百喜茶餐廳

營業中

休息中

一連兩日光顧都嘉和園這間小店，如網友所言，食物果然美味出色。我在這區住了多年，一直只是往外面搵食，卻原來「美食」就在附近！昨午去吃乾炒牛河，牌價是$40連飲品，後來才知道2:30開始下午茶，乾炒牛河是其中一款特價食物，只需$35。牛河一上檯，濃烈的鑊氣攻鼻而來，已經很久沒聞過這麼香的乾炒牛河了。河粉內有洋蔥和芽菜，豉油均勻地兜滿了河粉，條條色澤鮮明，令人垂涎。調味亦剛好，我加了少許辣醬同吃，味道更佳。牛肉看似吸引，可惜梳打粉落得重手，令肉味流失不大好吃，實在有點敗筆。不過，就算是單吃炒河，就已經十分美味了。熱飲的檸茶味道很淡，沒有茶味，並不合格。今日再去，試了其招牌快餐之一：特色無骨海南雞飯，$44連例湯和飲品，今次點了茶走。例湯是家常式的青紅蘿蔔湯，但我那碗只有一件紅蘿蔔，飲得出味精頗重，不過喝完後也沒有口渴。茶走卻不錯，茶味重又有濃滑口感，沒苦澀味，比檸檬茶好得多。主角無骨海南雞飯甚有特色，口感層次豐富。先看看內容：大大碟有味飯有少許黃色，但又沒有雞油飯那麼油膩，可能只是用雞汁來煮。去了骨的雞肉亦經醃製，肉質綿軟嫩滑，份量也不少。飯的右邊放了薑蓉和酸甜汁，汁內混有很多蒜蓉；左邊則有

冇諗過毫不起眼既小店的海南雞飯㚈賣送上門（$43) 可以甘好食，油飯有味但唔油膩，去骨雞肉滑滑的，加埋個泰式醬汁👍🏻👍🏻👍🏻店主，如果泰式醬汁可以另上及俾多d,應該會更好

唔知點解放工之後好攰，係攰到差唔多企喺度都瞓得到嗰隻，喺呢個時候一定唔會買餸煮飯，就諗住求其去一間茶記外賣炒粉麵返屋企食就算。乾炒牛河，連價錢都忘記咗，係外賣貨返到屋企都預咗冇曬鑊氣，但係打開個飯盒立即香氣撲鼻， 隔咗一段時間仍然有咁樣嘅氣味，河分又炒得上曬色，證明個師傅嘅炒功絕對有番咁上下功力，牛肉軟淋又夠味，油量又唔算多，兼且芽菜又爽口，真係唔係簡單貨色。相信好多酒樓裏面嘅師傅都冇呢一個炒功， 我就知，因為我老豆以前都係大廚，我自己 曾經都係個廚師，呢間茶記個師傅真有料。

四月下旬·晴嘉和園地下雖然只是一條短短的掘頭小巷，但在這裡可以找到好幾間食肆。當中除了人氣最旺盛的日月星以外，還有這間茶餐廳。不要看這裡外表不大起眼，但每逢飯市也會座無虛席。在餐牌上可以發現幾款招牌必吃菜式，當中海南雞飯及馬來咖喱牛坑腩飯都是熱賣菜式，我的心水反而是一味粟米雞絲飯。這一天來吃午飯，又點了這一味。先來例湯，是簡簡單單的冬瓜湯。夠熱而清鮮，很不錯。粟米雞絲飯來到，雖然墊底的是罐頭粟米羹，但用上的雞肉卻是新鮮貨。口感鮮嫩而肉味濃郁，配上粟米羹絕對是一等一的下飯品。晚上來的話，店子的小炒及煲仔菜式也做得很不錯，值得一試。是值得一試的小店。