皇冠餐廳

營業中

休息中

頌富有間半露天嘅茶餐廳，裝飾得比較靚，又有新鮮出爐嘅麵包🥯，所以成日大排長龍。以為有咩咁巴閉就試下，早餐選擇比較少，得六七個選擇，款式都唔係特別，但係全部都要36蚊起跳喺冇乜選擇嘅情況下，就揀咗B餐沙嗲牛肉麵加腸仔炒蛋同餐包同賣歐陸早餐，即係魚柳拼炒蛋。牛肉麵有四五舊牛肉，都係鬆肉粉牛肉，不過味道都幾濃，個面就比較硬。同普通茶記分別不大。炒蛋係冇調味嘅，同埋比較凍，腸仔係廚師腸，冇乜特別。所謂嘅魚樓係兩條魚手指，份量太少，個隨着隨着就幾好食，香脆可口，如果有煉奶就好正啊。整體來講份量就太少喇

喺天水圍開餐廳，未必要好創新。傳傳統統的港式茶記、酒樓飲茶，無論貴平好壞，一定有生意。喺T Town 的皇冠就是一個好例子。裝潢好明顯，就話比你知是茶餐廳。食物都是好港式的款。我唔喺話皇冠唔好，但價錢上是偏貴（比同一商場的餐廳），而且我就覺得無咩特別-都是周圍都食到的港式嘢，T Town 其他菜式的餐廳平靚正過佢但就喺無咁好生意。睇下個下午茶menu，都要成$50 蚊。味道方面，有水準的，份量都合乎茶餐廳多飯必飽的原則。但有咩特色同新鮮材料？普普通通而已。坐得都舒服，有集團式經營的感覺。

今朝睇完中醫，順便行去商場食個早餐，呢間食過幾次，都比佢個茄牛通吸引，味道好夠濃，同埋啲通粉好滑lulu，因為我唔多鍾意食果啲有坑紋通粉🤣個餐仲有炒蛋火腿牛油豬仔包，炒蛋都好夠滑，豬仔包好脆，加埋杯奶茶，呢個早餐為今日打打氣☺️

食咗幾啖先影相? 好核突喎，理下其他食家感受啦。時間下午 1點5x分，第一唔知下午茶幾點,第二肚餓嘅關係，唔理下午茶照入。打開餐牌見到焗嘢類都要60零 70蚊，嘢飲再加錢，鬼叫你肚餓唔爭氣， 連問幾點下午茶嘅力氣都冇。有時午市點餐，個餐擺低時間係兩點過後，心會有點不甘。今次正正都係咁!!😃 唯有安慰自己，如果兩點鐘之後叫餐，好多下午茶客一齊叫，可能等得仲耐，等得嚟都餓暈。食食下待應擺低張單，我望一眼，咦!!變咗下午茶嘅，哇…慳咗一半錢，極度開心。 慳咗錢要表揚，張相雖然食咗幾啖肉酸啲! 多一半錢都唔賺，小見的良心食肆。配合走飲筒👍

晨早碌起身去天水圍嘅教會幫手然後一行八人幫完手之後都覺得好肚餓我哋就去附近睇吓有咩嘢食眼見周圍都好多人等位唯有排一間冇咁多人我就order左呢個魚蛋米成個餐廳個感覺有啲似翠化~~~不過講返呢個魚蛋米魚蛋魚片頭OK又有菜同埋蔥配襯一下唯獨是個米粉怪怪地，個質地好似.......又唔係未煮熟，但係有啲硬硬地同平時出去食嗰啲米粉唔同嘅🤔🤔Anyway因為太肚餓，我都食晒總括嚟講都可以話係合格嘅😅😅

今日，來左皇冠餐廳，嘆！番個下午茶，由於我不是很肚餓，所以叫左個雞肶沙律食，而同行友人就點左客 肉醬意粉，飲品係凍奶茶同凍㗎啡，肉醬意粉味道唔錯。總估而言，餐廳都算坐得舒服，但價格下午茶嚟講，稍為貴了少少。

價錢一般合理 ， 食物方面， 樣樣都比最好大碟! 早餐，應該唔會難食嘅! 如果話唔好食 廚房都幾大件事 不過 成間餐廳俾人好Hea嘅感覺! 應該係超級唔夠人手! 畀盒牛油人哋自己擦，又唔畀嘢人去查牛油 ，唔通用手指! 侍應落單三魂就唔見七拍! 最搞笑隔離枱 落單 打單 都係菠蘿油 不過上枱就只有菠蘿包冇牛油，勁攪笑! 即時英 真係做就36唔做又係36嘅感覺畀到我， 總之係一間好休閒，Hea得嘅餐廳,最特別好就係， 成間餐廳內外工作人員加顧客 同時一齊Hea,好Funny呀～

叫咗杯熱鮮奶，要加10蚊ok ！但黎到完全唔熱，暖都稱唔上 ！拎起條匙羹有糖痴係個匙羹面到！太過份！個杯又污糟，叫啲侍應換過杯 舉手勁耐明明睇到扮睇唔到。。。不可一不可再！太惡劣！

我今朝早食咗40蚊牛肉麵，午間就食在俄羅斯通粉價錢又高又唔好食服務態度又差我爭啲想講粗口鬧佢添，我今日食咗個菠蘿包又唔脆又唔好食搞到我又肚痛我而家去咗醫院度睇醫生醫生話我有啲野牛肉同菠蘿包係唔乾淨所以我下次唔好再喺呢度食我真係好唔開心囉，我今日等咗好耐先入得去座個個人話未等一陣啦好快會有得坐我心諗你係咪癡線架，我發嗰個收銀員有啲問題又唔識找錢入咗職之後從來我都未試過係找錯錢囉佢真係有啲問題大家千祈唔好試呀，我轉頭都要打返去過去問下啦真係呢間嘢白癡

工作中早餐，在呢個商場呢間算唔錯，新新年已經加了價！餐牌圖文並茂，早餐款式有啲特色，唔只係港式早餐！歐陸早餐（$47）香脆吉列魚柳，茄汁豆，炒滑蛋，豬仔包，炒蛋香滑，豬仔包外脆內軟，索晒牛油香，茄汁豆正常，魚柳炸得香脆，外脆入面滑，全部熱嘅，好味熱咖啡☕️：黑白牛瓷杯夠熱，咖啡好濃，今次唔會酸，甘香好味同事食鮮茄濃湯牛肉通粉（$45）沙嗲牛肉公仔麵（$43）火腿素鮑魚絲湯通粉（$42）西煎雙蛋牛油餐包：火腿炒蛋餐包：熱奶茶：凍檸茶：啲店員都係阿姐，勤快爽手，今次服務比之前食嘅都好服務，爽得來有禮！食物仍然好味，價錢又升一截

工作中早餐，在呢個商場搵食，呢間之前食過同事買嘅外賣蛋撻，今次來到比幾華麗嘅裝修嚇一跳，因為聽名字，以為係好草根嘅茶餐廳，點知有種金碧輝煌華麗登場！雖然無牆，造咗好多金色屋型支架，有啲間隔，又唔會比商場行街客穿透！門外放咗麵包櫃！賣港式麵包！餐牌圖文並茂，早餐款式有啲特色，唔只係港式早餐！白汁白菌雞絲螺絲粉（$40）賣相靚，螺絲粉彈牙，雞肉滑，蘑菇片彈，白汁杰身但較淡，自己加了鹽就剛好！好味嘅！火腿炒蛋豬仔包：火腿煎過鹹香，炒蛋香滑，豬仔包外脆內軟，索晒牛油香，全部熱嘅，好味熱齋啡☕️：黑白牛瓷杯夠熱，咖啡好濃但偏酸，所以最後飲唔晒！茶餐廳咖啡真係要撞手神！同事食鮮茄濃湯牛肉通粉（$38）沙嗲牛肉公仔麵（$36）火腿素鮑魚絲湯通粉（$35）西煎雙蛋牛油餐包：腸仔炒蛋餐包：熱檸茶：凍奶茶：凍檸茶：熱奶茶：麵包區：菠蘿油（$9）同事食墨西哥包（$8）同事食另外出麵包區買咗個芝麻豬仔包（$6）遲啲食，麵包區要排隊，店員好爽手，所以好快到我，入好紙袋，只收現金，麵包賣相脹卜卜好靚，佈滿芝麻，外脆內鬆軟，好味！啲店員都係阿姐，勤快爽手但粗聲粗氣，我哋入座時，門口嗰個阿姐喝停，話要等，咁咪企在門口，

菠蘿包（6元）好大個，幾點去買，個皮都係咁脆，有時熱辣辣，有時暖奶茶好滑，唔澀，正！沙嗲牛肉包，9蚊好香好濃既沙嗲醬，牛肉入味，夠料，夠多，好好味，買返屋企放一晚第二日叮黎做早餐都冇問題！

因為女朋友住天水圍嘅緣故,咁我哋就想睇吓屋企附近有咩好食。咁因為我不嬲呢都好鍾意食茶餐廳嘅，咁啱又有所以一於試試佢。一去到其實都幾多人排隊，都要等成十幾分鐘先入得去。坐低之後其實我一開始已經俾門口嘅麵包深深吸引住，而本人亦都係一個麵包控嚟嘅，我對一啲新鮮熱辣出爐的麵包係毫無抵抗力。不過如果早餐食菠蘿油都有d heavy,咁我就揀咗我最鍾意食嘅墨西哥奶皇包啦。呢個包其實都幾好味，佢一黎到係新鮮熱辣ge,應該都係啱啱焗好嘅，而佢ge外皮香脆鬆軟，而且面頭香甜惹味，忍唔住一咬落去裏面ge奶黃涵即刻爆出黎，正呀！總括黎講，高質。咁之後呢就到早餐啦。我就叫咗沙嗲牛肉通粉，咁就配腸仔炒蛋同埋餐包，而我女朋友呢就叫左個雪菜肉絲米配火腿炒蛋。講咗個沙嗲牛肉通粉先，其實質素都幾好，啲牛肉幾入味，而沙嗲醬都比出面嗰啲香濃，通粉方面唔會煮得好淋，overall嚟講都算中上水準冇令我失望。而米粉亦都一樣就係爽口彈牙，唔會浸到淋曬，同埋都幾足料㗎，咁所以呢到ge粉面黎講都有質素保證。但係炒蛋方面我就覺得一般，冇乜味又唔算好差，腸仔同火腿就普通啦。餐包都係餐廳自己焗，都算鬆軟。總括來講都幾推薦呢間餐廳，係值得一試

一早返功天寒受凍❄️，同事買早餐時，好窩心順便買了蛋撻比我哋食！☺️簡單一個餐廳紙袋，袋住一個蛋撻（紙袋好處係可以吸咗啲水氣，所以蛋撻仲係乾身）蛋撻係傳統賣相好靚仔，簡單一個牛油紙紙兜仔托住，酥皮皮好厚身又好多層次，酥皮做得好鬆化唔會實，酥皮好香牛油味，真係超級邪惡（好味嘅食物通常唔健康😆）蛋撻餡金黃色嫩滑彈牙，幾彈牙，味道唔太甜幾好！最緊要熱熱的，天氣凍食最啱！👍🏼（我最著重溫度）傳統港式蛋撻好好味！

繼前一晚瘋狂食完日本嘢之後，嚟多個瘋狂打麻雀到第二朝早7點半先瞓，到醒嘅時候已經係下午兩點！梳洗完之後落樓揾我哋嘅"早餐"食，呢間皇冠餐廳之前都食過真。早餐，味道唔錯，份量都幾大，價錢就屬於中上。是日兩點半，下午茶開始咗，平均價錢係40零蚊連飲品，如果唔啱食就要揀主餐牌入面果d，價錢由50幾到60幾不等，唔包飲品！裝修後嘅頌富商場，消費一d都唔屋邨!~~炸醬麵屬重口味人仕嘅我，第一餐揀咗炸醬麵，生麵彈牙冇鹼水苦味，份量好多，炸醬味濃份量剛剛足夠撈晒成個麵，每一條麵都沾滿醬汁，再加辣椒油~正!咖哩海蝦魚柳飯另一個重口味人仕，揀咗咖哩做早餐~哈哈!蝦同魚柳都係雪藏嘢，雖然咖哩味ok，但整體不覺值60幾蚊，連飲品都要加錢!雪菜肉絲魚蛋米線正常人嘅早餐係比較清淡d嘅!一樣係下午茶套餐，味道不過不失。