白鮨 (太古廣場)

呢個 Shiro Bento 成套設計走精緻高質日式風。首先係 漬物 開場，清爽開胃。跟住就係重點嘅 精選刺身：有吞拿魚腩、牡丹蝦、赤貝、油甘魚同三文魚，每一款都係常見但高人氣嘅刺身拼配，油脂感同鮮甜度都有層次。燒明太子帶子壽司係其中一大亮點🔥，帶子厚實鮮甜，配上明太子微微鹹香同焦香，入口好立體。時令魚薄切做成 carpaccio，食落清新輕盈，可以同前面油脂感豐富嘅刺身形成對比。最後嘅 碎蔥吞拿魚腩丼真係畫龍點睛，用上肥美嘅 tuna belly 加蔥花，滑潤得嚟又唔會過膩，配飯食係完美 ending。以 HK$418 價位嚟講，份量唔算超大，但食材選擇同搭配都幾講究，適合追求質素同精緻感嘅人。整體感覺係「精緻便當」而唔係「飽肚便當」。…查看更多

食物質素平平非常一般， 大概在樓下food court買的質素差不多， 但是 如果要座在餐廳裏吃，在金鐘這個地段午餐時間一位難求， 所以也唯有將就吃吃。 職員態度不是太友善， 可能因為午膳時間太忙碌吧了。…查看更多

難得呢個月返金鐘，當然要食下以前係金鐘返工既時候久唔久都會食既美食「白鮨」，順便慰勞下自己🤭壽司定食總共有10件壽司，每款魚生都新鮮美味，卑紫蘇葉遮住左既係三文魚壽司，就連熟蝦都好鮮甜、鰻魚既醬汁加上炙燒後，又香又好味雜錦魚生飯定食有三文魚、吞拿魚、油甘魚、甜蝦、帶子、蟹柳、甜蛋，壽司飯再加上紫菜碎，整個壽司飯新鮮又好食樓底唔高，加上lunch time坐滿人，d聲完全走唔到，食物高質，而價錢當然係PP價，雖然佢d魚生食材唔算好高檔，但食到一個我覺得好食既午餐，it’s worth🤭…查看更多

太古廣場半開放式餐廳，好有格調🫶🏻刺身全部好新鮮牡丹蝦好大隻，好滿足🦐🦐🦐大拖羅冇得輸🐟🐟🐟帶子好甜，油甘魚油香好重火灸左口魚必點👍🏻👍🏻入口即溶，好好食三文魚籽粒粒都好飽滿，好新鮮😋😋😋生蠔已經有調味🦪🦪🦪每隻都好肥美，好新甜和牛烏冬🍜🍜🍜佈滿大大片和牛，牛味好重，完全唔會韌銀鱈魚西京燒🐠🐠🐠超好食，油份好足，魚肉好滑，調味岩岩好🤌🏻🤌🏻牛扒 3成熟🥩🥩🥩估唔到日本餐廳既牛扒可以咁好食完全唔會韌唔柴，肥瘦適中配埋黑椒汁，不得了柚子酒🥃🥃🥃酸酸甜甜好開胃，酒味唔濃，好岩女士…查看更多

金鐘想食日本嘢約咗朋友 要揀個靚仔啲嘅環境，發覺得兩個好啲嘅選擇係魚治同埋呢間，本身因為價錢好似實惠啲諗住魚治，但係點知星期六full Booking呢度有個叫Wilson唔知係咪經理服務超好，可以tailor-made我嘅要求，因為我好多魚唔食 好想特別讚吓佢呢個就係我嘅特性刺身set 因為我唔係咁鍾意食油甘魚嗰啲，所以就諸多要求之下就有多咗赤身同埋鯛魚 仲有帶子 好好味呀，海膽一啖就食咗啦 唔夠喉如果個餐有埋蒸蛋就跟完善 :)原來刺身set係冇沙律菜整體質素正常發揮，但係就唔算話好出色嘅鮮味 勝在環境同服務都唔錯 😌…查看更多