真姐港台美食

駱駝漆條小食街，每日都總係人山人海，除咗大量人排隊等𨋢，就係一大堆人排隊買嘢食，特別係《真姐港台美食》，永遠都係一大堆人塞晒响店前買嘢食，認真誇張。當見到人潮散咁啲時，就即刻買份燒賣嚟食。佢嘅小食款式繁多，多到唔知食咩好，唯有唔好咁多心，食個最基本嘅燒賣就算。佢個「紅衫魚燒賣」，顧名思義係用紅衫魚肉嚟整。佢嘅燒賣比平時食開嘅大粒少少，同埋佢個魚肉口感富有彈性，亦唔會黏口，味道鮮味唔腥，加上豉油同辣醬一齊食，將魚肉嘅風味進一步提升。…查看更多

真姐港台美食 (觀塘) 觀塘開源道60號駱駝漆大廈第三座地下1A號舖小精靈除咗咖啡之外，好鍾意食燒賣。今日咁啱要嚟到觀塘駱駝漆大廈，終於可以試吓呢一間好多人都介紹嘅真姐港台美食燒賣。辣油好正，但係燒賣喺我晏晝12點食嘅時候有少少蒸熟有啲粉，但係可以想像如果係其他時間嚟應該都幾好味，因為魚味十足。總括嚟講，下一次再經過嘅話都會買精靈味道評分 🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️…查看更多

滿心歡喜叫了個魷魚鬚，點知回到家全部甩皮甩骨。被網絡吹捧得太厲害的小食店。粉還粉，魷魚還魷魚。全部黐埋一嚿嚿。真係10分失望。雖然他即叫即炸 。真係好差粉好厚。好硬…查看更多

見個個都講到咁正，我都想試下，但去到又想食粢飯，咁就叫下啦，再叫埋10粒燒賣啦！先講好嘅：燒賣（$20/10粒）成碗滿晒，初初以為佢比多左我，點知原來係燒賣好大粒，比我想像中大粒好多！我一個女仔食完都好飽了！但味道都係魚肉燒賣咁啦，7/10啦！差嘅係粢飯（$25連紙包飲品）見佢唔係即包都已經無期望，食左一啖，油炸鬼淋到都唔知自己食緊乜，就連榨菜都無左爽口質感⋯ 食左幾啖都要放棄了⋯真係無下次！係咪我買唔中佢好食嘅嘢？（例如牛雜？我未試過）都明白一間小食店唔會樣樣都好好好好味，但其實唔好食/無心做嘅食品不如唔好賣啦，專心做返人人都話好食嘅牛雜同燒賣咪幾好…查看更多

呢間野好似出名係賣牛雜？同埋24小時營業 但我覺得最好食係佢個西多士炸得好乾身好脆口 冇花生醬 點練奶食一啖接一啖超正😁30蚊4舊算係正常價？ 畢竟依家通宵除咗m記冇乜選擇牛雜都叫咗 佢有腸 肚 膀 冇肺同蘿白墊底👍🏻膀俾得都幾多 正😋平時叫牛雜 膀俾得好少 呢到都俾得幾多仲叫咗生菜魚肉 佢同平時啲生菜魚肉唔同 係奶白色嘅 可能加咗淡奶？其他雞軟骨 煎釀三寶就普普通通 冇乜特別😂但係唯一唔好嘅係 我杯冬瓜茶入面有粒鹽酥雞😣…查看更多