百樂潮州酒家

營業中

休息中

有得揀真係唔好去，食物一般，未見過的侍應前吹後吹係咁叫交枱，食物以經唔平，態度差到，未試過食餐飯食得咁辛苦。見字請不要去待應黑面，發皮氣，真係眼到凸埋！唔知以為佢只待名人囉🤬🤬🤬🤬🤬我哋一家大細有小朋友，小朋友櫈放出面係咁話冇位送菜，傳菜位好死啫最緊要安全，跟住啲待應黑面又掉嘢，今時今日的服務態度，唔執笠都偷笑啦！以後認真呢間野千祈唔好去，去咗都比氣你受。早知睇睇食評，原來咁多人話差今日一睹佢嘅風采🤬🤬🤬🤬🤬🤬🤬🤬🤬🤬🤬🤬🤬🤬🤬

今天午餐想跟媽媽坐得舒舒服服食，就選了這家百樂潮州。媽媽喜歡嘆茶，點了清香鐵觀音，試了又真是比平常的滑及有茶味。潮州蒸粉粿 - 4件飽滿的粉粿，味道不錯，材料充足。金珠鹹水角 - 煙煙韌韌亦炸得很香脆，而且吃的時候並不感到油膩。潮式炒蘿蔔糕 - 蘿蔔糕炒得很香，媽媽說帶點點蝦醬味，吊出鮮味，炒得亦夠乾身。方魚肉碎泡粥 - 每次去潮州酒樓都會選這個，試試每家的泡粥，這裡的方魚乾帶有咸香，肉碎也多，兩個人份量剛剛好。 環境來說坐得較舒適，element 飲茶的好選擇。

很久沒有到九點站圓方逛街，今日約了朋友到這裏飲茶。朋友揸車到，因為有泊車優3小時，所以非常方便啊！百樂潮州就在1樓，地點不難找，環境不錯，到達後店員殷勤招呼我們二人座位，座位都尚算寬躺，當然每台與每台之間要有1.5米距離啦。我們急不及待地點了幾款點心，本人極鍾情蝦餃，所以必叫了百樂樂蝦餃皇- 蝦餃皮薄，大大隻蝦餃肉配以薄薄的蝦餃皮，超級好味。子薑牛肉腸 - 淡淡的子薑香味配以濃郁的牛肉碎再以一層薄的腸粉皮包著，味道一流。海鮮芋絲春卷 - 大大隻蝦做餡料再配以香味濃厚的芋頭，炸得外脆內軟，令人想食指大動。最後也忍不住叫了五香蘿蔔牛肚 - 牛肚肉腍入味，肉香四溢，五香靈魂配料，蘿蔔濃郁香惹。一餐非常滿意的下午茶。

放假到圓方逛街，先找餐廳醫肚，突然想飲茶，便決定入這間百樂潮州酒家。職員有禮，量體溫和登記後便可入座，雖然是平日下午兩點多，但入座率都有八成。餐桌間有透明膠板相隔，食得安心。我們選了菊花茶，香氣撲鼻。職員亦有奉上功夫茶和花生小碟。我們點了一碗潮州蠔仔泡粥，份量大而且材料豐富，有大量冬菇絲、肉碎和蠔仔，蠔仔新鮮肥美，使粥底味道濃郁。招牌點心孖寶，燒賣皇和潮州粉粿各兩件，這個組合可以一次試兩款點心。燒賣皇足料，絕對不像外面那些一口肥豬肉。潮州粉粿本來我都不太喜歡，總覺得只是在吃一堆粉團，但這裏的粉粿並沒有這種感覺，皮不會太厚，餡料味濃且多。潮式炒蘿蔔糕，外面有些薄薄的蛋絲包著，亦見有些蝦米的配料，一口吃下去，有些XO醬的香味，不辣而且有點甜甜的，亦不會炒得硬硬的，甚為驚喜！我們還點了芝士炸奶皇包，全部炸得金黃色，很是吸引！外脆內軟，中間是奶皇芝士餡，而且芝士並非浪得虛名，可以拉出芝士絲！下次有機會和家人再來吃潮州菜。

位於圓方一樓的百樂潮酒家交通絕對方便九龍站上蓋柯士甸經天橋過又得·午時人流多訂座會比較容易安排我哋叫咗點心1️⃣瑤柱蛋白炒飯⭐️⭐⭐️⭐/5熱辣辣嘅炒飯賣相又靚所有配料都切得細緻唯一挑剔係油多咗啲2️⃣炒麵⭐️⭐⭐️⭐/5炒麵炒得好真係難屋企更加做唔到嗰種鑊氣貴店的炒麵軟硬程度適中洋蔥🧅韮黃又炒得夠入味油係無可避免嘅整體👍🏻👍🏻3️⃣鮑汁雞腳⭐️⭐⭐️/5鮑汁好味又唔太杰量足夠浸透花生雞腳大大粒花生🥜燜得腍食都唔停口可惜雞腳卻燜得未夠腍扣分位🥲·二人承惠484🫖 飲茶嚟講算貴但食物質素及環境值👍🏻

超喜歡這間潮州菜，用料上乘，菜式滋味，服務殷切，早上可以食點心，晚上可以食小菜，我和家人都好喜歡到百樂潮州酒家用膳！一入座，店員立即奉上功夫茶🫖和餐前鹹菜小食，喜歡今次的小食，是金針雲耳烤麩，相當可口❣️而我們今次點了菊花茶🫖🍵，相當清新可口，推薦❣️📌蜜汁叉燒腸🐖$52叉燒腸相當滑，口感彈牙，餡料適中，叉燒顆粒比較細，但份量足夠，混入芫荽粒，多一番風味！沾上豉油更加好吃😋！📌蠔皇叉燒包🐷$42超好吃的叉燒包，蜜汁叉燒餡料適中，最喜歡他們的包體，帶有包香，相當有彈性，麵包質感超好！📌蟹子海皇炒飯 🍲🦐🦀$138必食❣️外表漂亮，打開蛋網，超級足料！！炒飯超高質素，粒粒分明，超驚喜有極多蟹子，帶子和大蝦，鮮味無窮，口感一流❣️❣️❣️❣️

來到九龍站不得不是呢一間潮州菜呢間正宗潮州菜 佢哋好多潮州撚手小菜都好出今次我就嗌咗個潮州鹵水蛋豆腐 佢個鹵水汁好鬼潮好惹味的滷水汁 豆腐好滑 鹵水蛋都好好之後就要咗個潮式煎蠔餅 心穎的方法烹調 食落唔會油膩 有好多蠔仔 非常之豐富之後就叫咗個潮州粉果 正宗潮州粉果皮薄餡靚 晶瑩通透 食落好鬼 香口最後就點少得我最愛的燒賣同牛肉。首先講下 燒賣 蝦肉紮實 用上新鮮豬肉秘製 大 大粒。 樂樂豬肉味濃郁之後就嚟多牛 肉 同樣都係大大粒 配上秘製喼汁 非常之醒 胃

我地一坐低，侍應就上咗每人兩細杯功夫茶同埋一碟鹹酸菜。每次食潮州菜第一樣最期待就係功夫茶，第二樣就係糖醋伊麵。呢度既糖醋伊麵有分單面同雙面，因為以往食開都係雙面，就加少少錢要個雙面。雖然等左一段時間，不過真係好味值得等，兩面都煎得好香脆。另外，仲叫左骨香滷水鵝肉，蜜汁叉燒腸同碧綠川椒雞球。骨香滷水鵝肉細細碟，上面有滷水鵝肉下面有滷水豆腐。微溫蜜汁叉燒腸已經分好六小份放便客人一夾就可以食。碧綠川椒雞球既珍珠葉炸得香脆惹味。

今日去開圓方附近做嘢，就決定去圓方入面嘅百樂潮州魚翅酒家飲茶食點心做lunch。今次點咗鮮雜菌杞子棉花雞、蠔皇叉燒包、蜜汁叉燒腸、金珠鹹水角、鴛鴦水晶包。呢度嘅服務唔錯，沖茶都嚟得好快而且個茶好有質素。棉花雞就一貫高水準，份量亦多。蠔皇叉燒包就有傳統叉燒包味道，入面餡料亦十足。蜜汁叉燒腸就切到好幾小塊，可以一口一啖好方便。鹹水角就外脆內軟，熱辣辣好好味。水晶包就係甜點，入面嘅蓮蓉及豆沙餡分別都好濃沃，甜度又適中。有機會我一定會再嚟呢度飲茶。

好耐冇食過潮州嘢。今日同朋友在圓方逛街，中午商場周圍都係人，好難搵位。2点來到食lunch, 大約要等十分鐘左右。呢度环境非常光猛，坐得舒服。服務態度好。今餐非常之正 。餐廳首先會上工夫茶，每個人2杯，茶夠熱真係好正，味道甘醇，令人眼前一亮。竟然有菊花茶，好香的花茶味道，水滾菜靚。我好鍾意食咸酸菜开下胃，吳太酸又爽口。呢間午市有点心，小菜。快手剔左幾样点心，佢哋都快嚟嘅，質素ok。翡翠蘆筍素餃 $52跟个名稱一樣翠綠，精緻，皮薄晶瑩通透，口味好清新，素淡得宜潮州蠔仔泡粥$68一大碗，份量十足。蠔仔和菇都幾多，吳錯嘅埋單又送上工夫茶，飲埋感覺很消滯，好貼心 。茶芥$22/位，小食$16

職員服務態度敷衍,差差差差差差 ...明白中午時段,人比較多...工作比較忙,但可以將說話的態度轉變一些,不可敷衍在客人身上,鹵水蛋鹵水豆腐,味道適中,但如果要食 味道重鹵水的人士,就不太適合了, 點心一般, 不過不失,兩麵王好食, 製作時間要久一點, 別外蟹子海鮮炒飯亦不錯... 總括嚟講服務員啲態度要改善一下...謝謝。

是日放假, 陪老媽子去左圓方行街行到咁上下, 都要搵野去醫下肚, 老媽子最鐘意就係飲茶, 所以就揀左間幾出名既百樂潮州食門面都幾新派, 傳統得黎又跟得上時代午市都幾多人黎食, 睇黎百樂潮州都幾受附近既打工仔歡迎首先先黎前菜, 有麵根, 雲耳等, 甜甜地幾開胃家鄉煎薄餅-$42夠鬆化, 夠香口, 幾似手抓餅, 配沙嗲醬異常地夾蝦餃皇-$62都幾大隻, 皮都可以做到晶瑩剔透, 入面既蝦都幾新鮮, 彈牙得黎唔梅, 最得意係中間有隻細既蝦餃, 幾好味叉燒包-$42叉燒包既料岩岩好, 唔會太多/太少, 配埋個包皮, 造出經典口味蠔仔泡飯-$68蠔都幾多, 而且完全唔腥, 每人都分到兩碗, 又好味又飽肚總結幾好味, 新派得黎又經典, 兩個人食得好飽都唔洗三百, 價錢都合理

同父母賀生日， 要揾間得體又唔失禮嘅餐廳， 黎到圓方呢間高檔茶居。先叫了個蟹子海皇炒飯， 上面有個蛋網包住， 賣相優勝於其他餐廳。臽頭一啖兩隻蝦， 好多蟹子粒，有菜，用料好足。飯夠乾身同鍋氣， 百幾蚊都很大碟。再叫個，菜苗鳳城水餃🥟， 水餃有豬肉， 香菇， 鮮蝦。 雞湯底有炸蒜，蔥，同埋少少芹菜，夏天無胃口可以一試， 有湯水又有菜， 夠開胃鮮甜。鮮雜菌杞子棉花雞， 雜菌去咗腥草味， 特別入味， 雞有兩件， 都嫩滑， 豬皮入味. 兩個人食份量足夠， 裝修別緻， 仲位於地鐵站。 價錢都算好合理。總括服務不錯， 坐得舒服， 長輩開心， 價錢合宜。

We visited on a weekday lunch hour, pretty glad we came at noon sharp as the place was quickly packed with customers. This Chiu Chow restaurant offered complimentary Kung Fu tea which are like shots of tea that one chucks down before the dim sum items. First up we had the Dim Sum Pork Dumplings Duo - Siu Mai and Fun Guo. This was a great pick as there was only two of us and we got to try out two varieties for the price of one, instead of having to order the Siu Mai and Fun Guo separately.And the

周日中午商場周圍食肆都好難搵位，百樂潮州都一樣。有位唔使等，不過要1小時還枱。首先，一坐低就上功夫茶，同酸菜，酸菜味度唔太酸又爽口，可以空口食🤪。快快脆脆剔左幾樣點心、佢哋都快嚟嘅。要讚下其中的潮式糯米卷和潮式韭菜棵，各有各風味。作為潮州酒樓，有呢款潮式糯米卷，一定要親熟食，蝦米臘腸都切得好小，糯米沉得好軟身入味，但又唔咸唔油膩，好啱啲要健康但又想食小小油膩的傳統食物😝。另外，潮式韭菜棵，好少有機會係普通酒樓食到，一碟三個，大大個，每個都包得滿滿的韭菜料，兩邊煎香，好有風味。下次嚟一定會再叫最後埋單，又再次送上功夫茶，飲埋感覺好消滯。