碼頭故事

服務係幾好，但1. 座位唔舒服，對腳完全冇位伸2. 食物並冇覺得特別出色，當晚叫咗麻辣同蕃茄鴛鴦湯底，個蕃茄湯底完全冇味，第一次食響鈴油溢味勁到食唔落，菜芯老過阿婆(平時自己一個可以食一碟菜)，當晚只食一條。另外，牛舌切到肉絲咁幼，一啲口感都冇，完全唔知食緊乜，萵筍薄過紙，一落鍋3秒好夾起，唔係就溶到乜都唔見，好多嘢都切到勁薄，證明廚房刀功一流。最好食嘅係黃喉、鵝腸同埋最平、最普通嗰碟牛肉，脆鯇同鴨血都唔錯。…查看更多

一直都係碼頭故事常客之前去開尖沙咀個間 今次試吓銅鑼灣新店當然無失望 依到相對地地方光猛啲 侍應服務有禮貌 平日去應該唔洗訂位都有位嘅行兩層樓梯就到 但電梯應該就等到2046 宜家經OpenRice 訂枱又有折 一定會再黎幫襯…查看更多

今日同朋友去咗銅鑼灣sogo度行街 朋友係一位全職師奶仔 所以就去咗sogo最下面嗰層度買咗兩塊靚牛扒 我身為無飯丈夫就唔買喇 就搵咗老婆同我出嚟食打邊爐 老婆話今日想食重口味嘅嘢 所以就去咗碼頭故事嗰度食麻辣火鍋 佢其實唔食得辣 但係唔知點解咁不自量力要食麻辣火鍋 我都拗爆頭諗唔明去到就叫咗一個鴛鴦湯底 一個係麻辣 一個係唔辣之後就叫咗一份牛肉一份豬肉同埋一份羊肉 羊肉擺咗去麻辣嗰邊度淥 食落完全冇羶味 但係啲辣味就蓋過所有羊肉嘅味道 食到咁上下我同埋老婆個嘴唇都變孖潤腸 再感受唔到羊肉嘅辣味啦豬肉同埋牛肉都差唔多 牛肉味都算幾重跟住就叫咗一個炸豬肉配麻辣粉 炸豬肉本身唔算辣 但係加咗麻辣粉之後好似喺個麻辣煲度碌咗一個鐘頭咁樣之後就叫咗一個紅糖糍粑 外層炸得非常之脆 入面嘅糯米好彈牙 配上甜甜嘅糖漿 為呢一餐重口味麻辣之旅畫上完美嘅句號…查看更多

男朋友同我都非常熱愛打邊爐，每次想不到食咩的時候，就會決定打邊爐。當我地知道銅鑼灣新開了一間四川麻辣火鍋專門店《碼頭故事》，就即刻決定去試試！一進入餐廳，四周都掛滿了紅色燈籠，非常古色古香。打開餐單，發現除左有一般常吃的火鍋配料外，仲有好多出面吃不到的特色食物，例如一米鴨腸，金牌牛黃喉等。不過我地都比較怕吃內臟，所以都係叫返常吃的食物。湯底方面，我地選擇了牛油鴛鴦鍋，一邊辣湯底，一邊豬骨湯，兩種不同湯底，咁就嘗到雙重味覺享受，而我喜愛放所有食物前試一試豬骨清湯，味道特別清甜火鍋配料方面，我地叫了一米肥牛，上呢碟配料時真的呆了一呆，因為餐廳真的鋪排了一米長的肥牛，剛好是餐枱的長度，非常有趣！而肥牛是薄薄的一片，煮熟後放入口中，嘩！肉質嫩滑，入口即溶，充滿牛肉的鮮甜味，而且肥牛上的油花分佈細緻，肥瘦適中，一點也不肥膩，值得推介另外，男朋友就鍾情竹筒墨魚滑，吃落魚肉鮮味豐富，非常爽滑彈牙，原有的四條竹筒墨魚滑都被他吃了三條呢！另外，紅薯粉亦值得一提，上菜時看到的紅薯粉是工整而細長的長條狀，對比出面看到的一大團紅薯粉，感覺較整齊新鮮，煮熟後非常爽口，個人認為紅薯粉放入辣清底的味道更為突出，當然愛清淡的話，亦可放入豬骨湯底，味道較為鮮甜。…查看更多

星期日同朋友去咗銅鑼灣shopping 行到去sogo嗰頭見到有間新開嘅火鍋店叫做碼頭故事 我哋就決定入去試一試佢我哋入到去一坐低就即刻叫左個鴛鴦鍋湯底我哋就選擇咗牛油紅鍋(小辣)同埋大骨百味湯鍋 (一個就重口味 一個就清淡d)食物方面係menu大概有四至五十種嘅食物選擇 我哋嗌左大概十幾樣火鍋配料 而一米鴨腸同埋一米肥牛算是當中最有特色的食物 兩個的擺盤都相當靚 味道亦相當好 (P.S.我冇拎過把尺去度有冇1米) 另外我覺得貢丸同墨魚滑是必叫的配料 貢丸的肉味非常之濃 比起平常的更稍為大粒少少 墨魚滑亦好爽好彈牙 有好重的墨魚味 咬落去時都咬到墨魚粒 唔會話係好粉的感覺 但大家唔好以為佢係一間火鍋店就淨係得火鍋配料好食 最令我驚喜既係佢個豉油炒飯 真係好好好好味 豉油味岩岩好 唔會咸到死 而飯亦都粒粒分明 真係一個好的炒飯如果大家約左三五知己唔知食咩好 不妨可以考慮呢間餐廳…查看更多