皇雀會 (已結業)

良朋共聚，打翻幾圏，叫了個碟頭飯套餐，有： XO醬干炒牛河：叫了少油，又真係唔油喎，河粉炒到條條分開，牛肉都幾入味，美中不足係啲辣椒醬唔係幾好味，略帶酸干燒伊麵：碟麵好大碟，但因為只用芽菜同金菇炒，望落去齋咗啲，不過個friend話好好味喎干扁四季豆飯：四季豆好肥美，連肉鬆炒得辣辣地，正粟米玉粒飯：肉粒係雞脾肉，好滑，跟粟米蛋花煮埋，不知不覺食晒成碟隨餐跟四杯飯品，檸樂參茶等另加$6，連雀紙加一，是日埋單$492，每人$125，打咗八圏，抵個係屋企打，起碼唔使執野

皇雀會同班朋友去打雀局,叫左個$438套餐包晚飯total 有四餸一湯: (仲有糖水送tim ar) 蒜蓉白菜仔,蒸釀豆腐,咕嚕肉,葡國雞0係雀會度食飯都係貪方便打牌,不過呢度0既飯餸夠熱,又幾好食,唔錯ar,仲有個部長專人serve我地(因為當時得我地一檯) 呢個皇雀會0係王子酒店入面,唔雜,裝修仲幾靚tim, d 阿姐服務態度都幾好一個$438套餐(包打5小時),另加雀紙$70,仲有加一,不過訂無煙房有八折我地五個人,每人$95,又食又玩,都幾抵,下次再去過!!!

忙左個幾星期，尋日終於交得功課，亦如預期中的順利過關。四時許已離開公司，算給自己的少少獎勵。約左損友1號同2號去飲野，誰不知損友3號亦報到，集齊四損友，當然開檯最適合，就來了新張張久的這裡。呢度行會員制，不過入會只需簡單手續。有波樓有雀房有餐廳，而樓上就真係酒店。打牌在6樓或7樓，因為新，房間檯橷都新淨又舒適，獨立廁所，電視又有有線睇，幾唔錯；雀局菜三菜一湯，叫了煎肉餅、蝦仁炒蛋同北菇蒸雞。菜只一般，反而個西洋菜煲豬肺湯唔錯，夠味，不過豬肺一揪揪的，如果可以斬細件少少可以方便吃。侍應服務很好，隨傳隨到，不錯。打到點幾，雀局菜連雀紙房租，埋單640蚊。地方企理，食物唔差，都打得過。