石板屋

收工十點幾去搵雞煲食，見到有雞煲放題就入去試試，平日都係只需$118，抵食!雞又可以任加，我地一行三人叫左一隻中辣，超正，辣度夠勁，火鍋料又多選擇，又夠新鮮，一定會再黎…查看更多

突然想食雞煲就去試下。我地好不考慮就要左大辣半隻雞🐓🌶（因隔離鋪果啲中辣都唔辣）。之後廚師就即煮比我地食。因即煮既關係出黎既雞係要再煮一煮先食得。亦因即煮既關係啲雞煮得岩岩好，好滑唔會老。咁我地係要半隻雞，佢真係比足半隻。唔係得啲骨。仲要佢大辣真係好辣，同譚仔既大辣一樣。因佢雞煲係有好多汁既，到打邊爐果時都唔會淡。打邊爐方面，佢都好多款式。除左平時見到果啲，有青口、雪花牛粒、白磨菇等。除左食物，啲員工都好好，勁nice。就算佢夠鐘收鋪都唔會趕人走。…查看更多

行到攰，想坐吓食吓野，就中咗入去。。。叫咗一個下午茶餐 - 炸雞肶薯條+熱華田，$30。華田尚算正常，但炸肶同薯條就😰竟然油到會發光，碟上張吸油紙好快就被油浸到濕哂，太離譜啦…唔知以為直接將油淋上面，仲想叫佢攞多幾張吸油紙呀…救命!以我一貫慳家性格，點都食少少喇。。。當然就唔好食啦…薯條淋到呢…放棄!炸肶，油就緊架啦…但食落仲要完全無味! 本來點薯條嘅茄汁此時就有用喇。。。反轉隻肶見到黑麻麻一舊舊似碎咗既內臟😖我掂唔敢掂啦…對面枱兩位食客，望到我的炸肶仲話幾好，我心裡暗想千祈千祈唔好叫呀…唔想其他人受害呀。。。好彩佢地係已經落咗柯打咋！周圍再望其他食客，大家都如常食緊，心諗唔通這款下午茶先出事!我平生應該係第一次無食哂碟上嘅食物!!以後任何時間我都唔會再幫襯喇!!食後檢討，八卦吓餐廳面書。 竟然有人幫襯做到會，包場海鮮火鍋雞煲，我真的不能想像!!!…查看更多

同男朋友喺屯門遊盪，經過呢間石板屋就入左去試下～入到去多數人都係食緊百幾蚊的任食雞煲，但因為唔係幾想食ｄ太滯既野，所以我地就都係叫其他野食～我叫左個吉列芝心豬扒石鍋類喇沙湯烏冬，男朋友就叫左吉列芝心豬扒蛋包飯～兩個都係５８蚊。先講個烏冬！個烏冬好唔錯口感煙韌，烏冬同喇沙湯出奇地配合～而喇沙湯既調味可口！唯一要投訴的就係因為用石鍋食好保暖，每食一啖都要吹幾下就食得有ｄ耐～（男朋友試左一啖都話好好味，仲話後悔叫左蛋包飯）至於呢個係男朋友叫的蛋包飯～賣相都還好，不過男朋友話唔好食，塊蛋好薄，ｄ茄汁唔夠多。至於呢個就係，登登！舊吉列芝心豬扒了。可能因為食果時擺耐左，所以有少少凍左，同埋芝士冇流心。但我覺得味道都還好，豬扒同芝士同配合，豬扒脆脆咁～…查看更多

一大班朋友第一次到石板屋食雞煲，見平日只需$108，咪入去試試，點知有驚喜，叫了一個中辣雞煲，辣度十足，非常好味，加湯後湯唔會冇曬味道👍🏻。配料非常新鮮，店員態度親切，特別推介黃金脆竹卷，香脆美味，價錢又抵食，會再去😋…查看更多