百好名宴

由於來自星加坡的朋友來港，想體驗香港飲茶文化，選了位於荃灣地鐵站附近、南豐中心的百好名宴酒樓。來之前在網上看了一些食評，好壞參半，所以都不敢抱太大期望。一進來，環境寬敞、夠光猛、冷氣充足，點心種類多元化，早市更有優惠，非常抵食！推介：魚肉釀茄子、炒米粉、鮮竹卷、燒賣、叉燒包朋友一家都吃得很開心，令他們在香港留下美好嘅回憶，係一次很好的體驗*如果唔想同人逼搭lift,可以選擇搭南豐中心商廈果邊嘅酒樓專用lift,快好多😄…查看更多

嚟飲下午茶好似趕客甘樣，熱到冇開冷氣咁款😁，冷氣都唔捨得開大比客人，祝福，怕熱千萬不要來😝服務態度一般，叫人嚟難過大海撈針，係非洲住開食咩都話好食既兄弟都話難食，調味鹹過十八區加埋的鹹魚，好食到上天堂…查看更多

而家香港食肆食物質素差冇服務都預咗，叫做支持香港經濟放假，一家人出去飲茶換來一肚氣。這家百好名宴在荃灣酒樓來說質素很一般，但勝在地方大，假期易搵位。催左好多次，等左一個小時，點心上齊但仲爭炒飯，催極都唔出。最後不知情情況下，將我個飯打包飯盒送上。食物質素差，燒賣嚴重乾蒸，蝦餃皮厚蝦又老又韌，鯪魚球皮厚個又實。服務態度差，完全冇服務地方大但服務員不足，要自助開位，沖茶加水，加一茶位費就收到足，完全沒有服務可言。…查看更多

飲個下午茶 都一肚氣， 啲點心一般 ， 啲服務就超差， 見到你舉手入單 ， 見到你都當睇唔到， 叫幾次都無人應。 幾個侍應仲成日行埋一齊吹水， 都唔想做， 唔想做就咪做啦，但係又要出糧， 啲酒樓執笠， 有人覺得好可惜 ， 呢啲未執得嘅酒樓都唔想做 ， 都唔想幫襯 ， 無服務嘅不如快啲執。 唔值得幫襯嘅酒樓。 …查看更多

今日同屋企食飲茶，食左南豐中心的百好名宴，好多人要等位大約15分鐘。食左5個點心好滿足。燒賣不過不失，皮薄但會黏。南乳蒸豬手皮厚具膠質，肉質淋滑，南乳惹味，口感不錯 。馬拉糕不太甜，可接受，有庶香味，糕身鬆軟，甜度適中。蜜汁叉燒腸粉的叉燒嫩滑，腸粉皮不厚。蝦餃皇皮內有大隻蝦肉，爽口彈牙，一口一隻十分美味 。點心出菜時間較長，偶爾會有漏單的情況。總結點心種類多，味道整體來說中規中矩。 環境舒適，適合家庭聚餐。…查看更多