神戶北之板

營業中

休息中

通常食UNY快餐廣場都會食佢。。因為50幾蚊有沙律, 粟米湯, 冷熱飲品同一個主食今次叫左茄子豬肉醬意粉。。粟米湯, 沙律 水準不變。。但個意粉唔太岩胃口。。好油。。 好少茄子。。。 所以下次都係發掘新野好d

太古城要食平野，識食緊係去apita food court搵食，話說之前一直都冇發現，一發現左呢個food court之後就變左fans！今次食既係咖喱豬排飯套餐入面除左主食之外，仲有一個沙律，粟米湯，同一杯野飲！咁多野先5x蚊！好抵啊！咖喱係日式咖哩，所以唔辣，甜甜地。有d紅蘿蔔粒同薯仔粒，豬排唔算好大塊，但都幾厚身，豬排啊好軟好多汁。粟米濃湯一飲就係好日式既味道，好甜，有d人可能未必鍾意飲，但我就超鍾意隻味。

今晚要加班，放工時已餓得半死，所以到樓下超市的food court點了菠菜三文魚意粉，跟餐還配有粟米湯，沙律和一杯飲料，份量十足。意粉和三文魚的份量也頗多的，一定可以填飽肚子，可是菠菜的份量比較吝嗇，個人認為可以加多一點，因為整體味道偏咸，菠菜能中和那種咸味，也令這個菜式營養加分！

雖然平時都係港島流連，但就真係好少黎太古城foodcourt 食飯，因為實在太難搵位啦。今次係放假就餓死之際，發現foodcourt 仲有位，於是就即刻狗衝北の板。由於之後仲有目標，今次淨係嗌左芝士焗雞扒飯($54)，佢抵食既位係，只要加多$6，就有套餐，套餐係包埋野飲，沙律同餐湯架！☺️等左大約十分鐘就有野食。賣相真的不錯，拎上手覺得超墜手，好有份量呀！份量一啲都唔細，而且係有真拉絲架！飯底係白炒飯，雞扒底既飯有蕃茄醬，其他就係有芝士包圍住既飯🤤雞排味道麻麻，但勝在份量夠大而且頗厚！自問今日真係好肚餓，但食到後面已經有啲飽同濟，個飯真係好大！

話說今日去太古城行街街，呢度食野明顯定價比較高，冇理由下下麥記kfc啫。窮拎窮遊太古城，就只好死死地氣去food court食。一入food court呢間野有哂模型又盛咁，樣就幾靚，$58蚊有湯有前菜餐飲主菜，如果真係咁多野，既話，性價比又唔差喎，就做一做勇者試試佢。正所謂：搏一搏，單車都會變"魔托"。上到黎真係9成似喎，無論size定樣子都似足廣告。餐飲凍檸茶唔駛加錢餐湯係栗米湯，普通金寶湯咁上下，冇特別沙律係日式口味，耶菜粟米蕃茄仔青瓜，正常野。主菜！豬扒，唔肥我like，但之所以唔滑⋯炸得脆口我都like，但之所以好乾⋯蛋包飯就正常味道，食蛋有蛋味，飯底炒過下，唔係濃味既炒飯，所以加埋個日式咖哩汁就絕配啦！個汁夠杰身，極微辣，偏甜，日式咖哩口味，唔食得辣都可以食。總結：味道正常，唔算特出，係呢d大商場$58有咁多野算係咁。

今日去到太古城, 發現平日去開既食店都已不在了, 連個FOOD COURT 都唔見埋, 行下行下, 最後去到Apita個 food court, 揀左呢間日式西餐試試. 叫左兩個餐, 喺冇乜人既時間都算等得耐, 諗住都OK 啦, 即叫即做等下都冇所謂, 點知到我去攞餐時, 兩份餐都唔係好熱, 咁又唔係凍既, 我覺得唔夠熱囉千層麵附合味道要求, 明太子意粉唔夠熱, 意粉又太硬, SALAD好味, 個酸酸地既汁好開胃, 湯就好明顯係日式溝出黎嗰啲埋單$60 一個, 都算抵食

喺太古城呢個物價騰貴嘅中產區，想食平平地嘅晚餐，真係談何容易。😩而Apita 嘅FoodCourt，就真係幫到你👍🏻。其中，北之坂就係我既最愛😍😋芝士焗雞扒飯- 一拎餐嘅時候，已經聞到撲鼻嘅芝士香味。🤤 成個焗飯面頭都鋪滿芝士，每啖飯都做到起絲嘅效果，搞到我呢個芝士控十分興奮！😍 雞扒唔會焗再太乾身，蕃茄醬都唔會太酸，岩岩好。👍🏻 茄醬同雞扒嘅份量都足夠，唔會搞到最後剩係食飯。呢個飯性價比都幾高，加多6蚊就有粟米忌廉湯、沙律同餐飲。粟米忌廉湯- 都夠杰身，唔會太甜，但味道普普通通啦😅。 粟米就有兩粒，如果再多番啲會更好😂沙律- 有生菜、蕃茄仔、粟米同埋黑醋，味道清新，唔會太酸。食完成碟沙律直頭覺得自己健康咗，內疚感都少啲！😂餐飲方面可以選擇汽水，奶茶，檸茶。冷熱同價！ 所以，如果行完太古城大出血之後想省下錢，北之坂都係一個唔錯嘅選擇！👍🏻

咖喱吉列豬扒飯味道唔錯，脆度可以接受，咖哩汁都幾多，味道濃郁，好香。粟米湯都幾濃，好飲，仲有粟米粒。沙律細細地，不過都幾新鮮既！而且六十蚊度已經有沙律，湯同飲品，真係好抵食。

因為太古城商場的一個集體回憶展覽而一家人去了太古城中心。行到夜了，我們一家三口就簡單食晚餐。不過，我們在中午同下午茶都吃得很飽，所以我們只去 food court，簡簡單單一人叫一份餐好了。安頓好所有人之後，我自己去衣場一圈，選出心儀的食店，最後，我因為是想食日式漢堡扒的關係，而且又近我們坐的地方，於是我就在這《神戶北の板》點餐了。餐前，有一個日式沙律，不過我覺得當中的蔬菜未夠新鮮，失了分。餐湯，像是用湯粉開出來的，完全感覺不到好飲.....最後，是我我日式漢堡扒飯，味道上同肉感上尚算滿意，有肉，有汁送飯，算是一個不錯的簡餐。單是這一個飯，我尚算開心既。整體，很一般，下次若是會再來，我不會再選這一檔.....

嗯……價錢方面可能有點小貴？但份量十足，味道也不錯；加少少錢可以轉套餐，有餐湯沙律，以及飲品。不想吃沙律的人可以將沙律轉做餐湯（不過這樣就有兩碗湯了），反之亦然。等待食物的時間也不算特別長，不是繁忙時間的話很快就能拿到食物了。

呢間的確幾好食，夠大份，$60大約一個午餐都過得去。又有野飲，可能太肚餓，芝士十足嫁咖哩豬排焗飯十分飽肚。焗飯芝士多過咖哩，味道不錯。沙律同飲品份量就少d,但加$5有齊沙律，湯，涷飲，都幾好。忌廉湯都幾好味，但份量太少唔夠喉下次可在其他分店再試試

今次叫既係白汁煙肉溫泉蛋意粉=]份量十足！lunch黎講份量都係一個幾重要既條件！意份既軟硬度適中 撈埋隻溫泉蛋之後好有卡邦尼既感覺=] 但略嫌唔夠咸囉 可能我本身重口味掛 好彩有黑椒吊下味！煙肉都幾多又大塊 成個意粉雖然話係白汁 但算係比較乾身 唔會有液体咁既汁流黎流去 個人覺得性價比好高！like ar!

近排係附近返工，順道黎呢個日本超市揾野食，見呢間餐廳價錢ok又係full set，就馬上決定試下我叫左個蕃茄肉醬茄子意粉，有粟米湯，沙律同飲品跟。意粉味道一般啦，佢既醬汁同平時既罐頭蕃茄醬差唔多。但配上茄子就有啲奇怪，因為茄子本身唔入味，好似獨立於呢個意粉咁。本身諗住都幾多人食呢間，應該唔錯，結果一食呢個意粉就有啲失望。湯應該都係罐頭湯，冇咩特別。。。沙律用了柚子醬，酸酸甜甜，配埋好多粟米粒，算係加返啲分啦另外朋友叫左個咖哩豬排蛋包飯。日式咖哩甜甜地，配埋吉列豬扒，真係絕配豬扒亦唔會太乾，食落中間濕潤外面脆，不錯而蛋包飯分量相當多，可是味道一般，就係普通蛋包住飯總結而言，呢餐真係當填飽個肚算味道唔太差，但絕對唔可以講係好味，只能話係一餐full set 快餐。。。

沙律配上不知名的醬汁，酸酸甜甜，非常開胃。玉米湯像759買到的罐頭湯。白汁煙肉什麼什麼意粉很足料，有許多許多不夠香的煙肉，另有洋蔥，充滿黑椒味。溫泉蛋還好，如果露出蛋黃更美麗啊。量方面實在太多了，兩個女生吃也行。是抵食的。而且餐具也未免太漂亮了。

朋友介紹得既唔會差得去邊 朋友點芝士蛋黃煙肉意粉 唔算膩但好大碟呀哈哈 ,咁既價錢真係俾番咁足料~值得一讚 味道仲要唔錯 但係朋友投訴話蛋黃外露會更正 ~ - -我食既咖哩漢堡飯飯 幾大碟 但漢堡 唔夠好食 好難形容佢係點 但咖哩唔錯 唔會太SPICY 岩晒我  佢加五蚊有栗米湯同飲品 無咩理由唔加呀嘛最正係佢個SETTING 唔錯 好識合食黎影相