神山料理

營業中

休息中

今次試日本嘢 有好多鍋飯50幾蚊包嘢飲 叫咗熱檸茶嗰片檸檬刀工十分勁😂沖繩豚腩鍋燒飯 ($59)啲豚肉就係即刻燒有少少黑椒味 好似韓式燒肉仲有隻流心蛋 有啲蛋絲同埋中華沙律本身個飯都有啲燒汁 食落都幾夾撈埋啲蛋汁 成個餐都好食嘅👍🏼

假日去深水埗行街，於是去咗西九龍food court揾食！上到去咁多間都吾知食邊間好！行行吓比呢間「神山日本料理」相片吸引住，見有我鍾意既稻庭烏冬，價錢又吾貴，一於試吓啦！我揀咗個牛肉壽喜燒稻庭烏冬連野飲$68，拎餐時先見到温泉蛋，真係心裡面嘩咗一聲，圓淥淥生熟程度啱啱好，啱晒我心水，牛肉吾韌份量都吾少，至於烏冬彈牙最緊要，仲有好多配菜冬菇🥬🥕，仲有粉絲添，味道吾咸啱啱好！真係超滿足既壽喜燒！見人地叫咗鰻魚飯都好正，鰻魚好大舊，會下次再黎試吓！今日真係無揀錯！

真心 個女員工可以去追債收銀唔適合佢 買個餐同欠咗佢一樣 第一次 我同佢話我要凍朱 冇落到單 算😐第二次買 找錢嘅時候就咁掟喺個counter度 要人哋自己去執 算 我清楚同佢講話拎走 佢同我堂食 都算 冇表情望都唔望一眼拎個餐入去之後 好明顯聽到掟嘢扯嘢嘅聲 唔緊要 問題係佢拎個餐出嚟嘅時候直接伸個頭 掟個餐出嚟問號😅 態度差到去一個極點 （唔想做收銀就去追債 適合你） 茶餐廳啲人嘅態度都好過佢😂btw個餐係唔錯嘅 食咗三次 第一次嘅時候態度幾好 （當然唔係呢個女嘅 ）第二至第三次嘅時候真係好失望 態度差到完全唔覺得自己係俾錢買飯食☺️

勁好食 性價比勁高 食咗最普通嗰款牛肉丼 但係都好好食 牛肉高質 唔係cheap 牛肉 飯啱啱好 牛肉汁撈飯好正 又有牛味 好過連鎖店多多聲最緊要係價錢實惠下次會再幫襯 試下其他菜式

同女友係屋企叫左外賣直送，其中女友叫左牛肉壽喜燒烏冬，點知黎到得個湯底同餸，冇左個面，最後不了了知，當我地玩野退返十幾蚊烏冬錢，勁差 事隔一段時間，女友又話食多次，好啦 今次兩個都叫左牛肉壽喜燒 辣湯味 ，本身放工準備好哂時間諗住岩岩好就食得，點知一打開兩個都冇落烏冬，係兩個人都漏左個烏冬！ 嬲到震 150蚊 冇左個主食，同食譚仔唔比米線你一樣，仲要額外比5蚊轉，依加落加買麵 好火滾！真心係好差嘅體驗，仲要一次係咁 兩次又係咁。 味道一般，價格正常，但呢啲大失誤 真係好差麻煩佢啲員工認真啲啦！

Regular customer, order at least once a week. Their Torched Salmon Don is our favourite , it’s very good value of price, only HK$4x, and love the charcoal flavour. The owner is very nice as well. If you are looking for quick and value meal, this is the best choice.

野食高質 用料好 底食夾大份 尤其個鹽燒牛肉丼同北海道大蝦鍋燒飯 肉質淋 又入味唔會有筋，啲蝦又大隻又新鮮 價錢平民！絕對會再嚟幫襯！重點係個老細好似MC 又健談 傾落去原來佢都鍾意行Aeon 非常有人情味。去深水埗西九首選餐廳👍🏿👍🏿

鹽燒牛肉丼好好好好好食👍🏻。店長推介得非常好！又有型又吹得又搞笑非常好傾！除咗丼物仲有鍋物選擇，款式又多，價錢合理。冬天食最好不過。師傅好識配搭。有辣有吾辣。超超超超超正👍🏻期待你開分店！支持支持！

佢啲鍋物好好食，人又靚仔又好人，食物質素高，款式多，店長紋身又靚，人又高，食物配搭出眾，新鮮，出菜快，牛肉飯好食過某集團，師傅技術高超，烏冬彈牙，價錢大眾，可一可再，加油努力我永遠支持！