真‧章魚無雙

營業中

休息中

自從知道左旺中有好多小食店之後每次經過都會上去搵下食🤭今次見到有章魚燒 不過都係要排隊~香港人真係好喜歡排隊.🦑真‧大阪風章魚燒 $37 (8粒)即叫即做 都等左超過半個鐘食下~原味先試到真章?呢間係比較細粒, 好在醬料夠多但入面好似食空氣咁...得d漿 唔見左d章魚粒有d失望..📍真‧章魚無雙📌旺角彌敦道688號旺角中心1期2樓SB02號舖

我同女友到旺中必食推介，黑松露章魚燒！佢每一粒入面都有粒好大粒嘅章魚🐙！絕對唔係揸流攤！佢細細粒炸粉，但裏面有一大粒原隻章魚！依家真係買少見少，加上佢唔單單比燒汁你揀，佢有大愛嘅黑松露！真係可以食十盒！仲要佢勁多人排隊，但服務質素仍然都保存到，真係難得！每次排隊都要30分鐘，但仍然都好好食！章魚都無減少體積，木魚，黑松露醬汁仍然都海量多！價錢都相當合理！但要提提 如果真係好肚餓買，就可能會等到嬲，所以建議食定其他嘢，打一打個底！唔好甘爆！因為呢間值得你等待！

每次去旺角都會想叫黎食醬汁濃郁 而且好香 甜甜鹹鹹木魚擺係章魚燒隔離 每次叫完都會即叫即整 最鍾意係熱辣辣🫢而且都有好多章魚粒粒係入面🐙味道方面覺得明太子係最好食！

我喺6:40 叫5份蟹膏章魚燒。等咗30分鐘未有唔緊要，都算繁忙時間，咁就算啦。🤣終於差唔多到我啦，廚房出咗5份章魚燒。門口個員工一次過叫咗五個單Number。咁我就知道瀨嘢啦，個員工幫另外一個客人整咗一份佢嘅配料啦，咁枱面而家剩返4份，咁就一定唔夠㗎喇。😨結果我比張單佢佢夠膽死淨係比一份我，之後我同佢講我係叫咗5份喎，佢先執返起張單話：咁你再等等。我行埋一邊越諗越唔對路，咁佢整咗嗰份咪凍哂囉。🥵我行返過去同佢講嗰份可唔可以重新再做過佢話：唔得，有好多客人喺後邊等緊。🥺咁我見佢好似都冇當我係客人啦🤔咁我就唯有喺OpenRice度寫份食評同佢，我都係一個客啦。😅

今次叫左黑松露拼蟹膏章魚小丸子😙💓雖然等左成20分鐘🥱 但感覺是值的🙂🙃 💗黑松露拼蟹膏章魚小丸子（40HKD）先講黑松露味🍄 配上黑蟹籽一齊食層次突出😚 完全好油好膩感覺😍 章魚丸子方面唔會太粉🙂 料多😉蟹膏味幾有驚喜🧐 平時食蟹膏都覺得滯😭 但今次蟹膏應該撈左沙律醬😆 食落口感唔會滯層次分別😚😚😚總結：食落驚喜十足😛雖然等候時間真係較長😭 買個時都會提你15-20分鐘🤫 但附近都有地方行下👀 hea下時間🙌 味道100分😆

旺角人氣排大隊章魚燒 上次食完第2間 始終都係掛住章魚無雙 都出post推過幾次 但今次評價就唔同啦 有少少失望.今次嚟到同樣勁多人 大概要排20分鐘up人山人海 多到你想拎餐都未必拎到⭐️蒜香牛油粟米章魚燒$40 8粒平時食開 蜜糖芥茉 今次試試第二隻味😋表面有沙律醬 食落牛油 勁香 少量粟米👌🏻咬開同樣見到算大嚿嘅 章魚腳 🤦🏻‍♀️望落空心做唔到東京派 脆皮嘅口感都做唔到大阪派 軟熟爆漿口感‼️最重要係 🔥佢哋燒着左個紙盒 穿咗個窿少少炭灰 喺章魚燒上面 Sosad.整體評價低分左好多 但又未算差肯定嘅係 佢同以前嘅自己有一段距離自己輸咗比自己.#hkfunfoodrecord窮遊香港#hkfunfoodrecord_旺角.#真章魚無雙 (旺角)地址：旺角彌敦道688號旺角中心1期2樓SB02號舖.⭐️評分：味道：3.3/5環境：-/5服務：-/5抵食：2.8/5.‼️想睇更多資訊‼️ig/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogg

呢間章魚燒近過旺中必食，有好多特別的味，今次食左明太子同蜜糖介抹味。明太子味：明太子味唔太出，只係食到沙律牆味，同埋由於有好多醬鋪面，所以令到小丸子淋左。蜜糖介抹味：蜜糖令小丸子保持脆面效果，介抹味好恰到好處，蜜糖介抹味令章魚燒的味道提升。章魚燒入面用原隻迷你章魚，入口外脆內軟，啖啖肉。好值得一食。

最喜歡食他們的真.蟹子章魚燒， 雖然要等的時間越來越久， 有次等了成半小時， 但冇辦法，想起章魚燒的味道😍等多久也願意！！！章魚燒非常足料！ 蟹子係一邊食一邊掉的， 而且每次一上手都想即刻食，但係就熱辣辣，一咬落去爭少少熱死🤣 我每次都要提醒自己要等到沒有那麼熱先食！總之這一間已經變了我的常駐小食店😋

前幾日同朋友食咗黑松露味同埋明太子味，我就比較鍾意明太子味，朋友就兩樣都差唔多。章魚燒章魚都幾足料，唔會話好厚漿，呢個位幾加分嘅！個人就覺得啲醬可以加多啲黑松露/店員可以俾多啲黑松露醬，因為啲黑松露醬撈埋章魚燒嘅話會俾啲大阪燒汁蓋過咗佢陣味🥲明太子就覺得成個配合都幾好，冇咩好挑剔，雖然其實已經食咗好多嘢但係都好想食多幾粒🤍🤍本身唔係特別鍾意食章魚燒，所以唔覺得超級超級好味，但係整體來講都唔錯！

真‧章魚無雙 (旺角)📍：旺角彌敦道688號旺角中心1期2樓SB02號舖🚗：旺角地鐵B1出口 步行1分鐘📞：+852 6945-3783💲：~HKD40/head for 掃街 Food quality✔️：真.明太子章魚燒👌🏼：真.蜜糖芥末章魚燒😋大熱門嘅章魚燒店 已經有四間分店 而且成日有人排隊 今次另外+$2叫咗雙拼 明太子味真係好推薦 嗰醬好重味啱哂我 明太子味又濃 唔錯🤔️相比之下 蜜糖芥末都比較普通 但都唔錯 可惜嗰味唔出 而且今次佢嗰漿調得偏鹹咗啲啲 要用啲重口味嘅醬先可蓋過去😨呢間性價比偏低6粒大約$31-$38左右 感覺8粒好似相對抵食啲啲 但由於份量好細粒 所以一粒值成$5-$6 真係有啲貴😨另外呢間最大問題係等好耐 所以建議周圍行幾多圈再返嚟拎食物

食過好幾次 質素愈黎愈差等咗15 分鐘 嘅章魚燒係唔熱 + 淋咗明明以前食永遠係熱辣辣 如果等15 分鐘都係淋嘅 咁不如唔好叫人等佢個蒜蓉粟米係好食都推介但希望質素會改善一下啦

而家嘅旺角中心小食部可膍美葵廣，好熱鬧，之前成日都嚟買壽司，今次試新野，小丸子，口味好多，我地要咗雙併，原味同芥末蜜糖，共八粒，袋收一蚊，共42蚊，人非常多，等時有啲透唔倒氣感覺，收銀話等15mins , 最後等咗差唔多30mins.芥末味唔明顯章魚好大粒，彈牙有口感😋

平日下午茶時間嚟到旺角 即刻諗到哩個時段應該少啲人排章魚無雙🐙 立即狗衝過嚟😂😂果不其然 真係得一兩位客人排梗隊 我二話不說即刻排隊👅以前係葵廣到而家係旺中有分店 我都係揀哩個combination! ✨蜜糖芥末+蟹膏😛💓 8粒 -即叫即整 攞到上手 都感覺到紙盒好熱辣辣!醬汁一如既往 比得好慷慨 配上大量木魚絲！ 一句講哂！好好味呀😫😫😫蜜糖芥末就係酸酸甜甜 蟹膏濃而不腥 還有蟹籽粒粒 兩隻味道交換住食！真係天堂！！！！-立食店不能太講求衛生和服務吧 就是好吃💓

暫時未有晚市堂食，唯有繼續掃街！今次又嚟到旺中，呢個章魚燒相信大家一啲都唔陌生，因為次次去旺中都大排長龍，最少都要等20分鐘～今次叫咗雙拼章魚燒 (蟹膏拼黑松露)(8粒)($46)🐙非常熱辣辣～章魚燒入面嘅餡料係冇唔同嘅，入面有明顯嘅章魚粒～上面嘅醬又真係好澎湃😋蟹膏一啲都唔腥，仲有啲蟹子喺上面，一放入口真係好滿足😋我個人係勁鍾意食蟹膏🤣所以好鍾意呢個☺️而黑松露就溝埋少少沙律醬，陣味好濃，成晚個口都係陣黑松露味🤣雖然等好耐，但都會為左蟹膏再返啅🤤🤤

#fatfat食在旺角📍旺角彌敦道688號旺角中心1期2樓SB02號舖旺角中心必食小店之一 價錢唔算太貴即叫即整 熱辣辣 仲有大大粒八爪魚餡料仲有多款口味選擇 連港人最愛拉絲🧀都有難怪每次去都要排一排隊🐙 黑松露章魚燒 首推必試💓 濃濃既黑松露沙律醬 配上魚子粒粒仲有別與其他店舖會落既海苔 換上柴魚片大大粒 熱辣辣 咬入口 勁惹味外脆內軟 口感一流🤤@top1_takoyaki_kf 除左旺角 仲有其他分店葵芳 觀塘 西灣河都有嫁 🤟🏻整體 𝟻💓滿分味道 ❤️🧡💛💚價錢 ❤️🧡💛💚💜