百芳池上便當 (Mikiki)

營業中

休息中

ғᴏᴏᴅɪᴇ ᴛɪᴍᴇ 今次食咗百芳池上便當一直都有聽過呢一間台式餐廳，但係就冇食過😆今次終於有機會食啦～百芳滷雞扒便當🍱($63)一黎到個樣都幾台式，用個圓形盒裝住！塊雞扒都好大塊，差唔多有我手掌咁大🤩又好厚肉同入味，唔會好鞋(⁎⁍̴̛ᴗ⁍̴̛⁎)除咗有雞扒，仲有三款配菜同滷蛋半隻🥰有一款菜、粉絲同粟米🌽 粉絲都好入味，仲有啲炸菜咁，味道唔錯，最中意既一款配菜🥳粟米就甜甜哋，又可以增加口感，另外菜就正常！啲配菜仲要填滿雞扒下面，份量絕對足夠😚套餐仲跟埋飲品，我就揀左茉香綠茶🍵味道有啲飲蜂蜜綠茶，叫左微甜都有啲甜🥲佢既tea set 都有啲台式小食，大腸包小腸都有🤩好似都唔錯！下次去試下先🤓

我久唔久就會係度叫外賣，除左好味就係鍾意佢一人一盒夠方便。今次係第一次坐低係餐廳食，地方寬敞，坐得舒服。叫左我最愛嘅鹽酥雞飯，貪佢一口一啖雞又無骨。堂食嘅雞熱辣辣又足料，成座山咁高，件件都咁香口。個飯另一個令我欣賞嘅係佢嘅粉絲同菜脯，撈飯食一流。叫左碳焙烏龍奶茶，碳焙後嘅茶好香，烏龍又有微甘香，配埋微甜真係不得了，下次行過如果唔肚餓買杯飲品又多一個選擇，唔駛成日買隔離個間。口痕叫左個花枝丸，一客5粒，又係熱辣辣，仲要有花枝碎粒，唔係只係得舊粉。男朋友叫左豐盛三品牛肉麵，佢話好正，等我下次試下先。

今日一個人到mikiki試台灣菜，之前試過買外賣，都不錯。第一次試堂食中午時間都幾多人，試了豬扒麵，湯麵的湯配合芫荽酸菜很好喝。飲品點了微甜，但都是太甜，最後都沒有喝完。價錢還可以，間唔中試下也不錯。

今次接完仔仔放學， 諗住帶佢去新蒲崗mikiki遊戲中心玩，玩之前就去咗食嘢， 仔仔鍾意食飯，我又想食麵，就去左「百芳池上便當」食台灣野， 很多種類選擇， 除了便當，亦有湯麵及小食等。豐盛三品牛肉麵大大碗，內有牛丸、牛鍵及牛腩，餸菜算多，非常豐富，少少辣，尚算惹味。香酥雞翼便當香酥雞翼好香口， 有粟米雜菜鹵水蛋等，味道很不錯。台灣夜市香腸香氣十足又Q彈， 令人回味台灣夜市。最後叫了兩杯台灣味道的飲品，蜜蜂檸檬及黑糖珍珠奶。

這間台灣菜餐廳位於Mikiki的地下，第一眼看以為是美食廣場，但其實餐廳相當寬敞。餐廳雖然有提供取餐提示器，但是店員還是很主動送餐。大部分主食和小食都是炸物，但不會太過油膩，如果有更多蔬菜/輕盈的選擇會更佳。餐牌選擇很多，今次試試牛肉麵和魯肉飯以外的台灣菜吧。相比起平時吃的魯肉飯，魯肉麵的配搭比較有口感，麵身沾有些少油/水份，不會太乾身而台灣焢肉便當上面擺放了幾條大腩肉，差不多佔滿半碗飯，觀感上很震撼，腩肉入口即融，一羹飯一羹肉剛剛好。而套餐的飲品非常大杯，而且不會太甜，選擇亦很多。

講到食台灣菜，一直幾鐘意百芳池上便當，今次約朋友係Mikiki附近，就再黎食下。百芳豬扒便當 $59配料豐富，有齊鹵水蛋、粉絲、粟米、菜圃等，粟米同菜圃撈飯食粒粒口感，味道亦頗開胃。豬扒外脆內軟腍，份量都幾多。黑糖珍珠鮮奶 $19鐘意甜既我黑糖系列絕對岩我，邪惡得黎又唔會太膩，珍珠如果再Q彈D就更正。肉燥鹽酥雞乾拌麵 $59肉燥味道唔太鹹，拌麵醬汁調味剛好，麵質軟中帶點彈。鹽酥雞香脆，配莞茜味道更突出。芝士奶蓋紅莓果茶 $27皮蛋豆腐 $20我朋友幾鐘意呢道涼拌菜，豆腐幾滑溜，同帶煙燻香既柴魚片頗match。

去完新蒲崗Mikiki一田，帶爸爸食台灣野，爸爸鍾意熱食，我點左個紅燒牛丸牛筋面比佢，牛丸好彈牙滿有肉汁，牛筋都有好多舊，好腍滑～湯底都幾香濃，面條質感剛好～有小唐菜、紅蘿蔔、薯仔作配菜～我就點左百芳豬扒便當，材料都幾豐富，有粟米、蛋、菜、粉絲、菜脯，豬扒都鬆脆，唔算過乾～小食炸花枝丸，爽口彈牙，食得出有花枝肉蘸上椒鹽食特別惹味～芋頭鮮奶小芋圓用上真芋頭肉，混合鮮奶最配合啦～小芋圓就像珍珠，好有嚼頭～芝士奶蓋洋甘菊金萱烏龍，爸爸未飲過奶蓋，試過都話特別，茶底清香，佢成杯飲晒～

嗰日咁岩喺開新蒲崗做嘢落咗最底層搵嘢食 因為冇得出國去台灣 又諗起台灣嘅火車便當見到好似幾抵食就入咗去叫咗一個百芳豬扒便當 隨餐仲送嘢飲 都係五十幾蚊邊度入面有雜菜 粟米 炒粉絲 招牌豬扒 同埋菜甫值得一提嘅係佢嘅菜甫 好香 唔會太鹹仲帶啲甜味 令個飯更加好食 招牌百芳豬扒係好食嘅 唔係好食得出用咩嚟醃製但醃得好入味 炸完出嚟亦都唔會好乾餐飲炭焙烏龍就真係普通飲品 茶味整體來講以呢個價錢 係都幾抵嘅！

今晚同朋友行完mikiki肚餓，於是係商場揀下有咩岩食知道basement個層多餐廳，一於去望望！朋友話百芳池上佢公司附近都有一間，但一直未試過，咁今晚就我地一齊去試下！叫左一份花枝丸，上台新鮮滾熱辣，聞到都覺得香。花枝丸面上灑左椒鹽，好香口，好彈牙唔會無口感！朋友叫左一個香酥炸雞腿便當，雞髀好大隻，皮炸得好脆，入面肉質好嫩，唔會乾身鞋口飯既配菜亦都好多 有粉絲 粟米 魯蛋 黃牙白等 非常豐富另外叫左碗牛丸牛筋麵，牛丸爽口，牛筋超有骨膠原，湯底濃郁，麵既份量亦多。

每個月總要至少吃一次台灣美食。百芳池上便當雖然是第一次品嚐，但絕對有驚喜，它的午餐便當連飲品價錢也不貴，又充滿台灣風味，值得一試。皮蛋豆腐先來個開胃的小食，皮蛋可口，醬汁特別，鹹鹹的，感覺像帶甜的蠔油，豆腐一大磚，滑溜溜的， 與醬汁皮蛋特別配合。肉燥鹽酥雞乾拌麵滷肉肥而不油膩，軟腍多汁，肥瘦均勻，拌麵 軟硬適中，帶點煙韌，配上甚有台灣風味的特色肉燥醬汁，啖啖滋味無窮。鹽酥雞炸得香酥脆口 ，入口喀滋喀滋的口感最過隱，還有香濃的椒鹽味，細味之下就是嫩滑的雞肉，這碟食街頭小吃，轉眼間就被我們清碟了。香酥雞翼便當三大隻雞翼，炸得夠香夠脆，整個便當配料非常豐富，有炒粉絲（ 夠入味），鹵水蛋（ 惹味），粟米肉粒（清新），風味菜甫（脆口）和椰菜，味道配合得非常滋味和開胃，很滿足。百芳池上便當的台式飲品也值得推薦，焦糖珍珠鮮奶，豐富的珍珠軟糯彈牙，大大一杯。芝士奶蓋炭焙鐵觀音，芝士層夠香濃夠厚，鐵觀音茶韻芬芳，消滯又解渴，我們吃得滿足又回味。

家姐好掛住台灣菜，聽聞呢間手搖好正，即刻嚟試下～～台灣牛肉麵超多牛肉，好鮮嫰唔韌，麵無出面咁厚身，我比較喜歡這個軟身口感，還有配菜：紅白蘿蔔+小白菜＋半隻蛋，感覺有蔬菜無咁滯幾健康鹽酥雞便當這個便當中間配有粉絲，好驚喜！ 個粉絲的味道及口感似平時食韓國菜的炒粉絲，濃味又彈牙好正。至於主角鹽酥雞，入口不會太多炸粉，薄薄地又脆，呢下真係大讚！同牛肉麵一樣，都有好多蔬菜做配菜，仲有半隻滷水蛋，食起來不會太咁滯另外，再叫了小食：台灣夜市香腸好有夜市感覺的台灣香腸，不會像香港街頭的那麼乾身，好味！至於重頭戲，飲品～～～(凍) 黑糖紅豆鮮奶黑糖不太甜，之前飲好多出名黑糖手搖，個人比較覺得甜到有點滯，但呢間的黑糖系列，食飯配黎飲不會滯到食唔落飯，紅豆亦有三份一杯咁多，原先不知道還加了我最愛的珍珠，很飽，哈哈！(熱）黑糖珍珠鮮奶至於熱飲，記得要攪混D，一開始不記得攪，凈係飲到奶味，奶味都好重味好正，再攪就好有黑糖香味，好夾餐牌

最近好想去旅行，最想去台灣，但由於疫情關係，只可以用食台灣菜來一解相思之苦。今次約了朋友第二次去食便當，我們叫了一個百芳牛肉麵，一個百芳滷雞扒便當，一個台灣香腸，一杯芝士奶蓋碳焙鐵觀音和一杯黑糖珍珠鮮奶。首先來的是兩個主食，牛肉麵湯有點辣，而麵身偏硬，牛肉不韌，我個人覺得就味道的確有台灣紅燒牛肉麵的味道。而且牛肉又不會韌，感覺不錯。至於便當，滷雞扒非常入味，咸度足夠，而且雞扒依家嫩滑。至於飯就有粉絲，菜寶，粟米粒等作配菜，入口口感不不同的層次。另外小食是台灣小腸，有點似香港的臘腸，煎得非常香口，入口甜中帶咸。我覺得很好食。最後是兩杯飲品，芝士奶蓋碳焙鐵觀音，荼味夠濃香，而芝士奶蓋不會太膩。而黑糖珍珠鮮奶則奶味香濃，口感就比較甜。整體來講，我覺得這間台式餐廳食物好味道，而且價錢不會太貴。

最近真係有努力在控制飲食! 但間中真係好想放肆一下!😌😌🥳今晚就是獎勵自己的晚上呀!😙決定要去食台灣野!🥢一直都聽過百芳池上便當，剛好經過新蒲崗，值得一試呢! 而且價錢相宜呀~📌-我點了台灣牛肉麵，轉了新竹米粉呢!🍜一來喜歡米粉的口感，二來更會瘦一點呢🤪🤪的確好好美，味道有少少微辣🌶，剛剛好!牛肉有很多，厚實又大啖!🥩而且肉質唔會硬，感覺剛剛好呢!💯-另外也點了台灣滷雞扒便當🍱，大大的一個便當配上雞扒，超滿足🍙!而且雞扒滑嫩，很喜歡!大大的一份，真的超級飽同滿足!🍗-小食點了很驚喜的台灣夜市香腸🥓，熱辣辣上菜，十分香口!好好食! 絕對有百份百的台灣風味!🫕如果喜歡台灣小食的，一定要點!-而最放肆的，當然是黑糖珍珠仙草鮮奶🧋!真係好邪惡但好好飲呀!甜甜的黑糖鮮奶加上仙草同珍珠🧋!而且珍珠咬感好Q彈! 好😍好食!絕對岩晒我呢種QQ控!-最後也點了芝士奶蓋洋甘菊金萱烏龍😌，味道相對較清新，岩晒D怕太甜又喜歡芝士的朋友呀!🥳可以一點!-整整來說，百芳池上便當價錢相宜‼️，又有台灣風味!絕對值得一試呀!✅

今晚和友人想去探索新蒲崗呢個美食地帶，決定走進mikiki, 雖然不是地鐵站附近，但是附近都有不少的巴士線。太耐不能去旅行，對於台灣的美食真係惦記得不行。第一時間必定要試一定是便當！先來一個百芳豬排便當和乾拌麵套餐（肉燥鹽酥雞乾拌麵），除了份量足，內搭粉絲、粟米、肉燥再配少量蔬菜，吃上口配上不同的配菜感覺都不同！豬排香酥炸得脆，麵粉不厚！乾拌麵肉燥鹽酥雞的配搭真的好好吃！乾拌麵的麵底不會太乾，拌起來都見到滑而不膩。小食方面選擇了炸花枝丸。飲品方面一定不少得台式飲品，芋圓奶茶和黑糖珍珠鮮奶加芋圓。芋圓煙韌軟糯，珍珠很彈牙，水準與台灣非常貼近! 彷如回到台灣的夜市生活。

我發覺百芳池上便當開始變咗我嘅飯堂，因為價錢又唔太貴，就食到台灣嘅風味。最近工作好大壓力，所以今晚要好好發洩一下，就叫咗香酥炸雞腿便當。超大隻雞脾，雞皮炸得鬆脆，雞肉仍然柔嫩。便當嘅飯有我鍾意嘅粟米，粉絲，菜譜，仲加咗半隻蛋，非常豐富。今晚叫咗個小食，係皮蛋豆腐，我係好鍾意凍冰冰嘅豆腐，對我來講係一個甜品，仲要係一個健康嘅甜品，加埋皮蛋就更特別。最後嗌咗一杯黑糖珍珠鮮奶，其實一杯珍珠奶茶已經係好飽，但係今晚唔理啦，所有珍珠都比我食晒，好有咬口。正！