相馬日式火鍋 荔枝角

營業中

休息中

食到令人肚痛的火鍋天氣涼咗 收工想食火鍋 響公司附近搵食 睇相呢間好似OK 就即刻產上去食嘢 點知入去惡夢就開始 點好菜之後 開始上肉類 全部黃甘甘 仲一疊疊黐實晒 見到唔多開胃 嗰刻淨係諗住淥熟啲嚟食 其實應該要叫佢換過俾我哋 跟住去自助吧夾菜 芫荽蔬菜 瓜類全部都係又黑又乾 浸水嗰啲配料有啲怪味 去到中段開始有中型同細型嘅曱甴陪住你食嘢 源源不絕 我哋職場捉咗一隻俾侍應睇，佢話工廠區係咁㗎啦 然後收走就算 點咗啲海鮮類 貝殼類可接受 但係蝦超霉 仲有串燒 尚可入得口 炸物係凍嘅 成個心情已經想快啲走 最後埋單同收銀講環境太惡劣 佢淨係免收我哋+1 返到屋企成晚肚痛 好恐怖嘅經歷冇下次

又到大閘蟹當造既季節，呢間放題包埋大即蟹，一定要同屋企人黎試下！大閘蟹✨任食淨係食大閘蟹都回晒本，大閘蟹又肥又多膏，真係新鮮即蒸，上枱嗰陣熱辣辣，非常好食！串燒炸物✨任食串燒同埋日式炸物都有好多款，好似金菇肥牛卷，燒雞腎，燒菠蘿都好好味道，全部都係即叫即燒，好香口好惹味，大推菠蘿，超級甜！點心✨任食任食嘅點心真係另一賣點，牛肉球同埋鮮蝦燒賣都好正，牛肉球煙煙韌韌好有咬口，好香牛肉味，真係手打牛肉球咁，燒賣亦都好大粒，好足料，又係新鮮熱辣蒸出嚟！火鍋✨任食火鍋配料都係質素高嘅，美國特選牛肩胛同埋優質豚肉呢兩款我哋食得最多，兩款肉既肉質都好好，肉味好重，唔會太肥唔會太瘦，質感啱啱好！蒸氣海鮮❗️一次性雖然呢個係一次性，但係都好多款式，又有開邊龍蝦又有蒸魚又有蜆又有扇貝，貴價嘅款式都有，仲要好新鮮，鮮甜味十足，加埋啲蒜蓉調味就更加好味！

男朋友生日🥳， 佢好鐘意食大閘蟹㗎不過我麻麻地嘅， 諗住佢生日就佢一次啦👩‍❤️‍👨係搵有得食大閘蟹餐廳時 ，見到呢間餐廳有大閘蟹任食喎唔單止呀， 仲可以打邊爐添 ，又有放題 ，見到即刻雙眼發光🤩 因為我唔洗淨係睇住佢食大閘蟹🤓🤓去到職員好細心💗咁介紹點落order 男朋友係咁食大閘蟹 🦀，我見佢食得咁開心我都試咗幾啖 🤭， 好多蟹膏，金黃嘅蟹膏 甘甘甜甜  我叫咗啲日式炸物🍤比自己，炸物排到整整齊齊， 好吸晴🤓， 入口脆卜卜，今次到佢聽到啲卜卜聲，熱氣都照食呀🤪🤪最後仲有我覺得係主打嘅海鮮分別有蒸海鮮同火鍋用 蒸海鮮嘅份量都好多， 入面仲有隻開邊琵琶蝦，樣樣海鮮都好鮮甜😛另外再嗌咗啲海鮮放火鍋 鮑魚好大隻 每樣食少少都已經好飽打邊爐點少得牛肉🐂 叫咗少少牛肉 襯托下個火鍋🍲 男朋友好滿意😍😍 話下次要再黎 😍😍

屋企人呢排好想食大閘蟹字我又想打邊爐，我哋就搵到有一間任食大閘蟹海鮮火鍋放題✺⋆* (⸝⸝⸝´▽`⸝⸝⸝)⋆*✺，價錢方面都唔算太貴！真係幾高CP值！( •̀ •́ ) ̖́ᕗ✨任食大閘蟹 大閘蟹我平時好少食，但爹哋就係呢方面嘅專家，佢話呢度嘅大閘蟹真係掂，完全拍得上係出面買嘅大閘蟹專門店，見到啲蟹膏就知係正嘢！( •̀ •́ ) ̖́ᕗ✨一次性極上蒸海鮮海鮮方面都好鮮甜，無論係帶子定係鮑魚，仲有佢嘅青口一啲沙都冇，清理得非常之乾淨。( •̀ •́ ) ̖́ᕗ✨美國特選牛肩胛、優質豚肉如果肉方面我就比較鍾意食牛肉同豬肉，豬肉比起牛肉更加鬆軟，而牛肉方面選用左特選牛肩胛，所以肉質相對會比較有口感，但兩款用嚟打邊爐都係一流！( •̀ •́ ) ̖́ᕗ✨春卷小食都有好多選擇，我就最鍾意食佢哋嘅炸春卷啦，夠晒香脆。( •̀ •́ ) ̖́ᕗ✨翠玉瓜蔬菜方面，自己最鍾意食翠玉瓜好鮮甜。( •̀ •́ ) ̖́ᕗ✨菠蘿估唔到連燒菠蘿都有超級多汁。( •̀ •́ ) ̖́ᕗ✨韓國雪條、Milktop 雪糕另外，仲有大量雪條雪糕提供真係好正啊！

前晚同朋友去咗荔枝角嘅呢間相馬食任食大閘蟹海鮮火鍋放題🥰，又嚟到食大閘蟹嘅季節，一如既往都係揀我嘅心水之選嘅火鍋店！任食大閘蟹❤️大閘蟹超多蟹膏又肥美！仲要係任食添！一次性極上蒸海鮮❤️超唔多唔同款式嘅海鮮，最鍾意食佢哋嘅海蝦好大隻同埋好鮮甜！美國特選牛肩胛❤️牛肩胛好香牛肉味，油花分布剛剛好，非常高質素。優質豚肉❤️豚肉識落都非常之鬆軟，亦是一個唔錯嘅選擇。優質雞腿肉❤️超級滑嫩嘅雞髀肉都超正呀！生菜❤️蔬菜選擇都有好多唔同嘅款式，生菜就夠晒爽甜啦。

估唔到咁早就有大閘蟹食，所以一早book定平日晚市第一輪食三個鐘。$418再加一有得任食大閘蟹的確唔錯，仲見到有好多嘢食又有蒸海鮮又有打邊爐又有點心同埋啲熟食。呢間分店有分3個鐘同無限時, 今次第一次食就試吓三個鐘先。坐低咗就有Menu睇有咩食，like social media就送蟶子, 二人同行仲會送每位開邊琵琶蝦👍正!落完單冇幾耐就有個胡椒花膠雞湯，跟住就每人兩隻大閘蟹, 上蟹速度都ok, 隻隻都好多膏, 又可以任食, 3個鐘我覺得都夠回本🤤🤤蒸海鮮都好惹味, 打邊鍋同d 熟食ok la, 食到超飽仲有好多野食, 唯一唔好就係呢間分店無啤酒, 不過都大滿足, 下次再約其他fd 再黎食🤩🤩*我掛住食, d 相都係男朋友影的😍

難食 大閘蟹細到呢。。 見圖 呢隻碟係平時放買隻雞翼既碟 可想面知幾細隻😤 4百幾蚊出去食單點好過或自己買黎蒸 仲要限制住你食完蟹同海鮮先比你點火鍋配料 咁就唔好任食啦 我比四百幾蚊你比返正常野我可以嗎？ 唔使一定要超值 但真心好差好差 所有火鍋海鮮都係霉既 連炸物都係難食 全炸到過火 黑哂 點心算正常 但蒸左半個鐘要摧先黎 侍應無服務 我連加湯都自己黎 大家黎前真係好好諗清楚先好😌 真心！

惡夢的晚餐！10隻蟹有8隻係死蟹，食放題$438，無期望過高質，但不至於食垃圾，無蟹膏都算，仲要隻隻都係臭既，細隻唔緊要，但無隻係新鮮，地方又污糟，到到都係積水，串燒同炸物，好似D油唔洗錢咁，成疊油咁上枱，寸燒唔係真係燒係拎支火槍加熱，打邊爐醬料連辣椒油都冇，想搵個位欣賞下都無，要雞翼冇雞翼但係又冇人講，不之所謂！不之所謂！不之所謂！不之所謂！上年去西環分店都唔係咁，枉我帶埋朋友過黎一齊食，食左成3千蚊，唔知食緊D咩，同一間舖，可以有咁大既反差，真係好難先做得到，唔會再有下次！一粒星都唔值！

今日去荔枝角店試完大閘蟹放題，超劣質，每次上蟹只係每人2隻，仲要每次規定食完先可以order，每次order完等15-20分鐘，食3個鐘，每人大概食到10隻。最差係有25%食到臭蟹，從未試過咁差。除左大閘蟹，都無咩野好食。今次真係衰過自己買蟹黎食。全公蟹，目測 2兩重左右。超劣評。

千祈千祈唔好嚟。被d youtuber廣告誤導, 介紹咗嚟呢間餐廳,諗住試大閘蟹放題。講真佢啲大閘蟹質素ok嘅。不過有啲洗得唔太乾淨。這間餐廳任食大閘蟹三小時，佢嘅玩法係12點半開始，等到一點鐘先比個鍋底你，跟住先比大閘蟹你，食到咁上下先比盤蒸海鮮嚟。盤一次性嘅蒸海鮮。全部海鮮都唔係新鮮，啲蝦頭仲系黑色的。鮑魚同貴妃蚌都咬唔開掉咗。等你食完d海鮮，先畀qr code你點其他，例如有：合成肉(幾款牛肉和豬肉一樣味的，每一塊切割面一樣)，熱氣到死嘅炸物( 我冇叫到)，蒸點心(得蝦餃牛肉球叉燒包奶黃包)，我叫咗一個奶黃包試下，都等咗45分鐘，都未到先催佢。佢話蒸緊(點會蒸個包都45分鐘?)跟住就話漏咗單補返一個包比我，就買單走人。返到屋企，我同男朋友兩個都食到肚痛，不斷要去廁所，所以你哋千其千其唔好去。

I had an overall unpleasant experience dining at the restaurant. While the food was average, it was the poor service that truly frustrated me. During a hotpot dinner with friends, one of my friends felt uncomfortably cold due to the air conditioning and requested a change of seat and table. Despite the restaurant having plenty of vacant seats and tables, the staff was rude and impolite in refusing the request, claiming that the table had been previously booked. To my dismay, I observed throughou

相馬又出左大閘蟹廣告，見有無限時所以走左去試試。大閘蟹質素都ok 如圖，size 就比較細。任食黎講算唔錯啦。總數食左佢20隻🤣，上蟹速度唔算快，但無限時就點都夠時間食到夠。其他食物正正常常無乜特別。我無食太多，只集中食蟹。個花膠湯比較特別，d花膠配左胡椒味幾好食，串燒炸物都一般，沒什麼特別。海鮮有食鮑魚，但都係比較細隻。我個人會再黎食，淨係食大閘蟹都是抵的，夠哂回本。如果喜歡食大閘蟹既人可以黎試試。

第二次食相馬大閘蟹放題，仲要同一間荔枝角店，但天堂與地獄既對比，今日好垃圾好失望首先大閘蟹隻隻都bb咁，2兩都未必有，細隻到爆，無肉食，啲肉仲要少少霉，大多數都有膏，但膏係無膏味既？今晚既蟹好差，仲要有2-3隻係無肉少臭，點解同第一次食差咁遠，第一次食係今個9月11日普遍既蟹係咁樣既，都有膏，但無膏味，肉都係霉霉地，同埋少肉到蟹腳都無咩肉食Btw上蟹係好快，叫完10分鐘內都上到蟹，但每一次係暖既，全部都凍左，真心失望今次不過打邊爐海鮮都係新鮮、正既叫左好多次蜆同鮑魚，都出足咁多次、無漏單既，服務係吾錯既今次仲有點心揀，好搞笑，叫左蝦餃試下，又係凍既，但蝦餃肉好足料幾好食，皮就太厚粉啦總結：服務態度好，上菜好快手，但所以野都係凍既，大閘蟹又細又霉，仲有幾隻臭吾食得，同我第一次食真係差好遠。2個人都$900幾，今次真係吾值啦。上次都比左好評，太失望太過分啦相馬無下次，因為係講彩數

今日已經係我同老公第M次黎荔枝角既相馬都食火鍋！點解？因為平靚正！🔥🔥我同老公無辣不歡，叫左個「中華辣湯」🍲做湯底！湯底辣得過癮同夠惹味🔥碌左N轉食物辣味依然存在！我老公一路食一路讚！😻😻而食物質素當然非常好！「海鮮」無論青口，蟹柳，帶子定蜆🦪都性價比非常高，大大隻又鮮甜嫩滑！👍而「丸類」🧆亦非常高質，食物出唔係一般平價菜式！同一般亦好唔同！大大粒又彈牙！😽最後不得不提呢碟「美國特選牛肩胛」🐄完全係誠意之作！入口充滿香濃牛味，而且完全無肥膏，岩晒我呢啲怕肥既女士！食多多都唔怕！😽😽

2023年第一間餐廳有任食大閘蟹～就係相馬大閘蟹迷既我，抱住50%既心去試，因為上年相馬好評差評各一半，都好驚中伏🥶點知食完覺得好值喎，性價比好高，會再幫襯我食8:30-11:30，平日3小時$438加一首先一坐低吾夠10分鐘就上左第一輪蟹，應該係蒸完焗住，暖身吾夠熱。膏好多，都有膏味，但當然吾夠當造既大閘蟹膏咁香啦，但9月就有得食大閘蟹，仲要有膏味，仲要任食質素，已算好好，可接受的蟹肉就一般，吾算鮮甜，但都吾會霉左，算吾錯。size就應該吾夠3兩啦，都幾細隻，但任食吾緊要啦，以旺取勝可以😌叫左幾輪蟹，6-15分鐘就上到蟹，速度超快然後揀一個鍋底打邊爐，揀左新出既胡椒豬肚湯底，好濃味呀，估吾到，因為平時日式放題湯式會好淡味，但個胡椒豬肚湯竟然好夠味，仲有啲咸😆我一路食蟹一路飲湯底，正一開始未有QR code，要上左個蒸海鮮（一次性）比你食先有QR code點菜，啲蒸海鮮就麻麻地啦，吾出好過出，不過粉絲幾好食，同埋海鮮精華落左去個湯底上面，仲好飲點餸有我最愛既海鮮：蜆都3-4款，無沙，肉大粒。鮑魚都好大隻，黎到仲識郁，好新鮮仲有讚社交平台有任食小聖子，聖子細細隻仲都多肉，不過就差唔多一半