百份百餐廳 (平田商場)

:) 2025年8月31日 (星期日) 3:00pm 32°C 環境光亮整潔，餐具乾淨。:) 人數：2人 HK$84 不用等位 黑糖雪山西多士 - 賣相絕對 100 分，一碟四件，每件大大塊，廚師炸得金黃，外層少脆，塗抹煉奶，味道更加香甜，頂層灑上粉紅色和黃色棉花糖點綴，視覺享受，擺盤技巧不錯。【推介之選】❤❤❤ 熱杏仁霜 - 杏仁香味撲鼻，甜美養顏，熱騰騰，暖入心窩，本人至愛！【推介之選】❤❤❤【 溫 馨 提 示 】：❶ 收現金、八達通、支付寶、微信❷ 不收加一服務費…查看更多

我買咗兩份下午茶餐，俾錢後立刻同收銀員講可否改飲品,她說唔可以改已經整咗，我剛剛俾錢點解整咗呢？之後我等咗35分鐘，等嘅中間我問收銀員（你又話整咗，點解現在仲未有得攞）她又另外一番（你啲係炸嘢梗係耐啦）佢掛住同隔離傾偈都冇理會我，我覺得佢啲態度極差。…查看更多

收銀員態度非常惡劣，我買外賣，已經立刻叫她改單，她話唔改，她話已經整咗，但我等了半個鐘有多都未有得攞，我再問她有得攞未，她又另一番說話，話我啲係炸嘢未有咁快，還要同旁邊個女仕細語。…查看更多

喺下午茶時間收工，屋企樓下就係百分百餐廳，於是入咗去。本身想食西多士，西多士有得揀糖漿或者煉奶，揀咗糖漿。不過又有啲肚餓，於是嗌多咗個爽蛋酸辣魚片頭米線，米線可以揀辣度，除咗魚片頭仲可以揀貢丸或者豬肉片，都好多唔同選擇。下午茶仲包飲品，嗌咗朱古力同埋熱杏霜，朱古力仲可以揀濃啲，飲落真係濃味啲唔係其他餐廳水溝牛奶嗰啲，而杏仁霜都好香濃好香滑奶味都有杏仁味，唔係真係Hea你真係有落足粉去開嘅。成餐飯好滿足，到兩杯飲品好surprise，冇諗過茶餐廳都飲到咁濃味嘅飲品。…查看更多

百分百喺全香港基本上每個區都有，因為佢好抵食，味道好好二份量亦都十足，好彩麗港城都開咗一間，咁樣附近嘅居民都有得食。呢間茶餐廳提供好多唔同選擇，午餐有焗飯，碟頭飯，西式意粉，林林總總任君選擇。…查看更多

估不到大型餐飲公司會養了此一批員工。員工掛住料理外賣，收銀掛住吹水。入坐五分鐘，無人理會，又無餐牌供應，如入無人管理店。選擇向收銀和另一貌似店長人反映。那人說自己是面包部，又無人理會反映。想食份茶餐啫，咁難？…查看更多

抵食！每次去都水到渠成，甚至不需要有任何想法個人最推薦滑蛋系列，麻辣牛肉滑蛋飯、滑蛋蝦仁叉燒飯，上桌率超高工作餐、日常餐很好的選擇，服務態度、味道都超過平均水平！…查看更多

已經特別備註，叫咗小鹹但係都係好鹹，可能師傅慣咗手勢，無可奈何。外賣餐牌冇得加飯，但係備注時講明加白飯，到取餐時先至另外再見俾錢，餐廳都肯照做，彈性處理值得讚。…查看更多

想起都有一兩年沒去了，就想想試下吧（平常到啟田商場那邊多）。五點多去到，見人不多（坐了四分一到三分一左右吧，點了三個下午茶，結果等了差不多半小時，收銀一直sell人買蛋糕，都冇理我等到變化石，門口入去個位仲有陣怪異氣味。而且回家後發現有一個餐是錯的（雞扒焗什麼變了肉醬意粉，怪自己等這麼久沒看清楚），味道就是一般餐廳的水準，肉醬意粉的意粉是帶辣味的，如果怕辣既朋友唔好叫，雞髀還好，薯條本身外賣就冇寄望過會脆（事實比我理像中好，起碼唔係勁林過種程度）反正我不會再幫襯了。…查看更多

平田呢間百份百係呢幾條村黎講確實唔錯同埋款式真係算多，所以屋企人間中都會去幫襯。·但佢焗飯/意粉既包裝真係令人好費解。每次都張嗰銀色面向上紙面向底，嗰紙面完全會同成塊焗飯既芝士黐實咗，如果夾硬起番佢落嚟就一定食到啲紙，完全分唔開，同埋令到個外貌真係核突好多。·屋企人今日忘記佢個包裝係咁，中午買咗佢地既外賣紅白鴛鴦焗飯番黎，完全同意料中既一樣，依然係紙面向底，啲紙又同芝士醬汁融和埋一齊😩真係好失望。·之前見過其他食客都已經講過呢個問題，但都冇改進到，出面其他快餐廳都係紙面向上，我確實唔明白點解呢間咁特別。雖然佢嘅醬汁係唔錯，但外賣嘅話真係唔會建議食佢嘅焗飯/意粉，一係就預咗食唔到塊芝士。😑…查看更多

早左收工，係平田想食茶餐廳，得2個選擇，今日就揀左佢。唔知幾時開始藍田好似比呢個集團承包左一大部份嘅茶餐廳🙈🙈。其實又唔係話唔好食，但係幾間唔同名啲嘢都差唔多，變相選擇少咗，所以我都係隔好耐先識佢一次。今日就叫咗個下午茶餐，可能始終係下午茶餐嘅關係，嗰個黑椒牛肉炒意粉個份量真係比較少，仲有杯凍檸茶，佢哋唔會放檸檬嘅，話就話用先檸檬汁，不過我都係鍾意有檸檬可以自己篤開心D。…查看更多

咖啡唔夠奶唔夠咖啡味似水咁已經夠衰，WechatPay coupon 寫明可使用優惠，埋單就話電腦壞咗唔畀用，離晒大譜，要客人力爭先肯退回，店長仲講到好似畀大恩大德啲客咁。…查看更多

今日同老公去藍田行魔鬼山，上山前當然要醫好個肚先啦，我老公話好掛住百份百嘅霸王雞飯，所以就嚟咗哩度喇。因為早嚟，所以唔使等位，早起的🦜兒有🐛吃我今天終於的起心肝試佢個得獎咖哩牛坑腩飯，之前通常都係叫焗飯或米線🍜，好，今次就睇吓係咪真係值得攞獎先。一嚟到嘅時候，賣相真係令我有點失望，心諗：「同餐牌上嘅樣差咁遠嘅喂！喬裝了嗎？」賣相嘅落差的確會有點影響我嘅食慾，不過算啦，我好著重內涵嘅試吓個汁先，咦，好香口、好濃郁喎，送飯真係一流不過如果可以辣少少就好喇，同埋汁都比較多油，是辣椒油嗎？如果係嘅話，可能用新鮮辣椒取代辣椒油會更好？牛坑腩又點呢？都好食喎！雖然牛肉味比較淡，但肉質就好彈牙，彈牙得嚟又唔會韌，都算好軟淋同唔痴牙飲品叫咗凍檸茶，哩度嘅凍檸茶一直都係我嘅至愛佢哋係成個檸檬拎去榨，所以好新鮮同埋會見到果皮果肉整體來說，味道同份量我都好滿意，老公都話好食…查看更多

話說本人今日6點落訂單，要求8點半foodpanda 送貨，已經有足夠時間比佢哋預備，點知間嘢到8點15分先通知foodpanda話唔做呢張單，本人係在職媽媽，預早叫定晚餐比年紀老邁和幼子係屋企食，唔駛老人家煮，點知佢間嘢話唔做張order就唔做，咁我屋企老人家同小朋友點呢？唔駛食？點解咁唔付責任？咁不如所謂？？?2個鐘頭預定都唔夠時間做？駛唔駛半年前訂定餐？ 離晒譜！！！！奉勸以後唔好再叫啦～人哋要幾個月前訂㗎，落咗單都可以唔接㗎，做唔做人哋話晒事，sorry一句都唔會有，仲要自己check 點解無咗張單先知。所以呢～食唔食大家自己諗啦！！！！…查看更多

12點55分落單蔥花滑蛋蝦仁飯本來大約十分鐘已經準備好攞得點知完全無人叫號碼取餐擺咗係收銀後面又等多十分鐘期間我已經問過整好未收銀check都無check就話未有最後佢自己都發現唔對路先去搵原來一早已經出咗餐返到屋企一打開！真係想唔發火都唔得真係失望到極點~咁嘅水準賣53蚊(跟熱飲一杯)一係就再煎燶啲帶出鑊氣宜家係啱啱好老咗但又唔香口唯一可取嘅地方係啲蝦仁無雪味仲入得口叫得滑蛋客人期望會見到濕潤嘅蛋汁囉百分百嘅“滑蛋”原來是咁的…查看更多