜有很香清酒味道。鹹蛋黃金蝦：鹹蛋黃鹹香惹味，帶出黃金蝦風味, 令人吃不停口。燒有機菠蘿：菠蘿上面鋪上糖，燒烤後出現焦糖的硬片，讓菠蘿咬落去又酸又甜又多汁。松葉粥粥：粥底鮮甜綿滑。甜品都有好多款揀，食咗兩條雪條已經好飽了！飲品都有不少選擇。

來到旺角，自然而然就想到自助餐，這裡的自助餐選擇非常多。我去了兆萬中心，靠近油麻地方向的一家日式自助餐廳，他們提供壽司、刺身、火鍋、串燒、炸物等各種美食。放題最想吃的就是刺身了！這個刺身拼盤包括了海膽、珍寶帶子、蟹柳、鮑片、三文魚、甜蝦、螺肉、生蠔和紅蝦。這裡的海膽非常新鮮，入口鮮甜，一點都不腥，很甘香。甜蝦也不錯，肉質細緻，慢慢地品嘗，會慢慢帶出甜味。三文魚也很厚身，入口魚油甘香，越吃越好味，非常新鮮。最大的驚喜是壽喜燒，職員一放下桌面，牛肉就非常鮮紅，排得非常漂亮。牛肉入口夠牛味，配上甜甜的湯，味道更加出眾。裡面還有很多配菜，火鍋湯底也有幾種選擇，例如牛肉、豚肉等等。如果不夠吃，還可加點其他的配料，有蔬菜、菇類和牛柏葉。燒物也有很多選擇，有燒菠蘿、燒牛舌、燒羊肉等等。燒菠蘿又香又甜，非常多汁，味道非常好。燒羊肉入口肉質細嫩，滿口油脂甘香，一點都不腥，值得一贊。日本番薯非常小巧精緻，一口一粒，番薯又軟又甜，真的非常美味。蒜蓉粉絲蒸扇貝也非常好吃，扇貝和粉絲都用蒜蓉辣椒調味，有超多蒜蓉，重口味的我非常喜歡。粉絲吸收了所有的精華，入口非常好吃，扇貝肉質鮮甜。總括而言，這裡值得一試👍🏼

朋友成功做業主, 主動約我地出黎食放題大吃一番慶祝。選址旺角兆萬中心8樓嘅---神戶屋日韓放題。餐廳面積不大, 走廊通道比較窄, 座位密集, 還好冷氣很足, 沒有焗促感。Scan QR code落單, 上檯速度算快, 不過落order數量冇比足, 只以人頭計嘅份量。而侍應間中都會走黎問仲有咩野食叫咗未到, 都主動樂意去跟。呢度嘅刺身同壽司款式好多, 另有串燒、炸物、打邊爐等…先講刺身, 食放題首round一定要瘋狂order先滿足. 刺身款式多, 魚類刺身均為厚切, 而其中嘅生蠔同埋海膽就係on top另加$99先可以任食, 不過注意生蠔每限15mins先可以再order。三文魚刺身厚切帶少少爽, 又有魚香; 馬刀貝極爽脆; 蝦類刺身款式多, 赤蝦、泰式生蝦、甜蝦、凍蝦都有; 不過生蠔不是肥美果種, 而且有d腥。而second round再叫嘅刺身, 都係同樣質素, 唔會只限頭round比靚野。壽司方面, 握壽司力度輕手, 令整件入口較鬆散. 火灸三文魚腩壽司: 表面加咗沙律醬, 魚香軟嫩。炸物方面, 香脆不油, 香芋丸同埋榴槤炸彈入面既餡料真係流心ga!!特別係榴槤炸彈嘅流心榴槤,

I recently tried a buffet restaurant located in Mongkok and was impressed by the wide variety of food on offer. The restaurant boasts a diverse selection of dishes, with something to suit every taste and preference.🤩One of the standout dishes was the spicy chicken hotpot, which had just the right amount of heat and was packed with flavor. The tender chicken meat and fresh vegetables were cooked to perfection, and the broth was rich and satisfying.😋Another highlight was the sushi platter, which i

同朋友講起好耐冇食過放題，今日相約一齊去旺角兆萬中心8樓嘅「神戶屋」日韓放題，餐廳面積不是十分大，坐位比較密集，侍應服務態度非常友善。餐廳用QR Code 落單，種類非常多選擇，有前菜沙律、刺身、壽司、炸物、燒物、手卷、串燒、和食料理等，今期重有期間限定日本和牛壽喜燒、韓式芝士部隊鍋、四川香辣雞煲，真係好多嘢食！首先第一時間食我最喜愛刺身先刺身擺盤精美，上枱已很吸🤩樣樣都非常新鮮，拼盤包括了生蠔、三文魚、帶子、北寄貝、希靈魚、蟹柳、赤蝦、海膽、鮑片、甜蝦，螺肉、八爪魚等。生蠔🦪肥美爽脆，赤蝦好大隻肉質爽甜，三文魚油脂分布均勻，肉厚肥美，海膽新鮮入口即化又唔腥，刺身厚切，真係食得滿足壽司款色亦十分豐富，有手握壽司、軍艦、火炙，迷你手卷，材料新鮮做得精緻又好食炸物燒物多選擇亦做得好食，雞翼炸得香脆吾會油淋淋，黄金蝦好香咸蛋黃味。串燒牛舌表面燒得焦香，牛舌厚身咬落嫩滑，串燒蝦蝦肉甜美！天婦羅也是炸得酥酥脆脆的，羊架食落好香孜然味肉嫩冇羶味馬拉盞通菜真係炒得好好食有鑊氣，馬拉盞嘅鹹香爽脆通菜帶有少少微辣十分惹味任飲任食兩小時當然有汽水任飲甜品任食亦有多款韓國雪糕雪條選擇！

神戶屋日韓放題👻同朋友行行下街經過兆萬好耐冇食放題就試下啦同朋友都鍾意食韓國嘢呢間放題標榜日韓美食冇得唔食呢間啦😛.🔅晚市刺身火鍋放題 HKD 299✨刺身拼盤三文魚 甜蝦 珍寶帶子 赤蝦希靈魚 鮑片 北寄貝 赤貝放題當然要整返個巨型刺身拼盤種類多得黎放題黎講都幾有質素除咗我地揀既之外仲有送生蠔同海膽海膽配青瓜無得彈生蠔又夠新鮮海水味都夠😛✨日本和牛壽喜燒鍋佢地有得揀個湯底先食完可以再加配料打邊爐壽喜燒個湯底甜甜地肥牛份量都唔少吸咗啲壽喜燒汁好入味啲金菇同娃娃菜都係主角吸哂汁咁好正😌✨炸物避風塘炸雞軟骨幾有驚喜炸得夠脆少少辣好有風味最愛既芝士年糕外脆內軟咁芝士味又重芝麻雞翼整得幾好咁多野食都食咗三隻天婦羅多春魚幾特別外面好似仲有啲紫菜成條炸起連骨都食埋😆✨雪條每人可以拎一條雪條韓國抹茶紅豆雪糕批好滿足既一餐🥰.整體黎講:放題任食 性價比高😚.🎈 神戶屋日韓放題 (旺角)旺角西洋菜街1號兆萬中心8樓

嚟到旺角好自然就諗起放題，這區嘅放題選擇多不勝數。行到去旺角近油麻地方向嘅兆萬中心，有間日式放題，食物種類有壽司，刺身，hotpot，串燒，炸物等。鍋物係我預期之外嘅食物，可以揀湯底仲有丸類，肉類同蔬菜。響鈴同西洋菜都好脆口，吸晒sukiyaki湯底。日式湯底味道幾好，唔會太鹹，食吓大盤刺身，再加上熱辣辣蔬菜可以中和一下。刺身之中三文魚，赤貝同北寄貝最新鮮，三文魚相對厚身好有質感。蔥花吞拿魚軍艦和螺肉軍艦嘅紫菜都係脆脆的，證明係師傅新鮮製作。蔥花吞拿魚係淡淡嘅粉紅色，食落都有魚香味。日式蒸蛋好滑身，裏面仲有冬菇雞肉粒。最後用Movenpick雪糕咗結尾，有四種口味選擇。

今晚收工約了朋友去旺角兆萬中心來個放題之夜，入到店內已經坐滿晒人，非常熱鬧😆。雖然見到店員好忙，但他們都好有禮貌慢慢講解邊度有野飲、雪糕，還第一時間上一盤賣相靚靚又多種類的刺身👏🏻👏🏻，基本有三文魚、帶子、北寄貝、松葉蟹腳、希靈魚、赤海蝦，仲有海膽生蠔🦪，夠氣勢🤜🏻🤛🏻。再來個sukiyaki火鍋，湯底濃，夾肥牛食一流😋。揀了燒物（燒蠔燒牛舌燒菠蘿🍍）燒菠蘿超出色，燒香左但咬落去係爆多汁👍🏻堅正。蒜蓉粉絲蒸扇貝，粉絲吸晒帶子鮮味同蒜蓉，必定要encore👍🏻。整體食物都不錯，而且價錢大眾化🙂🙂下次要一大排朋友再來☺️

食過最差又最貴嘅放題。。。首先環境方面，成個場為左擺多啲枱，搞到個通道勁窄，窄到只係容納一個人通過，每次出去拎嘢一係就要互相讓黎讓去，一係就要前後掂住咁過。行經個廚房，你阿媽個仔，見到入面污糟到成地都係廚餘、食物，又塞住個去水口，好難想像頭先我食嘅嘢係由呢個廚房出黎。服務方面，埋單嘅時候係有+1服務費，但係啲waiter真係完全唔識做，明明張枱執下都已經有位放啲嘢食，嗰啲waiter遞過黎比我拎，好似叫我自己搞掂咁，不如你-1服務費我幫你搞掂埋。明明張紙叫左生蠔&烤魚乾，最後只係黎左生蠔，完全冇人理過嗰魚乾，又講到好似好限定咁，生蠔等4款嘢食係人頭計咁叫，唔可以叫多，而烤魚乾需要兩個人嘅票先可以叫一碟，點知最後黎都冇黎。食物方面係經典，其實食放題我唔渴望啲嘢好好食，啲嘢食正正常常擺到落口就得，始終食放題個aim都係有個地方同班friend吹下水，食下嘢算。哇，啲嘢食難食到，啲魚生係有陣雪味，夾落去&咬落去係硬硬地，完全差過惠康、百佳啲魚生貨色。啲烤肉，有啲係完全咬唔爛，要吐翻出黎。最白癡係嗰19火鍋，黎左個鍋唔比蓋，呢個放題兩個鐘，嗰鍋煲左45分鐘都未煲滾，啲肉係要慢慢“浸”熟先可以食

日式放題🏮🏮最近好多朋友飛去日本玩 挑起我條根😄 想食吓日本放題😋😋喺旺角行完街 知道兆萬附近多嘢食 所以走來呢度 搵到呢間神戶放題🏮 放題選擇多 可以揀啲自己鍾意食嘅嘢食 唔使就住就住😄😄 店員都好Nice 會自動問我哋啲嘢嚟得快唔快 有冇漏單👍😉 有壽司🍣 軍艦 刺身 韓國料理 天婦羅 唰唰鍋 燒物 飲品及甜品 選擇都幾多😉 先叫個刺身 朗朗口先😉😉 叫咗好多刺身 好似剌身拼盤咁😉 蝦都有幾種 有牡丹蝦 赤蝦 甘蝦 牡丹蝦 泰式蝦 北貝 螺肉 螺片 帶子 希靈魚 八爪魚 最鍾意海膽同生蠔😋😋 樣樣都超新鮮 甘甜 大滿足👍👍👍 再揀咗一個唰唰鍋入邊有牛肉 金菇 冬菇菜同埋一隻溫泉蛋 都幾豐富 湯底甜甜地幾好味 😄 跟住就叫啲熟食我哋叫咗 蒸扇貝 炸廣島蠔 牛舌 羊架 天婦羅 榴槤炸彈 芋頭炸彈 芝士年糕 芝麻雞翼 雞皮串 雞軟骨 啲嘢食 叫咗好快就會到 新鮮熱辣辣上枱 我鍾意食佢嘅芝士年糕 芋頭炸彈同埋芝麻雞翼😋😋我哋Encore左幾次🤣🤣 嘢飲方面 出邊有個雪櫃 可以自己攞 有汽水🥤 有啤酒🍻 有好多款😄😄 食完仲有甜品添 全部韓國雪條 😋😋 真係樣樣食少少

第一次食日韓放題，可以食六個鐘，十二點食到六點，只收＄289加一， 抵到爛 。一坐低就有一個巨型刺身拼盤加一個壽喜燒，🧧食少少壽喜燒熱湯之後，開始放肆食刺身。刺身包括有新鮮海膽 ，巨型牡丹蝦 ，肥美三文魚，泰式生蝦 ，北寄貝， 赤貝，鮮魷魚，希靈魚，八爪魚，甜蝦，大海蝦， 新鮮生蠔，大帶子，玉子蛋， 仲有沙律菜，檸檬，乾冰製造氣氛 。淨係個刺身拼盤已經值回票價， 跟住就點左六個手捲，細細個兩啖就食完。燒物方面，燒牛脷最好食，👅又厚又軟又香又鮮味，燒羊架都唔錯，🐐少少蘇味多多鮮味。食完肉梗係要食返啲菜，叫咗八嚿燒菠蘿，🍍🍍🍍🍍一大兜新鮮枝豆， 炸雞軟骨都超好食，一啲雪味都冇。又叫咗清酒煮蜆，🦪有少少沙。 碗蒸蛋一定少不了，🥚🥚食咗咁多嘢都仲未夠，再叫多幾隻燒蝦🦐，又鮮又爽甜。 對面嗰位仲要食炸多春魚，炸鮮奶，食完仲有甜品 ，食得非常過癮，真係抵到爛，以後食自助餐都係要嚟呢度 ，可以盡情盡性盡興， 生活如此夫復何求。🤗🤗

而家嘅放題越開越多，間間都差唔多，有時真係好難揀。今次朋友推介一間性價比超高嘅放題，可以加$99有海膽生蠔任食，梅酒任飲，超抵食！另一主打煮物鍋又係神來之筆，估唔到除咗日韓放題之外，仲有麻辣雞煲，一個價錢有多款享受，糅合各國嘅菜式，種類五花八門，可以滿足食客不同嘅需要～除咗雞煲之外仲有壽喜燒，好正😋由於集合左多國菜於一身，仲有黃金蝦、韓式辣醬汁帆立貝等都有，而且仲好好味！刺身方面，除咗肥美嘅三文魚同埋新鮮嘅赤蝦，仲有泰式嘅生蝦，連蝦嘅種類都有咁多！海膽同蠔好鮮味，成盤刺身都食到停唔到口！最後試咗一個韓國牌子crunch 雪條，雖然唔係Häagen-Dazs呢啲食開嘅牌子，但係都非常好味有驚喜～下次唔知食邊間放題好，推介大家試吓神户屋🤩

今日去咗旺角行街睇戲，睇完戲上OpenRice望下附近有咩推介，見到一間日式放題都幾吸引，仲要喺兆萬中心行幾步就到，即刻上去試吓。神戶屋日韓放題，喺兆萬中心8樓，上到去餐廳地方都好闊落，望落去感覺好整潔。壽喜燒 火鍋有牛肉，湯底有醬汁味道，味道清甜，入口牛肉味好香濃，配菜有大蔥，野菜，昆布，連湯底都好好味。粉絲蒸帶子 ，一絲絲嘅粉絲吸收晒帶子嘅鮮味，加上香蒽蒜茸吊出鮮味。帶子比較厚身，食落增添口感。刺身拼盤 擺碟擺得好靚，三文魚，帶子北，北寄貝，生蠔，希靈魚，松葉蟹棒，厚燒玉子，八爪魚片，刺身全部都好新鮮，味道勁鮮。我最鍾意食佢嘅海膽入口味道甘香，鮮甜無比。三文魚亦都好出色，有啲魚油脂肪，入口爽甜。北寄貝肉質肥美爽脆，口感極佳。燒牛舌，牛舌燒到啱啱好，牛舌好厚身，咬落𢓭軟腍腍，好嫩滑，簡單調味已經令味道更加有層次。清酒煮蜆，蜆肉吸收咗清酒嘅味道，除咗陣陣嘅鮮甜味仲有啲酒香，蜆肉食落去爽口。帶子壽司，帶子好厚肉，食落去味道好鮮甜，鮮味突出。蟹籽壽司，非常美味，口感清新，並帶一絲絲甜味。放題仲有啤酒任飲，好適合一班朋友食飯or收工食飯放鬆下。仲係有我最鍾意嘅象啤。另外雪櫃仲有多款雪糕，雪條