白石燒烤

教會桌遊搞BBQ🍢，冇咗九華徑後，揀咗白石，有人嫌遠唔參加，最後都有15人報名，之前幾日落雨☔️都擔心😕有祈禱🙏，真係皓天。叫咗10人海鮮套餐$1688同5人優惠套餐$838，10人海鮮套餐有彈牙海中蝦、蒜茸半殼帶子、元朗米埔烏頭王、蜜汁叉燒、雞扒、豬扒、雞中翼、海鮮三寶丸、爆汁芝味芝士🧀腸、雞肉腸、台式脆皮腸、迷你日本🇯🇵甜薯同香甜粟米🌽。5人優惠套餐有蜜汁叉燒、雞扒、豬扒、雞中翼、海鮮三寶丸、爆汁芝味芝士腸、雞肉腸、台式脆皮腸、迷你日本🇯🇵甜薯同香甜粟米🌽。每個餐都有燒烤🍖叉、鉗、餐具🍴、蜜糖🍯同炭。烏溪沙站可22分鐘行過去，有人有車就車站接送就5分鐘內到，停車場🅿️$80泊車。星期五唔算多人，可任揀爐，見到職員🧑‍💼燒乳豬，不過要加錢。憑飛攞嘢食再叫職員開爐，飲品🥤一水一汽水🥤，有兩個網，所以一個爐網燒，一個爐就咁燒，食物🥘已解凍，除咗元朗烏頭王同埋蝦。有埋本功課📄本教你燒嘢食，但唔係大路嘢。第一二轉通常燒腸同丸飽肚，同時放扇貝上網燒，不過太乾，要加水。之後燒蝦，但一大舊冰。後來攞咗元朗烏頭王同另一舊蝦去解凍先。雞翼醃得皓皓，外脆內滑。燒烏頭王燒咗皓耐，但肉質都算滑，正，臨走散場有friend車幾轉出烏溪沙站…Read More

人生第一次寫食評 因為真係著咗我哋訂咗間房俾小朋友慶祝生日間房除返開收我哋$1800 蚊 嗰間所謂嘅房簡陋到一個點 而且好明顯係一個貨櫃入邊唔係期望到好似五星級酒店咁靚 但係收得千八蚊冇諗過咁出眾 真係好癲 唔明點解咁多好評 呢個係咩世界？ 又來講吓啲嘢食 $1888一個10人餐 呢份量少到五個人都覺得少 都唔緊要啲食物完全係垃圾級別 唯一令我大開眼界嘅係我人生第一次見到細個指甲嘅扇貝 咁佢都搵到冇辦法唔佩服佢 連一啲最正常嘅豬柳腸仔 都咸到癲 如果大家真係想見識吓細個指甲嘅扇貝不妨一試…Read More

燒野食想 試D 新野, 聽左好耐可以自己烤乳豬, 所以搵到白石燒烤。它在馬鐵尾站有接駁小巴, 跟指示就可以入到去。 附近仲有個高爾夫球練習場，唔入去都唔知。同時亦都係自助貨櫃場，好彩當日無太多貨櫃車出入。我地12點未夠入就入左去，場地好大，未見太多人。 早一日已經訂左10人餐，可有一個冷氣貨櫃，燒到一半可以入去休息下，幾好。同時場入面都有唔同的小遊戲和充氣城堡俾場內人仕去玩，當然係要另外收費。講返食物，餐入面已經包哂平常燒烤的食物，亦有海鮮 (魚、蝦、扇貝)，可以用燒烤叉或者燒烤網去燒(都有提供)。食物質素就老實普普通通，以性價比就無咩可言, 因為人平均 400。我地另外叫左乳豬，又要800左右，都係職員準備好，俾我地自己燒。跟住燒烤秘笈，用左1個小時，我地成功燒到脆皮乳豬總結, 試一次自己燒D 大型食物是一次唔錯的體驗，就看你想唔想。不過就住出去俾同樣價錢係人地燒好切好招呼你，仲要唔駛熱幾個鐘。…Read More

場地雖然好靚但係食物好貴乜嘢都繼續收費服務員態度極之差我哋要求幫忙點火佢對我哋好差問服務員怎樣去沙灘？佢嘅回應係好差好差貼錢買難受絕對唔會有下一次點解香港會有一個咁靚嘅地方？可惜有咁差嘅態度仲要係香港人真係好失望好失望…Read More

周末晏啲起身，同三五知己揸車閃到一間嘅燒烤場。哥哥，入到場一陣清新海風，心情已經爽哂。撈齊啲燒烤工具，即刻開燒！我廳預咗個海鮮拼盤，鮮蝦🦐爽口得滯，彈牙到講嘢都咬唔實。帶子放上架起爐，燒得微焦邊，一啖入口，蒜香味夾帶啲海鮮嘅鮮甜，齜牙好食到停唔到口。燒雞翼嗰陣，就爭埋搶去轉架，皮焦香肉滑嘅至正雞翼，啖啖滋味，啤酒嘅最佳拍檔。時不時夾吓爆汁芝士腸同脆皮台式腸，火候啱晒，外皮炸得剛剛好，咬落去汁水四溢，脆卜卜嘅腸衣，芝士味剛剛好，令人忍唔住一嚿接一嚿。甜薯同甜粟米都烤得啱啱好，蜜汁包裹嘅粟米甜中帶咸，軟糯嘅甜薯入口即溶，令人心情都甜蜜起來啊😋。食到夜幕低垂，吹住海風，帶少少燻燒嘅氣息，我嘅五臟廟都話嘢，實在係周末放鬆嘅好選擇。食物質素過硬，氣氛悠閒，至爽至靚嘅燒烤夜，諸位唔試點對得住肚皮呀？下次再約埋其他啲狐朋狗友來過呢個海風BBQ盛會！🎉…Read More