盈

營業中

休息中

早排入左牛頭角搵好耐冇見嘅朋友，朋友介紹咗一間喺區內非常受歡迎嘅串燒店（盈盈廚房串燒店）☺️餐廳環境簡約舒適，好適合朋友聚餐傾下偈飲下酒😆呢度嘅串燒款式種類繁多，價錢亦非常實惠，最平嘅串燒只需$8一串，而且大部份都係$1x-$2x左右，勁抵食👍今次我哋點咗十幾串串燒，包括牛舌、牛肉、雞翼、金菇肥牛卷、雞軟骨串、豬頸肉同埋雞肉串等…每一串都燒到岩岩好，焦香味十足😋而且上菜速度又夠快👍不過，最令我驚喜嘅係餐廳推介嘅燒馬友，第一次試，估唔到咁正😋💯燒馬友外層焦香，魚肉嫩滑，非常juice，味道方面香得黎又有少少甜，令人食落去有種滿足感，簡直停唔到口🥰另外，佢哋嘅雞煲亦唔可以錯過，味道又香又辣，非常入味🙌而且雞肉嫩滑，加上新鮮配料，仲有一陣清香👍令人食上癮🤤得閒約埋三五之己都唔錯🥰 📍盈 (牛頭角)牛頭角定安街100-102號仁寧大廈地下A2號舖#盈盈廚房 #牛頭角美食 #必食串燒店 #串燒啤酒 #性價比高 #美食推介 #牛頭角串燒店 #人氣餐廳 #隱世美食 #深宵食堂 #yummy #觀塘區 #抵食推介

捐窿捐罅去搵食終於俾小編搵到間出色嘅串燒店，呢間位於牛頭角嘅串燒店絕對令你回味無窮，香噴噴嘅炭燒味無論係肉類定蔬菜都新鮮多汁。想食宵夜？呢度不失為一個唔錯嘅選擇👍🏻🦐［海鮮類 - 虎蝦2隻] $58食落啖啖肉，肉質彈牙爽口仲有陣微微嘅炭燒香😋🍡［肉類- 雞軟骨、雞中翼、雞腎、五花腩片、牛脷、羊肉串、雞肉腸］$16+$20+$20+$22+$22+$20+$8啲肉類串燒全部都好出色，燒得好香口特別係雞中翼，調味岩岩好，燒到外層皮脆肉嫩一啖咬落去啲雞肉汁流晒出嚟非常嫩滑，加埋辣椒粉，味道更加豐富加杯啤酒🍻正呀。仲有肥瘦適中嘅五花腩、脆卜卜雞軟骨、超juice 牛脷都一定要試呀！🍡［蔬菜類-豆卜、韭菜］$16+$14豆卜金黃香脆，表面燒到微焦令豆卜外皮帶有一絲炭燒香同蜜糖味，反而韭菜就失色左少少，燒得唔多乾身味道淡左D🍛 $42炒飯即叫即炒嚟到仲熱辣辣，飯炒到好乾身鑊氣十足且粒粒分明環境⭐️⭐️ ⭐️ ⭐️性價比⭐️⭐️ ⭐️推薦度⭐️⭐️⭐️ ⭐️人均消費:$ 147整體分數:92.78

玩helloween 前食d野墊肚先，好想食串燒查一查附近得呢間比較似樣，入面不大只有幾張枱，小聚一下人少少幾舒服餐單自己tick要食咩，等一陣好快就有雞中翼，翠玉瓜，四季豆，三文魚頭帆立貝，焗雜菇都好夠味係有幾樣過左火有d咸，都ok👌🏼焗雜菇真係好飽😂怕吾夠食既人一定要叫我地兩個食吾哂

間餐廳係朋友介紹，趁着嚟開牛頭角所以黎試吓，可能係平日關係，所以唔使等位就可以入座。朋友介紹一定要試牛脷和秋刀魚，所以就order呢兩個先再慢慢研究，價錢親民大眾化，環境很舒服，服務都好好。落單時候店員說食物是即叫即燒，所以可以飲杯野等下，我最憎整定晒再翻熱嗰啲，所以等下冇所謂。大約等咗15分鐘，秋刀魚就上，一句講晒非常出色，由於掛住同朋友傾偈，只落了兩樣記得再落其他，所以即刻order其他食物😅. 今次一行四人個個都食得好開心，老闆也出來打招呼，我覺得幾適合三五知己聚餐傾偈，由於飲太多啤酒，所以今次試唔晒個餐牌,下次再嚟會再試其他食物。

以前一直幫襯開，之前老闆係做小菜，最近裝修完轉咗做串燒所以試吓。👍🏻👍🏻一如既往的好，老闆熱情，員工有禮貌，今次裝修完好有情調，加入好多年青元素，更加適合年青一族，啤酒方面，還加入了1664和Asahi,正！講返食物，今次試了帆立貝，三文魚，雞全翼，鯖魚，豬頸肉，雞腎，菠蘿和串串豆皮，樣樣都好出色，辣味剛剛好，特別喜歡三文魚鰭嘩燒帆立貝，很鮮味😋😋買了一盒外賣給家人，家人都讚不絕口，如果有時間一定會再來幫襯。

每當夜收工, 我一定去此店吃我至愛串燒, 飲啤酒, 價錢合理, 味道好, 由其是牛舌, 大大塊, 燒得岩岩好, 全雞翼燒得出色, 唔飲酒, 都有特色飲品 (無酒精)可選 , 環境衛生好, 服務態度佳