盤浦

今次去咗食韓燒任食豬腩肉🍖，真係食到停唔到口！啲豬腩肉肥瘦比例啱啱好，燒到外層微脆入面又保持嫩滑😋，一入口就爆出油香味，加埋生菜、蒜片同泡菜一齊夾嚟食，真係完美組合🔥。店員成日都會黎睇下客人有咩需要，火力又穩定，燒得啱啱好，完全唔會燶👍。除咗豬腩肉之外，佢啲頭盤小菜都唔錯🥗，有泡菜、芽菜、醃蘿蔔同紫菜絲，每樣都好開胃，令你未開始燒都已經想食多啲。泡菜pancake 🥞都幾驚喜，外脆內軟，泡菜味唔會太搶，仲帶少少辣味，好香口～配埋啤酒🍺真係一流。飲品方面我叫咗甜米露同雪梨汁🍐，甜米露好清甜又帶少少米香，飲落去好解膩；雪梨汁就冰冰涼涼，啱晒燒肉之後飲一啖降火🔥。整體嚟講，呢間韓燒CP值幾高💰，任食豬腩肉真係夠爽，食材新鮮又唔馬虎。地方乾淨、環境舒服，有啲韓風氣氛🇰🇷。無論係同朋友聚會定拍拖都好啱，食完真係滿足到唔得了～🥰✨…查看更多

unlimited pork belly $108／位，最少兩位起超抵食無限量豬腩肉，每位$108，最少兩位起，限時 90 分鐘。豬腩肉一上枱就係滿滿一大碟，份量驚人，岩晒大胃王！更貼心嘅係，店員會主動幫你燒肉，燒完一輪之後仲會即刻換上新錫紙，咁樣可以保持爐面乾淨，食得更開心又衛生。牛舌牛舌切得厚薄適中，燒起上嚟口感煙韌又唔會太羶，就算平時唔太食牛內臟嘅人都會覺得接受到，值得一試！桃味燒酒最鍾意飲水果味燒酒！桃味燒酒，甜甜地好易入口，酒精味唔重，配埋燒肉一齊食真係一流，特別岩女仔或者唔太鍾意濃酒精味嘅人。小菜方面可以任添。餐廳環境寬敞，座位之間唔會太迫，坐得舒服，地點方便。最加分嘅係，韓國店員服務態度非常有禮貌又親切，令人感覺好舒服。整體用餐體驗非常滿意，性價比高，值得再黎。…查看更多

相信呢個價錢係香港係極少有雖然係90分鐘，但已經好足夠食到你飽🫄🤰🏼 去到間鋪都好有氣氛最重要係男人同朋友吹水天堂食得夠飽又抵🍻 另外仲有幾款係做緊6折優惠🎉 ✨$108五花肉放題一定要兩個人以上先可以叫到👯而且有專人幫手燒 唔洗怕麻煩五花肉油脂分布好平均 另外有幾多配菜可以夾埋一齊食💦亦都係可以無限添加肉質望落係新鮮既～ ✨個醬醃牛肋條肉質軟熟又入味 好想再叫多碟🐄 值得一提呢到既泡菜煎餅勁大份足夠四人分享～…查看更多

今晚蜆殼街食地道韓式燒肉。有韓藉老闆招呼，加埋唔少韓國食客，地道韓式燒肉配置，成陣韓味出晒嚟。佢地有個$108任食豬腩肉90分鐘，聽落都幾吸引。不過隔籬嗰位好細食，所以今日不了。唔食任食其實都有好多其他款式既燒肉或者韓式料理比你揀。Pork Short Rib 唔係豬腩肉果種肥瘦相間，亦沒有過份嘅調味，蘸醬吃更出色。Beef Loin 豐富油膩，包住生菜一齊食最有風味。Korean Seafood Leek pancake好大份，勁多蔥，煎得又香口，配上醬汁，口感同味道都好有層次。…查看更多

店子面積不大, 但就更有地道韓燒店Feel, 不似集團式的只著重美輪美奐裝修, 甫坐下韓國人經理以唔咸唔談廣東話招呼介紹菜式, 後來索性全英語交談反而大家更見流利, 先來五款前菜, 試咗豬五花肉及醬燒牛五花肉, 豬切片畧薄一烤即可食, 而醬牛厚度剛够外皮畧熟而内肉鮮紅, 只需畧燒一會已油香四溢, 很有肉味, 夾生菜和秘制辣醬伴食簡直一流, 食不停口, 配韓國啤酒更感地道, 另一主食必試大醬湯伴飯, 很足料, 辣度適中, 惟一要改善地方, 就是每張枱畧為細小, 不能擺太多餸菜。…查看更多