百益冰室

營業中

休息中

第一次喺度食個牛扒歐陸早餐，牛扒係煎嘅所以好食，好多茶餐廳快餐店都係炸ge,條腸都好長唔知係邊度好食，橙汁焗豆點綴，煎蛋正常，牛油多士都算大塊，凍檸啡要加$9,算係中上嘅茶餐廳！

本來打算頹食街坊茶餐廳，無對食物有咩期待，所以食前無影相亦唔打算對哩間餐廳評頭品足，但佢咁嘅待客方式我覺得值得一提。一行三人，叫足三個小菜，加錢叫埋飲品，我覺得唔可以話豪客但一定唔可以話係所謂「乞兒客」。利申啲煲仔小菜熱辣辣，除咗較油膩同個龍躉煲大部分都係骨（未知是否知個別事件）就無咩投訴。個問題係出喺食完之後。一擺低筷，侍應以極短時間收碗碟，收埋張墊枱紙，當時我杯嘢都未飲完。佢收嘢嘅「同時」向在靠門位置嘅侍應大聲詢問「出面有無人等緊？」因為真係無人等緊所以出面個侍應就答佢無。當時間餐廳的確係full哂，但係咪需要咁樣喺個客面前講呢？同埋以人均超過$85嘅消費嚟講，就算個客食哂之後俾多10分鐘佢飲埋啲嘢/飲多杯水都唔過份啦。仲未完㗎。一嚟出面無人，一嚟條氣唔順，我咪慢慢飲埋我杯加咗錢嘅涷飲囉。過咗一陣真係有人嚟了，侍應喺門口大叫「卡位就嚟有佢地就走」。我望一望前方嗰一列卡位，我希望佢係暗指緊我啦，前面有啲未食完俾佢咁叫仲陰公豬。我當時坐嘅位係餐廳嘅中後段，聽得咁清楚一定係我聽力出色啦。我最後決定飲埋杯水就走啦，杯水好熱我估應該唔係我錯掛，我扔咗涷飲啲冰落熱水度想加速件事，但俾個侍應收埋

上個禮拜去食個下午茶，覺得味道唔錯價錢亦都合理，今日經過又入去食下午茶，叫咗迷你福建炒飯，凍檸茶，福建炒飯賣相唔錯，有一隻大蝦，好過落一啲好細隻嘅雪藏蝦，佢有落青豆，但同其他茶餐廳嘅豆唔同，食落都幾好味，我唔鍾意食青豆嘅人都覺得可以接受，其他材料都幾多，個炒飯底都算係合格，唔算特別好食，但係比其他好多茶餐廳都好少少，碟飯份量都夠，有一般嘅午餐8成差唔多，都算好食，凍檸茶都夠大杯，但係就冇乜檸檬味，不過不失普普通通，埋單49文，呢個價錢呢個質素係呢個區都算幾好，服務普普通通，不過出餐好快我上次食同今次食都係落單唔夠五分鐘就有得食，環境都算舒服，衛生亦都幾好，可能係新開嘅關係，應該會再有下次

樓下新開的百益冰室，晚黑放工經過幾次，見餐廳夜晚食客幾滿坐，看看門口餐牌，原來晚上被祇有小菜套餐供應，還有清蒸新鮮魚套餐。價錢也相宜，每個小菜跟一碗飯，一碗是日例湯，還有羅宋湯選擇。所以決定叫家人一起去食晚飯試試他家的小菜。當晚叫了店家的廚師推介鼓汁蒸白鱔，牛肋條煲。豉汁蒸白鱔非常好味👍鱔非常新鮮，。牛肋條煲也很出色，最緊要係個煲仔送上檯時超熱辣辣個煲仔發出扎扎聲，。👍見到餐廳都係街坊食客，個個都讚啲小菜好味。從此一個不煮飯的師奶又多了一個飯堂🫣🫣

第一次去幫襯這店，速度很快，但感覺令你食完好快啲閃人，味道很一般，沒有令人賓自如歸的感覺，比起同區來講，咁嘅質素略為偏貴，奶茶少奶比較苦澀。 服務非常麻麻，店員黑口黑面，非常趕客，搞到想快啲嗱嗱聲食完就要走。我是坐最後的卡位，有隻烏蠅仔同我一齊搶嘢食。

今晚第一次去光顧。見餐牌只有小菜，於是問店員有沒有其他碟頭飯餐牌選擇，他們回答說夜晚只有小菜供應，碟頭飯只在午飯時段才有。食完離開之後發現原來店員所講並非事實，炒粉麵飯供應時段是11:00-21:30。