百份百餐廳 (天澤商場)

營業中

休息中

朋友話佢樓下開左間餐廳好多人食，叫我一定要去試下。咁就特登搭車去佢樓下食個下午茶，睇見餐牌好多野都好似好好味，價錢適中。但係，但係！！下午茶果ｄ炸魚炸脾竟然唔可以跟沙律，只有薯條。。結果唔係太餓既我照叫左炸脾薯條配紅豆冰，好熱氣，但係薯條真係好好食ＸＤ！！之不過點解舊脾成個波咁既？！好乾好硬，唔好食朋友叫左個肉醬意粉都好食！希望餐廳可以加番沙律同改善下個炸脾啦。。

個排係新開張，無論咩時候都滿哂座，要等位。一向中意湊熱鬧嘅我當然唔汁輸，去咗食個早餐。餐廳嘅裝修係走懷舊路線，而且啲枱凳係木造，好有fu~叫咗個五香肉丁餐肉米粉，湯唔肥好清，上面仲有啲蘿蔔絲，朝早食番少少菜，等我自我感覺良好啲。阿華田，比較稀，唔夠滑同香，不過都係預咗嘅，始終都係正宗港式餐廳嘅師父沖嘅飲品香滑啲。不過因為實在太多人，所以2個人坐張4人枱，就要同人搭枱，食得唔至在。而且依家啲早餐真係愈黎愈貴，咁就要30幾蚊TAT

我家附近新開的餐廳，每次經過也看見很滿座，經常大排長龍。襯著空檔，便來到百份百餐廳試試這次點了墨西哥瘋狂辣肉醬茄子意粉（$36），附送奶茶或咖啡。意粉的賣相不錯意粉的底部有少許辣椒油，將焗好的芝士、茄子、意粉和辣椒油拌勻，十分惹味呢雖然它的名字叫墨西哥瘋狂辣肉醬茄子意粉，其實不算很辣，沒有辣得很「瘋狂」！肉醬的份量太少，如果能把茄子切碎和增加肉醬的份量，一定更好吃！我是奶茶愛好者，無論平時多苦的奶茶，我也能喝下。可是這奶茶的茶底怪怪的，也不算苦，即使加糖也不能蓋過它的怪味，教人失望整體而言，$36的意粉作為下午茶，味道不錯，而且價格很便宜呢！

每一日見呢間餐廳排曬長龍，未試過既人一定誤以為佢真係好好食咁款，開業到而家，今晚終於去試試呢間野，結果超級失望，我從未試過食一D無味既肉絲脆味而且勁多油，我好佩服個廚師點可以整到完全無味既野食出黎，另外叫左個所謂現鮮茄焗豬扒腸仔飯，無鮮茄係用茄膏淋上去，味道不堪入目，我完全諗唔明白呢間餐廳為何可以晚晚排長龍，D人對食物無要求定係喜歡食無味道既野呢？本人十分難理解，最離譜同個阿姐講明少冰既飲品，水吧都可以比足差唔多成杯冰你，認真厲害，唔識聽中文既餐廳，我以後都唔會去幫襯，因為我仲想食其他美食，永遠無下次，請都唔會再去!

天澤商場係近期新開張左幾家餐廳，為有美食沙漠之稱嘅天水圍增添左幾滴新血，當中最為突出莫過於宜間百分百餐廳，見今日放假一於試吓佢先！餐廳整體裝修為復古風，座位亦非常舒適，下午茶時間不需要等位，一個人獨佔一張四人座卡位餐牌有分為早餐午餐下午茶，可惜下午餐不太合我胃口，所以試吓全日供應嘅招牌咖喱牛腩伊面，再可另外半價點一杯凍咖啡。等餐唔算太耐，凍咖啡非常有咖啡味有驚喜！甜味奶味亦有，但因個人口味喜歡比較甜，如果平時飲開冇咁甜記得叫少甜！咖喱牛腩伊面同照片有出入，麵餅唔算太多男士一定唔夠飽，餸有薯仔同牛腩，唔算太多餸牛腩亦偏向硬。應該吾會再返點。埋單44大洋，無加一，員工禮貌亦Ok!