皇仁書院舊生會﹝中菜部﹞

營業中

休息中

So nice to have a friend who is an alumni. We all like to come for different dishes. Whilst I like to come for the dessert, one friend likes to come for the 佛跳牆.“Buddha Jumps over the Wall” is a variety of shark fin soup in Fujian cuisine, and includes other pricey ingredients, eg abalone, sea cucumber, ginseng and scallops. All these are simmered together for long hours over slow fire, ensuring the essence has been extracted.A legend tells that a Buddhist monk found the smell of the dish so irr

我的名字叫 食俾你睇我的志願，是希望入讀「皇仁書院」，為什麼？因為……早幾晚，我朋友個阿SIR，帶我地去皇仁舊生會開飯，未坐定先睇睇個餐牌……「糖桂花餞桶蠔」微甜中帶桂花香，好味！重點推介，「佛跳牆」淨係睇見咁多料都知冇得輸！「海班兩味」兩味都咁和味！「抽皮鵝掌」非常入味，問你死未？未死？嚟多個「荷葉飯」同「伊麵」，即時舉手投降！最後加多碗香濃「腰果露湯丸」真係完滿嘅結局！一人六百蚊唔使，唔平但又唔算貴，梗係想訂位再Encore點知…原來要係Member……請問，皇仁書院幾時招生呀？

終於一嚐好出名嘅皇仁舊生會中菜部，開心🥳.最出名嘅原盅鮑魚佛跳牆🍯好食就唔在講，一嚟先試一啖湯先，清香，勁足料，最正嘅係舊金華火腿爪子部份🐖，鹹香超正，忍唔住食咗好多.另外令我最念念不忘嘅菜式係糖桂花加拿大𧐢🦪，蠔多肉肥美，最令我牽腸掛肚嘅係桂花糖汁🌼，桂花味清香，加上甜甜地嘅汁，好特別.百花釀蝦多士同樣出色，蝦肉彈牙🦐，多士就好鬆化🍞.咖喱和牛腩🐂，最令我驚喜嘅並唔係咖喱或者牛腩，而係伴隨住嘅煎米粉，而家好少地方有得食，比起印度薄餅，米粉更加能突出咖喱嘅香味.荷葉籠仔蒸鱔飯🍚，服務員話鱔肉一定爽，唔爽嘅話呢餐佢埋單，霸氣😲，可見餐廳對自己嘅食物十分有信心，一食之下，鱔肉果然爽滑，好新鮮，加上香濃嘅豆豉汁，搞到忍唔住食多咗幾啖飯.其他食咗嘅仲有南乳脆炸豬手🐖、魚肚蝦乾浸時蔬🥬、芝士牛油焗龍蝦🦞，八餸一甜品，甜品係腰果露湯圓，一拎入房已經聞到好香嘅腰果露味道，雖然未係去到最滑，不過都已經好好食，食到攬住個肚走呀🤭

一年一度的「皇仁書院舊生會（中菜部）」飯局，今年早早報名，經過數月等候，終於到了大快朵頤的日子。這個相熟友人做搞手，勞力費心的飯局，只搞兩圍，座上朋友，有的是多次捧場的老饕，有的是初次到訪的新人，友人所點菜式，也有的是每次飯局必點的招牌菜，有的是我從未在這兒吃過的菜式。相比起我首次到訪「皇仁書院舊生會（中菜部）」的時候，「蜜餞金蠔」雖然仍然大隻美味，但似乎細了一點，那桂花蜜汁的味道也似乎稍為輕了點，我覺得未算是顛峰之作。「沙薑豬手」豬手挺滑嫩的，不過沙薑味還可再強些。這兒的招牌菜，每次到訪幾乎必吃的「佛跳牆」，真是沒話說的好，材料豐富得嚇人，味道濃郁得過份，鮑魚、魚翅、瑤柱、冬菇、豬腳筋、雞腳、還有那堪稱是整道菜靈魂的大大隻火膧豬肘子，味美甘香，骨膠原異常豐富。連盡兩碗滿分足料靚湯，靈魂彷彿飛上了天，難怪佛聞到這湯的香味也要動心跳牆！「花雕蛋白蒸斑球」啖啖肉的斑塊雖說是主角，但蛋白的吸引力亦不遑多讓，嫩滑的蛋白索了花雕酒的香，更是精華所在。「茄子脆玉瓜炒蟶子」特別地以翠玉瓜與茄子作為大隻蟶子皇的拍擋，蟶子帶有點魚香茄子的風味，但又不覺有違和感。「椒鹽陳皮蝦」蝦肉彈牙，椒鹽與陳皮味就不算

每次去都有一份感慨.....如果後生嘅時候努力讀書入到皇仁，我嘅人生會唔會就此不一樣呢? 😂 好多人話皇仁舊生會好難訂枱，有啲甚至乎話要等4到5個月！咁你要限時，限刻，限日子食就梗係要等喇！等幾個月係因為要肯定訂到某日！講真，訂枱係難嘅，一間食肆全埸得六張枱，唔做散客只做一圍10人以上，長期旺埸兼食過嘅人多數會返尋味。話唔難訂就呃你嘅，但亦冇坊間講到咁誇張。今次打去俾老闆John哥問邊日有枱，要梗房 (全場只得一間梗房，其他房間都係活動板間)就個半月，板間房就三星期有枱。食過皇仁舊生會嘅人冇五千都應該有四千九，隨便上網搵吓都應該搵到一大堆相同埋一大堆飲食節目口吻嘅食評，瞪大眼，嘩，好鮮味呀！果啲😂飲食係一個需要冒險探索嘅旅程，前人嘅經驗可以參考，人哋話俾你聽好食，你唔鍾意，你就覺得中伏。我話俾你聽唔好食，你信我，你就可能走寶！自己試過先係最真最實際。如果你問我，我可以話俾你聽，皇仁舊生會係一間 “堅離地” 嘅食肆，堅離地咁好食得來勁貼地咁抵！成餐飯除咗柚皮生扣鵝掌嘅柚皮唔夠入味同隻炸子雞唔夠皮脆肉嫩之外，其他都絕對得！特別一提佛跳牆上枱，咪剩係識爭住食鮑魚同翅，佢隻火瞳先係寶！火瞳係金

難得一所食肆能令我三顧草廬！究竟是那所這樣有驚人魅力？正是肯付錢也未必吃得到還要等上起碼半年的皇仁書院舊生會！ 三次的邂逅也得要感謝PJ的面子才能有緣一嚐這隱世美食！這趟更只有一席令菜式更加專注和美味。 揭開序幕的是桂花蜜餞桶蠔，肥美的蠔肉被炸至金黃香口，伴以香甜不膩的桂花蜜糖太滋味了！ 接下來的是沙薑豬腳炆至富咬口得來而不鬆散質感恰好，幽幽的沙薑香氣很誘人好味道喔！ 緊接下來是我朝思暮想的佛跳牆每次也是衝著它而來，我只能以百喝不厭來解說這盅妙品！！ 重演篤鮑魚事件當然是必須的！好像篤魚蛋般過癮又浮誇兼美味的感覺真爽耶！！ 侍應在燉盅內逐件取出矜貴湯料包括有我至受火瞳，看見它我雙眼真的發光兼流口水了！油膩肥美的火瞳自令我一而再再而三的寵幸它呢！ 佛跳牆內除有火瞳外更有老雞、精肉、豬腳筋、肥厚香菇及粗針魚翅等名貴食材，湯色清澈味道濃香喝下真的很鮮甜。 茄子翠玉瓜炒蟶子用上蟶子皇來炮製此菜式，火喉控制得宜所以蟶子口感鮮彈，配合惹味的醬汁連茄子和翠玉也十分誘人。 再來是大斑兩味先上的是蒸頭腩，魚肉結實富鮮味配襯調過的豉油總不叫人失望！ 薑蔥炒斑球勝在惹味香口

一間餐廳，就算幾好食，同咩人去？幾時去？食啲乜嘢？整個感覺都因為呢幾個元素可以好唔同。係飲食圈入面，有一些餐廳，總是神枱級水準，往往都有好多人趨之若鶩，可能因為太好食，可能因為難訂枱，可能因為要識人先有好野食，種種原因，都令這些餐廳變得像傳說一樣。皇仁舊生會肯定就是一間這樣的餐廳，當然好彩的我由當年跟名食家KC去食，到有朋友搞局，到有朋友識人可以訂枱去食，到而家可以訂枱，大大話食個十幾次。當然，菜單可以倒背如流，基本上冇乜菜式係未食過，但每次再去都一定有個期待。今次難得爐兄搞局，以取經為名，為食為實，當晚食左餐，試下不同的菜單，為九月嘅局攞靈感。鐵定於九月五日，小弟會開兩圍，有興趣嘅就同我報名。未知皇仁舊生會係乜，又唔知食乜，不如睇吓呢晚有咩食啦。一坐低就有驚喜，子薑皮蛋係梁師傅送嘅，來自上環最有名的皮蛋，老饕實知，同枱食飯嘅人話係成世人最好食嘅子薑皮蛋，你信唔信？翡翠鴿片炒雙蚌應該是最清新的選擇，坦白講我自己個人會喜歡食另一前菜鬼馬油條一點，但雙蚌堅炒得不錯，送白酒和清酒一流。椒鹽陳皮蝦基本上係次次都一定會食，同佛跳牆嘅出現頻率一樣咁多，陳皮蝦根據時令有大隻又細隻，今日係平常中規中矩

😭😭腸胃炎食左一個星期粥，今日終於食返啲好野！fiancé 朋友約佢一齊去皇仁書生會度食飯，佢初時話約左我，後黎朋友叫佢叫埋我一齊，fiancé見個menu好吸引😍就叫埋我一齊去！聽朋友講佢二月就已經book定，如果唔係有家人係舊生，係book唔到，因為呢度只可以俾舊生book！第一道菜係百花西汁釀油條，起初我以爲油炸鬼係煮到淋bad bad，一咬非常驚喜！係炸脆左😍，再用好似咕嚕肉既汁煮，掛滿酸酸甜甜既汁，好開胃👍🏻配料重有啲荔枝同三色椒。糖桂花餞美國桶蠔一黎到已聞到好香桂花味，平時唔食蠔既我，好怕陣腥味，不過佢炸得外面好脆，第一次食甜味既炸蠔，有糖桂花所以完全唔覺腥。原隻鮑魚佛跳牆係我地全晚都期待！侍應叔叔先將一串串既鮑魚、整梳魚翅同金華火腿拎上碟，再續碗慢慢分，再加埋豬軟骨、雞絲、冬菇、瑤柱同雞腳，非常豐富！先飲一啖湯，極之鮮甜，雖然有金華火腿，但個湯一啲都唔覺肥膩同鹹。鮑魚用上鮮鮑魚，食落鮮甜唔韌；翅好粗身；豬軟骨非常軟腍，軟骨輕易就咬開；最意外係個金華火腿，平日食個啲係好乾好硬，但佢皮好腍重好重膠質，唔太鹹，反而肉就鹹好多，不宜就咁食。大海斑兩味有雲耳腿茸蒸斑球同薑蔥煎焗頭腩

An alumni gathering with friends from the university, one is an alumni of this secondary school.  First time being here.  It is the name of this famous alumni boys' club that is attracting.  The environment is like any room you find in any historical famous secondary school.  The food is high quality Chinese dishes in general.  The soup is my favorite, specially designed by the chef.  The rest are like the nine course meals you find in any quality Chinese restaurant.

因為識咗個皇仁畢業生，所以有幸成日嚟食呢個「皇仁飯」皇仁舊生會唔止只招待畢業生及其朋友，而且好難book, 起碼要book半年，所以其實一年只能食兩次，雖然咁難book, 又要等咁耐，但值嘅！而且每人大概消費$500，真係性價比好高。佛跳牆呢味餸真係冇得輸呀一畢啲鮑魚出嚟，大家已經嘩嘩聲，再加埋花膠（原本係翅，我地改咗花膠)，金華火腿及其他材料，啲湯好入味舊金華火腿，我地通常拎返屋企再加西蘭花一齊炒，好食！大海斑兩味 - 薑蔥煎焗頭腩其實我本身唔多鍾意食魚，但呢個好脆口，岩晒我呢啲為食人士！大海斑兩味- 雲耳腿茸蒸斑球唔多鍾意食魚嘅我，極愛呢味，因為啖啖肉，最岩我呢啲唔識挑骨嘅懶人椒鹽陳皮中蝦鐘意食蝦嘅我，通常都只係食白灼或茄汁，呢款椒鹽陳皮確實係老派菜，喺出面好少食到，而喺皇仁，佢整得好入味，真係蝦殼都可以食埋！柚皮生扣鵝掌係人都知柚皮唔易整得好食，所以喺出面都好難食到好食嘅柚皮，但呢度個柚皮好好食，冇澀味，加埋鵝掌，加埋個汁，入味到爆！喺出面好難試到呢啲老派菜糖桂花餞美國桶蠔桂花汁好甜，桶蠔好多肉，個汁溝埋啲洋蔥一齊食，基本上每次都清碟到照鏡一樣😂😂翡翠鴿片鴛鴦蚌仁睇呢個擺盤已經v

一席難求的皇仁書院舊生會中菜部，有幸數次造訪。由從前會員不一定親身出席，到現在必須出席；由從前每圍菜式可以稍作改動，到現在兩圍菜式必須相同。雖然門檻/條件不斷改變，但不變的是，從未讓人失望的食物質素及親切的服務態度，即使每次要提早數月訂坐，仍會令你心甘情願乖乖的等⋯⋯中菜部有提供套餐，但由於每次訂坐都不容易，我們每次都會為自己席身訂造餐單，以求完全符合胃口蟹粉豆腐扒菜心邪惡蟹粉配健康豆腐青菜，濃淡得宜糖桂花餞美國桶蠔炸得香脆而且脹卜卜的桶蠔淋上香香桂花味醬汁翡翠鴛鴦蚌仁珊瑚蚌和貴花蚌非常爽口，配彩椒子薑，味道豐富斑球兩味之花雕蛋白蒸斑球 火候控制適中，蛋白跟魚同樣蒸得滑滑帶花雕香斑球兩味之豉油皇煎焗頭腩 煎封的斑球乾身惹味百花西汁釀油條稍為遜色的一道，個人口味覺得酸甜汁始終跟排骨才是perfect match佛跳牆霸氣原盅佛跳牆，一上枱不禁令全場嘩嘩聲矜貴材料份量十足，鮑魚、魚翅、火瞳、老雞、冬菇⋯⋯燉足火候，味美程度相信不用多說砵酒牛尾牛尾腍滑，再配上蒜蓉包，誓要你連汁都撈埋潮式芋頭炒飯熱辣辣乾身即炒上枱，大家雖然已經吃得飽飽，仍忍不住先試兩啖再把吃淨的打包腰果露湯圓腰果露又香又滑，

朋友每年都會拉大隊過來吃老派舊菜。這裡會員制，所以每次筆者都是拉衫尾湊熱鬧。由於老派食店不會收得太夜，故此建議盡早入座，以免造成上菜太急趕之感覺。塲內間隔有獨立包房，方便會員晚飯暢談。砂礓炆豬手~一端上檯面，香濃沙礓味道飄揚，入味開胃菜，大家三兩個戰步，一掃而空。發財金多扣沙井𧐢豉~一眼看這道菜就想起過年，大大隻花菇炆得入味，𧐢豉甘香又夠大隻，咬落相當 Juicy, 配上髪菜，喜氣洋洋。火曈雞包翅~先來一大碟翅放在面前，大家雙眼已在發光。之後再在燉盅盛起那老雞、爪子、金華火腿等⋯⋯店員才一一分在碗上，看得出㕑師烹調用心，選料上盛，每碗都分得滿滿，分量足夠每人再添加。每次我們吃完這雞包翅已飽了一半以上。雞蛋焗魚腸~看著這個大大的砵頭端上檯面時，已很吸引，很喜歡在這些老派店吃這道菜。魚腸甘香肥美。雖然坊間一直都說魚腸無益，但每每遇上此情此景，唔理後果，食咗先講！雲耳腿茸蒸班球~蒸得剛剛好，入口嫩滑。蟹粉蝦球扒菜苖~天使魔鬼的化身，邪惡的蟹粉，配上大蝦球和菜芯，絕對可以多吃一口。魚肚蝦干豆苖~來到這個時候，清清淡淡，去除飽滯的感覺，重新再接再厲去迎接下一道菜。脆皮炸子雞~雞皮炸得香脆可口，肉

好好彩可以有機會食到，就算是會員都好難先book到，因為全店只得六間房六張枱。呢度可以自攜各種酒類，店員幫忙把白酒放入雪櫃，餐廳供應不同類型酒杯，也會提供冰塊飲威士忌，這個服務很周到。香草雜菌炒牛柳粒，整個菜炒得好香，牛柳粒好入味好淋。原盅鮮奶花膠燉竹絲雞，每人可分到一塊好大嘅花膠，鮮奶湯好香滑，竹絲雞都唔錯，湯裏還有豬軟骨，豐富骨膠原有美顏作用。糖桂花加拿大蠔，好似蜜餞蠔嘅做法，先炸蠔，然後淋上香香桂花濃汁，一定要連埋洋蔥一起吃，蠔炸得香脆，配上桂花汁，好特別好好吃。大班兩味，雲耳蒸斑塊，剛好蒸熟，又香又滑，雲耳索晒啲魚汁，好好吃。另一味豉油王斑球，成餐最好味一定係呢個，豉油皇味道勁吸引，勁好食，輕輕炸香斑塊，豉油皇突顯了魚嘅香味，啖啖肉，大家搶住食。鮮蟹粉皇大蝦球，這個確實不得了，勁多蟹粉，下面有冬瓜，連埋汁一起吃，正呀！蝦球好爽好脆。魚肚蝦乾浸豆苗，仲有雲腿、銀杏、秀珍菇......清清地，大人細路都啱。薑蔥霸王雞，好大隻，雞件又香又滑，最難得係內裏有乾坤，成套雞雜有腎有腸有潤又有心，皆大歡喜。生炒臘味糯米飯，廚師重手落咗好多臘味，我最鍾意食潤腸，糯米飯真的好香好香，食到呢個時候

一直以嚟都聽過好多人讚皇仁舊生會餐廳好好食，想試左超級超級耐。 終於等到，老公個邊有識人係皇仁嘅舊生，早幾個月幫我地訂左枱，抱住又興奮同期待嘅心情，終於可以一嚐呢間久仰大名嘅餐廳啦！桂花蜜餞蠔呢一碟簡直一試難忘，每隻蠔非常肥美不在話下，炸得酥炸，再加番一層桂花蜜掛係上面，簡直係極品！陳皮中蝦中蝦每隻都爽口彈牙，外殼炸得非常香脆，入口仲帶點甘甜嘅陳皮味，非常特別，令人欲罷不能。佛跳牆非常足夠，一打開一串串原隻鮑魚，魚翅係一梳梳嘅，仲有大大塊嘅金華火腿，整個湯霸氣十足，非常鮮甜。紅燒大元蹄元蹄非常大隻，炆得好淋滑，不帶點油膩。百花西汁油條外貌似咕嚕肉，實質係蝦膠釀油條，酸酸甜甜，好惹味。蒸大星班入口啖啖肉，鮮味十足。紅酒燴牛尾配蒜蓉包呢個亦非常出色，無諗過一個煮中菜嘅地方，煮呢個西式都甘好食。牛尾入口即溶，蒜蓉包焗得好脆，好岩放落個汁到游轉水，吸曬啲精華！食到最後，已經好飽，荷葉飯 和 蝦子伊面好大碟，炒得好好食，食唔曬打包番屋企第二日食。腰果露湯丸生磨嘅腰果露非常香滑，一試難忘，為今晚飯局劃上一個完美嘅句號。我應該見識少，第一次食西瓜加酸梅粉，原來加左落去西瓜特別甜啲咼。🙈唔知幾時再有機

如果有朋友係皇仁舊生，記得through佢訂位試食。等左2個月，終於試到😍蜜餞生蠔，肥美多汁到不很👍🏿羊腩煲每日限量供應，就算book左位都要預訂定。臘味拼盤最好就係臘腸，唔油唔膩，濃濃酒香，值得試。另外，蛇羹人人都讚，我就覺得okay啦，出面有更好食的，唔洗特登入去試。那夜是wine dining night...每道菜都有配不同的酒，此感受只在天上有矣⋯⋯PS酒係自帶的，舊生一般都唔洗開瓶費，當然睇你跟哪位舊生哦～