神戶北之板

營業中

休息中

唔知大家平時會唔會去一啲日式嘅超級市場呢?其實香港而家都有好多唔同嘅日式超級市場，除咗可以買到日本嘅產品之外，佢哋通常都會附有一個小型嘅foodcourt俾大家醫下肚，啱晒我呢啲為食貓!最近就去咗個超級市場度買餸，順便就食個午餐。今次間餐廳叫做神戶北之坂，一聽個名就知道係食日本洋食，即係日式西餐。望一望佢個餐牌，一個套餐有湯沙律主食飲品都唔使$70，即刻搵位坐！今次叫咗個咖喱吉列豬扒蛋包飯，一嚟到個份量勁大，連平時好大食嘅我都有少少招架不住。個湯一睇就知平時係用粉溝嗰啲，叫做不過不失啦，豬扒嘅口感好鬆脆，係加分位嚟！至於個蛋包飯就略嫌有啲普通，裏邊只係一般嘅蛋炒飯，冇乜味道，而且個飯都比較實，不過勝在就有咖喱汁可以伴下啦！整體來講呢個套餐真係好抵食嘅，係飽肚之選，呢個價錢嚟講性價比都唔錯㗎啦！

Lunch Time唔知食乜,所以求其去咗apita food court先慢慢揀,見到呢間日本西餐口。二快餐最小人所以揀咗黎食餐牌都好似日本咁樣用假食物show喺櫥窗佢lunch有套餐,+6蚊有湯有沙律🥗同嘢飲,但今日唔想食咁多嘢嘅關係所以淨係+咗$4飲嘢,d嘢食嘅價錢維持係5,60蚊,食lunch嘅價錢都接受得到佢仲提供好多種唔同嘅sauce俾你落返喺意粉度,都幾細心我嗌左茄子肉醬意粉,味道中規中矩,都幾大碟,食到好飽所有嘢54蚊係太古lee個地帶都算平

喺太古城入面APITA food court入面數一數二好食嘅，佢有好多唔同種類嘅飯揀，仲有佢最好食嘅番茄同咖哩汁！今日午飯時間去買外賣返公司頹食，結果就去咗APITA，入面有超級多唔同種類嘅鋪頭任君選擇，堂食又得、外賣又得、得咗！咁我今日就揀咗神戶北之板，叫咗個咖哩炸豬扒飯，加多6蚊有沙律、有湯、仲有凍飲。佢嘅咖哩汁好味，好有咖哩味，炸豬扒香濃鬆脆，真係好夾，送白飯一流！仲有沙律、有湯，男仔食都覺得飽！抵食！

尋日收工去咗太古城睇戲，見有時間剩就落去apita food court食晚餐。初頭想食mos burger，不過分店越開越多，要食嘅機會都唔難，所以就去試下其他。今次揀咗呢間，因為見到多人排隊點餐，而且價錢算實惠，五十幾蚊有湯有沙律有嘢飲。於是我就叫咗份溫泉蛋白汁煙肉意粉跟餐飲凍檸茶，一共六十蚊。湯係粟米湯，應該似係日本預製嘅包裝粟米湯，所以都冇乜特別，味道偏甜。沙律方面其實都係幾塊菜加少少凱撒沙律嘅醬汁，酸酸地又爽口，算係開胃前菜。意粉呢，評價就真係好一般，白汁唔多，煙肉食落就似火腿，落埋芝士粉味道都係唔夠濃，餐飲就正常質素，茶底預咗佢唔會係靚。填下肚係接受到的，不過你要享受的話就免喇！

One of my friends really like dining in the apita foodcourt in Taikoo Shing! and this restaurant is really cheap in buying the whole set of meal, including a bowl of fresh salad, a bowl of soup and a cup of drink. The soup is usually served with corn soup, and it is really creamy. I usually order the baked cheesy seafood rice, the variety of seafood is rich, such as squid, shrimp and fish etc. With the affordable price, it can surely 100% fill up your tummy!

外賣自取，一拎上手即刻check，發現比錯餐，叫個阿姐換返，佢又話岩。我明明叫咖哩，佢比我個汁係紅色，茄汁啦擺明，講咗幾次，個阿姐都話係咖哩。（圖係咖哩嘅顏色）算，我拎返屋企食，佢話咖哩啊嘛，一入口 酸，唔係茄汁係咩？打電話落去話真係比錯咗，想換返啦，個阿姐竟然話無得換。我問點解，佢話好忙。請問呢個係合理原因咩？你話無哂咖哩就話姐。最無奈係個阿姐cut我線！搞錯！咩服務態度我打多次，間鋪又cut線。我再打，另一個阿姐聽電話。我講多次話換返咖哩，但係我未講完佢又cut。咩事？而家係阿姐你比錯飯我，仲要拎嗰時我已經講咗幾次話比錯，係你死都話岩，我打電話話落嚟換，你同我講因爲太忙無得換，阿姐你係咪嚟搞笑？仲過分係cut線，會唔會太無禮貌，劣！

意粉或者焗飯加$6就可以連一杯餐湯一個沙律同埋一杯嘢飲其實都幾平不過由於我去嘅時間太晏所以沙律🥗賣晒所以就俾多個湯比我飲如果自己食午飯或夜晚飯這個都不錯！簡單飽肚味道合格 不要太有期望

今日去左太古城做野，晏就去左Apita食lunch~ 本身以為係supermarket, 點知有驚喜✌🏻 環境就麻麻，冷氣唔夠～衛生一般🙈我叫咗白汁煙肉意粉，$54，加$6有餐～ 餐包沙律，湯，同飲品！我覺得唔太古黎講唔算好貴~ 佢都好多選擇了~ 咖喱飯呀，意粉呀，麵呀，都幾多😊 賣相幾好，湯同沙律較少，不過食完啱啱好飽～意粉就一般般～比較乾身，但咁既價錢有咁既質素同份量都算幾好👍🏻👍🏻 溫泉蛋就唔好食～

打風之夜，最方便便是到商場購物兼吃飯，於是便來了Apita 地庫的美食廣場吃晚餐。在這裡逛了一陣子，發現很多人都吃神戶北之坂的定食套餐，一於就試下啦我們點了兩個套餐，一個是溫泉蛋白汁煙肉意粉，及焗海鮮飯，套餐只需加六元，便可有餐湯、沙律及飲品跟餐了，十分經濟實惠，而且味道不錯，份量大，值得下次再來啊

環境係foodcourt，太古城係咩時段都勁難搵位嘅，難到係自己一個去都可以搵唔到。但食物質素真係幾高，食個陣真係唔覺係個60蚊嘅餐。兩次都係食白汁煙肉溫泉蛋意粉🍝，無他，溫泉蛋一向係日本菜嘅蛋項，我認為係必食，而呢味亦都無令我失望。白汁相當當香濃，同意粉好夾。另外，套餐嘅沙律係正常發揮，無特別。栗米湯似日本野，膩啲但好飲嘅。總括黎講，60蚊食到日本餐，高質。食物：⭐️⭐️⭐️⭐️環境：⭐️衛生：⭐️⭐️⭐️抵食：⭐️⭐️⭐️

一個月總有一次會黎太古城，亦都曾多次經過黎個小型food court，但每次都只會過門不入，今晚心血來潮想試試佢。話明小型food court，都真係只得五間食店可以揀，而且全部都係日本菜。揀呢間食既原因係因為有我最愛既蛋包飯，而且價錢十分相而，加6蚊就可以轉套餐，有齊沙律、湯、野飲。首先講下我呢個忌廉海鮮奄列飯，個忌廉汁非常creamy，甜甜地再配埋個蛋炒飯，簡直一絕，而且海鮮都唔求其，特別係個蝦，勁彈牙。另外就點左燒汁牛脷，唔好睇佢正係得一塊牛脷，但其實佢好厚身，而且都煮到好淋好入味，個人就唔太好燒汁，但都唔錯既。最後我想讚下個湯，佢唔似一般餐廳總會有一pat pat 野撈唔渾咁，而且栗米味又濃郁

太古城中心APITA 收銀處附近有一系列快餐店同埋食用區域，有好多共用座椅同枱😊 其中一間真係平靚正之選，就係日式快餐店 神戶日之板😆 Menu 裏面選擇眾多，焗飯、意粉、蛋包飯等等。 每個選擇可以再加錢（$6）變套餐。 套餐包括沙律🥗、一碗餐湯（日式粟米湯）同埋飲品（汽水/檸茶）。 今次食咗日式雜菌明太子意粉（$55）加埋套餐先係$61 蚊😎 呢個意粉超多明太子，撈落意粉度超香！ 亦同雜菌好夾😆😆 意粉彈牙！ 雖然呢度只係快餐店唔係咩高級餐廳，但食物質素絕對一流！ 意粉完全係Al Dente👍🏻 呢度簡直係價廉物美😆😆😆😆

依排天氣好熱，放lunch嘅時候完全唔想離開有冷氣嘅地方，於是決定去Apita度買外賣番office食，一邊食飯一邊煲韓綜。起Apita行咗一個圈之後發現依間多人嗌得嚟分量都好多，於是決定試依間。佢依邊落完單之後要去對面俾錢，之後再等叫號碼。我啱啱俾完錢，個飯已經準備好，速度非常之快，啱曬附近嘅打工仔。咖哩吉列豬扒飯($48)佢依度+$4有杯飲品，+$6有齊飲品、沙律同湯，我原本諗住只係加飲品，但係可能我講唔清楚，所以變咗加齊咁多樣野。豬扒炸得非常之脆，又大塊又厚身，豬扒本身略厭乾咗少少，不過點埋咖哩汁食就唔會有乾嘅感覺。咖哩雖然係日式，但係就唔係偏甜，而係偏辣，咖哩汁份量多，夠撈飯食。咖哩入面冇薯仔，只係得紅蘿蔔，雖然煮得好入味好淋，但係得幾舊，如果可以有多d就好la。沙律細細碗，幾新鮮，沙律醋有少少麻油香，又香又開胃。餐湯係粟米湯，粟米粒唔多，忌廉味亦都唔重，普通餐湯一碗，不過都好飲嘅。凍檸檬茶比較細杯，依度凍飲係冇冰嘅，所以去到唔駛特登叫走冰。起太古城嚟講，依個價錢同依個質素絕對值得一試，CP值算高，起附近番工嘅打工仔可以嚟試下。

在太古城Apita地庫的美食廣場中, 此舖存在已久。在午餐或晚餐時段, 無論是堂食或外賣, 很多人都光顧此店, 可見其受歡迎的程度。此店食品是單點, 但只需多付$6, 就能成為套餐, 包括有湯、沙津和一杯飲品(冷熱均可)。我以往曾試過此店的食品, 覺得不錯, 今次再來, 便點了茄子肉醬意粉套餐($56)。我喜歡此店的意粉, 不會太軟綿綿, 吃起來是不㑹硬, 但有"咬口", 這樣的意粉才有質感 這個意粉是用茄汁煮的, 茄汁的酸甜味剛剛好 而茄子不會太油和肉醬亦不乾。另外, 套餐中的沙律新鮮, 配了微酸的黑醋, 更覺開胃。我今次飲熱咖啡, 不下糖和奶的黑咖啡ㄧ點也不差(最怕的是有些地方的黑咖啡又苦又𤓓), 這裡完全沒這問題。唯那個餐湯(粟米湯)較以前差了少許。以前的較濃味兼順滑。這個套餐份量足, 男士亦可吃得飽飽的呢。

工作關係又黎到太古。原來太古既朋友平時食飯都會揀黎food court，雖然成日都冇位，但流動性高，只要等多一陣通常都會有位。今次同朋友係下午茶時間黎到foodcourt 食飯，當然冇想像中咁多人🙂雖然太古foodcourt 有唔少選擇，但係我想食飯既心，始終都係引領我食北之坂🤣今次嗌左咖哩雞扒飯，由於跟餐有太多野食，我都係揀左單嗌就算。個飯超級快就有，比完錢返轉頭，個雞扒飯已經等緊我💕 第一眼感覺雞扒好細份！講真個飯唔算熱。而屬於日式咖哩飯既佢，一啲都唔辣。雞扒都唔算厚和大份，但都叫煎得幾好食。咖哩黎講，份量夠配晒成個飯，幾香同惹味。我覺得咖哩飯唔可以少既配角當然一定係醃蘿蔔！食咖哩飯只要有佢，味道層次係絕對會昇華！北之坂的咖哩飯做得不錯，呢間係food court 云云餐廳𥚃面，我覺得真係幾抵食同好味！