影片
港鐵調景嶺站 A1 出口, 步行約10分鐘
繼續閱讀
營業時間
今日營業
09:00 - 22:00
星期一至五
07:30 - 22:00
星期六至日
09:00 - 22:00
公眾假期
09:00 - 22:00
以上資料只供參考, 請與餐廳確認詳情
《石磨樂豆 - 將軍澳》事緣有一日放工，行過地鐵站俾我見到呢一間專賣豆乳嘅小店舖，原本以為只係賣下豆漿，點知睇吓Menu竟然都有賣鹹食吐司，所以一直記住呢一間嘢嘅存在😉前排放lunch嗰陣時唔知食咩好，突然之間醒起不如買吐司同埋甜品返公司食，由我公司行過去地鐵站都只係5分鐘，所以二話不說就衝咗落去睇吓仲有咩選擇😎雖然店舖細細，但係佢賣嘅種類都幾多，有豆乳、豆花甜品、多款不同口味嘅即製吐司同埋仙草甜品等等，睇嚟呢間嘢試幾次都試唔晒佢啲產品💁🏻♀️彩虹芝士吐司 $42作為一個芝士控，對於Grill cheese 真係無辦法抗拒的說，其實入面就係放咗拉絲感極強嘅Mozella cheese 😎不過佢將芝士用咗食用色素變成彩虹嘅顏色，食落都係鹹香味十足，芝士延伸性好強，趁熱食可以做到好長嘅拉絲效果😂味道我覺得唔錯的💁🏻♀️樽裝9%微甜濃豆乳 $18聽講佢嘅豆乳超濃郁，我就買咗嚟即場飲，飲落唔太甜，又好濃郁嘅豆乳喺個口腔徘徊好耐，飲落順喉，不過唔好睇小呢一支豆乳嘅份量，飲完其實都幾飽💁🏻♀️樽裝黑白芝麻豆乳 $28原本諗住食咗一件吐司同埋飲咗一支豆乳驚之後會肚餓，所以我就買多咗支黑白芝麻豆乳諗住下午茶飲，結果個飽肚感太強勁😂所以拎咗返屋企先再飲，相比起原味，我覺得呢個黑白芝麻，反而多咗一陣果仁香，冇嗰支濃豆乳咁濃稠，但係個黑白芝麻嘅香氣徘徊口腔好耐，幾好飲的💁🏻♀️三色芋圓豆腐花 $30我仲買咗個三色芋圓豆腐花返公司食，三色芋圓都不外乎係番薯圓、紫薯圓同芋圓，口感彈牙煙靭，另外個豆腐花用紅糖水浸住，我就覺得相對冇咁滑溜，但係豆腐花吸咗紅糖水嘅味道，可以唔使另外再落糖漿都已經夠晒味，清清地食個凍豆腐做下午茶都唔錯
繼續閱讀
來自新加坡品牌的<Jollibean> 擁有豐富的歷史，又能緊跟時代的脈搏，成為了許多注重健康飲食人士的最愛。始終堅持使用嚴選A級加拿大黃豆，每晚浸豆，每朝煮豆，這種專注和毅力，研製出高質素的產品-Menu不僅有眾多經典美食，還經常推出季節和期間限定款，如鹹蛋黃碎蛋吐司、蝶豆花茉莉豆乳凍和川貝枇杷膏豆腐花，讓顧客每次來都有新驚喜。這些限定款既保留了傳統風味，又加入了創新的元素，令口味更加多樣化。-熱飲方面，有三款特別推薦：好立克豆乳(700ml $28)、即磨咖啡豆乳以及9°微甜濃豆乳。這些飲品溫暖香醇，特別適合秋冬季節享用，讓人從內而外感受到溫暖-除了主打的豆製品，餐廳還保留了新加坡的傳統小食，並揉合了香港地道特色，推出了一系列季節限定餐目🔸咖喱雞肉吐司（$35）吐司烤得酥脆金黃，內餡是精心烹製的咖喱雞肉。雞肉嫩滑多汁，咖喱醬香氣撲鼻，濃郁而不膩。每一口都能感受到濃濃的咖喱香和雞肉的鮮嫩，搭配上吐司的酥脆口感，讓人欲罷不能。這是一款既能滿足味蕾，又不失健康的輕食選擇-🔸椰乳仙草西米露（$37)濃郁的椰乳搭配滑嫩的仙草和Q彈的西米，口感層次豐富。椰乳的香甜與仙草的微苦形成絕妙的對比，而西米的彈性則增添了整體的趣味性。每一口都是一種享受，既能解渴，又能滿足你的甜品慾望-🔸抹茶紅豆小丸子豆乳(700ml $48)濃郁的抹茶豆乳香氣十足，紅豆的甜美和小丸子的Q彈完美融合。每一口都能感受到抹茶的清香和紅豆的濃郁，還有小丸子的滑嫩Q彈-餐廳還設有會員app，提供獨家優惠和預訂自取功能，方便顧客隨時隨地享受美味。對於他們來說，食物不僅是為了填飽肚子，更要講究營養和味道。總的來說，餐廳無論是在環境、服務還是食物上，都堅持高品質的標準，值得一試。
繼續閱讀
唔再係煎炸油膩嘅垃圾食物，而係健康既「黃豆」！💛除左豆腐花 豆乳，仲有唔同口味嘅吐司，係新加坡傳統既小食～ ☺️☺️今日先食左期間限定款既鹹蛋黃碎蛋吐司🍞吐司裏面包住厚厚嘅鹹蛋黃醬，仲有厚厚嘅碎蛋🐣🍳吐司岩岩焗出黎熱辣辣 好有口感!!跟住嗌咗兩個嘢飲，分別係樽裝木瓜雪耳雪梨豆乳 🧡 & 抹茶紅豆小丸子豆乳💚原來木瓜既香甜&雪梨既爽脆，再加埋雪耳&營養豐富既豆乳好夾架!!一路飲都好美味，而且覺得好養顏💁♀️另外抹茶味都好濃，但又唔澀，綿密好有飽肚感，而且仲有煮得好腍既紅豆，又夠甜，小丸子有咬口😗😗最後我仲嗌埋黑白芝麻豆腐花🖤🤍滑捋捋嘅豆腐花 好有豆味
繼續閱讀
將軍澳開左Jollibean！石磨樂豆原材料係用上嚴選A級加拿大黃豆去每日石磨鮮製，買嘅時候仲見到設有會員app可享獨家優惠，同有預訂自取功能，即時用黎落單都幾方便！爆餡芋泥吐司 $38吐司🍞烘底好酥脆，芋泥真係爆晒餡好足料！芋泥唔會過甜，同埋肉鬆食好夾！椰乳仙草西米露 $37好香椰乳，仙草好滑溜，加上西米露食，口感好豐富～Jollibean間中仲會出季節期間限定款，如川貝枇杷膏豆腐花咁，幾特別！即磨咖啡豆乳(凍)700ml $38咖啡夠香濃，豆乳味好出，唔錯！買完仲見到有有3款熱飲供應: 好立克豆乳 & 即磨咖啡豆乳 & 9 °微甜濃豆乳 ，都幾岩啱秋冬飲！下次試埋先！餐廳：石磨樂豆 Jollibean (將軍澳)📍將軍澳調景嶺景嶺路8號都會駅地下GL-015C號舖
繼續閱讀
今日心血來潮去屋企附近食個甜品，咁諗住去新野試吓，買左個竽圓豆花，非常失望，個糖水本身溫度非常奇怪，唔凍又唔熱，一邊少少凍，一邊少少暖暖地，擺明就冇溝勻，豆腐花係滑，但係完全冇豆味，食百x 好過啦！芋圓正常啦，成碗嘢啲水太多，好似為咗要裝滿佢咁，成$30，真係冇下次😣，仲以為調景領終於有間可以食下糖水…..本身好少寫食評，除非太好或太差…希望店家睇到之後，可以改善一下，話晒你哋都係主打荳品，豆花唔得真係好失望
繼續閱讀