真味店

最鍾意食地道港式小食每次嚟到西貢都要食好足料嘅 … 魚肉翅 HK$23好多魚肉､仲有肉絲 加埋胡椒粉和紅醋就更滋味 * 以上分享是以我的口味、體質和情況作出分享及感受，一試 / 合用與否請自行決定…查看更多

今日特登入西貢買炸雲吞，因為市中心修路，已經塞車塞到爆，點知去到冇開門（中午1點），但又冇話今日休息，到底邊日會休息😪定係好晏先開門？希望店主有顯示開店時間及休息日提示客人。…查看更多

早兩日，見到新聞話復活節期間西貢入面啲餐廳冇生意，就即刻入去望下個情況有幾慘淡。其實我係好擔心呢一間餐廳會做唔住，畢竟，附近最少都有兩間餐廳最近都結業所以落車就即刻飛奔過去。好彩見到舖頭入面都仲有啲人食緊，個心都即刻定返啲。講返啲嘢食，嚟呢度一定要食佢嘅兩溝，即係碗仔翅加魚肉，或者可以叫做魚肉翅。味道非常之好，啲魚肉少許彈牙而且有啲啲魚味，碗仔翅就更加唔使講，非常之濃郁嘅味道，可以講得上係比起其他地方嘅魚肉嚟得精緻。響呢度更加唔可以錯過佢嘅炸番薯，四蚊一件，大大件，都係非常好味道。希望大家去開西貢都去食一食啦~…查看更多

呢間食過二百萬次因為佢嘅碗仔翅同魚肉真係非常好味！！！佢嘅碗仔翅好足料又夠味唔會稀nail nail😂魚肉亦做到細個食嘅嗰種彈牙口感唔係而家街外食嗰啲好多麵粉嘅劣質魚肉最近我仲發現佢嘅炸番薯都勁好味$4/舊但係每塊都手掌咁長！抵食又好食👍🏻👍🏻👍🏻…查看更多

週末，有時不想出大埔買餸入貨，我們會選擇到西貢墟。始終，覺得在墟市買餸，比起在新式街市，或新市鎮的商場、屋邨街市，買得更開心，感覺亦比較多選擇。而且在西貢，我們又可以去找一些輕食店，買少少野食回家，做 lunch 又好，做下午茶又好，好開心。那天，在太太喜歡的珍珠奶茶店對面，有一間好本地的小食店，名字叫《真味店》。那天，店主伯伯正在翻滾著他的一大煲碗仔翅，就這樣，吸引到我買了一碗回家。碗仔翅，一看就知道是足料之作。不知道怎形容味道，只知道這是 exactly 小時間在街邊食碗仔翅的那一種味道。充滿了肉絲，有類似粉絲的東西，有冬菇絲、木耳絲等等。材料豐富，食晒亦真的有飽肚感。而且，香味四溢，拿到回家吃時，阿仔都問，甚麼東西咁香。奈何當日我已經食晒，惟布下次才請他食。小店尚有不少香港傳統的街頭美食。但反覆來了多次，我始終鍾情於碗仔翅，因為感覺上，這是真真正正的香港好味道。我會多來這《真味店》，但....真的，次次來，我食親都係碗仔翅，唔會點其他。…查看更多