皇牌冰廳 (百加士街)

營業中

休息中

到童軍總會上堂前,去咗皇牌冰廳開餐。餐廳地方夠闊, 整齊乾淨.除咗晚餐外,仲有全日早餐、自選小菜餐、各類焗飯、日式拉麵等。叫咗個 B 餐~蜜桃咕嚕肉加杯凍檸茶。紅蘿蔔合掌瓜湯吾錯,唔會太稀, 又唔算鹹。以例湯嚟講, 叫做飲得過.蜜桃咕嚕肉做得幾好,個汁酸酸甜甜幾開胃。咕嚕肉吾太肥腍口,除咗蜜桃外,仲有洋蔥同彩椒,色彩鮮艷,都幾大碗。白飯大大碗,吾想浪費,全部食晒。下次都係要少飯。心形蜜桃好可愛

以茶餐廳嚟講，當普通嘅客飯午餐都只係五十幾蚊連例湯同熱飲嘅情況下，$58一個全日早餐呢個定價稍為進取。肉類有吉列魚柳、豬扒、雞扒、同漢堡扒四揀一，今日我就揀咗魚柳。英式全日早餐 $58 配凍奶茶(+$3)一上枱賣相有驚喜，份量十足，當午餐食絶對夠飽。主角魚柳炸得過咗火喉，外皮偏硬，肉質較實，炒蛋有兩隻蛋嘅份量，滑身不過冇奶香。芝麻醬沙律食落夠新鮮，薯餅同廚師腸都不過不失。牛角包有成隻手掌咁大，雖然係急凍貨，但係烘熱咗，外層鬆脆有牛油香。總括而言成個all day breakfast唔比出面打卡cafe賣過百蚊一個嘅味道差。

今日叫咗外賣自取，去到見未拎得就企係度等。點知負責pack外賣嘅員工望住杯嘢飲，問水吧“呢杯係檸茶定齋啡？”水吧拎去飲一啖之後“好苦，齋啡黎嘅。” 跟住外賣員工就打包咗俾我。一出門口即刻掉咗杯嘢飲。一定冇下次

諗住茶餐廳應該食嘢都會安全啦，入咗去試左個海南雞飯，個海南雞飯簡直係連個飯都放唔到入口，飯好似生嘅咁，又硬又難食，啲雞…都係減肥雞，勁瘦，飯就好多，但唔好食😑冇下次

今次惠顧這一間食店是因為早前有網友介紹，加上自己剛剛路過佐敦，所以決定入去一試。 小弟喜歡飲奶茶，對奶茶都有少少要求。 這間奶茶的茶底算厚， 奶味和茶味各佔一半左右，茶味和奶味都沒有被另一邊蓋過，幾好飲，抵讚。至於干炒牛河， 老抽夠味夠香，用料應該不是平價貨，鑊氣都食得出有少少，不過若鑊氣再大少少和炒干身少少就會更好食。在今時今日的香港，45元食個tea都唔算貴。其實這條街上有多間茶餐廳／冰室，早前自己都食過另外2間。暫時覺得這間唔錯，所以推介一下。