皇室宴會廳

營業中

休息中

很開心能到迪士尼玩一天，當然要試一試迪士尼餐廳出品的食物啦😍其實這間食店都唔係第一次光顧，因為迪士尼的這個主題這食店，可品嘗唔同口味的食品，例如：中式餐、日式餐、西式餐等等風味。今次我點的是西式餐，因為比較飽肚。以下是本人和家人的餐點：我們今次點了牛扒餐、Pizza、焗豬扒飯。爸爸媽媽都喜愛吃扒，所以點的東西都一樣，牛扒只有全熟，碟上，比快餐店的早餐厚，但如果和正式扒房比較只會很失望。妹妹點的是Pizza，米奇的樣子，很可愛，有至尊和夏威夷選擇，我們選擇夏威夷，都幾多食材，很足料。我點的是焗豬扒飯，其實和快餐店差不多Size，不過快餐店的茄醬真係比較好吃，但它貴快餐店三倍。總結這餐最好吃的是個Pizza，可以一試再試。我們在食店四周都見到很多人餘下很多魚柳，我想一定很難食，所以今次沒有點選，相信都很明智。

上週四我們家又去迪士尼玩了，而且是夜晚進場；抵達園內大概6:30pm，有點餓首先去開餐吧。這晚一家四口在幻想世界的 皇室宴會廳 吃，餐價由 $89-135，晚餐價與午餐是一樣的，有年票的話還有9折，以晚餐計其實又不算貴，而且味道不錯，個人覺得比吃快餐抵！　爸爸的薄牛扒餐，可跟飯或薯條，配上自選汽水／Fuze 檸檬茶，$135。我的芝士漢堡包餐，內有大量芝士及蘑菇，味道很不錯的，配上薯條及飲品，也是$135。囝囝的日式便當，有水果、壽司、沙律及冷麵，連飲品好像是$125。最後妹妹吃兒童餐，$89有壽司、水果、甜點、栗米及飲品，妹妹十分滿意！ 　一家人吃飽之時，夜幕開始低垂，也是時間向明日世界進發！今個夏天星戰全面進駐迪士尼，無論是遊樂設備、主題商品及美食，甚至是酒店房間佈置，都可找到星戰蹤跡。晚餐後我們也吃了星戰爆谷、BB-8 沙冰等，不過最喜歡還是既香又滑的星戰新地筒 ($35@)，朱古力及雲呢拿味都不錯，更可以選擇扭紋味呢！香港的夏天真的熱，再來迪士尼也會盡力選傍晚比較好～

迪士尼樂園餐店林立，今次玩到攰就黎到皇室宴會廳食LUNCH!!~Order既焗豬排飯味道同平時係快餐點食既無咩大分別!!!醬汁味道偏酸，酸中帶甜，十分開胃!!至於主角豬排唔係厚切，入口無口感!!但總算唔靱，吃得過去!!但以價錢同水準黎講就唔太成正比例了!!!一百二十幾蚊一個焗豬排飯，價錢真係太離地!!!即使以吃環境黎講都說不過去...開幕十年既迪士尼也開始殘舊，餐廳既環境也不太優質!!!

中午o個餐去o左另一間食...真係唔ok...夜晚睇煙花之前都係返返嚟呢度食dinner~ 至尊pizza ($125)質素比想像中好wor~ 餅底好脆~ 有d意式肉丸o係上面~ 食落去啖啖肉~ 好足料~ 仲有好得意o既米奇樣~ 炭烤牛扒 ($155)細妹好鍾意食呢個~ 我都覺得真係唔錯~ 好滑好淋~ 而且烤得好香好好味~ 仲有好多好爽脆o既豆同蕃茄仔~ 下次有機會我都會再encore呢個~ o係主題公園食o野預o左貴...但真係覺得起碼都要交d貨丫...呢度係入面算好食o既一間~ 所以成日都好多人...

今次唔食扒啦，試日式料理，今次揀左：日式咖哩豬扒便當，友人揀左傳說中嘅－皇室雜扒~~~~~~~~~~~~~~~~~~~~~~~~~~~味道方面：1､炸豬扒外皮脆嘅，咬落去都軟，唔會太硬2.咖哩唔辣，唔食得辣嘅都可以食到3.啲沙律好簡單咁有啲菜,味道就一般，感覺似揾d嘢填左個格咁4.有腌蘿蔔，食完咖哩可以清下5.因為我唔食生果，所以無食orz6.叫左可樂，但變左檸茶，而且我唔係唯一一個中伏7.但整體份量唔多 (對我黎講就唔多夠...)友人覺得皇室雜扒唔差，扒都易切，味道好!

因為玩晏左，所以唯有近近地再嚟依道食，今次叫左炸大蝦魚柳1.食物都凍曬，只有薯條有微溫2.魚同蝦肉都梅梅地3.但外皮都脆4.唔知可唔可以配飯，但員工一黎就比左薯條5.有沙律醬，但沒咩酸味，奶油味重因為會員送雪糕，我同友人分別朱古力同雲喱那好軟，似慕絲

作為香港人, 放假日就會諗到去迪士尼, 雖然入場又加價, 但一年先黎一次都可以接受. 入得黎就預左食野唔平, 揀左一間無service自助形式既皇室宴會廳食, 貪多D款式. 揀左日式類型, 要左日式咖哩豬扒便當套餐($128), 跟餐送汽水. 豬扒炸得幾香口, 少脆而且唔太油膩, 不過肉質就較乾. 咖哩汁係日式咖哩甜甜地唔辣, 幾好味.沙律都幾多, 菜幾新鮮爽口. 仲有西瓜就甜品, 幾清甜.

睇完巡遊要醫肚, 就去左城堡後面既餐廳食, 見呢間唔多人而且有四個counter款式野食揀, 就要左牛肉芝士漢堡包套餐, 成為128蚊, 好彩唔洗加一.自助形式買完搵位坐, 餐配埋汽水, 個burger算幾大份, 牛肉肉汁多, 有芝士同蘑菇配料加埋唔錯, 個包都幾鬆軟. 薯條都炸得香口, 唔會太油膩. 雖然得包同薯條, 但食完都夠飽.

原本諗住帶友人嘗試大冒險家餐廳，但可惜俾人包左(-｡-;  所以就移師去皇室宴會廳，咁今次就食返上次食唔到嘅皇室雜扒~~~~~~~~~~~~~~~~~~~~~~~~~~~~~~味道方面:1. 有煙肉、腸、牛扒、雞扒，同埋俾咗好多豆同配菜我哋2. 煙肉同腸仔整體都唔錯3. 但牛有d老，要咬多陣4. 雞有少少炭窿味5. 汁比上次少，有d寡6. 但配菜份量多，十分滿足7. 加上根據經驗，發覺依一間餐廳嘅汽水係無汽嘅8. 試咗友人嘅咖啡布甸，味道一般，唔多推介~~~~~~~~~~~~~~~~~~~~~~~~~~~~~~總括:整體都係個句，不過不失，依家餐廳係僅次於大冒險家餐廳 (根據我試左咁多間餐廳)

與上海友人同遊迪士尼，體會到港孩與滬孩也沒兩樣，都是父母的心肝寶貝，事事以子女行先，孩子吃最好的，不愛吃的由父母包底。先忙着讓孩子吃飽然後才輪到自己，由衷向天下父母致敬！  小孩喊累了，也就將就吃了。面前的便是這皇室宴會廳，而且看食評評價也不俗，就選這兒吧。  這餐廳分為室內、室外兩區，位子眾多，相信是園內最大的餐廳吧!很有皇室宴會廳的感覺，有卡通人物雕像，但環境嘈吵，人潮眾多，還是把它視作美食廣場好了。可是整間餐廳幾乎是滿座狀態，找了好一會兒面才在室内找到位子。    為免餓壞孩子，就由老公發辦隨意點了。點餐處如美食廣場一樣，中式、港式、日式......選擇不少。五大兩小點了五個套餐，價位由$118至$138不等。  三款套餐當中以烤牛扒（$138）較抵食。份量很大，尺寸可以用巨型來形容，不過扒身較薄。    雖然是接近well done的程度，但口感不錯，軟稔不算嚡口，肉味自然，比快餐店好些。伴碟的薯條和四季豆有很多，配合淡味的燒汁也算可口，友人的孩子十分受落。    兩位男士點了蘿蔔牛腩飯($118)，份量不算多，男士只是剛好夠飽的程度。牛腩炆得稔滑，挺入味的，味道算是不俗，配一

生日果日去左迪士尼玩。夜晚果餐就係呢度解決。入面有SUSHI食, 有意粉食, 有中菜食。最後我揀左食意粉果面。 我男朋友就叫左豬排飯。 野係幾好食既, 至少個豬排飯D豬排唔會硬, 同埋好好味。 但係D服務態度就好差啦。我同男朋友一齊行埋去, 見到前面有兩個女人已經叫緊野食, 咁我地行埋去啦。行到埋去, 有個男既問我食咩, 我話食肉丸意粉,之後佢叫我等一陣。 咁後面又有其他人排隊啦禾, 咁我地就向前行少少。 然後有個女人就問我地後面既人食咩野, 但係佢無問過我男朋友食咩。 跟住果個男仔就同我男朋友講等陣。等等等, 等左一陣, 等到後面果D人都拎埋野食, 我碟意粉都未得, 而我男朋友都仲未有人問食咩。 跟住我男朋友想叫野食啦, 跟住個男仔話等陣先。然後過無幾耐, 個男仔拎住碟意粉, 諗住放D肉丸落去係比我食既, 個女人就話: 唔係果D啊, 係落XX啊。 但個男仔照比肉丸我先。  但果一刻, 我男朋友仲未有人問佢食咩。我男朋友見問個男仔佢又話等等, 於是就問個女人。 個女人就示意話叫佢等陣。 咁等幾耐啊?於是過左一兩分鐘, 我地就話我男朋友未叫野食。 跟住個女人就用普通話同我男朋友講要排隊。

未食完燒魷魚, 又繼續晚餐... 今日嘅主題係食食食!!! 宴會廳提供多國菜, 睇來睇去都係西餐吸引D...烤薄牛扒 (跟炸薯條) $98 -- 我塊牛扒唔差喎... 比想像中!!! 起碼都清碟吖... 肉是韌了一點點, 但我習慣食零血水的Well Done程度, 這裡的只是再韌一點點吧, 可接受... 調味亦適中, 不會過鹹... 伴碟的蔬菜沒什味道, 但本著多吃蔬菜有益的原則, 我全吞落肚了...可樂 $26-- 還不是那一支可樂, 價錢未免貴了一點, 沒選擇下也照單全收吧...貓兄的漢堡包也不錯, 還有肉汁的, 不會乾爭爭...餐廳有室內及室外座位, 我們每次都坐室外的, 貪其空氣夠流通, 人亦較小, 比室內寧靜一點...

因為有coupon，個職員又推薦起呢度晚餐，最大間最好食。一行入去跟本同其他無分別， 改到個名咁好聽， 又味係個foodcourt一個 。張coupon食咩都得，聽同事話呢度雜扒都ok，同人share都唔會餓，我地又聽佢話，揀左最貴既雜扒餐。（125+-）呢度好多人又無咩員工收拾，唔係俾強國人霸哂d位，就係張枱好多垃圾無人執，好多人好似我地咁咁勁迷惘搵唔到位，唯有分頭行事。買果時，因為我地用coupon，拎左個餐俾左coupon，佢話ok你走得架啦，行左兩步俾人捉住話我未俾錢，個呀姐好忙，搞左陣先放人。見到馬上呆左，完全同出面d圖兩回事，雜扒腸仔煙肉竟然通通開半上仲要食落已知煎起左好耐好耐果隻牛扒又鞋，雞又老，煙肉係香但好多油，德國腸水準平均，好彩佢d薯條好好味平衡番下，炸既並唔係通街用果種熱氣老油，所以好脆好fresh！食食下我耳仔邊突然有把聲出現同我講：算啦，香港迪士尼係咁架啦！食多兩條薯條啦！

入去迪士尼自覺自己重未去過皇室宴會廳。所以今次親自去一趟。去到個餐廳發覺人山人海。入面布置真係好有皇室feel。入面有個小型food court。有中、西及日式美食檔。我去咗日式點咗個日式壽司便當，加一支西瓜汁。因我有會員卡，有九折優惠。最後埋單係$113。個便當有四件壽司、幾片西瓜、黃瓜一片、沙律同冷麵。四件壽司個賣相好好睇。個壽司造到好似米奇造型。有鮮蝦同三文魚壽司。好新鮮。個冷麵好彈牙，好食。個沙律好一般，同樣新鮮爽口。個幾片西瓜都好食。整體個餐好有水準。個西瓜汁都好飲，屬鮮搓。因為個場內太多人，我等咗大約十分鐘都無位，唯有坐出面。室內有不灰姑娘館、美女與野獸館及睡公主館。加上放置多幅故事圖畫。好似置身動畫中的主角。

同友人食過皇室宴會廳後, 覺得吾錯, 所以今次推薦與另一位友人嘗試. 由於當日玩得開心得濟, 大概8:45先到餐廳, 但餐廳供餐時間到9:00, 所以之後既都好匆忙.~~~~~~~~~~~~~~~~~~~~~~~~~~~上次見友人點雜扒餐好似幾正, 但點餐後廚房竟然比烤薄牛扒我, 由於係收尾時段差吾多無咩食材剩, 亦廢事強人所難, 所以接收了; 而友人就點左吉列蝦拉麵味道方面:1. 因為收尾時段, 相信食材準備了一段時間, 全碟食物為微溫2. 牛扒質地軟, 即使用膠刀亦易切開3. 牛肉汁亦十分入味, 而且份量多可以撈飯4. 配菜份量亦多, 相比上次的一顆白灼西蘭花, 多了好幾倍但友人亦評了她的吉列蝦拉麵, 湯底較咸, 但吉列蝦十分香脆; 不過小妹則認為除了4隻吉列蝦便沒有其他特別配菜, 整體份量偏少~~~~~~~~~~~~~~~~~~~~~~~~~~~環境方面:1. 上次坐右邊, 今次左邊, 有多啲睡公主掛畫2. 對住廚餘、餐盆接收位置, 感覺不太好~~~~~~~~~~~~~~~~~~~~~~~~~~~總括:收尾時段用餐並不理想, 影響了款式選擇、食材溫度, 但食物味道可以接受, 只差