白鬚旗艦店 (已搬遷)

近年不時到西貢逛街及用餐，卻不知有白鬚這間餐廳，直至因為租約問題要關閉，才知悉有此餐廳。餐廳的風格悠閒，很適合不趕忙的人們談天說地，只是木椅比較堅硬，久坐有點難受。雞卷的尊容一點也不討好，卻原來出乎意料的柔軟和富肉汁，勝過外貌正常的炸春卷和魚餅。豬頸肉嫩滑，湯底帶有熱帶風情兼俱香草與椰漿的香氣，只是有點油膩。印尼牛丸的特色是混入了洋蔥打成，但還是比較喜歡潮式牛丸的爽口彈牙兼牛味濃郁，湯底卻是鮮甜美味的。可惜最想嘗試的牛骨湯飯沒有供應，雖然三人行，但最終只加多了一碗白飯，以牛丸河湯自製湯飯。不是咖啡人，但咖啡朋友對出品滿意。青檸梳打少甜清爽，很適合夏天飲用。…查看更多

印象中，幾年前同朋友去西貢時見到白鬚新開業。之不過打後每次去西貢，都係做完嘢要趕住走，冇機會嚟食～ 早排睇MM報道，知道佢哋就快結業，所以趕緊喺佢哋last day(8月3日)之前專程嚟幫襯一次！💪🏻🍜 白鬚印尼牛丸粉 (少辣) 😋😋😋😋😋冇豬肉含量嘅牛丸好香，有5粒咁多～ 仲包含細粒炸雲吞、豆卜、脆片、魚仔乾，米粉比台灣嘅更粗更實在，有少少咬口，而湯頭非常清甜，飲得出係自己煲嘅湯底，加上少少秘製辣醬，味道唔heavy，小編最後成碗清晒！😚🍢 泰式魚餅配參峇椰油辣椒醬😋😋😋😋😋平日套餐可以加錢揀一款小食，小編揀咗泰式魚餅～ 3件魚餅細細件，有泰式香料味而唔會太搶。魚肉有口感，點埋獨有嘅參峇椰油辣椒醬，少少鹹辣同帶啲椰油香 👍🏻☕️ 印尼曼特寧滴漏咖啡 (凍) 😋😋😋😋另外小編再加錢揀咗杯滴漏咖啡，可以自行將熱咖啡☕️加落冰🧊入面，亦可按個人喜好加入煉奶 🤗 小編先試熱啡，然後倒入冰杯再試，最後食完主食，再加煉奶 😎 可以一杯試晒三種飲法！午餐 💵💵💵 約港幣 $120/人 💁🏻‍♀️ 第一次幫襯，亦係最後一次 🙈 但仍然為食到好味、用心製作嘅食物而感到開心，用餐地方好舒服～ 唔知日後仲有冇機會堂食再見…… 無論如何，在此祝福各位有心人 🙏🏻 Life is no longer nothing to you all 💜🙆🏻‍♀️ 最後，喜歡嘅話，歡迎follow @foodirectory.hk！…查看更多

【2024 年 3 月】今次在西貢冇食海鮮 ...揀了間印尼餐廳食晚飯餐廳樓高兩層，也有戶外座位，可以帶埋毛孩用餐我哋入座嘅地下座位不多，但樓底極高，感覺很舒服我哋點了兩份店家招牌菜 ...儍媽。白鬚印尼牛丸粉 HK$74牛骨湯底清澈，油份不多，味道濃郁，跟米粉很夾印尼牛丸是店家自家製，加入了雞肉，冇豬肉成份跟平時食嘅牛丸好不同，口感較軟腍，冇咁彈牙仲有少雲吞、豆卜、炸蒜、香蔥等配料，非常豐富儍爸。白鬚牛骨湯飯 HK$118每日限量供應，幾乎每枱必點滿滿的一大碗堆成山嘅牛骨湯，賣相很吸引裡面除了有大大塊牛骨仲有煮到軟腍入味嘅牛腩和白蘿蔔點少少店家秘製辣椒油更滋味牛骨湯清甜不油膩，牛味濃郁拌入白飯一起食，開胃大開無添加味精，飲完整碗湯也不會口渴缺水平日晚飯時間可以優惠價加配自選是日小食一份和半價加配飲品。泰式魚餅 3 件 +HK$12。紫菜雞卷 3 件 +HK$12。青檸梳打 +HK$17.5** 以上分享是以我的口味、體質和情況作出分享及感受，一試 / 合用與否請自行決定…查看更多

1.     白鬍牛骨湯飯 $118 ❤牛骨湯味道淡，肉質較淋。2.     白鬍印尼牛丸粉 $74❤店舖主打牛丸自製，唯口感與普通牛丸無異，整體感覺平平，未能突顯特色。3.     泰式魚餅拼紫菜雞卷$56❤魚餅紫菜雞卷一般，如未有沾醬，未有任何味道。4.     手工啤 $58❤❤❤有淡淡的菠蘿味，是唯一亮點，不錯。5.     豆腐蛋糕 $58❤這款甜點中規中矩，沒有特別突出的地方。❤愈多愈推薦(最多5❤)龍豬情侶評價：如果未能坐塌塌米的你要留意，當天店員未有告知坐位為塌塌米，便帶了龍豬情侶到樓上的塌塌米就坐，坐位不太舒服及有點污漬，如不欲坐於塌塌米的你，謹記預先向工作員了解坐位為哪一種類。龍豬情侶認為價格偏貴，食物份量少，亦未有太大特色，不用特地到西貢用餐。推薦指數：3/10好味指數：3/10環境指數：6/10服務指數：6/10餐廳︰白鬚旗艦店地址︰西貢灣景街9號地舖…查看更多

牛肉湯底淡而無味， 完全唔合格。本身食物價錢已經偏貴， 加上如果要排隊， 完全唔值得畀錢食。😠嗌咗一個pho加春捲小食，失望至極。 春捲同啲粉一樣淋， 加上湯底冇味。 埋單好似二百幾蚊， 一個午餐一杯嘢飲， 除咗食個環境之外，食物質素完全唔值呢個價。反而同區有間做越南嘢， 街坊價錢， 雖然冇裝修但係好食勁多。 認真，識食一定唔會食呢間嘢， 排得隊嘅都一定係畀啲傳媒訪問呃咗過嚟。 如果喺西貢街坊就會知，呢間嘢除咗外國人會食，基本上冇乜人會入去。…查看更多

因為睇完某個YouTube Channel介紹，就約埋兩個朋友，特登入嚟西貢試由幾個鍾意玩水上活動年青人開嘅特色印尼小店，因為條片有講述佢哋會遲吓會搬鋪，作為mm （youtube channel嗰簡寫）小fan，叫做響應下個channel之外，都想試吓新菜式嘅☺️一入到去有好大浸香料味，非常之香同埋吸引，餐廳裝修佈局都好東南亞feel，有種青春活力嘅感覺，選址西貢值得一讚👍🏻✨招牌 白鬚牛骨湯飯 （每日限量發售）呢碗牛骨湯幾值得試嘅，洗得乾淨之餘，原材料足料冇落太多化學物質，帶點牛骨風味，市面上難啲搵到嘅。不過如果想食肉嘅人士，就唔好期待太多，因為呢幾塊真係會係純牛骨，有機會連帶少許牛骨骨膠原，但冇口感可言，只為所配嘅白飯，添加湯汁咁。順戴一提，白蘿蔔炆得幾好，好入味👍🏻🐮白鬚 印尼牛丸粉呢碗牛丸粉，麵條好似係普通米粉，手打牛丸幾特別，食得出係自家製，雖然我唔知正宗印尼牛丸係點，不過覺得呢款牛丸有啲過度吹捧，的確係彈力十足、肉味香濃，但就冇話內裏爆汁嘅感覺，可以再調節一下。🐷烤豬頸肉湯飯一碗望落似咖哩/沙嗲湯底嘅汁，點知只係一碗普通落黄薑，偏啖味嘅咖哩湯，朋友要再另外沾上自家製辣椒油先話夠味😂但烤豬頸肉，塊肉片烤得夠乾身，脆口香濃，沾埋辣椒油還好。冷檸檬茶呢度嘅檸檬茶係冇走甜嘅，我哋叫咗走甜，但完全被無視，服務態度麻麻，明明餐廳都冇乜人🫢…查看更多

此店已Bookmark咗好耐, 驚見就快畢業, 立即跑來試下, 好在沒有失望 食物 : 白鬚牛骨湯飯 $118 ~ 大推, 雖然睇落唔吸引，除咗牛骨還有幾塊牛腩，D 肉唔鞋都好淋，湯底清甜有牛味, 好味 白鬚印尼牛丸粉 $74 ~ 牛丸扎實彈牙, 湯底幾香, 味道正正常常, 賣相唔錯 飲品 : 凍檸茶 $27 ~ 貴, 味道正常 環境 : 店內裝修有特式, 今次坐地下果層, 下次可以上二樓坐, 感覺應該會更正 服務 : 職員有禮貌 價錢 : HK$241 (有加一服務費)…查看更多

今日同朋友入嚟西貢行山，之後就去咗食少少嘢，跟住上網就見到一間餐廳都有好多好評，就決定試吓，餐廳都幾多人，不過一定要等位㗎喇，不過店員非常客氣，安排上都做得幾好！✔️牛骨湯飯，味道非常特別喺出邊嘅餐廳好少可以食到呢一種風味嘅牛骨湯飯，蘿蔔非常入味，而且好清甜，鍾意食蘿蔔嘅朋友絕對唔可以錯過非常好送飯，牛骨亦都非常惹味再加埋餐廳特別製嘅辣椒醬真係冇得輸！我同朋友都覺得幾好食，下次有機會會再返嚟幫襯其他唔同嘅嘢食！…查看更多

回頭度🍪7.5/10｜人均消費💰~$70-120-香港都比較少見印尼菜餐廳所以就吸引咗我入去食😍文藝嘅裝修 比人舒適嘅感覺不過餐廳做到八月就唔做了🥹大家入開西貢 就記得支持吓啦-🤍白鬚牛骨湯飯 $88（學生長者優惠）牛骨湯飲落有淡淡牛味🐮都有蘿蔔嘅清甜味 撈飯一流🍚牛骨都好大舊 要用手揸住食點辣醬食就更加惹味🌶️味道🌕🌕🌕🌕🌑-🤍烤豬頸肉湯粉 $63（學生長者優惠）個湯底類似咖喱+椰汁🥥但覺得咖喱味可以再重啲同埋豬頸肉浸完湯有啲淋不過米粉幾掛湯🍜味道🌕🌕🌕🌗🌑-✨泰式魚餅（+$12）✨紫菜雞卷（+$12）魚餅香茅味幾重🐟雞卷炸得好脆 配紫菜好食😚味道🌕🌕🌕🌕🌑-整體味道🌕🌕🌕🌕🌑抵食🌕🌕🌕🌗🌑…查看更多

西貢做完嘢，熱辣辣，想搵間坐得舒服嘅食嘢，於是就嚟咗呢度。雖然主打印尼食物，但係餐廳嘅裝潢同格局更似一間 cafe，窗明几潔，令人感覺舒服。原本想試牛骨湯飯同牛丸，但係可能嚟得晏咗，兩樣都售罄🥺，於是就揀咗個印尼雞湯飯。我承認揀呢個係畀塊印尼蝦片吸引咗😂，所以食物上枱時，第一時間就將佢幹掉，蝦片脆卜卜，好正。試一啖湯，湯底偏淡口，不過椰奶，香葉同香茅味好重，加埋青檸汁，係我鍾意嘅味道，撈飯食一流。除咗雞肉外，湯入面仲有雞蛋，豆卜，芽菜等，材料算豐富，食哂成碗白飯同餸，非常飽。嚟多杯椰奶咖啡，底層 cold brew 咖啡偏濃，配合上層厚厚嘅椰奶，剛剛好，唔苦，亦唔太甜，係椰汁味同咖啡味 balance 得唔錯嘅一杯飲品。…查看更多

西貢好多餐廳都係cafe形式同戶外露天⛺️咁岩有一日我同朋友做完運動 但都好涷 又大風💨所以好想食熱野 唔想坐出街吹風行過見到呢間餐廳格調幾chill🏝️佢有上下兩層 我諗夜晚喺度食嘢都幾有feel重點係有熱湯既野食 即刻雙眼發光 衝左入去🤩本身想嗌一個牛骨湯飯 點知賣晒🥹唯有嗌其他signature🥸叫咗一個印尼雞湯粉🍜一個烤豬頸肉湯粉🍜兩個湯底都差不多 都係有豆卜/青檸/一啲炸脆咗嘅碎碎亦都配上自家製嘅辣椒醬油 好似另外有得買一樽樽走辣椒醬油有啲似XO醬咁 都幾香喎雞湯嗰個呢就有脆卜卜炸蝦片🥠湯粉配有芽菜 兩個粉都係普普通通 食完記憶點不足 冇乜太驚艷嘅地方反而我幾鍾意個辣椒醬油 可以增加到個風味但係份量覺得都不太足夠 基本上食完都唔係好飽😅不過價錢唔係好平 亦都要加一所以都冇再嗌其他小食 同埋主要都係想食個牛骨湯飯🥺下次啦😂…查看更多

去西貢都有好多人推介嘅白鬚，所以難得黎到都要黎試一試。入到去環境闊落，帶有度假嘅感覺。白鬚牛骨湯飯 $108招牌菜，多數人推介。大大舊牛骨，連埋唔少牛肉、軟骨同筋膜。肉質偏瘦但唔會嚡口，湯底清甜唔太油膩，飲得到有蘿蔔香甜味。蘿蔔爽甜冇渣，牛骨湯上面灑上大量炸蒜粒同蔥粒，令整體更加惹味。如果牛骨湯加入其他牛肉，令到牛肉湯味較為濃，會更加出色。印尼雞湯飯 $78食落似味道較輕的印尼喇沙味，有濃濃嘅椰奶味，食落有香茅同檸檬葉嘅味道，可以自行加入青檸。入面配埋有雞肉絲、芽菜、豆卜，湯面上面有一塊印尼蝦餅。印尼曼特寧滴漏咖啡 跟餐半價咖啡味道濃香醇，不帶有酸味。另外配有煉奶可按個人喜好加入。…查看更多

再訪白鬚❣️呢間算係我覺得喺西貢數一數二好食嘅食店，何況主打印尼料理更為罕有。店內環境舒服，二樓仲有梳化區，夜晚會好chill咁喺大螢幕播電影🎞️。呢日行完山，特登嚟食個靚飯，順便挨住啲豆豆梳化放鬆一下😌😌1️⃣牛骨湯飯 ($108)每碗大概有3至4嚿牛骨，亦有牛腩同蘿蔔。牛骨湯經長時間熬製，飲落唔係好濃味，而係相對清甜嘅牛肉湯😋，無味精，飲哂成碗都唔會「涸」喉。 牛肉煮得好腍身，冇用太多調味料，所以肉味更突出。最地道嘅係個自家製辣醬，咸香辣共冶一醬，個人認為唔好加落湯，而係用嚟蘸點牛腩送飯，咁就同時食同清甜牛湯+惹味牛肉！😍2️⃣印尼雞湯粉 ($72)印尼雞湯（Soto ayam）係種黃色、帶香辣嘅雞湯，地道食法除咗可加入湯粉，仲有粉絲或白色米糕（Nasi Himpit）。呢度就冇得揀米糕，但飯/麵同樣夾！湯底濃味得嚟唔會太鹹，可能為迎合港人口味，地道薑黃味被較重椰香味取代；雞肉足料亦鮮嫩，配料有蛋、芽菜、豆卜同印尼風味十足嘅蝦片🤣 加埋自家製參峇辣椒醬，幾有特色。3️⃣炸素春卷 ($23)外皮酥脆，餡料調味適中，食落清爽唔油膩👍…查看更多

12月31日，2023年的最後一日，是日晚餐地點「西貢」。之前曾經到此店門外排隊，但由於當時趕時間，等不及，所以一直都未有機會試。今晚終於到此一試啦！點了「烤豬頸肉湯粉」，及「牛丸牛骨湯粉」，烤豬肉的肉，我覺得偏甜，湯底黃色，一上台仲以為是咖喱味。。。點知，食落口，感覺有點似「喇沙湯麵」的感覺，賣相是吸引的。有很多芽菜。面是正常。有豆卜。其實把碗內的食物「分別」咁去食，都算是好食。不過，當所有材料放在一起的時候，湯卻沒有做到「聯繫」的功能。因為很多時候，食物可能🤔會靠一些醬汁把所有食物連結在一起，先會有「一體」的感覺！但，這個湯面卻做不到，湯偏淡。確實有點失望。至於另一碗粉，味道都是ok! 但，都有著同一個問題，便是「連貫」性。最後的雞肉串，賣相一流！好喜歡雞肉外面微微的焦香，甜甜的，配搭「花生沙嗲醬」，好食😋比想像中好味。咖啡都是正常😗，沒特別驚喜！…查看更多

第二次食牛骨湯真係好好食？年前跟朋友嚟食過一次 記得牛骨湯好食特登入嚟西貢食多次雖然牛骨湯最貴但真係一定要叫成碗湯俾我飲晒豬頸肉湯麵都唔錯 豬頸肉燒得好香湯底充滿東南亞風味辣醬分開上唔怕刺激到咳咳咳下次再嚟都一定係食返牛骨湯只係坐位有啲曬都會食到好熱吓…查看更多