盤浦

韓國Oppa打理 + 餐前小食任食！喺北角掘到間超抵食嘅韓國燒烤店「盤浦」！由韓國人親自打理，味道絕對正宗👍🏻 最吸引係佢嘅「Pork belly Unlimited」任食，只需$108/位，啱晒一班食肉獸嚟放肆！我哋今次試咗單點，一樣驚喜滿滿：🥩 Beef Rib Finger ($108) - 油花均勻，肉味香濃！🥩 Pork Short Rib ($108) - 醃得非常入味，口感軟嫩！🐮 Beef Loin ($99) - 性價比之王，肉質一點都唔馬虎！另外必點佢哋嘅韓式煎餅，我揀咗蝦煎餅 ($158)，超足料！煎到金香酥脆，每一啖都食到爽口彈牙嘅大蝦，沾上特製醬汁，鮮味更加突出！店員服務好，會不時幫手換烤盤，環境舒服。由餐前小食到主菜都充滿韓風，絕對會encore！…查看更多

呢間韓國燒肉店好多朋友食過都推介，知道而家做緊優惠，所以特登去試吓，有幾款肉都做緊六折，其中豬五花仲可以任食，食肉獸嘅話真係超抵！今次我就嗌咗其中兩款六折嘅肉，就係牛肋條同埋豬肋骨，估唔到份量咁多，而且醃得好好味，店員會幫手，當燒到差唔多時間就會提醒可以食得，因為燒肉嘅時候有張錫紙鋪喺底，所以唔會有燒到燶晒嘅情況出現。兩款肉都唔會嚡，而且肉味好香，呢個價錢嚟講簡直物超所值。我哋仲嗌咗一盤生菜用嚟包肉食，估唔到生菜多到食晒兩碟肉都用唔晒，而且價錢只係$38 ，又係佛心嘅價錢。小食方面嗌咗蝦煎餅，餐廳係用蛋漿包住啲蝦去煎，食落好有家庭嘅味道，再點埋個汁，好惹味，旁邊仲有翠玉瓜做配菜，可以解下膩。餐廳老闆係韓國人，但係佢好主動照顧客人，而且又好Nice，下次一定會嚟再食。…查看更多

位置比較隱蔽，差點看過眼了，不過找到後就很顯眼了，就在街尾。純粹因為我朋友在附近返工，午餐在這家吃過湯飯，覺得好好吃，知道我喜歡燒肉，就訂了晚餐，真沒想到這麽火爆。一進去就很有煙火氣，然後就聽到好幾桌都是說韓語的，韓國人都來找自己的家鄉味，我就知道來對了，坐下沒多久就爆滿了，超熱鬧。入座後店員會先奉上5款小食泡菜及兩款燒肉汁，這基本就是韓國餐廳的標準動作，非常爽口。🐷Unlimited Pork Belly $108x2（每位）90分鐘無限量豬腩肉放題，好大一盤，肥瘦均勻，一上肉，店員／老闆就幫我們烤了，肉燒得吱吱作響，非常吸引食慾，燒到兩面金黃酥脆，沾上兩款醬料，挺不錯。肉量第一次已經很多，我們沒有加點，如果食量大的，這個豬腩肉放題就很適合。🐂Rib Finger $108醬淹牛肋條，正在做優惠，好像也不錯。牛肋條是切片的，已淹味，肉質比豬腩肉嫩滑，因為淹過，所以牛味不算濃，但味道淹得很好，好好食。🥘Soft Tofu Soup $128純豆腐湯，配一碗白飯。除了很多嫩豆腐，配菜有洋蔥、大蜆及章魚等海鮮，可選辣度，當然我只能選少辣😅，豆腐滑溜又吸味，海鮮為整鍋湯帶來鮮味。Steamed Rice $15 x 2燒肉配白飯，挺解膩的其實，我吃之前分了一半給我朋友，再加上豆腐湯的一碗，我朋友都有點吃不下。總結，用餐環境真的跟在韓國一樣，老闆也是韓國人。左右的客人都是韓國人，非常熱鬧。肉的部份，如果食量不大，可以不用選豬腩肉放題，留位置給其他肉類也不錯，下次再來要點他家的蒸蛋，一直想吃韓式蒸蛋。…查看更多

位於北角的BANPO Korean BBQ係由一位來自韓國的老闆經營，全部都係正宗韓國菜！仲超多韓國人嚟幫趁！無限量嘅五花肉（$108 每位）真係好抵食！五花肉切得厚薄適中，烤出嚟香噴噴，肉質鮮嫩，搭配自家製嘅醬料，味道更上一層樓。我建議大家可以試下用生菜包住肉，再加上蒜頭同醬油，味道簡直爆炸！肋骨（$108）同樣令人印象深刻。肉質軟嫩，味道入味，每一口都可以感受到濃厚嘅韓式風味。配上啲小菜，真係好開胃。豆瓣醬湯（$128）亦都值得一提。湯底濃郁，豆瓣醬嘅味道恰到好處，唔會太鹹，反而有一種溫暖嘅感覺，加埋白飯一齊食，特別適合寒冷嘅天氣。BANPO Korean BBQ 坐落喺北角蜆殼街，從港鐵炮台山站A出口步行約5分鐘就可以到達，位置相當方便。盤浦嘅環境舒適，服務亦都非常友善。老闆對料理嘅熱情和專業真係讓人感受到韓國文化嘅魅力。我絕對會再返嚟光顧！如果你鍾意韓國燒烤，呢間餐廳一定唔可以錯過！…查看更多

最近睇咗大島與龍威youtube介紹揾食，竟然有間正宗韓燒係炮台山，老闆係韓國oppa，賣點係$108 豬腩肉任燒任食。一入到去裝潢簡單，出面好凍但店內温暖。閒日晚上大概7成滿，有好多枱reserved 咗，多人嚟食最好book定大枱。任食Port Belly ($108/pp) 二人份量起，好似係每枱都有點！waiter 行過嚟攞住滿滿豬腩種感覺好滿足😂 waiter 會幫我地燒一陣，再比我地玩一陣，自己又燒一陣，大概8分鐘就燒好一轉。中間oppa 好好客，佢親自過嚟教我地燒，同我地講點為止燒好。豬肋骨 ($108) (最近做6折)Waiter 好細心，會幫我地換錫紙先幫我地燒豬肋骨👍🏻 呢個好好食！肉醃得架腍又入味😋 好軟熟，然後啖啖肉，又加少少肥，係超級推介！泡菜前餅 ($128)好大份，感覺好抵食😂兩個人叫都食唔晒😂煎餅真係煎得幾好，夾雜着泡菜，中間有蝦肉，濃味得來又有鮮味。最估唔到係佢上面有個秘製醋汁，非常開胃。服務性價比全部好高，完滿一餐👍🏻 下次黎會試下lunch set ！…查看更多