睡飽吃吃睡飽冰店

黎上環朝聖🍨Gelato 雖然雪糕單價略高 但又真心值得一試今次試左4款口味 感覺店內雪糕口味係偏咸多於甜 整體係大家最中意既不太甜🫶🏻注意⚠️店內係立食既 無任何坐位- 榛子/碧根果仁：濃郁奶滑中榛子味突出 令味蕾跳躍- 黑芝麻：係我食過最最最濃厚深黑芝麻香 細膩滑順 極重芝麻香- 菠蘿：清新酸甜 果香馥郁 令口腔即刻活力爆棚 真係好清爽- 開心果：淡雅果仁香帶奶油潤滑感 溫柔甜味中帶微微鹹香 開心果味濃郁 黏稠到以為自己食緊開心果醬 但食多幾啖會有少少膩既感覺✔️私心推介芝麻味…查看更多

去過睡飽吃吃食蛋糕，店舖唔定時營業，每人必須點1杯飲品，加上設入座時限，印象麻麻。不過，對佢呢間主打Gelato的姊妹店，依然心心念念想試，尤其睇到好多食評大推佢的橄欖油同開心果味Gelato，好吸引咁~睡飽冰店的營業時間比睡飽吃吃長而穩定，2100收舖，夜啲嚟都食到，只係冇咁多口味選擇，但熱門選項應該貨源充足，長賣長有。2000到達，同朋友點餐時剩番7隻味，買咗2杯（$78/杯，每杯2款口味；部分口味+$8），試到4種口味。橄欖油：+$8；入口已有橄欖油的獨特味道，屬於清淡的橄欖油味，仲食得出雪糕有啲油分，令佢比其餘3款口味更順滑；佢同另外2款堅果Gelato一樣係偏鹹味；雖然呢個味道幾特別，但純粹個人喜好，覺得試一次就夠，但朋友就非常鍾意開心果：+$8；堅果味濃，似食緊雪凍咗的堅果醬；颜色天然，呈烤烘後的開心果颜色榛子/碧根果仁：唔係純榛子；雖然加咗碧根果，但榛子味仍突出，質感濃稠，感覺heavy，喺4款之中最飽肚而且好易食到「漏」；自己鍾意堅果，都幾欣賞呢款口味，只係食食下會有啲膩，容易厭黑芝麻：簡單嚟講，佢係固態版的低糖黑芝麻糊；濃濃的黑芝麻味，係我同朋友揀的唯一一款甜味Gelato呢度環境一般，可堂食但只能立食，部分疑似檯面註明係古董，唔准摸亦唔可以放低杯雪糕。舖頭得1個店員，一腳踢，收一次錢後就入去備餐區𢳂雪糕，然後再拎出嚟交俾個客，完成咗先可以serve下個客，我哋1張單買2杯雪糕，佢每𢳂完1杯便行出嚟1次，所以，落單、俾錢同出餐都需時。Gelato的價錢同份量：幾貴，揀熱選的橄欖油同開心果就係$78+8+$8，埋單接近$100；其他唔使加錢的味道都好食，真材實料，不過，用$78買杯雪糕，性價比一般。之前食Gelato都係去Venchi，一比之下，Venchi份量大啲，味道亦更驚艷到我，始終係連鎖貴牌，貨源點都好啲，Venchi的榛子味冇寫係混雜其他堅果，榛子嚟自有認證的意大利產區，杯Gelato有一小片黑朱古力點綴，仲可以喺舖頭坐低堂食。Venchi $92（好似係）可揀4款口味，亦有杯/筒裝的選擇。撇除支持小店，睡飽冰店似乎冇乜必殺技，呢度的Gelato杰身啲，感覺冇Venchi咁易融，但食完頂肚啲、「滯」啲。…查看更多

最近上環有幾間gelato被稱為上環戰區🤭呢間我就好耐之前已經bookmark 左 終於有機會試～今次試左👇🏻💛開心果/菠蘿｜粉紅胡椒 $86首先想講定價係進取既 ,開心果premium flavour 要加$8, 但味道都真係好出色, 搵唔到可以批評既地方🤤開心果味好濃, 每啖都食到開心果碎碎😚texture都非常厚實 feel到係真材實料既🫶🏻平時最怕食到刺激舌頭的菠蘿，但呢個完全無任何刺激既感覺，只有菠蘿的香甜。胡椒味其實唔太食到，完全唔辣的，反而水果鮮味真係好出，好有summer vibe🍍☀️味道：9.5/10服務：7/10 環境：7/10性價比：6/10📍 睡飽吃吃睡飽冰店 (上環)@sleepwelleatmore_gelato 上環歌賦街44號地舖#hkfoodie #hkig #hkfoodieblogger #steak#foodiegram #foodiehk #foodblogger #foodielife #foodie #香港美食 #香港好去處 #hkfood #hkfoodlover #bagel#hkfoodpic#hkfoodblog #bistro #cafe#LF上環#意大利雪糕 #美食推介 #香港美食推介 #香港美食推薦 #甜品推介#開心果 #gelato #雪糕關注組 #香港雪糕…查看更多

自從中上環多咗好多唔同嘅雪糕舖，每次去都唔知食邊間好，但試晒之後我覺得睡飽吃吃係最好食嘅！我個人最推薦嘅係佢嘅鹹花生口味，花生味超級濃郁，而且質感偏向黏，做到一個好完美嘅拉絲效果。作為花生嚟講佢嘅味道真係一百分。之後都有試到佢嘅牛奶味，口感都係一樣偏濃郁。另外一個推薦嘅味道就係芝麻味，我覺得佢嘅芝麻味就好似食緊一啖淡凍嘅芝麻醬咁，但係呢一個嘅拉絲效果就冇咁誇張啦，不過我仍然係10分推薦嘅。希望有機會試埋佢嘅Tiramisu味。…查看更多

中上環最近呢一兩年開咗好多間雪糕/Gelato店，定價普遍都比較進取，$70-$90零蚊走唔甩，其中睡飽吃吃算係數一數二貴，但都係我覺得最好味嘅一間❤️睡飽吃吃選用意大利Carpigiani雪糕機，gelato 用料優質，質感黏稠，甚至可以拉絲，每款口味都食得出面天然得嚟明顯嘅食材味道👍🏻今次揀咗比較冷門嘅72%單品巧克力｜新鮮薄荷同日本大米｜椰奶味。薄荷朱古力係好有個性嘅味道，入口清新芳香，朱古力微甘唔會過甜，係比較「大人」嘅味道，本身唔鐘意食薄朱嘅朋友會覺得似食緊牙膏😂但我非常鐘意❤️大米椰奶入面有軟糯嘅米粒豐富口感，味道香甜，相信比較大路同受歡迎。暫時最鐘意都係初訪試過嘅橄欖油味，下次試埋新品Tiramisu味會再出食評。…查看更多