真滋味菜館

營業中

休息中

諗住舒舒服服食母親節飯，點知人手又唔夠，咩都要自己做自己拎，碗又話未洗咁。餸由7:00-8:00只係出左兩個餸，幾好心情都無用啦。店員又話唔關自己事，廚房出野慢，唔關佢事。咁你間餐廳打開門口做生意，完全無準備，真心唔推薦。廚房出餸慢，咁你咪送下酒比我地飲囉，起碼settle左我地心情先。真心唔推

每年都會去真滋味食羊腩煲，之前鴨脷洲大街嘅店，原來而家已經冇做啦。專注喺香港仔市政大廈，供應美食給大家！今年第一次去香港仔嘅真滋味，買咗一個羊腩煲外賣，因為阿仔喺英國返香港過年，所以三個人食，買咗個中煲，回到家中慢慢品嚐美食！一直都對佢哋嘅出品有信心，今年更加有進步！牛腩炆得很腍，肥瘦適中，份量足夠四個人食，配料又豐富，馬蹄，蘿蔔，枝竹都非常入味，羊腩汁香濃，卻不肥膩！整體嘅配合，實在是人間美味，冬天極品，加上價錢也不貴，真的物超所值！阿仔還是第一次吃真滋味的羊腩煲，吃完回味無窮，已經嚷着快點再去買第二次！董太的推介！

Menu寫明乾炒牛河$58，收我$60，再偷偷地轉左豬肉片。可能你哋牛肉賣晒，但全程無出過聲。啲豬肉仲要冇醃過味。收多$2我當你外賣錢，但「肉片」當牛就有啲過份。商店唔老實，外賣諗過先好叫。

喺香港仔附近搵餐廳同屋企人食飯，本身對揀餐廳無乜期望，點知食完發覺好食😍想特別講風沙雞🐓皮脆係基本，切得大大嚿但肉係嫩滑同啱啱好熟。佢上得較慢但食得出係即叫即做。我另外再叫咗蒸鱔，蒸馬友🐟雖然好多熟食中心都有得食新鮮海鮮，但佢勝在價錢合理。佢嘅蒸鱔固然係新鮮，仲要係爽彈嗰款，好有驚喜。環境方面，坐得非常舒服，好寬敞，好乾淨☺️老闆娘態度好好😉 雖然上菜慢左少少，但overall好滿意，一定會再食🤩因為本身無太多expectation所以事前無影相😝 第一次寫食評因為想俾人知下呢間小店。