百里鮮餐廳

田灣百里鮮，絕對係呢一區嘅中流砥柱，由早餐到午餐晚餐都服務你，質素穩定，今晚就嚟呢度食一個麻婆豆腐飯，再加多支啤酒，爽呀。佢嘅麻婆豆腐飯有少少酸菜，有少少黑椒調味，香花椒粉，味道好配合，其他好多精美客飯都好正，下酒小菜都好多選擇，我諗應該田灣嘅街坊都成日會嚟，佢仲有胡椒豬肚煲火鍋，加埋新鮮雞件200蚊有找好正，好抵食，鍾意飲啤酒嘅佢嘅選擇都好多，有青島，有藍妹，森堡，嘉士伯，鍾意三五知己飲下啤酒，吹下水，呢度絕對係一個好選擇…查看更多

2024-0107 午餐外賣48蚊 快餐 梅菜扣肉飯。收銀亞姐話跟湯免費。熱飲+3蚊。我話跟湯結果收費 $51即係+3蚊外賣餐具膠袋費！餐湯青紅蘿蔔豬骨。蘿蔔冇味。豬骨淨骨。湯好鹹。梅菜扣肉飯。用南乳。搶哂梅菜味。扣肉簡直淨脂肪。唯一合格 飯+湯夠熱。下次寧願挨餓都唔幫襯。…查看更多