真成海鮮火鍋

營業中

休息中

由細到大已經喺葵涌長大到而家都一樣咁多人幫襯係一點一滴嘅回憶鑊氣夠係真正嘅大排檔飲大啤吹水食飯一流椒鹽九肚魚 外脆內軟 冇油益味啫啫生菜煲 超級惹味 仲有腐乳嘅香砂鍋魚雲煲 魚雲夠新鮮 仲有火腩豆腐白菜仔係底成個煲都好夠味 加上炸到啱啱好 呢個超好食魚香茄子煲 配飯一流 又唔會太鹹菠蘿生炒骨 呢個超夠鑊氣 炸到好脆 配埋酸甜醬整體環境都好好 好有古舊風味值得懷舊一下四個人五個餸 一個飯兩支藍妹埋單五百零蚊 價錢都可以接受👍👍

非常差！$115 外賣炸雞軟骨拼炸魷魚，價錢貴食物質素差。味道死鹹、份量極少，雞軟骨8成係粉，同埋將千年油鍋裡面d炸粉漿碎碎撈出嚟充撐，當人傻嘅咩。咁樣做街坊生意

原先想叫咕嚕汁魚塊🐟🧡，但點知冇魚塊😢店員/老闆就介紹我地想可以食其他咕嚕汁既餸菜～例如京都汁排骨、菠蘿肉排等等。🤓最後叫了1⃣️京都汁豬扒、2⃣️八珍燜豆腐！ ❤️❤️‍🔥❤️‍🔥❤️‍🔥❤️‍🔥🧡京都汁豬排冇咩鬆粉，啖啖肉！汁都好好味！🧡八珍燜豆腐煲哇！超足料，足到睇唔到底，心諗佢係咪送錯哈哈哈🤣有蝦🦐、魷魚🦑、叉燒、豬肉、菜🥬、菇🍄、豬肚、豬潤等等😍，真係好多、好正！

今晚竟然會留喺葵涌打波平時都成日經過嗰個大排檔但係一直都冇機會嘗試今晚朋友話想食大排檔仲要喺葵涌咁就要試吓呢一間 《真成》入到熟食市場基本上晚市只有佢做生意入座率中約有一半唔使等位直接入座豉椒炒蜆份量適中 味道亦都唔錯唔會太鹹掩蓋左蜆嘅味道配菜青椒同埋洋蔥都好爽甜大排檔黎講算係合格黃金白飯魚通常大排檔我都會叫椒鹽九肚魚但係見到有白飯魚有少少罕有就想試吓黃金做得非常之好外皮酥脆 而且有非常之強的鹹蛋黃香口感亦都有沙沙的感覺外脆魚肉都可以整體幾好嘅魚香茄子煲味道唔錯不過芡汁稍為濃稠茄子顏色鮮艷鹹魚切成一粒粒都食到鹹魚香都不過不失沙拉豬扒做法都好簡單就係炸豬扒加上沙律醬冇咩特別

前幾日夜晚同個兄弟撐枱腳咁就去咗大排檔臨近9:40去到俾我哋入座咁我哋就簡單點左三個小菜兩支啤酒首先點左薯仔牛柳粒 呢個菜不過不失啦 整得唔算特別好食 啲牛柳粒可能太甜另外點點咗個馬拉盞炒菜 味道唔錯嘅最後就係避風塘蝦 雖然唔係好感覺佢啲蝦算係好正宗嘅避風塘 蝦啲味道都算幾新鮮，都可以喎其實去大排檔真係最主要食嗰個感覺 ，唔錯嘅一餐晚飯

又到同娘親食飯嘅日子，原本想去隔離嗰檔，去到嗰邊差唔多滿座，咁就試吓呢度啦，點知中咗伏 🤣🤣🤣我哋叫咗豉汁蒸魚雲，但魚雲一啲都唔新鮮，食落有陣泥味，而豉汁又無味，最後連一路好慳嘅媽子都唔食 🤮🤮椒絲腐乳炒通菜比較正常啲，上檯時好似炒青菜，撈吓啲汁又 ok。星洲炒貴刁等如星洲炒米，係張米粉轉咗貴刁，比較油。小炒王啲腰果唔係炒埋落啲料度，係炒完加上面 🤣🤣 需然係好大方比好多，但太多都會膩。我自己都衰，無睇清楚餐牌就落單，呢頭落完單嗰頭又想改，但個老侍應都唔駛態度咁差，我都係話唔好意思睇吓改唔改到啫，改唔到咪唔改囉，都唔駛鬧個客嘅！

住系和宜合道甘耐，但都冇試過熟食市場d野食。其實系一直搵唔到個朋友願意陪我試。總於，等到有fd肯試下平民美食啦！！！！！！其實間鋪頭都幾整齊幾乾淨，其實餐牌都幾多選擇。我地諗左一陣，最後揀左幾個小菜，西蘭花炒鮮魷&雜草煲&沙拉骨&炸魚。整體黎講，d蔬菜都幾新鮮幾甜，但另外沙拉骨同埋炸魚則麻麻地，好似炸過龍。最後平均每人消費$70，幾便宜但～～～～～～～～～～～～～～～～～～味道可以再有改進空間！！！！！

呢排凍凍地岩哂食烤魚，呢間野係冬菇亭入面，算乾淨. 晚飯時間都唔多人，walk in都即刻有位.2個人食，叫左酸菜烤魚$145 + 蘿蔔$32，另外加支青島 $23原來酸菜烤魚冇辣，一食完全唔對路，跟住叫佢加辣，唔知係咪老闆黎，拎左d黃黃地色既辣椒比我地，仲介紹呢隻辣椒個辣味香d, 食落脆口. 加左辣之後真係超正，好好食，魚又夠鮮，多肉少骨. 要後加其他食物的價錢偏貴，$32一碟蘿蔔都唔算平，不過都好大碟，但係d蘿蔔好大舊，食到尾都未夠林Btw, 呢度冇冷氣，夏天未必會黎，趁冬天要食多幾次.

6個人叫左5樣野！ 椒鹽九肚魚同魷魚！夠火候，炸得好鬆脆！九肚魚入口即溶！正！$168！半條大鯇魚，好大條，唔係講笑！個湯好甜，好有魚味！好想再黎就係為左佢！正！芥蘭，炒得好香！蠔餅有d鹽得制，下次唔會再叫。仲有叫左河葉獵味飯，好多料，但飯夠香。

珍饈百味唔使小弟多講，都知形容喺食盡好嘢，唔單止好，仲喺珍貴美味；餐餐食好嘢唔喺人人都俾得起，有幸有份穩定嘅工作，讓我間唔時都可以食餐好，享受一下。借用「百味」一詞，除咗茶記，就令我諗起大牌檔，小炒、煲仔菜……乜都有，豈止百味，總之今晚嚟到「真成」，雖然唔喺咩珍饈百味貴價嘢，但絕對喺好懷念嘅港式風味。晌個熟食市場內，其實有唔少鋪位，不過，真正有租用做生意嘅都只不過喺三、五、七檔，就連早前嚟過幫襯食晏嘅「813」都執埋。故此，中心嘅空間都成為一、兩檔大排檔嘅地盤。所有菜式由友人發辦，小弟無乜太多意見。菜牌印到五顏六色非常搶眼，除散嗌嘅菜式，亦有啲抵食孖寶。小炒以外，更做埋火鍋，有多款湯底選擇，新鮮海鮮及多種配料，一應俱全。因為同行嘅友人唔喺太知小弟有寫食評，唔多方便擺晌面前慢慢影，所以，小弟都低調行事，碟碟菜都快拍一、兩張就算，故好多菜都喺長距離拍攝，效果未必理想。黑椒牛仔骨 $78黑椒做得惹味，辣度適中又啱細路仔食，而牛仔骨都夠軟腍，又入晒味，剩番少少汁撈飯都好食。菠蘿咕嚕肉 $60啲咕嚕肉裁得好大件，成件扒咁，粉漿有少許厚，但個汁調得唔錯，入口唔搶喉，不過，洋蔥、燈籠椒就多，菠蘿得幾

由於經常在附近經過成日都見到呢個熟食中心貼滿紙, 諗住搵日都去呢度試下呢間 ”真成” 係咪咁堅, 適逄擒晚突然想食麻辣雞煲,  就去呢間試下~~~去到冇人招呼, 心諗好生意都冇計, 咁就主動搵下伙計啦~ 搵左陣有個阿姐黎問幾位, 叫我地跟住去~ 一坐底就即刻叫左個麻辣雞煲, 其他餸諗住睇下菜牌先, 另外就叫左個上湯河比個女食, 當時阿姐答我, 話要等下, 廚房忙冇咁快~ 我話OK 啦~等左20分鐘, 有個男人拎住個雞煲黎到, 食左幾舊, 原全冇味!!! 勁掃興!!! 連自己整仲好食過佢, 水多過乜, 唔係我地平時食果種堔圳雞煲咁~~~無味O既情度係..... 我用水過一過舊雞比我女食, 佢都食到! (即代表完全無味!!), 隔左陣, 我就問下個河粉黎未, 點知個男人侍應就大大聲答我~ 做唔到粉面比你地, 所有餸都係同一個爐出, 做唔到咁多粉面, 我話, 咁你個阿姐又話得~~~~ 個男人一講, 一路走~~冇耐個男人侍應又番黎, 佢話: 我話左阿姐啦, 佢唔小心幫你寫左, 我話左佢架啦~ 但佢話同你講左要等, 咁你又黎追我~ 我答佢: 如果我唔追你, 都呢世唔知原來你地個爐唔做粉面啦!!!

前排熟食中心失火，一年後今個月重開，今晚落黎晚飯先，柚子汁豬扒，陣陣柚子香，甜甜地，帶少許苦澀味，幾有特色，啫啫滑雞煲，來到滾下滾下，有豬腰，雞，洋蔥仔，穩陣野，味道可以，整支酒做結尾:-)

今晚去實地視察, 見到對面熟食市場的真成海鮮酒家好似幾多人食咁... 同我女友入左去....食左:1) 椒鹽九肚魚$282) 豉椒炒聖子$383) 西蘭花炒帶子$55加多個白飯先至$130~~~好抵~~ 亦好食~~~ 除左夠WOK 氣之外, 個帶子竟然係用新鮮的而唔係雪藏! 仲有十幾隻~~~ 正!你地都可以試下呀~~~