皇后餃子

營業中

休息中

【灣仔區】【皇后餃子】大家最近應該留意到我呢度係有一啲嘅轉變，唔止係文字上可能溫和咗，呢個係我自己唔覺但係係其他人話我知。而且我係將個 post 嘅第一幅圖加上咗餐廳名同埋地區，唔知大家中唔中意而家呢個安排，歡迎大家發表吓意見。點解無啦啦講呢樣嘢，其實首先就係我而家要寫呢間嘢真係冇咩好寫，本身我係想食其他嘢而走咗嚟灣仔呢頭，點知去到先知佢冇開，咁我咪即刻搵吓有咩食囉。行行吓灣仔道就見到大大隻字寫住皇后餃子，就走入去食少少嘢試吓佢先囉。佢哋其實唔止餃子，仲有其他粉麵類，牛腩呀，牛筋呀，牛肚呀嗰啲配麵食咁，不過我當刻又覺得我行得入呢間餃子店咯，我就梗係食餃子啦。咁佢啲餃子都有分湯餃同煎餃架喎，我自己其實比較中意食湯餃嘅，個感覺好似較為原汁原味咁。佢有五款餃嘅，分別係「鮮肉韮菜餃」、「鮮肉粟米餃」、「鮮肉白菜餃」、「鮮肉椰菜餃」同埋「鮮肉芫茜餃」嘅，當中有芫茜嘅「鮮肉芫茜餃」係貴兩蚊。不過我當刻想試都冇用，賣晒，然後好多都話賣晒，直到廚房入面話包緊先有。見你咁新鮮，我當然願意等一等啦，都好快就有。首先係「鮮肉韮菜餃」，韮菜配餃子其實真係冇得輸，點整都好食，包括呢間。而之後嘅「鮮肉粟米餃」當然

朋友知我中意食餃子，話又正又抵食，特登介紹我來呢一間灣仔《皇后餃子》😋遇上Lunch Hour , 但等一陣就有位置，入面雖然唔大，但坐2邊長椅位都ok, 唔會太迫～～叫了個Lunch Set@：有一碗粉+前茶（木耳及青瓜）+一杯飲品我另外再加8隻鮮肉椰菜餃😋😋我唔中意食呢款既牛腩，覺得太肥🫣炸雲吞夠脆，點上甜酸醬， 好味😋😋餃子🥟包到實， 好足料，配上餃子醋，開胃好味，下次試煎餃🥟🥰職員都有禮貌，問拎野都會跟足👍🏻

12:49pm 到店買外賣淨湯餃一碗, 店員話10-15分鐘有, 我耐心等到1:23pm 都未有, 期間追單三次冇人理, 到1:25pm發火嘈佢, 先有一個員工理吓, 再等到1:31pm先有我叫嘅外賣出, 足足等咗42分鐘！！！！！其實佢廚房係有食物出嘅, 不過係堂食嗰啲, 想你快啲有得食, 食完就走佢就可以“翻”枱咯！外賣？！你慢慢等吓啦, 會等到嘅！溫馨提示：諗住買外賣返公司食嘅朋友, 最好你有2個鐘嘅午飯時間啦！結果：得一個鐘午飯時間嘅我, 返到公司偷偷匿埋食外賣

放工去打羽毛球🏸，之前梗係要先醫肚餓啦😊，重點係輕食😆，唔可以太飽😂。行行下見到間餃子店，啱哂🥰。皇后餃子店舖面積唔大，但就幾多人，好彩啱啱有個2️⃣人位。望下個Menu📔，發現除咗餃子🥟外，仲有粉麵河食🍜，有套餐，有散叫。由於今日要打波，所以我地就散叫了三份煎餃🥟試下就算。煎鮮肉韭菜餃 $42/8隻餃子煎得非常金黃，嗰底非常香脆😍，餃皮Q彈有口感而且不易弄破👍，入面嘅豬肉🐖應該係新鮮肉，另外韭菜的香味襯托出豬肉的香濃，整體非常好味😋，而且餡料是滿滿的，感覺十分滿足🥰。煎鮮肉粟米餃 $42/8隻同樣煎得十分出色💯，加了爽口甜脆的粟米🌽後，豬肉🐖的肉汁混和了粟米🌽的甜汁甜味，令餃子口感極佳😋。煎鮮肉香辣餃 $42/8隻一咬下去肉汁混和辣汁🌶充滿了整個口腔，而且漸進式的辣味🌶讓人充滿驚喜，當完全吞下後才辣味才完全釋放出來🥵。總括而言，餃子質素非常高，又飽滿，煎得夠香，又抵食，是我暫時食過性價比最高的餃子店。下次試埋其他嘢🥰。

本人先致電到分店點了外賣，店員叫我15分鐘後到取，我未夠15分鐘去到分店已看到我的外賣包裝好並放在門口的架上，我準備付款時店員剛好離開收銀櫃並入來包裝其他外賣，於是我向店員叫收錢，店員叫我等一陣，我賺了一陣子，店員返回收銀櫃時立即叫了一位坐下的顧客上前並幫她收錢，於是我問店員為何不是收我的錢先，是我站在這裏排隊先，並且我的外賣已經準備好，店員說該位顧客趕時間，於是我反問店員為何你知道我不趕時間呢，於是店員以很差的態度說而家咪到你囉，本人認為該店員的服務態度非常之差及沒有禮貌，所以不會再幫襯下次。

待應生態度極差，點了想要菜脯，拎到過黎時問要咩味，我本身就唔會知菜脯有分什麼味道?    就說菜脯有分味道咩?   那位傳菜的待應生立即將菜脯拎去第二張枱，完全唔會答你兼黑起塊面。   其實客人到餐廳食飯，仲要人睇你員工既面色?!!    連對面的另一位客人叫了幾次要菜脯，都係唔會應人的!!!無論餐廳是平民或貴價也好，服務員工應該要有基本的服務態度，令人感覺很差的一間餐廳!

灣仔唔算好多專食餃子既鋪頭，今日行過見到有間專賣餃子既就去左買外賣嗌左6隻粟米鮮肉餃子外賣，番到去拆開睇得5隻！買果陣其實得一枱客人但係竟然咁都可以俾漏左都真係有啲離譜同埋好似俾人呃左咁！見到佢廚房張單都打左6隻餃子，用左咁大隻碗放無理由睇唔到俾漏左餃子方面中規中矩，唔係特別好食不過都足料既，湯底就都幾似急凍雲吞果啲湯底咁，唔係好似出面有啲餃子鋪用老火湯做湯底！如果大家買外賣記得check清楚先好離開餐廳🤦🏻‍♀️

今日黎到位於灣仔嘅皇后餃子食餃子。 我嗌咗四隻韭菜煎餃，四隻粟米煎餃，再額外加咗12蚊配咗個粗麵。 佢嘅煎餃皮比較薄 ，相對比較煙韌難咬得開。 鍾意有啲拗口同埋薄皮餃子嘅朋友不妨一試。 韭菜煎餃有韭菜味，韭菜嘅同肉嘅比例適中， 中規中矩。 粟米煎餃包得非常之飽滿，可惜 粟米味道比較淡， 唔太食到粟米獨有清甜嘅味道。 整體而言， 皇后餃子冇乜令人喜出望外之處。

第一次食皇后餃子喺朋友天水圍屋企嗌外賣覺得又抵有好食無耐見到灣仔開左真係好興奮餃子有湯餃同煎餃款式都係大路口味韭菜白菜嗰啲加$5有油菜通常我都係食湯餃，今次見到隔離枱個煎餃好吸引就試下新野韭菜白菜雙拼煎餃(8隻)$36感覺煎餃好似細隻過湯餃少少皮唔會好厚，當然又未算好薄但都算係爆餡，好juicy，好味道食完隻碟都唔算超級油我覺得韭菜香啲，白菜就多汁啲，各有千秋但下次我應該會食返湯餃，好似健康啲又飽肚啲，仲有多兩條生菜墊底哈哈翻兜指數:4/5📍 皇后餃子 (灣仔)灣仔灣仔道152-158號南開大廈地舖

唔想重口味於是決意試試呢間餃子吧！叫左雙併餃子（白菜豬肉、椰菜豬肉餃）白菜豬肉餃薄薄又滑既餃子皮，唔厚粉，菜肉比例平均各半，無乜肥肉，烹調程度仲保留到白菜🥬清甜。椰菜豬肉餃椰菜餃一樣，加入木耳，加添一份口感。另外仲可以添加辣味菜甫總括而言，餃子好食健康， 真材實料，但湯底則一般

環境3分：正常餃子店格局，地方望落都好乾淨企理，冷氣夠，可以畀三分。衛生4分：用八達通畀錢最簡易衛生，外賣包裝都好穩陣，可以畀四分。服務2分： 中午食飯時間坐滿人，外賣要响街等好耐，唔夠爽手，扣佢一分。味道1分：D韮菜餃個樣大就夠大隻，但係好似發水餃子咁，層皮厚過面皮，個韮菜豬肉餡又苦又鞋，原本畀零分，但係睇在湯入面D菜好新鮮好甜，最後決定畀佢一分！抵食0分：三十一蚊半打韮菜餃已經好貴，仲要等咁耐又唔好食，無可能抵食，零分！

Passed by this place a few times since its recent opening, so I decided to try it since it looks clean and seems good value for $.The menu (they have an English version) is versatile cause it has options for those who want to order just a small snack or a large meal. I highly recommend the pork & chives dumplings. The beef brisket noodles were good too, but their cuts are a bit too fatty imho. Amazingly, the staff seemed quite friendly - Glad to see HK is improving in this area, especially in