研香

營業中

休息中

呢間甜品鋪走文青路線 有新派嘅木系裝潢之餘 都仲保留住傳統糖水嘅靈魂 主打純粹嘅堅果研磨而成嘅糖水🌰 一入門口就聞到淡淡堅果香 整體表現唔錯 唔會太甜撻喉 ✨-🍵研香開心果豆腐花主角係近期熱度有增無減嘅開心果糊 堅果香味得嚟又唔會太杰 甜度係食完唔會有膩感嘅微甜 所以食落係好純粹嘅堅果研磨嘅味道🌰 豆腐花好滑好輕盈 帶有淡淡豆香🤤 上面仲鋪滿開心果碎 層次感滿滿💚-🍨榴槤冰 (加配榴槤球)榴槤冰嘅冰感係古早味碎冰路線 帶有榴槤加奶嘅香味 仲有爆爆珠 口感十足✨ 鍾意榴槤 仲可以加多一球榴槤肉添😋 -🍓士多啤梨層層戀打卡一流嘅芭菲杯 有士多啤梨果醬 忌廉 蛋糕 新鮮士多啤梨 仲有士多啤梨雪糕同黑芝麻軟雪糕組成 加上冷凍士多啤梨乾做裝飾🍓 成杯食完少女心真係即場爆發呀💖

沙田新開港式糖水店🍡‼️有超多款唔同種類嘅甜品🍧包括芭菲、椰皇、芒果系列、豆腐花、鮮果冰等等啱晒一大班人附近食完飯 直落下場食埋糖水🍭呢間勝在夠多款式✨仲有一款甜品啱食👅-🍓 士多啤梨層層戀 💰$88士多啤梨芭菲✨配上黑芝麻軟雪糕及士多啤梨味雪糕幾鍾意黑芝麻軟雪糕嘅黑芝麻味 味道濃郁！每層有唔同配料 例如白玉、棉花糖、海綿蛋糕有士多啤梨果肉 底下仲有士多啤梨醬 整體味道偏甜😗-🥥 椰皇燉蛋白配桃膠 💰$68滋陰養顏之選🧖🏻‍♀️仲要係熱食 啱晒女仔食~燉蛋白口感滑溜 幾重鮮奶味 桃膠口感都唔錯-🍰 芝麻巴斯克蛋糕 💰$48巴斯克蛋糕有三款口味 另外有原味同開心果味芝麻味濃郁 蛋糕中間部份微微軟心 好似食緊芝麻糊感覺上呢間舖頭嘅芝麻味甜品都幾出色😗✨-📍 沙田沙田正街2-8號新城市廣場三期1樓A125號舖-

行開沙田新城市廣場，又未到食飯時間，行得耐又想坐低食啲嘢，見到呢間有雪糕既糖水店，就沖入去坐下先，行咗成日真係太攰，同朋友點左三款野食，黑芝麻雪糕朱古力芭菲，開心果巴斯克蛋糕同開心果椰汁豆花，我一定係食芭菲嗰位啦，個雪糕真係唔錯！而且芭菲入邊嘅配料好多，我幾鍾意個士多啤梨醬，同埋棉花糖，試咗個蛋糕，幾特別，好濃厚嘅味道，但係佢唔甜，唔喜歡太甜嘅朋友適合，另外開心果椰汁豆花我都試咗少少，自己喜歡味比較淡，但豆花真係好滑，如果喜歡淡味嘅朋友都好適合～我好怕食太甜嘅嘢～整體感覺環境OK，下午五點去唔使排隊，而且坐得舒服，滿意

今日係新城市行街, 發現研香係沙田開左分店，就入去食左個糖水, 餐廳裝修簡潔,座位闊落研香開心果豆腐花自家研磨既開心果露好幼滑，有豐富既堅果油脂香，半糖唔會太甜, 加上豆腐花本身豆香味濃郁, 入口滑溜，一齊食好有層次近排天氣咁熱就叫左芒果冰, 面頭放左d 芒果肉同西米增加口感, 冰沙打得好幼細, 入口即溶, 每一啖都食到芒果嘅香甜, 超級消暑芝麻巴斯克蛋糕蛋糕面層烤到微焦, 芝麻味香濃, 蛋糕質感比較濕潤，口感似食緊黑芝麻雪糕咁細膩絲滑

係沙田新城市廣場，搵到依間用心研磨嘅甜品店❤️ 內部設計簡約大方，感覺溫馨又舒適👍 三五知己黎聚一聚食個糖水都唔錯😆 今次試咗三款甜品✅ 首先係好多人叫嘅椰皇桃膠燉蛋白☺️ 上枱熱辣辣香噴噴🤤 超級吸引😆 蛋白又滑又嫩，同彈牙可口嘅桃膠幾合拍🤭 可以另加椰果，更添甜美滋味❣️ 另選了一客原味忌廉芝士巴斯克蛋糕😋 外層燻香可口，內部質感軟滑細膩，食落每一口都充滿芝士嘅濃厚滋味，整體唔會過份膩滯✅ 最後叫咗一件店舖推薦嘅海鹽開心果酥😎 外層酥皮香脆鬆化，經預先焗熱，更添香氣🌟 中間填滿香濃嘅開心果醬😉 濃厚馥郁嘅滋味令人難忘，開心果迷不能錯過喲🤭 

🌸椰皇燉蛋白，原個椰皇上枱，好濃郁嘅椰香味，燉蛋白入口好滑溜，又食到蛋白香味，甜度啱啱好，夠哂清新又滋潤🌸龍眼冰，我另加椰果，啖啖刨冰都透心涼！每啖都食到龍眼肉，同埋爆珠！口感層次好豐富，龍眼肉好香甜！食完之後好清爽冰涼🌸朱古力之戀好豐富嘅配料，有冰凍嘅芝麻雪糕，配埋朱古力醬料、蛋糕同埋卜卜脆米，味道層次好豐富，啱哂我呢個甜品控！餐廳舒適寬敞，整體甜品質素都好高！餐廳店員服務態度好友善，抵讚！下次會再黎幫襯！

🍬沙田新城市都開咗間甜品舖，仲要有大熱開心果嘅選擇💚嗌左個招牌嘅💚研香開心果豆腐花 呢度幾好，可以選擇少甜，符合返都市人嘅口味開心果打成糊漿，食到開心既獨有香味🫶🏼鋪左喺豆腐花嘅面頭 同豆腐花混合一齊 原來都好夾 有兩個豆香嘅味道👍👍🤍椰皇桃膠燉蛋白 鮮蛋白本身已經幾吸引，滑捋捋🤍呢個進化版嘅燉白就再加入椰皇同桃膠及，滋陰潤肺同時養顏🫶🏼桃膠本身係冇味道，靠椰皇嘅香味，食完呢個甜品夜晚好似瞓得特別好 ！💜芒果紫米西米露 以芒果西米露為基底，跟住加入軟綿綿嘅紫米露啲芒果夠甜 芒果汁都幾香 🥭好有口感 又夠清新

研香 GRINDIE 🍧✨係近期人氣爆燈嘅糖水舖，主打自家研磨糖水✴️尤其係佢哋嘅開心果露同豆腐花，真係一試難忘🔥今次試咗幾款招牌甜品，每款都各有特色，甜品控絕對要bookmark🙋🏻‍♀️1️⃣ 椰皇桃膠燉蛋白 🥥🍮呢款燉蛋白真係驚艷！椰皇嘅天然清甜完全滲入滑溜嘅蛋白入面，每一啖都係濃郁嘅椰香，質感細膩☁️桃膠煮得啱啱好，爽口又帶少少韌性，同燉蛋白嘅柔滑形成完美對比。甜度適中，唔會膩，仲有滋陰養顏功效，女士們必試💖2️⃣ 榴槤冰 🍧💛榴槤控必嗌！一上枱已經聞到濃郁嘅榴槤香，冰沙打得超細緻，入口即溶，榴槤味爆棚，真材實料冇得輸😍 面頭仲有新鮮榴槤肉，口感creamy得嚟帶少少纖維感，甜中帶微微甘香，食完成個人都幸福晒！夏天食真係透心涼，榴槤fans絕對要encore👍3️⃣ 研香 開心果豆腐花 🌰🥄招牌中嘅招牌！開心果糊用意大利西西里開心果慢磨而成，香濃到不得了，堅果嘅油脂香同甜味平衡得剛剛好，質地幼滑到似絲綢咁滑溜✨豆腐花本身豆香十足，口感超嫩，同開心果糊一齊食，雙重滑溜感簡直係絕配！每啖都係滿足，難怪成為鎮店之寶💚總結💌研香嘅糖水真係有驚喜，尤其係佢哋嘅研磨功夫，將傳統糖水提升到另一個層次🎊無論係養

最近呢間甜品店最近進駐沙田新城市廣場店內播放着柔和音樂．環境仲好舒適為忙碌嘅生活加一點甜Menu 集齊多款中西式甜品揀咗三款唔同口味．相當有水準✨椰皇桃膠燉蛋白原個椰皇裝滿奶滑嘅蛋白配上桃膠．再追加椰果美顏養生之選✨榴槤冰炎炎夏日．一碗透心涼嘅榴槤冰真材實料．味道香濃．口感細膩果然係一碗冰等於1/4個榴槤榴槤控一定不能錯過✨楊枝甘露選用新鮮芒果肉配上粒粒西米同柚子肉啖啖鮮甜好足料下次再嚟一定要食「海鹽開心果酥」

之前去過尖沙咀厚福街嘅分店食過覺得唔錯，今次就同朋友嚟咗位於沙田新城市廣場新開嘅分店，店鋪裝修好靚靚，係以木系為主嘅格調🪵我同朋友total嗌咗3款甜品share嚟食，我哋order咗招牌開心果豆腐花、椰皇桃膠燉蛋白同榴連冰✨首先講講招牌開心果豆腐花，豆腐花好滑，入口即溶，而且開心果糊好濃郁，一齊食好有層次。而最主要係甜品嘅甜度係可以自己揀，我地今次就揀咗半甜，所以食落豆腐花唔會過甜，啱啱好中和咗開心果嘅堅果香氣，食落真係好舒服😌而椰皇桃膠燉蛋白，蛋白食落輕盈好滑，而且啖啖都食到有椰子🥥嘅天然甜味，而且桃膠嘅分量好足，差唔多大半個椰皇入面都係桃膠🤣，而且桃膠整得好軟滑，整體味道唔會太膩，反而令人覺得清爽，適合喜歡清淡口味嘅人。食完熱嘅甜品，最後我地就試咗榴連冰，呢款甜品對於榴槤愛好者而言，真係唔可以錯過。榴槤味道好濃郁，而且沙冰🍧有榴槤嘅果肉同爆珠，食落好有口感，特別適合熱辣辣嘅夏天食☀️

沙田新城市新開咗研香😗終於食到佢大名鼎鼎嘅開心果甜品了🥳開心果豆腐花💚 $58Signature一定要試吓，開心果露好足料又順滑，配上豆腐花會令成碗糖水無咁濟同飽，兩樣加埋味道好夾。榴槤冰💛 $581碗就用咗1/4個榴槤，好抵食😲冰打到好smooth，每啖都係滿滿榴槤果肉香味，面頭有啲脆脆西米水晶珠。芝麻巴斯克蛋糕🖤 $48佢唔係行流心路線（可能驚未熟容易肚痛！？），但口感都好軟滑，超濃郁黑芝麻味，同時食到cream cheese香味。Overall甜品都唔會太甜，價錢合理，沙田飯後甜品好選擇😬

最近留意到這間甜品店的木質感的設計，環境不錯，於是入內點了士多啤梨層層戀，材料以士多啤梨為主打，分別有士多啤梨塊、士多啤梨乾、士多啤梨雪糕、莓果醬配搭着黑芝麻雪糕、海綿忌廉蛋糕、棉花糖和糯米小丸子，是多料開心的芭菲塔。之後是研香開心果豆腐花，湯底是開心果味，混合豆腐花令整體味道變得複雜而帶堅果香味，非常新穎的做法。最後是椰皇桃膠燉蛋白，桃膠數量很多，佔據了半碗椰皇，上面再加椰果，感覺令燉蛋白變得很有口感，而加上香濃榴槤漿的效果即豐富了桃膠的黏，令整個口腔充滿膠質而不滯。

今日去咗呢間新開嘅甜品店試佢哋嘅芝麻糊，真係失望到極點！首先講服務，我等咗足足廿五分鐘先攞到碗外賣，期間店員嘅服務態度極之差劣，成個店入面其實得佢一個侍應，但係佢就喺度漫無目的地周圍行，完全唔理等緊外賣嘅客人，問佢嘢又愛理不理、態度極之惡劣，同其他分店嘅貼心服務完全形成強烈對比，簡直係兩個世界！我之前等其他分店嘅外賣都從來未試過等咁耐，仲要係咁嘅服務態度！呢種漫不經心的態度，令我對呢間店嘅整體印象大打折扣。 之後終於等到碗芝麻糊，但係味道就更加令人失望！四十蚊一碗，竟然稀薄到好似水咁，完全冇芝麻糊應有嘅濃稠感同香氣，入口得返一陣好淡嘅甜味，仲有陣好難聞嘅臭腥味，真係難食到一個點！我平時自己用最平嘅芝麻糊粉沖都仲好食過呢碗！呢個質素，簡直係對芝麻糊嘅侮辱！芝麻糊嘅質地又粗糙，入口又毫無絲滑感，完全破壞咗我對芝麻糊嘅所有美好想像同期待。 我真係好唔明白，點解呢間新開分店嘅服務同食物質素可以差到咁，同另一間分店差天共地！我唔單止浪費咗時間同金錢，仲受咗一肚氣！呢次嘅經驗真係好差，我絕對唔會再幫襯呢間分店，亦都唔會介紹畀朋友！希望佢哋可以盡快改善服務同食物質素，唔好再令其他顧客失望！ 整體嚟講

閨蜜知我鍾意食嘢，佢話沙田新開咗間甜品舖咁梗係要陪佢去朝聖吓啦☺️餐廳環境寬敞舒適，座位都較多👍🏻椰皇桃膠燉蛋白（熱）$68好溫暖又滋潤嘅甜品，燉蛋白滑，勁多桃膠好足料，滋補唔膩👍🏻啱晒愛靚嘅女生☺️芒果紫米西米露 $46層次豐富，紫米糯香😋西米爽滑，芒果鮮甜，淡淡椰香，每一啖都有唔同變化，回味無窮🤤原味忌廉芝士巴斯克蛋糕 $48蛋糕表面微焦，散發陣陣焦糖香，入口濕潤細滑，忌廉芝士濃郁風味啱啱好

沙田新城市廣場三期最近新開咗一間糖水舖，我哋叫咗「招牌研香開心果豆腐花」好有驚喜，因為豆腐花口感滑嫩細膩，而開心果醬好香，有粒粒開心果碎，帶著微微堅果嘅甘甜， 兩者配搭恰到好處，好好味😍😍😍仲同十字牌聯成，推出薑汁撞奶，下次試吓先